സം​സ്ഥാ​ന​പാ​ത ന​വീ​ക​ര​ണം വീ​ണ്ടും അ​നി​ശ്ചി​ത​ത്വ​ത്തി​ൽ
Tuesday, September 17, 2024 1:51 AM IST
രാ​ജ​പു​രം: പൂ​ടം​ക​ല്ല് മു​ത​ൽ പാ​ണ​ത്തൂ​ർ ചി​റ​ങ്ക​ട​വ് വ​രെ​യു​ള്ള സം​സ്ഥാ​ന​പാ​ത​യു​ടെ ന​വീ​ക​ര​ണ പ്ര​വൃ​ത്തി​ക​ൾ നി​ർ​ത്തി​വ​യ്ക്കു​ന്ന​താ​യി കാ​ണി​ച്ച് ക​രാ​റു​കാ​രാ​യ കു​ദ്രോ​ളി ക​ൺ​സ്ട്ര​ക്ഷ​ൻ​സ് കെ​ആ​ർ​എ​ഫ്ബി അ​ധി​കൃ​ത​ർ​ക്ക് ക​ത്ത് ന​ല്കി​യ​തോ​ടെ കാ​ല​ങ്ങ​ളാ​യി ഇ​ഴ​ഞ്ഞു​നീ​ങ്ങു​ന്ന സം​സ്ഥാ​ന​പാ​ത ന​വീ​ക​ര​ണം വീ​ണ്ടും അ​നി​ശ്ചി​ത​ത്വ​ത്തി​ലാ​യി.

ക​രാ​ർ കാ​ലാ​വ​ധി ഡി​സം​ബ​ർ 31 വ​രെ നീ​ട്ടി​ന​ല്ക​ണ​മെ​ന്നും കാ​ലാ​വ​ധി നീ​ട്ടി​ന​ല്കു​ന്ന​ത് നീ​ളു​ന്ന സാ​ഹ​ച​ര്യ​ത്തി​ൽ പു​തി​യ നി​ര​ക്ക് അ​നു​വ​ദി​ക്ക​ണ​മെ​ന്നു​മാ​ണ് ക​രാ​റു​കാ​രു​ടെ ആ​വ​ശ്യം. ഇ​ക്കാ​ര്യ​ത്തി​ൽ തീ​രു​മാ​ന​മു​ണ്ടാ​കു​ന്ന​തു​വ​രെ മു​ഴു​വ​ൻ പ്ര​വൃ​ത്തി​ക​ളും നി​ർ​ത്തി​വ​ച്ച​താ​യി കാ​ണി​ച്ചു​കൊ​ണ്ട് ഇ. ​ച​ന്ദ്ര​ശേ​ഖ​ര​ൻ എം​എ​ൽ​എ​യ്ക്കും ക​ള്ളാ​ർ, പ​ന​ത്ത​ടി പ​ഞ്ചാ​യ​ത്ത് പ്ര​സി​ഡ​ന്‍റു​മാ​ർ​ക്കും ഇ​വ​ർ ക​ത്ത് ന​ല്കി​യി​ട്ടു​ണ്ട്.

2022 ഏ​പ്രി​ൽ 18 നാ​ണ് കി​ഫ്ബി പ​ദ്ധ​തി​യു​ടെ ഭാ​ഗ​മാ​യി 59.94 കോ​ടി രൂ​പ ചെ​ല​വി​ൽ സം​സ്ഥാ​ന പാ​ത​യി​ലെ പൂ​ടം​ക​ല്ല് മു​ത​ൽ ചി​റ​ങ്ക​ട​വ് വ​രെ​യു​ള്ള 17.2 കി​ലോ​മീ​റ്റ​ർ ഭാ​ഗം ന​വീ​ക​രി​ക്കാ​ൻ ക​രാ​ർ ന​ല്കി​യ​ത്. 18 മാ​സം കൊ​ണ്ട് പ്ര​വൃ​ത്തി പൂ​ർ​ത്തി​യാ​ക്ക​ണ​മെ​ന്നാ​യി​രു​ന്നു ക​രാ​റി​ലെ വ്യ​വ​സ്ഥ. പ്ര​വൃ​ത്തി​ക​ൾ വൈ​കി​യ​തോ​ടെ കാ​ലാ​വ​ധി ഈ ​വ​ർ​ഷം ഏ​പ്രി​ൽ 30 വ​രെ നീ​ട്ടി ന​ല്കി. എ​ന്നാ​ൽ ഈ ​കാ​ല​യ​ള​വി​നു​ള്ളി​ലും കോ​ളി​ച്ചാ​ൽ 18-ാം മൈ​ൽ വ​രെ​യു​ള്ള ഭാ​ഗ​ത്തെ ഒ​ന്നാം ഘ​ട്ട ടാ​റി​ട​ൽ മാ​ത്ര​മാ​ണ് പൂ​ർ​ത്തി​യാ​യ​ത്.

