കൊ​ല്ലം പോ​ർ​ട്ടി​ന് ഐ​സി​പി പ​ദ​വി ന​ൽ​ക​ണം: പ്രേ​മ​ച​ന്ദ്ര​ൻ എം​പി
Sunday, December 3, 2023 4:17 AM IST
കൊ​ല്ലം: പോ​ര്‍​ട്ടി​ന് കേ​ന്ദ്ര ആ​ഭ്യ​ന്ത​രമ​ന്ത്രാ​ല​യ​ത്തി​ന്‍റെ ഇ​മി​ഗ്രേ​ഷ​ന്‍ ചെ​ക്ക് പോ​യി​ന്‍റ് (ഐ​സിപി) പ​ദ​വി ന​ല്‍​കി വി​ജ്ഞാ​പ​നം പു​റ​പ്പെ​ടു​വി​ക്ക​ണ​മെ​ന്നാ​വ​ശ്യ​പ്പെ​ട്ട് എ​ന്‍.​കെ. പ്രേ​മ​ച​ന്ദ്ര​ന്‍ എംപി, ഇ​മി​ഗ്രേ​ഷ​ന്‍റെ ചു​മ​ത​ല​യു​ള​ള കേ​ന്ദ്ര ആ​ഭ്യ​ന്ത​ര സ​ഹ​മ​ന്ത്രി നി​ത്യാ​ന​ന്ദ​റാ​യ്, ആ​ഭ്യ​ന്ത​ര മ​ന്ത്രാ​ല​യ​ത്തി​ലെ ഉ​ന്ന​ത ഉ​ദ്യോ​ഗ​സ്ഥ​ര്‍, ബ്യു​റോ ഓ​ഫ് ഇ​മി​ഗ്രേ​ഷ​ന്‍ അ​ധി​കൃ​ത​ര്‍ എ​ന്നി​വ​രു​മാ​യി ഡല്‍​ഹി​യി​ല്‍ ച​ര്‍​ച്ച ന​ട​ത്തി.

ബ്യൂ​റോ ഓ​ഫ് ഇ​മി​ഗ്രേ​ഷ​ന്‍ ആ​വ​ശ്യ​പ്പെ​ട്ട പ്ര​കാ​രം സം​സ്ഥാ​ന സർക്കാർ, ഇ​മി​ഗ്രേ​ഷ​ന്‍ ഓഫീ​സ് പ്ര​വ​ര്‍​ത്തി​ക്കു​ന്ന​തി​നു​ള​ള കെ​ട്ടി​ടം, ബ്യൂ​റോ ഓ​ഫ് ഇ​മി​ഗ്രേ​ഷ​ന് കൈ​മാ​റി​യാ​ല്‍ ഉ​ട​ന്‍ ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യം ഒ​രു​ക്കി കൊ​ല്ലം പോ​ര്‍​ട്ട് ഇ​മി​ഗ്രേ​ഷ​ന്‍ ചെ​ക്ക് പോ​യി​ന്‍റ് ആ​യി പ്ര​ഖ്യാ​പി​ച്ച് വി​ജ്ഞാ​പ​നം ഇ​റ​ക്കു​മെ​ന്ന് അ​ധി​കൃ​ത​ര്‍ എം​പി ക്ക് ​ഉ​റ​പ്പ് ന​ല്‍​കി.

ബ്യു​റോ ഓ​ഫ് ഇ​മി​ഗ്രേ​ഷ​ന്‍ ഈ ​ആ​വ​ശ്യം ഉ​ന്ന​യി​ച്ച് സം​സ്ഥാ​ന സ​ര്‍​ക്കാ​രി​ന് ക​ത്ത് ന​ല്‍​കി​യി​ട്ടും, സ​ര്‍​ക്കാ​രി​ന്‍റെ ഭാ​ഗ​ത്തു നി​ന്നും തു​ട​ര്‍ ന​ട​പ​ടി ഉ​ണ്ടാ​കു​ന്നി​ല്ല. കെ​ട്ടി​ടം കൈ​മാ​റു​ന്ന​തോ​ടൊ​പ്പം ഇ​മി​ഗ്രേ​ഷ​ന്‍ പ​രി​ശീ​ല​നം ന​ല്‍​കാ​ന്‍ സം​സ്ഥാ​ന സ​ര്‍​ക്കാ​ര്‍ കേ​ര​ള പോ​ലീ​സി​ല്‍ നി​ന്നും 14 പോ​ലീ​സു​ക്കാ​രെ​യും ഇ​മി​ഗ്രേ​ഷ​ന്‍ അ​ധി​കൃ​ത​ര്‍​ക്ക് വി​ട്ടു ന​ല്‍​ക​ണം.

