മൃഗാശുപത്രി മാറ്റുന്നതിനെ ചൊല്ലിയുള്ള തർക്കം: പുനലൂരിൽ കൗൺസിൽ യോഗം അലങ്കോലപ്പെട്ടു
Sunday, October 1, 2023 12:59 AM IST
പു​ന​ലൂ​ർ : മൃ​ഗാ​ശു​പ​ത്രി പു​ന​ലൂ​ർ ന​ഗ​ര​ത്തി​ൽ നി​ന്നും മണി​യാ​റി​ലേ​ക്ക് മാ​റ്റു​ന്ന​ത് സം​ബ​ന്ധി​ച്ച വി​ഷ​യ​ത്തി​ൽ കൗ​ൺ​സി​ൽ യോ​ഗ​ത്തി​ൽ വാ​ക്കേ​റ്റ​വും സം​ഘ​ർ​ഷ​വും ഇ​റ​ങ്ങി​പോ​ക്കും.

ഇ​ന്ന​ലെ രാ​വി​ലെ 11 ഓടെ ന​ഗ​ര​സ​ഭ കൗ​ൺ​സി​ൽ ഹാ​ളി​ൽ ചേ​ർ​ന്ന യോ​ഗ​ത്തി​ൽ ന​ഗ​ര​ത്തി​ൽ പ്ര​വ​ർ​ത്തി​ക്കു​ന്ന മൃ​ഗാ​ശു​പ​ത്രി മാ​റ്റി സ്ഥാ​പി​ക്കു​ന്ന​തി​ന് വേ​ണ്ടി മ​ണി​യാ​റു​ള്ള ന​ഗ​ര​സ​ഭ വ​ക 15 സെ​ന്‍റ് ഭൂ​മി വി​ട്ടു ന​ൽ​കു​ന്ന വി​ഷ​യം പ​രി​ഗ​ണ​ന​യ്ക്ക് വ​ന്ന​പ്പോ​ഴാ​യി​രു​ന്നു പ്ര​ശ്ന​ങ്ങ​ൾ​ക്ക് തു​ട​ക്കം.

പ​ട്ട​ണ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ഉ​ള്ള ആ​ളു​ക​ൾ​ക്ക് ന​ഗ​ര​ത്തി​ൽ ത​ന്നെ മൃ​ഗാ​ശു​പ​ത്രി പ്ര​വ​ർ​ത്തി​ക്കു​ന്ന​താ​ണ് സൗ​ക​ര്യ​പ്ര​ദം എ​ന്നും വ​ള​ർ​ത്തു​മൃ​ഗ​ങ്ങ​ളു​മാ​യി എ​ത്തു​ന്ന ആ​ളു​ക​ൾ ന​ഗ​ര​ത്തി​ൽ എ​ത്തി​യ​ശേ​ഷം മ​ണി​യാ​ർ വ​രെ പോ​കു​ന്ന​ത് അ​വ​ർ​ക്ക് ബു​ദ്ധി​മു​ട്ടു​ണ്ടാ​ക്കു​ന്ന​താ​ണെ​ന്നും മൃ​ഗാ​ശു​പ​ത്രി പ​ട്ട​ണ​ത്തി​ൽ നി​ന്നും മാ​റ്റ​രു​തെ​ന്നും സൗ​ക​ര്യ​പ്ര​ദ​മാ​യ രീ​തി​യി​ൽ മ​റ്റെ​വി​ടെ​ങ്കി​ലും സ്ഥ​ലം വി​ട്ടു​നൽകുക​യാ​ണ് വേ​ണ്ട​തെ​ന്നും യു​ഡി​എ​ഫ് പാ​ര്‍​ല​മെ​ന്‍റ​റി പാ​ർ​ട്ടി ലീ​ഡ​ർ ജി.​ജ​യ​പ്ര​കാ​ശ് അ​ഭി​പ്രാ​യ​പ്പെ​ട്ടു.

