ജില്ലയിൽ വോട്ടേ​ഴ്സ് ര​ജി​സ്‌​ട്രേ​ഷ​ന്‍ ക്യാ​മ്പ് തുടങ്ങി
Wednesday, November 29, 2023 1:24 AM IST
കൊല്ലം :ജി​ല്ലാ തെര​ഞ്ഞെ​ടു​പ്പ് വി​ഭാ​ഗ​ത്തി​ന്‍റെ ​യും ശ്രീ​നാ​രാ​യ​ണ വ​നി​ത കോ​ള​ജി​ലെ ഇ​ല​ക്ഷ​ന്‍ ലി​ട്ര​സി ക്ല​ബിന്‍റെയും സം​യു​ക്താ​ഭി​മു​ഖ്യ​ത്തി​ല്‍ വോ​ട്ടേ​ഴ്‌​സ് ര​ജി​സ്‌​ട്രേ​ഷ​ന്‍ ക്യാ​മ്പ് സം​ഘ​ടി​പ്പി​ച്ചു. സ്വീ​പ് പ്ര​വ​ര്‍​ത്ത​ന​ങ്ങ​ളു​ടെ ഭാ​ഗ​മാ​യി 2024 ലോ​ക്‌​സ​ഭാ തെരഞ്ഞെ​ടു​പ്പി​ല്‍ യു​വ​ത​ല​മു​റ​യു​ടെ കൂ​ടു​ത​ല്‍ പ​ങ്കാ​ളി​ത്തം ഉ​റ​പ്പാ​ക്കു​ന്ന​തിന്‍റെ ഭാ​ഗ​മാ​യാ​ണ് പ​രി​പാ​ടി.

2024 ജ​നു​വ​രി ഒ​ന്നി​ന് 18 വ​യ​സ് പൂ​ര്‍​ത്തി​യാ​കു​ന്ന വി​ദ്യാ​ര്‍​ഥി​ക​ളാ​ണ് പ​ങ്കെ​ടു​ത്ത​ത്. വോ​ട്ട​ര്‍ പ​ട്ടി​ക​യി​ല്‍ പേ​ര്‌​ചേ​ര്‍​ക്കു​ന്ന പ്ര​ക്രി​യ സു​ഗ​മ​മാ​ക്കു​ന്ന​തി​നു​ള്ള വോ​ട്ട​ര്‍ ഹെ​ല്‍​പ് ലൈ​ന്‍ ആ​പ്ലി​ക്കേ​ഷ​ന്‍റെ പ്ര​വ​ര്‍​ത്ത​ന​രീ​തി വി​ശ​ദീ​ക​രി​ക്കു​ന്ന​തി​നാ​യി പ്ര​ത്യേ​ക​ക്ലാ​സും ന​ട​ത്തി.

ജ​നു​വ​രി, ഏ​പ്രി​ല്‍, ജൂ​ലൈ, ഒ​ക്ടോ​ബ​ര്‍ മാ​സ​ങ്ങ​ളി​ല്‍ 18 വ​യ​സ് പൂ​ര്‍​ത്തി​യാ​ക്കു​ന്ന​വ​ര്‍​ക്കാ​യി ഒ​രു വ​ര്‍​ഷം നാ​ല് ഘ​ട്ട​ങ്ങ​ളി​ലാ​യി വോ​ട്ട​ര്‍ ലി​സ്റ്റി​ല്‍ പേ​ര് ചേ​ര്‍​ക്കാ​നു​ള്ള അ​വ​സ​ര​മു​ണ്ട് . സ​മ്മ​തി​ദാ​ന പ്ര​ക്രി​യ​യെ​കു​റി​ച്ച് വി​ദ്യാ​ര്‍​ഥി​ക​ള്‍​ക്കി​ട​യി​ല്‍ അ​വ​ബോ​ധം സൃ​ഷ്ടി​ക്കു​ന്ന​തി​നാ​യി കൂ​ടു​ത​ല്‍ കോള​ജു​ക​ള്‍ കേ​ന്ദ്രീ​ക​രി​ച്ച് ഇ​ത്ത​രം ര​ജി​സ്‌​ട്രേ​ഷ​ന്‍ ക്യാ​മ്പു​ക​ള്‍ സ​ജ്ജീ​ക​രി​ക്കും.

ശ്രീ​നാ​രാ​യ​ണ വ​നി​ത കോ​ള​ജ് പ്രി​ന്‍​സി​പ്പ​ല്‍ അ​ശ്വ​തി സു​ഗു​ണ​ന്‍ ക്യാ​മ്പ് ഉ​ദ്ഘാ​ട​നം ചെ​യ്തു. കോള​ജ് ഇ​എ​ല്‍​സി കോ​ഡി​നേ​റ്റ​ര്‍ ഷി​ബു അ​ധ്യ​ക്ഷ​നാ​യി. ഇ​ല​ക്ഷ​ന്‍ വി​ഭാ​ഗം ഡെ​പ്യൂ​ട്ടി ക​ള​ക്ട​ര്‍ ബി .​ജ​യ​ശ്രീ മു​ഖ്യാ​തി​ഥി​യാ​യി.

സ്വീ​പ് ജി​ല്ലാ നോ​ഡ​ല്‍ ഓ​ഫീ​സ​ര്‍ ജി ​.വി​നോ​ദ് കു​മാ​ര്‍, ഇ​ല​ക്ഷ​ന്‍ സൂ​പ്ര​ണ്ട് സു​രേ​ഷ്, ഇ​എ​ല്‍​സി ജി​ല്ലാ കോ​ഡി​നേ​റ്റ​ര്‍ ച​ന്ദ്ര​ബാ​ബു, മാ​സ്റ്റ​ര്‍ ട്രെ​യി​ന​ര്‍​മാ​രാ​യ നൗ​ഷാ​ദ്, അ​നി​ല്‍​കു​മാ​ര്‍, തെര​ഞ്ഞെ​ടു​പ്പ് വി​ഭാ​ഗം ഉ​ദ്യോ​ഗ​സ്ഥ​ര്‍, അ​ധ്യാ​പ​ക​ര്‍,വി​ദ്യാ​ര്‍​ഥി​ക​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.