പരവൂർ: പുറ്റിംഗൽ ദേവീ ക്ഷേത്രത്തിലെ മീനഭരണി ഉത്സവത്തിന്റെ ഭാഗമായുള്ള ഗജമേള ഇന്ന് നടക്കും. 15 ആനകൾ അണിനിരക്കും. ക്ഷേത്രാങ്കണത്തിൽ വൈകുന്നേരം ആറു മുതൽ രാത്രി എട്ടു വരെയാണ് ഗജമേള.
തുടർന്ന് അശ്വതി വിളക്ക് ഘോഷയാത്ര ആരംഭിക്കും. ക്ഷേത്ര പരിസരത്ത് നിന്ന് ആരംഭിക്കുന്ന ഘോഷയാത്ര നഗര പ്രദക്ഷിണം നടത്തി രാത്രി പത്തിന് ബസ് സ്റ്റാന്റ് മൈതാനിയിൽ എത്തും.
പിന്നീട് പരവൂർ ജംഗ്ഷൻ, റെയിൽവേ സ്റ്റേഷൻ റോഡ്, പോലീസ് സ്റ്റേഷൻ റോഡ് വഴി കിഴക്കേ ആൽത്തറയിൽ എത്തിയ ശേഷം പുലർച്ചെ രണ്ടിന് ക്ഷേത്രത്തിൽ തിരികെ എത്തും. നാളെ രാവിലെ 4.45 ന് കിഴക്കേ ആൽത്തറയിൽ നിന്ന് ഉരുൾ ഉത്സവം, ഏഴിന് ഓട്ടൻ തുള്ളൽ, വൈകുന്നേരം അഞ്ചിന് ഊരുചുറ്റ് ഘോഷയാത്ര, 5.15 ന് നെടുംകുതിരയെടുപ്പ്, രാത്രി ഏഴിന് നഞ്ചിയമ്മയും പ്രസീത ചാലക്കുടിയും നയിക്കുന്ന നാടൻപാട്ടും ദൃശ്യാവിഷ്കാരവും, പത്തിന് നാദിർഷാ ഷോ, പുലർച്ചെ ഒന്നിന് മേജർ സെറ്റ് കഥകളി.
മാധ്യമപ്രവർത്തകരെ മർദിച്ചതിൽ
പ്രതിഷേധം
കൊല്ലം: കൊല്ലത്ത് മാധ്യമപ്രവർത്തകരെ സാമുഹിക വിരുദ്ധർ ആക്രമിച്ച നടപടിയിൽ കെഎൽസിഎ രൂപത സമിതി പ്രതിഷേധിച്ചു
പ്രസിഡന്റ് ലെസ്റ്റർ കാർഡോസ് അധ്യക്ഷത വഹിച്ചു. ജാക്സൺ ഫ്രാൻസിസ്, ലക്ടീഷ്യ, വിൻസി ബൈജു. ജോസഫ്കുട്ടി കടവിൽ, അനിൽ ജോൺ. എഡിസൺ അലക്സ്, ഡോമിനിക് ജോസഫ്, ജോയി ഫ്രാൻസിസ്, പൗളിൻ തുടങ്ങിയവർ പ്രസംഗിച്ചു.