എ​ന്നാ​ൽ ന​ഗ​ര​ത്തി​ൽ ആ​വ​ശ്യ​മാ​യ രീ​തി​യി​ൽ ഭൂ​മി ല​ഭ്യ​മാ​കു​ന്നി​ല്ലെ​ന്നും നി​ല​വി​ലു​ള്ള സാ​ഹ​ച​ര്യ​ത്തി​ൽ മൃ​ഗാ​ശു​പ​ത്രി മ​ണി​യാ​റി​ലേ​ക്ക് മാ​റ്റു​ന്ന​ത് കൊ​ണ്ട് പ​ട്ട​ണ​ത്തി​ൽ മ​റ്റി​ട​ങ്ങ​ളി​ല്‍ ഉ​ള്ള​വ​ർ​ക്ക് ബു​ദ്ധി​മു​ട്ട് ഉ​ണ്ടാ​ക്കു​ക​യി​ല്ലെ​ന്നും ന​ഗ​ര​സ​ഭ വൈ​സ് ചെ​യ​ർ​മാ​ൻ ഡി.​ദി​നേ​ശ​ന്‍ അ​ഭി​പ്രാ​യ​പ്പെ​ട്ടു.
എ​ന്നാ​ല്‍ ന​ഗ​ര​സ​ഭ വ​ക ഭൂ​മി ത​ന്നെ ന​ഗ​ര​ത്തി​ന്‍റെ ന​ടു​വി​ലു​ണ്ടെ​ന്ന് യു ​ഡി എ​ഫ് അം​ഗ​ങ്ങ​ൾ അ​ഭി​പ്രാ​യ​പ്പെ​ട്ടു. മ​ണി​യാ​ര്‍ ത​ന്നെ മൃ​ഗാ​ശു​പ​ത്രി സ്ഥാ​പി​ക്കാ​ന്‍ ഇ​ട​തു​മു​ന്ന​ണി തീ​രു​മാ​നം ആ​ണെ​ന്നും നി​ങ്ങ​ള്‍ വി​യോ​ജി​ച്ചാ​ലും തീ​രു​മാ​നം എ​ടു​ക്കു​മെ​ന്ന് അ​റി​യി​ച്ച​തോ​ടെ പ്ര​തി​പ​ക്ഷ അം​ഗ​ങ്ങ​ള്‍ വോ​ട്ടിം​ഗ് ആ​വ​ശ്യ​പ്പെ​ട്ടു.

മൃ​ഗാ​ശു​പ​ത്രി​ക്ക് മ​ണി​യാ​റി​ൽ സ്ഥ​ലം വി​ട്ടു ന​ല്‍​കാ​ന്‍ അ​നു​കൂ​ലി​ക്കു​ന്ന​വ​ര്‍ കൈ ​ഉ​യ​ര്‍​ത്താ​ന്‍ ചെ​യ​ര്‍​പേ​ഴ്സ​ണ്‍ ബി ​.സു​ജാ​ത ആ​വ​ശ്യ​പ്പെ​ട്ടു.
ഭ​ര​ണ​പ​ക്ഷ അം​ഗ​ങ്ങ​ള്‍ അ​നു​കൂ​ലി​ച്ചു എ​ങ്കി​ലും യു​ഡി​എ​ഫ് അം​ഗ​ങ്ങ​ളും എ​ല്‍ഡിഎ​ഫി​ലെ ര​ഞ്ജി​ത് രാ​ധാ​കൃ​ഷ്ണ​ന്‍, എ​ന്‍.​പി .അ​ര​വി​ന്ദാ​ക്ഷ​ന്‍, ഷൈ​ന്‍ ബാ​ബു എ​ന്നീ അം​ഗ​ങ്ങ​ളും കൈ ​ഉ​യ​ർ​ത്തി​യി​ല്ല.
ഏ​താ​നും എ​ല്‍​ഡിഎ​ഫ് അം​ഗ​ങ്ങ​ള്‍ അ​നു​കൂ​ലി​ക്കു​ന്നി​ല്ലെ​ന്ന് ചെ​യ​ര്‍​പേ​ഴ്സ​ണ്‍ ബി.​സു​ജാ​ത വൈ​സ് ചെ​യ​ർ​മാ​ൻ, മ​രാ​മ​ത്ത് ചെ​യ​ർ​മാ​ൻ എ​ന്നി​വ​രോ​ട് പ​രാ​തി​യാ​യി പ​റ​ഞ്ഞ​തോ​ടെ അ​വ​ർ കൈ ​ഉ​യ​ര്‍​ത്താ​ന്‍ ഉ​ച്ച​ത്തി​ല്‍ ആ​വ​ശ്യ​പ്പെ​ട്ടു കൊ​ണ്ട് സ​മ്മ​ര്‍​ദ്ദം ചെ​ലു​ത്തി.