പാ​ത​യോ​ര​ത്തെ വൈ​ദ്യു​തി​ത്തൂ​ണു​ക​ൾ മാ​റ്റി സ്ഥാ​പി​ക്കു​ന്ന​തും മ​ര​ങ്ങ​ൾ മു​റി​ച്ചു​നീ​ക്കു​ന്ന​തും സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കാ​ൻ ബ​ന്ധ​പ്പെ​ട്ട​വ​ർ​ക്ക് സാ​ധി​ക്കാ​തി​രു​ന്ന​തും കാ​ലാ​വ​സ്ഥാ പ്ര​ശ്ന​ങ്ങ​ളു​മാ​ണ് പ്ര​വൃ​ത്തി നീ​ളാ​നു​ള്ള കാ​ര​ണ​ങ്ങ​ളാ​യി കു​ദ്രോ​ളി ക​ൺ​സ്ട്ര​ക്ഷ​ൻ​സ് പ​റ​യു​ന്ന​ത്. നീ​ട്ടി​ന​ല്കി​യ കാ​ലാ​വ​ധി അ​വ​സാ​നി​ക്കു​ന്ന ഏ​പ്രി​ൽ 30 ന് ​ര​ണ്ടാ​ഴ്ച മു​മ്പു​ത​ന്നെ ഈ ​കാ​ര​ണ​ങ്ങ​ൾ വി​ശ​ദ​മാ​ക്കി കെ​ആ​ർ​എ​ഫ്ബി അ​ധി​കൃ​ത​ർ​ക്ക് ക​ത്ത് ന​ല്കി​യി​രു​ന്ന​താ​യി ഇ​വ​ർ പ​റ​യു​ന്നു.
എ​ന്നാ​ൽ അ​ഞ്ച് മാ​സം ക​ഴി​ഞ്ഞി​ട്ടും ഈ ​ക​ത്തി​ന് തീ​ർ​പ്പ് ക​ല്പി​ക്കാ​നോ ക​രാ​ർ കാ​ലാ​വ​ധി നീ​ട്ടി ന​ല്കാ​നോ പൂ​ർ​ത്തി​യാ​യ പ്ര​വൃ​ത്തി​ക​ളു​മാ​യി ബ​ന്ധ​പ്പെ​ട്ട് ഏ​പ്രി​ലി​ൽ സ​മ​ർ​പ്പി​ച്ച ഭാ​ഗി​ക​മാ​യ ബി​ൽ തു​ക അ​നു​വ​ദി​ക്കാ​നോ അ​ധി​കൃ​ത​ർ ത​യ്യാ​റാ​കാ​ത്ത സാ​ഹ​ച​ര്യ​ത്തി​ലാ​ണ് പ്ര​വൃ​ത്തി​ക​ൾ നി​ർ​ത്തി​വ​യ്ക്കു​ന്ന​തെ​ന്നാ​ണ് ഇ​വ​രു​ടെ വി​ശ​ദീ​ക​ര​ണം.

ന​വീ​ക​ര​ണ കാ​ലാ​വ​ധി നീ​ട്ടി​ന​ല്കാ​ൻ ഇ​നി​യും വൈ​കി​യാ​ൽ ഡി​സം​ബ​റി​ലും പ്ര​വൃ​ത്തി പൂ​ർ​ത്തി​യാ​കി​ല്ലെ​ന്ന സാ​ഹ​ച​ര്യ​മാ​ണെ​ന്നും അ​തി​ന്‍റെ ഉ​ത്ത​ര​വാ​ദി​ത്വം അ​ധി​കൃ​ത​ർ​ക്കു ത​ന്നെ​യാ​യി​രി​ക്കു​മെ​ന്നും ക​രാ​റു​കാ​ർ പ​റ​യു​ന്നു.അ​തേ​സ​മ​യം ക​രാ​ർ കാ​ലാ​വ​ധി​ക്ക് ശേ​ഷം വീ​ണ്ടും സ​മ​യം നീ​ട്ടി​ന​ല്കി​യി​ട്ടും പ്ര​വൃ​ത്തി പൂ​ർ​ത്തി​യാ​ക്കാ​ൻ ക​രാ​റു​കാ​ർ​ക്ക് ക​ഴി​യാ​തി​രു​ന്ന​താ​ണ് പ്ര​തി​സ​ന്ധി​യി​ലേ​ക്കു ന​യി​ച്ച​തെ​ന്നാ​ണ് കെ​ആ​ർ​എ​ഫ്ബി അ​ധി​കൃ​ത​ർ പ​റ​യു​ന്ന​ത്.

