കുണ്ടറ: കിഴക്കേ കല്ലട പോലീസ് സ്റ്റേഷൻ പരിധിയിൽ പ്രായപൂർത്തിയാകാത്ത പെൺകുട്ടിയെ ഫോസ്റ്റർ കെയർ ഹോമിൽ കഴിഞ്ഞ് വരുന്നതിനിടെ വിവാഹ വാഗ്ദാനം നൽകി ലൈംഗികമായി പീഡിപ്പിച്ചതിന് യുവാവ് അറസ്റ്റിൽ.
കിഴക്കേ കല്ലട തെക്കേമുറിയിൽ ഷീല മന്ദിരത്തിൽഷിനിൽ (42) ആണ് പിടിയിലായത് . പ്രായപൂർത്തിയാകാത്ത പെൺകുട്ടിയെ ഭീഷണിപ്പെടുത്തി പീഡിപ്പിച്ചതിന് പോക്സോ വകുപ്പുകൾ പ്രകാരമുള്ള കേസ് രജിസ്റ്റർ ചെയ്തിരുന്നു. പ്രതിയെ കോടതിയിൽ ഹാജരാക്കി ജില്ലാ ജയിലിലേക്ക് റിമാൻഡ് ചെയ്തു. കിഴക്കേ കല്ലട സ്റ്റേഷൻ ഹൗസ് ഓഫീസർ എസ് സുധീഷ് കുമാറിന്‍റെ നിർദേശാനുസരണം എസ് ഐ അനീഷ് ബി, ജോൺസൺ, എ എസ് ഐ മധുക്കുട്ടൻ എന്നിവരാണ് പ്രതിയെ അറസ്റ്റ് ചെയ്തത്.
പന്തം കൊളുത്തി പ്രകടനം നടത്തി
കൊറ്റങ്കര: സംസ്ഥാന സർക്കാരിന്‍റെ ജനദ്രോഹ ബജറ്റിനെതിരെ കോൺഗ്രസ് കൊറ്റങ്കര മണ്ഡലം കമ്മിറ്റിയുടെ നേതൃത്വത്തിൽ മാമൂട് മുതൽ ചന്ദനത്തോപ്പ് വരെ പന്തം കൊളുത്തി പ്രകടനവും പ്രതിഷേധയോഗവും സംഘടിപ്പിച്ചു.
യോഗം യൂത്ത് കോൺഗ്രസ് ജില്ലാ ജനറൽ സെക്രട്ടറി സുമേഷ് ദാസ് ഉദ്ഘാടനം ചെയ്തു. കോൺഗ്രസ് കൊറ്റങ്കര മണ്ഡലം 'പ്രസിഡന്‍റ് വിനോദ് കോണിൽ അധ്യക്ഷനായിരുന്നു. ബ്ലോക്ക് വൈസ് പ്രസിഡന്‍റ് മേക്കോൺ ഷാനവാസ്, വിനോദ് കാമ്പിയിൽ, ദിലീപ്, ശുഹൈബ്, സെയ്ദ്, ഷംനാദ് കേരളപുരം, ഷറഫ് കുണ്ടറ, സിയാദ് ചാലു വിള, ഇന്ദിര, അഭിലാഷ്, നൗഷാദ്, ഷഹനാസ്, അൻസാർ കോളശേരി, മുരളി, സി നാൻ, മിഥു, മുനീർ, സക്കീർ ഹുസൈൻ എന്നിവർ പ്രസംഗിച്ചു.