ഇടമുളയ്ക്കൽ: സെന്‍റ് തോമസ് മലങ്കര സുറിയാനി കത്തോലിക്കാ ദൈവാലയത്തിൽ വിശുദ്ധ തോമാശ്ലീഹായുടെ തിരുനാൾ 14 മുതൽ 21 വരെ നടക്കും.
കുടുംബ നവീകരണ ധ്യാനം, അത്യഭിവന്ദ്യ കാതോലിക്കാ ബാവായ്ക്ക് സ്വീകരണം, കുട്ടികളുടെ ആദ്യകുർബാന സ്വീകരണം, ഭക്തസംഘടനകളുടെ വാർഷികം, ഭക്തിനിർഭരമായ റാസ, ആദരിക്കൽ, കലാസന്ധ്യ എന്നിവ ഉണ്ടാകും.
14 ന് രാവിലെ 8.30 ന് പ്രഭാത പ്രാർഥനയോടെ തിരുനാൾ ആരംഭിക്കും. തിരുവനന്തപുരം മേജർ അതിഭദ്രാസനം വികാരി ജനറാൾ റൈറ്റ്. റവ. ഡോ. വർക്കി ആറ്റുപുറത്ത് കോർ എപ്പിസ്കോപ്പ വി.കുർബാന അർപ്പിക്കും.തുടർന്ന് കൊടിയേറ്റും നേർച്ച വിളമ്പും ഉണ്ടാകും.
15 ന് വൈകുന്നേരം നാലിന് ജപമാല, സന്ധ്യാപ്രാർഥന ആരംഭിക്കും. ഫാ. അലക്സ് കളപ്പില (ഇടവക കുടുംബാംഗം, ചാപ്ലിൻ - സെന്‍റ് ജോസഫ് ഹോസ്‌പിറ്റൽ, അഞ്ചൽ) വി. കുർബാന അർപ്പിക്കും. ഭക്തസംഘടനകളുടെ ഉദ്ഘാടനം ഗീവർഗീസ് നെടിയത്ത് റമ്പാൻ (ജില്ലാ വികാരി-കൊട്ടാരക്കര വൈദീക ജില്ല) നിർവഹിക്കും. ഭക്തസംഘടനകളുടെ റിപ്പോർട്ട് അവതരണവും, സൺഡേസ്‌കൂൾ കുട്ടികൾക്ക് സമ്മാനദാനവും, നേർച്ച വിളമ്പും ഉണ്ടാകും.
ചൊവാഴ്ച വൈകുന്നേരം നാലിന് ജപമാല, സന്ധ്യാപ്രാർഥന ഉണ്ടാകും. മുൻ വികാരിമാർ വി. കുർബാന അർപ്പിക്കും. ആറിന് കുടുംബ നവീകരണധ്യാനം ഫാ. ആദർശ് കുമ്പളത്ത് (മൗണ്ട് കാർമൽ റിട്രീറ്റ് സെന്‍റർ, വേറ്റിനാട്) നയിക്കും. നേർച്ച വിളമ്പും ഉണ്ടാകും.
ബുധൻ വൈകുന്നേരം നാലിന് ജപമാല, സന്ധ്യാപ്രാർഥന. ആനക്കുളം വയല മലങ്കര കത്തോലിക്കാ ദൈവാലയം വികാരി ഫാ. ജോൺ പാലവിള കിഴക്കേതിൽ വി. കുർബാന അർപ്പിക്കും. വൈകുന്നേരം ആറിന് കുടുംബ നവീകരണധ്യാനം ഫാ. ആദർശ് കുമ്പളത്ത് (മൗണ്ട് കാർമൽ റിട്രീറ്റ് സെന്‍റർ, വേറ്റിനാട്) നയിക്കും. നേർച്ച വിളമ്പും ഉണ്ടാകും.