ക​രാ​റു​കാ​രു​ടെ ക​ത്ത് പ്ര​കാ​രം പ്ര​വൃ​ത്തി​യു​ടെ കാ​ലാ​വ​ധി വീ​ണ്ടും നീ​ട്ടി​ന​ല്കു​ന്ന കാ​ര്യ​ത്തി​ൽ സ​ർ​ക്കാ​രാ​ണ് തീ​രു​മാ​ന​മെ​ടു​ക്കേ​ണ്ട​ത്. ഇ​ക്കാ​ര്യ​ത്തി​ലു​ള്ള സാ​ങ്കേ​തി​ക പ്ര​ശ്ന​ങ്ങ​ളാ​ണ് ക​രാ​റു​കാ​ർ​ക്ക് ഭാ​ഗി​ക​മാ​യ ബി​ൽ തു​ക അ​നു​വ​ദി​ക്കു​ന്ന​തി​ന് ത​ട​സ​മെ​ന്നും അ​വ​ർ പ​റ​യു​ന്നു.


ജി​ല്ല​യി​ൽ അ​ടു​ത്തി​ടെ ഇ​ത് ര​ണ്ടാം​ത​വ​ണ​യാ​ണ് കെ​ആ​ർ​എ​ഫ്ബി​ക്കു കീ​ഴി​ലു​ള്ള റോ​ഡ് ന​വീ​ക​ര​ണ പ്ര​വൃ​ത്തി​ക​ൾ ഇ​ഴ​ഞ്ഞു​നീ​ങ്ങി പാ​തി​വ​ഴി​യി​ൽ നി​ല​യ്ക്കു​ന്ന​ത്. നീ​ലേ​ശ്വ​രം-​ഇ​ട​ത്തോ​ട് റോ​ഡാ​യി​രു​ന്നു ആ​ദ്യ​ത്തേ​ത്.

അ​വി​ടെ ത​ർ​ക്ക​ത്തി​നൊ​ടു​വി​ൽ വീ​ണ്ടും ക​രാ​ർ നീ​ട്ടി​ന​ല്കാ​ൻ നി​ല്ക്കാ​തെ ക​രാ​റു​കാ​രെ ഒ​ഴി​വാ​ക്കു​ക​യാ​ണ് സ​ർ​ക്കാ​ർ ചെ​യ്ത​ത്.

അ​ത് ക​ഴി​ഞ്ഞ് ഒ​രു വ​ർ​ഷ​ത്തി​ലേ​റെ​യാ​യി​ട്ടും അ​വ​ശേ​ഷി​ക്കു​ന്ന പ്ര​വൃ​ത്തി​ക​ൾ​ക്കാ​യി പു​തി​യ ടെ​ൻ​ഡ​ർ വി​ളി​ച്ച് ക​രാ​റു​കാ​രെ ക​ണ്ടെ​ത്തു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ളൊ​ന്നും ആ​യി​ട്ടി​ല്ല. നാ​ട്ടു​കാ​രു​ടെ പ്ര​തി​ഷേ​ധം ക​ന​ത്ത​പ്പോ​ൾ റോ​ഡി​ലെ കു​ഴി​ക​ൾ നി​ക​ത്തു​ന്ന​തി​നു​ള്ള പ്ര​വൃ​ത്തി​ക​ൾ മാ​ത്ര​മാ​ണ് ന​ട​ന്ന​ത്.

സം​സ്ഥാ​ന​പാ​ത​യു​ടെ കാ​ര്യ​ത്തി​ലും ഇ​തേ സാ​ഹ​ച​ര്യ​മു​ണ്ടാ​യാ​ൽ പ​ന​ത്ത​ടി പ​ഞ്ചാ​യ​ത്തി​ലെ ജ​ന​ങ്ങ​ളു​ടെ ദു​രി​ത​യാ​ത്ര നീ​ളു​മെ​ന്നു​റ​പ്പാ​ണ്.

സം​സ്ഥാ​ന​പാ​ത​യു​ടെ പ്ര​വൃ​ത്തി ന​ട​ക്കാ​ൻ ബാ​ക്കി​യു​ള്ള കോ​ളി​ച്ചാ​ൽ മു​ത​ൽ ചി​റ​ങ്ക​ട​വ് വ​രെ​യു​ള്ള ഭാ​ഗം ഇ​പ്പോ​ൾ തീ​ർ​ത്തും പൊ​ട്ടി​പ്പൊ​ളി​ഞ്ഞ നി​ല​യി​ലാ​ണ്. വി​വി​ധ ബ​ഹു​ജ​ന​സം​ഘ​ട​ന​ക​ളും രാ​ഷ്ട്രീ​യ​ക​ക്ഷി​ക​ളും ഇ​തി​നെ​തി​രാ​യി സ​മ​ര​രം​ഗ​ത്തി​റ​ങ്ങാ​നു​ള്ള ഒ​രു​ക്ക​ത്തി​ലാ​ണ്.

