മാ​ലി​ന്യ​മു​ക്തം ന​വ​കേ​ര​ളം ര​ണ്ടാം ഘ​ട്ട​വു​മാ​യി ക​ല്ലു​വാ​തു​ക്ക​ൽ ഗ്രാ​മപ​ഞ്ചാ​യ​ത്ത്
Monday, November 27, 2023 11:39 PM IST
പാ​രി​പ്പ​ള്ളി: മാ​ലി​ന്യ​മു​ക്ത കേര​ള​ത്തി​ന്‍റെ രണ്ടാംഘ​ട്ട പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി ക​ല്ലു​വാ​തു​ക്ക​ൽ ഗ്രാ​മ​പഞ്ചാ​യ​ത്തി​ലെ 23 വാ​ർ​ഡു​ക​ളി​ൽ നി​ന്നും ഉ​പ​യോ​ഗ ശൂ​ന്യ​മാ​യ ബാ​ഗു​ക​ളും ചെ​രു​പ്പു​ക​ളും ശേ​ഖ​രി​ച്ചു. എ​ല്ലാ വാ​ർ​ഡു​ക​ളി​ലും ഒ​രോ ക​ള​ക്ഷ​ൻ സെ​ന്‍റർ നി​ശ്ച​യി​ച്ച് വാ​ർ​ഡ് മെ​മ്പ​ർ​മാ​രു​ടെ നേ​തൃ​ത്വ​ത്തി​ൽ രാ​വി​ലെ മു​ത​ൽ ഉ​ച്ച വ​രെ പാ​ഴ് വ​സ്തു ശേ​ഖ​ര​ണം ന​ട​ത്തി. ഹ​രി​ത ക​ർ​മ സേ​നാം​ഗ​ങ്ങ​ളും കു​ടും​ബ​ശ്രീ അങ്കണവാ​ടി ആ​ശാ പ്ര​വ​ർ​ത്ത​ക​രും ഈ ​യ​ജ്ഞ​ത്തി​ൽ പ​ങ്കാ​ളി​ക​ളാ​യി. പൊ​തു ജ​ന​ങ്ങ​ളി​ൽ നി​ന്നും യാ​തൊ​രു​വി​ധ ഫീ​സും ഈ​ടാ​ക്കാ​തെ​യാ​ണ് ചാ​ക്ക് ക​ണ​ക്കി​ന് പാ​ഴ് വ​സ്തു​ക്ക​ൾ ശേ​ഖ​രി​ച്ച​ത്.

തു​ട​ർ​ന്ന് ക്ല​സ്റ്റ​ർ അ​ടി​സ്ഥാ​ന​ത്തി​ൽ പ​ഞ്ചാ​യ​ത്ത് മു​ൻകൈ ​എ​ടു​ത്ത് നേ​ര​ത്തെ സ​ജ്ജീ​ക​രി​ച്ച നാല് കേ​ന്ദ​ങ്ങ​ളി​ലേ​ക്ക് പാ​ഴ് വ​സ്തു​ക്ക​ൾ മാ​റ്റു​ക​യും പ​ഞ്ചാ​യ​ത്തു​മാ​യി ക​രാ​റി​ൽ ഏ​ർ​പ്പെ​ട്ട ഏ​ജ​ൻ​സി​ക്ക് കൈ​മാ​റു​ക​യും ചെ​യ്തു. അ​ടു​ത്ത മാ​സം ഇ​തേ കേ​ന്ദ്ര​ങ്ങ​ളി​ൽ പാ​ഴ് തു​ണി​ക​ളു​ടെ ശേ​ഖ​ര​ണം ന​ട​ക്കു​മെ​ന്നും തു​ട​ർ​ന്നു​ള്ള മാ​സ​ങ്ങ​ളി​ൽ ഗ്രീ​ൻ കാ​ർ​ഡ് പ്ര​കാ​രം ശേ​ഖ​ര​ണം ന​ട​ത്തു​മെ​ന്നും ഗ്രാ​മ പ​ഞ്ചാ​യ​ത്ത് സെ​ക്ര​ട്ട​റി ബി​ജു ശി​വ​ദാ​സ​ൻ അ​റി​യി​ച്ചു. ശേ​ഖ​ര​ണ​ത്തി​നും തു​ട​ർ പ്ര​വ​ർ​ത്ത​ന​ങ്ങ​ൾ​ക്കും എ​ല്ലാ വാ​ർ​ഡി​ലേ​യും ജ​ന​പ്ര​തി​നി​ധി​ക​ളും നോ​ഡ​ൽ ഓ​ഫീ​സ​ർ കൂ​ടി​യാ​യ ഗ്രാ​മ പ​ഞ്ചാ​യ​ത്ത് അ​സി. സെ​ക്ര​ട്ട​റി അ​ജി​ത്ത് . എ​ൽ​എ​സ് സെ​ക്ഷ​ൻ ക്ലാ​ർ​ക്ക് അ​ബ്ദു​ൾ ല​ത്തീ​ഫ് എ​ന്നി​വ​ർ നേ​തൃ​ത്വം ന​ൽ​കി.

ശേ​ഖ​രി​ച്ച പാ​ഴ് വ​സ്തു​ക്ക​ൾ ക​രാ​ർ ക​മ്പി​നി​യാ​യ പാ​ണ്ട​സ് ഇ​ക്കോ സൊ​ല്യൂ​ഷ​ൻ​സ് എ​ന്ന സ്ഥാ​പ​ന​ത്തി​ന്‍റെ എം ​ഡി അ​മ്പാ​ടി ഏ​റ്റു​വാ​ങ്ങി. പാ​ഴ് വ​സ്തു​ക്ക​ൾ ക​യ​റ്റി കൊ​ണ്ടു​പോ​യ വാ​ഹ​നം പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് പ്ര​തീ​ഷ് കു​മാ​ർ ഫ്ലാ​ഗ് ഓ​ഫ് ചെ​യ്തു.