നാ​ളെ അ​ധ്യ​യ​ന​വ​ര്‍​ഷം ആ​രം​ഭി​ക്കു​മ്പോ​ള്‍ സ്‌​കൂ​ളു​ക​ളി​ല്‍ ജ​ല​ക്ഷാ​മം രൂ​ക്ഷം
Wednesday, May 31, 2023 5:23 AM IST
കാ​സ​ര്‍​ഗോ​ഡ്: ജി​ല്ല​യി​ല്‍ ഈ ​വ​ര്‍​ഷം പു​തു​താ​യി സ്‌​കൂ​ളി​ലെ​ത്തു​ന്ന ഓ​രോ കു​ട്ടി​യും പ്ര​വേ​ശ​നോ​ത്സ​വ​ത്തി​ന്‍റെ ഭാ​ഗ​മാ​യി സ്‌​കൂ​ള്‍ പ​റ​മ്പി​ല്‍ ഒ​രു തൈ ​ന​ട​ണ​മെ​ന്നാ​ണ് ജി​ല്ലാ പ​ഞ്ചാ​യ​ത്തി​ന്‍റെ നി​ര്‍​ദേ​ശം. മി​ക്ക സ്‌​കൂ​ളു​ക​ളി​ലും വേ​ന​ല്‍​ച്ചൂ​ടി​ല്‍ പാ​റ​പോ​ലെ ഉ​റ​ച്ച മ​ണ്ണി​ല്‍ ഇ​തി​നാ​യി കു​ഴി​ക​ളൊ​രു​ങ്ങി​ക്ക​ഴി​ഞ്ഞു. എ​ന്നാ​ല്‍ തൈ ​ന​ടു​ന്ന​തു പോ​യി​ട്ട് കൈ ​ന​ന​യ്ക്കാ​ന്‍​പോ​ലും വെ​ള്ള​മി​ല്ലാ​ത്ത അ​വ​സ്ഥ​യി​ലാ​ണ് പ​ല സ്‌​കൂ​ളു​ക​ളും. മി​ക്ക​വാ​റും അ​ടു​ത്ത ദി​വ​സം വാ​ടി​ക്ക​രി​ഞ്ഞ തൈ​ക​ളെ കാ​ണി​ച്ചു​കൊ​ടു​ത്ത് സ​സ്യ​ങ്ങ​ള്‍ വ​ള​രാ​ന്‍ വെ​ള്ളം എ​ത്ര​ത്തോ​ളം അ​ത്യാ​വ​ശ്യ​മാ​ണെ​ന്ന ആ​ദ്യ​പാ​ഠം കു​ട്ടി​ക​ള്‍​ക്ക് പ​റ​ഞ്ഞു​കൊ​ടു​ക്കേ​ണ്ടി​വ​രും.

സം​സ്ഥാ​ന​ത്ത് വേ​ന​ല്‍​മ​ഴ​യു​ടെ കാ​ര്യ​ത്തി​ല്‍ ഏ​റ്റ​വു​മ​ധി​കം കു​റ​വു​ണ്ടാ​യ ജി​ല്ല​യാ​ണ് കാ​സ​ര്‍​ഗോ​ഡ്. ജി​ല്ല​യി​ല്‍ പ​ല​യി​ട​ങ്ങ​ളി​ലും വേ​ന​ല്‍​മ​ഴ പെ​യ്തി​ട്ടേ ഇ​ല്ലെ​ന്നു​ത​ന്നെ പ​റ​യാം. മ​റ്റി​ട​ങ്ങ​ളി​ലും താ​ര​ത​മ്യേ​ന കു​റ​ഞ്ഞ അ​ള​വി​ലാ​ണ് കി​ട്ടി​യ​ത്. അ​തു​കൊ​ണ്ടു​ത​ന്നെ സ​മീ​പ​കാ​ല​ങ്ങ​ളി​ലൊ​ന്നു​മു​ണ്ടാ​കാ​ത്ത ത​ര​ത്തി​ലു​ള്ള ജ​ല​ക്ഷാ​മ​മാ​ണ് മി​ക്ക​യി​ട​ങ്ങ​ളി​ലും അ​നു​ഭ​വ​പ്പെ​ടു​ന്ന​ത്. ര​ണ്ടു​മാ​സം അ​വ​ധി​യാ​യ​തു​കൊ​ണ്ടാ​ണ് അ​തി​ന്‍റെ രൂ​ക്ഷ​ത ഇ​തു​വ​രെ സ്‌​കൂ​ളു​ക​ളി​ല്‍ അ​റി​യാ​തി​രു​ന്ന​ത്. പ​ല സ്‌​കൂ​ളു​ക​ളി​ലും കി​ണ​റു​ക​ളും കു​ഴ​ല്‍​കി​ണ​റു​ക​ളും പോ​ലും വ​റ്റി​യ നി​ല​യി​ലാ​ണ്.