ശ​ക്ത​മാ​യ സ​മ​ര​പ​രി​പാ​ടി​ക​ൾ:
മ​ല​നാ​ട് വി​ക​സ​ന​സ​മി​തി
റോ​ഡ് വി​ക​സ​നം ഉ​ൾ​പ്പെ​ടെ​യു​ള്ള കാ​ര്യ​ങ്ങ​ളി​ൽ മ​ല​യോ​ര പ​ഞ്ചാ​യ​ത്തു​ക​ളോ​ട് സ​ർ​ക്കാ​ർ കാ​ണി​ക്കു​ന്ന അ​വ​ഗ​ണ​ന​യ്ക്കെ​തി​രെ ശ​ക്ത​മാ​യ സ​മ​ര​പ​രി​പാ​ടി​ക​ളി​ലേ​ക്ക് നീ​ങ്ങു​മെ​ന്ന് മ​ല​നാ​ട് വി​ക​സ​ന സ​മി​തി ചെ​യ​ർ​മാ​ൻ സൂ​ര്യ​നാ​രാ​യ​ണ ഭ​ട്ട്. വ​രു​ന്ന 20 ന് ​ബ​ളാം​തോ​ട് വ​ച്ച് രാ​ഷ്ട്രീ​യ​ക​ക്ഷി ഭേ​ദ​മി​ല്ലാ​തെ എ​ല്ലാ വി​ഭാ​ഗ​ങ്ങ​ളി​ലു​മു​ള്ള ആ​ളു​ക​ളെ വി​ളി​ച്ചു​ചേ​ർ​ത്ത് ജ​ന​കീ​യ ക​ൺ​വ​ൻ​ഷ​ൻ ന​ട​ത്തും. സം​സ്ഥാ​ന​പാ​ത ന​വീ​ക​ര​ണ​ത്തി​ലെ അ​നാ​സ്ഥ​യ്ക്കും ആ​രോ​ഗ്യ മേ​ഖ​ല​യി​ൽ കാ​സ​ർ​ഗോ​ഡ് ജി​ല്ല​യോ​ടും മ​ല​യോ​ര ജ​ന​ത​യോ​ടും കാ​ണി​ക്കു​ന്ന അ​വ​ഗ​ണ​ന​യ്ക്കു​മെ​തി​രെ മ​ല​നാ​ട് വി​ക​സ​ന സ​മി​തി​യു​ടെ നേ​തൃ​ത്വ​ത്തി​ൽ ഗാ​ന്ധി​ജ​യ​ന്തി ദി​ന​ത്തിൽ ഏ​ക​ദി​ന ഉ​പ​വാ​സ സ​മ​രം ന​ട​ത്തും.

എം​എ​ൽ​എ​യും സ​ർ​ക്കാ​രും
ഇ​ട​പെ​ട​ണം: കെ.​ജെ. ജ​യിം​സ്
പൂ​ടം​ക​ല്ല് - ചി​റ​ങ്ക​ട​വ് റോ​ഡി​ന്‍റെ ശോ​ച​നീ​യാ​വ​സ്ഥ പ​രി​ഹ​രി​ക്കാ​ൻ ഇ. ​ച​ന്ദ്ര​ശേ​ഖ​ര​ൻ എം​എ​ൽ​എ​യും സ​ർ​ക്കാ​രും ആ​ല​സ്യം അ​വ​സാ​നി​പ്പി​ച്ച് അ​ടി​യ​ന്തി​ര​മാ​യ ഇ​ട​പെ​ട​ൽ ന​ട​ത്ത​ണ​മെ​ന്ന് പ​ന​ത്ത​ടി പ​ഞ്ചാ​യ​ത്ത് അം​ഗ​വും മ​ണ്ഡ​ലം കോ​ൺ​ഗ്ര​സ് പ്ര​സി​ഡ​ന്‍റു​മാ​യ കെ.​ജെ. ജ​യിം​സ് ആ​വ​ശ്യ​പ്പെ​ട്ടു.

ക​രാ​റു​കാ​ർ​ക്ക് കൊ​ടു​ക്കാ​നു​ള്ള തു​ക കൊ​ടു​ത്തു​തീ​ർ​ത്ത് എ​ത്ര​യും പെ​ട്ടെ​ന്ന് പ്ര​വൃ​ത്തി​ക​ൾ പു​ന​രാ​രം​ഭി​ക്കാ​നു​ള്ള ശ്ര​മ​ങ്ങ​ൾ ഉ​ണ്ടാ​വ​ണം. പ്ര​വൃ​ത്തി​ക​ൾ ഇ​നി​യും ഇ​ഴ​ഞ്ഞു നീ​ങ്ങു​ന്ന സാ​ഹ​ച​ര്യം ഉ​ദ്യോ​ഗ​സ്ഥ​രും ക​രാ​റു​കാ​രും ഒ​ഴി​വാ​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.