അ​തോ​ടെ ജ​നാ​ധി​പ​ത്യ​ത്തെ എ​ല്‍ഡിഎ​ഫ് വെ​ല്ലു​വി​ളി​ക്കു​ന്നു എ​ന്നും സ്വ​ത​ന്ത്ര അ​ഭി​പ്രാ​യം പ​റ​യാ​ന്‍ ഇ​ട​തു​പ​ക്ഷ​ത്തെ കൗ​ണ്‍​സി​ല്‍ അം​ഗ​ങ്ങ​ളെ അ​നു​വ​ദി​ക്ക​ണ​മെ​ന്നും ആ​വ​ശ്യ​പ്പെ​ട്ട് യു ​ഡി എ​ഫ് അം​ഗ​ങ്ങ​ള്‍ ഇ​രി​പ്പി​ടം വി​ട്ടി​റ​ങ്ങി.

തു​ട​ര്‍​ന്ന് ഇ​രു പ​ക്ഷ​വും ത​മ്മി​ല്‍ രൂ​ക്ഷ​മാ​യ വാ​ക്കേ​റ്റം ന​ട​ന്നു. പ്ര​തി​പ​ക്ഷ അം​ഗ​ങ്ങ​ൾ ആ​യ എ​ന്‍. സു​ന്ദ​രേ​ശ​ന്‍, ഷെ​മി.​എ​സ്.​അ​സീ​സ്, എം.​പി .റ​ഷീ​ദ് കു​ട്ടി, എ​സ്.​പൊ​ടി​യ​ന്‍ പി​ള്ള, കെ. ​ബി​ജു എ​ന്നി​വ​രും ചെ​യ​ര്‍​പേ​ഴ്സ​നും ത​മ്മി​ല്‍ ക​ടു​ത്ത ത​ര്‍​ക്ക​ങ്ങ​ള്‍ ന​ട​ന്നു.

എ​ന്നാ​ല്‍ ഇ​ട​തു​മു​ന്ന​ണി എ​ടു​ത്ത തീ​രു​മാ​നം ന​ട​പ്പാ​ക്കു​ക ത​ന്നെ ചെ​യ്യു​മെ​ന്നും മൃ​ഗാ​ശു​പ​ത്രി​ക്ക് മ​ണി​യാ​റി​ൽ സ്ഥ​ലം വി​ട്ടു ന​ല്‍​കാ​ന്‍ തീ​രു​മാ​നി​ക്കു​മെ​ന്ന് ചെ​യ​ര്‍​പേ​ഴ്സ​ണ്‍ യോ​ഗ​ത്തി​ല്‍ അ​റി​യി​ച്ച​തോ​ടെ യുഡിഎ​ഫ് പാ​ര്‍​ല​മെ​ന്‍റ​റി പാ​ര്‍​ട്ടി ലീ​ഡ​ര്‍ ജി .​ജ​യ​പ്ര​കാ​ശ് ബ​ഹി​ഷ്ക​ര​ണം പ്ര​ഖ്യാ​പി​ച്ചു. തു​ട​ര്‍​ന്ന് അം​ഗ​ങ്ങ​ൾ ഹാ​ൾ വി​ട്ടി​റ​ങ്ങി.

ഭീ​ഷ​ണി​പ്പെ​ടു​ത്തി സ്ഥാ​പി​ത താ​ല്‍​പ​ര്യ​ങ്ങ​ള്‍ അ​ടി​ച്ചേ​ല്പി​ക്കാ​ന്‍ മാ​ത്ര​മാ​ണ് ഇ​പ്പോ​ള്‍ ന​ട​ക്കു​ന്ന ശ്ര​മ​ങ്ങ​ൾ എ​ന്നും പൊ​തു​ജ​ന​ങ്ങ​ള്‍​ക്ക് ഉ​പ​കാ​ര​പ്ര​ദ​മാ​യ സ്ഥാ​പ​ന​ങ്ങ​ള്‍ ന​ഗ​ര​ത്തി​ല്‍ നി​ന്ന് കി​ലോ​മീ​റ്റ​റു​ക​ള്‍ ഉ​ള്ളി​ലേ​ക്കു മാ​റ്റാ​ൻ ന​ട​ത്തു​ന്ന ശ്ര​മ​ങ്ങ​ൾ ഇ​ട​തു​മു​ന്ന​ണി കൗ​ണ്‍​സി​ല​ര്‍ പോ​ലും അം​ഗീ​ക​രി​ക്കാ​ത്ത സാ​ഹ​ച​ര്യ​ത്തി​ല്‍ തീ​രു​മാ​നം എ​ടു​ക്ക​രു​തെ​ന്ന് പ്ര​തി​പ​ക്ഷം ആ​വ​ശ്യ​പ്പെ​ട്ടു. ഇതോടെ യോഗം അലങ്കോലപ്പെട്ടു.

Copyright @ 2022 , Rashtra Deepika Ltd.