പ​ല സ്ഥ​ല​ങ്ങ​ളി​ലും ജ​ല അ​ഥോ​റി​റ്റി​യു​ടെ​യും ജ​ല​നി​ധി ഉ​ള്‍​പ്പെ​ടെ​യു​ള്ള കു​ടി​വെ​ള്ള പ​ദ്ധ​തി​ക​ളു​ടെ​യും കീ​ഴി​ലു​ള്ള കു​ടി​വെ​ള്ള വി​ത​ര​ണം താ​ളം​തെ​റ്റി​യ​തി​നാ​ല്‍ പ​ഞ്ചാ​യ​ത്തു​ക​ള്‍ വാ​ഹ​ന​ങ്ങ​ളി​ല്‍ വെ​ള്ള​മെ​ത്തി​ക്കു​ന്ന അ​വ​സ്ഥ​യാ​ണ്. വ​രും​ദി​വ​സ​ങ്ങ​ളി​ല്‍ സ്‌​കൂ​ളു​ക​ളി​ലേ​ക്കു വേ​ണ്ടി​യും വാ​ഹ​ന​ങ്ങ​ളി​ല്‍ വെ​ള്ള​മെ​ത്തി​ക്കേ​ണ്ടി​വ​രും. കു​ട്ടി​ക​ളു​ടെ പ്രാ​ഥ​മി​ക ആ​വ​ശ്യ​ങ്ങ​ള്‍ മു​ത​ല്‍ ഉ​ച്ച​ക്ക​ഞ്ഞി​ക്കു വ​രെ വെ​ള്ളം വേ​ണ്ടി​വ​രും. പ​ല​യി​ട​ങ്ങ​ളി​ലും സ്‌​കൂ​ള്‍ തു​റ​ക്കു​ന്ന​തി​നു മു​മ്പ് ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലാ​യി ന​ട​ത്തി​യ ശു​ചീ​ക​ര​ണ പ്ര​വ​ര്‍​ത്ത​ന​ങ്ങ​ള്‍​ക്കു പോ​ലും വെ​ള്ള​മി​ല്ലാ​ത്ത അ​വ​സ്ഥ​യാ​യി​രു​ന്നു.

സ്‌​കൂ​ള്‍ പ്ര​വേ​ശ​നോ​ത്സ​വ​ത്തി​നു മു​ന്നോ​ടി​യാ​യി വി​ദ്യാ​ല​യ​ങ്ങ​ളി​ലെ കു​ടി​വെ​ള്ള​ക്ഷാ​മം സം​ബ​ന്ധി​ച്ച് ജി​ല്ലാ വി​ദ്യാ​ഭ്യാ​സ ഡെ​പ്യൂ​ട്ടി ഡ​യ​ര​ക്ട​ര്‍ വി​ദ്യാ​ഭ്യാ​സ ജി​ല്ലാ ഓ​ഫീ​സ​ര്‍​മാ​രി​ല്‍​നി​ന്നും ഉ​പ​ജി​ല്ലാ ഓ​ഫീ​സ​ര്‍​മാ​രി​ല്‍ നി​ന്നും റി​പ്പോ​ര്‍​ട്ട് തേ​ടി​യി​ട്ടു​ണ്ട്. ജ​ല​ക്ഷാ​മം നേ​രി​ടു​ന്ന സ്‌​കൂ​ളു​ക​ളി​ല്‍ പി​ടി​എ ത​ദ്ദേ​ശ​സ്ഥാ​പ​ന​ങ്ങ​ളു​മാ​യി ബ​ന്ധ​പ്പെ​ട്ട് പ്ര​ശ്ന​പ​രി​ഹാ​രം ക​ണ്ടെ​ത്ത​ണ​മെ​ന്നും അ​തി​ന് സാ​ധി​ക്കാ​തെ വ​ന്നാ​ല്‍ ഡി​ഡി​ഇ​യും ക​ള​ക്ട​റു​മാ​യി ബ​ന്ധ​പ്പെ​ട​ണ​മെ​ന്നു​മാ​ണ് നി​ര്‍​ദേ​ശം.

ക​ടു​ത്ത വേ​ന​ല്‍​ച്ചൂ​ടി​ന്‍റെ​യും കു​ടി​വെ​ള്ള​ക്ഷാ​മ​ത്തി​ന്‍റെ​യും പ​ശ്ചാ​ത്ത​ല​ത്തി​ല്‍ മ​ഴ വ​രു​ന്ന​തു​വ​രെ ജി​ല്ല​യി​ല്‍ സ്‌​കൂ​ളു​ക​ള്‍ തു​റ​ക്കു​ന്ന​ത് നീ​ട്ടി​വെ​ക്ക​ണ​മെ​ന്ന് വി​വി​ധ സം​ഘ​ട​ന​ക​ള്‍ ആ​വ​ശ്യ​പ്പെ​ട്ടി​ട്ടു​ണ്ട്. അ​തേ​സ​മ​യം ജി​ല്ല​യി​ല്‍ മാ​ത്ര​മാ​യി അ​ങ്ങ​നെ ചെ​യ്യാ​നാ​വി​ല്ലെ​ന്നും ത​ദ്ദേ​ശ​സ്ഥാ​പ​ന​ങ്ങ​ള്‍ ഇ​ട​പെ​ട്ട് സ്‌​കൂ​ളു​ക​ളി​ല്‍ ശു​ദ്ധ​ജ​ല ല​ഭ്യ​ത ഉ​റ​പ്പു​വ​രു​ത്ത​ണ​മെ​ന്നു​മാ​ണ് ഭ​ര​ണ-​പ്ര​തി​പ​ക്ഷ അ​ധ്യാ​പ​ക സം​ഘ​ട​ന​ക​ളു​ടെ ആ​വ​ശ്യം.

Copyright @ 2022 , Rashtra Deepika Ltd.