കാഞ്ഞങ്ങാട്: കൈത്തറി വസ്ത്ര ഡയറക്ടറേറ്റ് ജില്ലാ വ്യവസായ കേന്ദ്രം, ജില്ലാ കൈത്തറി വികസന സമിതി എന്നിവര്‍ ചേര്‍ന്ന് ഓണത്തിന്‍റെ ഭാഗമായി കൈത്തറി വസ്ത്ര പ്രദര്‍ശന വിപണന മേളയും സപ്ലൈകോ ഓണച്ചന്തയും കോട്ടച്ചേരി പെട്രോള് പമ്പിന് പിറകുവശത്തുള്ള കെട്ടിടത്തില്‍ ആരംഭിച്ചു. 14 വരെ നടക്കുന്ന മേളയില്‍ ജില്ലയിലെ വിവിധ യൂണിറ്റുകളില്‍ നിന്നും ഉത്പാദിപ്പിച്ച കൈത്തറി ഷര്‍ട്ട്, മുണ്ട്, സാരി, ചുരിദാര്‍, വിവിധയിനം അലങ്കാര വസ്തുക്കള്‍ എന്നിവ 25 ഓളം സ്റ്റാളുകളില്‍ 20 ശതമാനം ഗവ. റിബേറ്റോട് കൂടിയാണ് പ്രദര്‍ശനവും വില്പനയും നടത്തുന്നത്. സപ്ലൈകോയുടെ ഓണം ഫെയറും തൊട്ടടുത്ത് തന്നെയുണ്ട്.
മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. നഗരസഭ ചെയര്‍പേഴ്സണ്‍ കെ.വി. സുജാത മുഖ്യാതിഥിയായി. വൈസ് ചെയര്‍മാന്‍ ബില്‍ടെക് അബ്ദുള്ള അധ്യക്ഷത വഹിച്ചു. വാര്‍ഡ് കൗണ്‍സിലര്‍ എന്‍. ശോഭന, കെ. രാജ്മോഹന്‍, കെ.പി. ബാലകൃഷ്ണന്‍, കെ.വി. കൃഷ്ണന്‍, സ്റ്റീഫന്‍ ജോസഫ്, നൗഫല്‍ കാഞ്ഞങ്ങാട്, കരീം ചന്തേര, എം. കുഞ്ഞമ്പാടി, നിസാം, ടി.വി. വിജയന്‍, സണ്ണി അരമന, പി.ടി. നന്ദകുമാര്‍, ആന്‍റക്‌സ് ജോസഫ്, ജില്ലാ സപ്ലൈഓഫീസര്‍ കെ.എന്‍. ബിന്ദു, ജില്ലാ വ്യവസായ കേന്ദ്രം ഡെപ്യൂട്ടി റജിസ്ട്രാര്‍ വി.ബി. ഉണ്ണികൃഷ്ണന്‍, ജില്ലാ കൈത്തറി വികസന സമിതി പ്രസിഡന്‍റ് എ. അമ്പൂഞ്ഞി എന്നിവര്‍ പ്രസംഗിച്ചു. സപ്ലൈകോ കോഴിക്കോട് മേഖല മാനേജര്‍ ടി.സി. അനൂപ് സ്വാഗതവും ജില്ലാ വ്യവസായകേന്ദ്രം ജനറല്‍ മാനേജര്‍ കെ. സജിത് കുമാര്‍ നന്ദിയും പറഞ്ഞു.