കൊല്ലം: തേവലക്കര മർത്തമറിയം ഓർത്തഡോക്സ് സിറിയൻ ചർച്ച് ആൻഡ് മാറാബോ തീർഥാടന കേന്ദ്രത്തിൽ മാറാബോ പിതാവിന്റെ ഓർമ പെരുന്നാളും തേവലക്കര കൺവൻഷനും ഇന്ന് തുടങ്ങി എട്ടിന് സമാപിക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. .
ഇന്ന് രാവിലെ പത്തിന് ഒരുക്ക ധ്യാനം, ഉച്ചകഴിഞ്ഞ് മൂന്നിന് കൊടിമര ഘോഷയാത്ര, 5.30ന് ഡോ. യൂഹാനോൻ മാർ ക്രിസ്റ്റമോസ് കൊടിയേറ്റും. ആറിന് എംജിഒസിഎസ്എം പ്രോഗ്രാം ടേക്ക് എ ബ്രേക്ക് ക്ലാസ് ഫാ.റിഞ്ചു കോശി നയിക്കും. നാളെ രാത്രി ഏഴിന് കൺവൻഷൻ ഉദ്ഘാടനം ഫാ. ആമോസ് തരകൻ നിർവഹിക്കും. 7.30 ന് ഫാ. വർഗീസ് വർഗീസ് വചന ശുശ്രൂഷ നൽകും. ഒന്നിന് രാത്രി ഏഴിന് ഫാ. അലക്സ് ജേക്കബ് വചനശുശ്രൂഷ നൽകും. രണ്ടിന് രാത്രി ഏഴിന് ഫാ. കോശി വചന സന്ദേശം നൽകും. മൂന്നിന് രാവിലെ 6.45 ന് വിശുദ്ധ മൂന്നിൽ കുർബാന, രാത്രി ഏഴിന് ഫാ.പി .ടി ഷാജൻ വചന സന്ദേശം നൽകും.
നാലിന് രാവിലെ ഏഴിന് വിശുദ്ധ മൂന്നിന്മേൽ കുർബാന, പത്തിന് സൺഡേ സ്കൂൾ കുട്ടികളുടെ പ്രോഗ്രാം ഫാ. ഫിലിപ് തരകൻ ഉദ്ഘാടനം ചെയ്യും. ഉച്ചകഴിഞ്ഞ് രണ്ടിന് ശുശ്രൂഷക സംഘത്തിന്റെ തേവലക്കരഗ്രൂപ്പ് സമ്മേളനം ഫാ. പി.റ്റി ഷാജൻ ഉദ്ഘാടനം ചെയ്യും. രാത്രി ഏഴിന് മെർലിൻ ടീ മാത്യു വചന വചന സന്ദേശം നൽകും അഞ്ചിന് രാവിലെ വിശുദ്ധ മൂന്നിന്മേൽ കുർബാനയ്ക്ക് ഡോ. ജോസഫ് മാർ ദീവനസിയോസ്, എം അലക്സാണ്ടർ വൈദ്യൻ കോറോപ്പിസ്കോപ്പ, ജോൺ സി വർഗീസ് കോറോപ്പിസ്കോപ്പ തുടങ്ങിയവർ നേതൃത്വം നൽകും.
9.30 ന് ഇടവക ദിനവും ആധ്യാത്മിക സംഘടനകളുടെ വാർഷികവും. രണ്ടിന് യുവജനപ്രസ്ഥാനത്തിന് നേതൃത്വത്തിൽ മാറാബോ അഖില മലങ്കര ക്വിസ് മത്സരം സിബിൻ തേവലക്കര ഉദ്ഘാടനം നിർവഹിക്കും. വൈകുന്നേരം 6.30 ന് മുപ്പതിന് സമ്മേളനം ഡോ.ഗീവർഗീസ് യൂലി യോസ് ഉദ്ഘാടനം ചെയ്യും. ആറിന് രാവിലെ വിശുദ്ധ മൂന്നിൽ കുർബാന, വൈകുന്നേരം 6.30ന് കുടുംബ സംഗമം യൂഹാനോൻ മാർ പോളികേർപ്പോസ് ഉദ്ഘാടനം നിർവഹിക്കും. സ്വാമി ഗുരുരത്നം ജ്ഞാന തപസി മുഖ്യ സന്ദേശം നൽകും. ഏഴിന് രാവിലെ ഏഴിന് വിശുദ്ധ മൂന്നിന്മേൽ കുർബാന, ഉച്ച കഴിഞ്ഞ് മൂന്നിന് പദയാത്ര സ്വീകരണവും തീർഥാടക സംഗമവും. വൈകുന്നേരം 6.30ന് വിശുദ്ധ റാസ. എട്ടിന് രാവിലെ വിശുദ്ധ മൂന്നിന്മേൽ കുർബാന, പത്തിന് പള്ളി പ്രദക്ഷിണം കുടിയിറക്ക്, രാത്രി ഏഴിന് യുവജന പ്രസ്ഥാനത്തിന്റെ നേതൃത്വത്തിൽ ബൈബിൾ നാടകം രക്ഷകൻ.
പത്രസമ്മേളനങ്കിൽ ഇടവക വികാരി ഫാ. തോമസ് മാത്യൂസ് തട്ടാരത്തുണ്ടിൽ, ട്രസ്റ്റി എം ബാബു, സെക്രട്ടറി പി.എ. ജോൺ വൈദ്യൻ , സിജി ഫിലിപ് വൈദ്യൻ, മത്തായി കുട്ടി എന്നിവർ സംബന്ധിച്ചു.