അ​തോ​ടൊ​പ്പം കെ​ട്ടി​ട​ത്തി​ന് സ​മീ​പം വ​രെ ടെ​ലി​കോം കേ​ബി​ള്‍ ലൈ​ന്‍ വ​ലി​ച്ച് ലീസ്ഡ് ലൈൻ സ്ഥാ​പി​ക്കാ​നു​ള​ള സൗ​ക​ര്യ​വും സം​സ്ഥാ​ന സ​ര്‍​ക്കാ​ര്‍ ഒ​രു​ക്ക​ണം. സം​സ്ഥാ​ന സ​ര്‍​ക്കാ​ര്‍ ഈ ​ന​ട​പ​ടി​ക​ള്‍ പൂ​ര്‍​ത്തീ​ക​രി​ച്ചാ​ല്‍ ഒ​രാ​ഴ്ച​ക്കു​ള​ളി​ല്‍ കൊ​ല്ലം പോ​ര്‍​ട്ടി​ന് ഇ​മി​ഗ്രേ​ഷ​ന്‍ ചെ​ക്ക് പോ​യി​ന്‍റ് ന​ല്‍​കി വി​ജ്ഞാ​പ​നം ഇ​റ​ക്കു​മെ​ന്ന് അ​ധി​കൃ​ത​ര്‍ എംപി​ക്ക് ഉ​റ​പ്പ് ന​ല്‍​കി.

കൊ​ല്ലം പോ​ര്‍​ട്ടി​ന് ഇ​മി​ഗ്രേ​ഷ​ന്‍ ചെ​ക്ക് പോ​യി​ന്‍റ് പ​ദ​വി ല​ഭി​ക്കാ​ന്‍ സം​സ്ഥാ​ന സ​ര്‍​ക്കാ​രി​ല്‍ നി​ഷി​പ്ത​മാ​യ കാ​ര്യ​ങ്ങ​ള്‍ എ​ത്ര​യും പെ​ട്ടെ​ന്ന് പൂ​ര്‍​ത്തീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് എ​ന്‍.​കെ. പ്രേ​മ​ച​ന്ദ്ര​ന്‍ എം​പി മു​ഖ്യ​മ​ന്ത്രി​യ്ക്കും തു​റ​മു​ഖ മ​ന്ത്രി​യ്ക്കും നി​വേ​ദ​നം ന​ല്‍​കി.

കൊ​ല്ലം പോ​ര്‍​ട്ടി​ന് ഇ​മി​ഗ്രേ​ഷ​ന്‍ സൗ​ക​ര്യ​ത്തോ​ടു കൂ​ടി​യു​ള​ള അം​ഗീ​കാ​രം ല​ഭി​ക്കു​ന്ന​തി​നാ​യി നി​ര​വ​ധി ത​വ​ണ പാ​ര്‍​ല​മെ​ന്‍റി​ലും ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ ക​ണ്‍​സ​ള്‍​ട്ടേ​റ്റീ​വ് ക​മ്മി​റ്റി യോ​ഗ​ത്തി​ലും എംപി ആ​വ​ശ്യം ഉ​ന്ന​യി​ച്ചി​രു​ന്ന​താ​ണ്. സം​സ്ഥാ​ന സ​ര്‍​ക്കാ​ര്‍ ന​ട​പ​ടി​ക​ള്‍ പൂ​ര്‍​ത്തീ​ക​രി​ച്ച് ന​ല്‍​കി​യാ​ല്‍ പോ​ര്‍​ട്ടി​ന് അം​ഗീ​കാ​രം ന​ല്‍​കു​മെ​ന്ന് നേ​ര​ത്തെ ആ​ഭ്യ​ന്ത​ര മ​ന്ത്രി അ​മി​ത് ഷാ ​രേ​ഖാ​മൂ​ലം ഉ​റ​പ്പ് ന​ൽ​കി​യി​രു​ന്നു.