വ്യാഴം വൈകുന്നേരം നാലിന് ജപമാല, സന്ധ്യാപ്രാർഥന ആരംഭിക്കും. വെരി. റവ. ഡോ. സി.സി. ജോൺ (ജില്ലാ വികാരി-പുനലൂർ വൈദിക ജില്ല) വി. കുർബാന അർപ്പിക്കും. തുടർന്ന് കുടുംബ നവീകരണധ്യാനം ഫാ. ആദർശ് കുമ്പളത്ത് (മൗണ്ട് കാർമൽ റിട്രീറ്റ് സെന്‍റർ, വേറ്റിനാട്) നയിക്കും. നേർച്ച വിളമ്പും ഉണ്ടാകും.
വെള്ളിയാഴ്ച ഉച്ചകഴിഞ്ഞ് 3.30 ന് ജപമാല. തുടർന്ന് മോറാൻ മോർ ബസേലിയോസ് കർദിനാൾ ക്ലീമീസ് കാതോലിക്കാ ബാവയ്ക്ക് സ്വീകരണവും ആഘോഷമായ പൊന്തിഫിക്കൽ കുർബാനയും. കുട്ടികളുടെ ആദ്യകുർബാന സ്വീകരണവും നടത്തും.
2024 വർഷത്തിൽ വിവാഹത്തിന്‍റെ 25, 50 വർഷം പൂർത്തിയാക്കിയവർ, 75 വയസ് പൂർത്തിയാക്കിയവർ, ഇടവകയിൽ സേവനം ചെയ്തിട്ടുള്ള ട്രസ്റ്റി-സെക്രട്ടറിമാർ, മുൻ ശുശ്രൂഷകൻ, ജില്ലാ കലാതിലകങ്ങൾ എന്നിവരെ ആദരിക്കും. തുടർന്ന് സ്നേഹഭോജനവും ഉണ്ടാകും.
ശനി വൈകുന്നേരം നാലിന് ജപമാല, സന്ധ്യാപ്രാർഥന. ആയൂർ വൈദീക ജില്ലയിലെ വൈദികർ കുർബാന അർപ്പിക്കും. ആയുർ വൈദിക ജില്ല ജില്ലാ വികാരി വെരി. റവ. ഫാ. ജോൺ അരീക്കൽ മുഖ്യകാർമികൻ ആയിരിക്കും. തുടർന്ന് ഭക്തിനിർഭരമായ റാസ ദൈവാലയത്തിൽ നിന്ന് ആരംഭിച്ച് കൈപ്പള്ളി ജംഗ്ഷനിൽ എത്തി തിരികെ പനച്ചവിള ജംഗ്ഷൻ വഴി ദൈവാലയത്തിൽ സമാപിക്കും. ആനപ്പുഴയ്ക്കൽ ആശ്രമം കപ്പുച്ചിൻ സുപ്പീരിയർ ഫാ.ജോസഫ് റോയി തോട്ടുങ്കൽ സന്ദേശം നൽകും. സമാപന ആശീർവാദവും നേർച്ച വിതരണവും ഉണ്ടാകും.
ഞായർ വൈകുന്നേരം നാലിന് ജപമാല, സന്ധ്യാപ്രാർഥന. അഞ്ചൽ വൈദിക ജില്ല ജില്ലാ വികാരി ഫാ. ബോവസ് മാത്യു മേലൂട്ട് ആഘോഷമായ വി. കുർബാന അർപ്പിക്കും. സ്നേഹഭോജനവും ഉണ്ടാകും. തുടർന്ന് കലാ സന്ധ്യ.
കൊടിയിറക്കോടു കൂടെ തിരുനാൾ സമാപിക്കുമെന്ന് ഇടവക വികാരി ഫാ. തോമസ് മരോട്ടിമൂട്ടിൽ, ട്രസ്റ്റി സജീവ് കോശി തുണ്ടുവിള, സെക്രട്ടറി ബിജു പി മുള്ളുകാട്ടിൽ, ഇടവക മിഷനറി സി. അർച്ചന ഡി.എം എന്നിവർ അറിയിച്ചു.