ഏ​രൂ​ര്‍ എം​സി​എ​ഫി​ല്‍ ബെ​യി​ലിം​ഗ് മെ​ഷീ​ന്‍ പ്ര​വ​ര്‍​ത്തി​ച്ചു​ തു​ട​ങ്ങി
Thursday, September 29, 2022 11:24 PM IST
അ​ഞ്ച​ല്‍ : ഏ​രൂ​ര്‍ ഗ്രാ​മ​പ​ഞ്ചാ​യ​ത്ത്‌ മാ​ര്‍​ക്ക​റ്റി​നോ​ട് ചേ​ര്‍​ന്ന് നി​ര്‍​മ്മി​ച്ച എം ​സി എ​ഫി​ല്‍ സ്ഥാ​പി​ച്ച ബെ​യി​ലിം​ഗ് യ​ന്ത്രം എ​ഴു​മാ​സ​ത്തി​ന് ശേ​ഷം പ്ര​വ​ര്‍​ത്തി​ച്ചു തു​ട​ങ്ങി. പ​ഞ്ചാ​യ​ത്തി​ലെ വി​വി​ധ വാ​ര്‍​ഡു​ക​ളി​ല്‍ നി​ന്നും ഹ​രി​ത​ക​ര്‍​മ്മ സേ​ന പ്ര​വ​ര്‍​ത്ത​ക​ര്‍ ശേ​ഖ​രി​ക്കു​ന്ന പ്ലാ​സ്റ്റി​ക് മാ​ലി​ന്യം എം ​സി എ​ഫി​ല്‍ എ​ത്തി​ച്ചു ഇ​വി​ടെ നി​ന്നും രൂ​പ​മാ​റ്റം വ​രു​ത്തി ഗ്രീ​ന്‍ കേ​ര​ള ക​മ്പ​നി​ക്ക് കൈ​മാ​റാ​ന്‍ വേ​ണ്ടി​യാ​ണ് അ​ഞ്ചു​ല​ക്ഷ​ത്തോ​ളം രൂ​പ ചി​ല​വി​ല്‍ ഗ്രാ​മ​പ​ഞ്ചാ​യ​ത്ത്‌ ബെ​യി​ലിം​ഗ് യ​ന്ത്രം സ്ഥാ​പി​ച്ച​ത്.
ഇ​ക്ക​ഴി​ഞ്ഞ ഫെ​ബ്രു​വ​രി​യി​ല്‍ മ​ന്ത്രി ത​ന്നെ നേ​രി​ട്ടെ​ത്തി ഇ​ത് ഉ​ദ്ഘാ​ട​ന​വും ന​ട​ത്തി. എ​ന്നാ​ല്‍ വൈ​ദ്യു​തി എ​ത്തി​ക്കു​ന്ന കാ​ര്യ​ത്തി​ല്‍ ഉ​ണ്ടാ​യ ഗു​രു​ത​ര വീ​ഴ്ച യ​ന്ത്രം പ്ര​വ​ര്‍​ത്തി​പ്പി​ക്കു​ന്ന​തി​ല്‍ ത​ട​സ​മാ​യി മാ​റി. തു​ട​ര്‍​ന്ന് മാ​ലി​ന്യ കൂ​മ്പാ​ര​ങ്ങ​ള്‍​ക്ക് ഇ​ട​യി​ല്‍ നാ​ശ​ത്തി​ലേ​ക്ക് പോ​കു​ന്ന ബെ​യി​ലിം​ഗ് യ​ന്ത്ര​ത്തി​ന്‍റെ വാ​ര്‍​ത്ത മാ​ധ്യ​മ​ങ്ങ​ള്‍ റി​പ്പോ​ര്‍​ട്ട് ചെ​യ്തു.
വാ​ര്‍​ത്ത ച​ര്‍​ച്ച ആ​യ​തോ​ടെ ബെ​യി​ലിം​ഗ് യ​ന്ത്രം പ്ര​വ​ര്‍​ത്തി​പ്പി​ക്കാ​ന്‍ ആ​വ​ശ്യ​മാ​യ ന​ട​പ​ടി ദ്രു​ത​ഗ​തി​യി​ല്‍ ഗ്രാ​മ​പ​ഞ്ചാ​യ​ത്ത്‌ അ​ധി​കൃ​ത​ര്‍ പൂ​ര്‍​ത്തി​യാ​ക്കു​ക​യാ​യി​രു​ന്നു. വൈ​ദ്യു​തി എ​ത്തി​യ​തോ​ടെ ക​ഴി​ഞ്ഞ ദി​വ​സം ക​മ്പ​നി അ​ധി​കൃ​ത​ര്‍ നേ​രി​ട്ടെ​ത്തി യ​ന്ത്രം പ്ര​വ​ര്‍​ത്ത​ന സ​ജ്ജ​മാ​ക്കി. ഒ​പ്പം ഹ​രി​ത​ക​ര്‍​മ സേ​ന പ്ര​വ​ര്‍​ത്ത​ക​ര്‍​ക്ക് ആ​വ​ശ്യ​മാ​യ പ​രി​ശീ​ല​ന​വും ന​ല്‍​കി.
യ​ന്ത്രം പ്ര​വ​ര്‍​ത്ത​ന സ​ജ്ജ​മാ​യ​തി​ല്‍ അ​തി​യാ​യ സ​ന്തോ​ഷ​മു​ണ്ടെ​ന്നും കു​ന്നു​കൂ​ടി കി​ട​ക്കു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ള്‍ രൂ​പ​മാ​റ്റം വ​രു​ത്തി​ക്ക​ഴി​യു​മ്പോ​ള്‍ ആ​വ​ശ്യ​ത്തി​നു സ്ഥ​ല സൗ​ക​ര്യ​മു​ള്‍​പ്പെ​ടെ ല​ഭി​ക്കു​മെ​ന്നും ഹ​രി​ത​ക​ര്‍​മ്മ സേ​ന പ്ര​വ​ര്‍​ത്ത​ക​ര്‍ പ​റ​ഞ്ഞു. സ്ഥി​രം സ​മി​തി അ​ധ്യ​ക്ഷ​ന്‍ ഷൈ​ന്‍ ബാ​ബു​വി​ന്‍റെ നേ​തൃ​ത്വ​ത്തി​ലാ​ണ് പ​രി​ശീ​ല​നം അ​ട​ക്ക​മു​ള്ള പ്ര​വ​ര്‍​ത്തി​ക​ള്‍ പൂ​ര്‍​ത്തീ​ക​രി​ച്ച​ത്.

Copyright @ 2022 , Rashtra Deepika Ltd.