കുണ്ടറ :ഇളമ്പള്ളൂർ ദേവി ക്ഷേത്രത്തിലെ പത്താമുദയം മഹോത്സവത്തിന് ഇന്ന് കൊടിയേറും .ക്ഷേത്രം തന്ത്രി എരണിയൂർ കോരക്കാട്ട് ഇല്ലത്ത് ഈശ്വരൻ നമ്പൂതിരി, മേൽശാന്തി നാരായണൻ പോറ്റി എന്നിവർ മുഖ്യകാർമികത്വം വഹിക്കും. ഇന്ന് പുലർച്ചെ നാലിന് വിഷുക്കണി, വൈകുന്നേരം 4.30ന് ശീവേലി ബിംബം എഴുന്നള്ളത്തും തങ്ക അങ്കി ഘോഷയാത്രയും . ഇലഞ്ഞുവേലി ക്ഷേത്രത്തിൽ നിന്ന് ആരംഭിച്ച് ദേവി ക്ഷേത്രത്തിൽ ഘോഷയാത്ര മടങ്ങിയെത്തും.
രാത്രി എട്ടിന് കൊടിയേറ്റ്, 8.30ന് കഥകളി. 15ന് വൈകുന്നേരം അഞ്ചിന് പ്രഭാഷണം. ഏഴിന് ഗാനമേള. 16ന് വൈകുന്നേരം ആറിന് സംഗീതാർച്ചന, രാത്രി 9 .30ന് ഗാനമേള.
17ന് വൈകുന്നേരം അഞ്ചിന് കൈകൊട്ടിക്കളി. 5.30ന് നാദാർച്ചന,രാത്രി 7 .30ന് സംഗീത പരിപാടി, ഒമ്പതിന് പുരാണ നൃത്തനാടകം. 18ന് വൈകുന്നേരം അഞ്ചിന് തിരുവാതിര, 5.30ന് ചാക്യാർകൂത്ത്, രാത്രി 7.5ന് നൃത്ത നൃത്യങ്ങൾ, 9.30ന് വയലിൻ സംഗീത പരിപാടികൾ. 19ന് രാവിലെ 10 .30 ന് നാരങ്ങാ വിളക്ക്. രാത്രി വൈകുന്നേരം 7. 30ന് സംഗീത പരിപാടികൾ. 20ന് ഉച്ചയ്ക്ക് 12ന് പുനുക്കന്നൂർ കൂട്ടായ്മയുടെ സമൂഹ സദ്യ. വൈകുന്നേരം ആറിന് ഭരതനാട്യം അരങ്ങേറ്റവും നൃത്ത സന്ധ്യയും. രാത്രി എട്ടിന് ഗാനമേള. 21ന് രാവിലെ എട്ടിന് ഭക്തിനിർഭരമായ പൊങ്കാല. വൈകുന്നേരം നാലിന് താലപ്പൊലിയും ചമയവിളക്കും ഘോഷയാത്രയും. 6.30ന് വയലിൻ സംഗീത പരിപാടി. ഏഴിന് തിരുവാതിര, രാത്രി എട്ടിന് നൃത്ത സന്ധ്യ. 9ന് ഗാനമേള. 22ന് രാവിലെ 10 .30 ന് ഓട്ടൻതുള്ളൽ. 11ന് ഉത്സവ ബലി, വൈകുന്നേരം ആറിന് സോപാന സംഗീതം. രാത്രി എട്ടിന് നാടൻപാട്ടും ദൃശ്യവിരുന്നും ,പത്തിന് പള്ളിവേട്ട എഴുന്നള്ളത്ത് .
23ന് രാവിലെ 9ന് ആറാട്ട് സദ്യ . പത്തിന് ഓട്ടൻതുള്ളൽ, 11ന് നൂറും പാലും. ഉച്ചകഴിഞ്ഞ് മൂന്നിന് ആറാട്ട് എഴുന്നള്ളത്ത്. 4.30ന് നെടും കുതിര എടുപ്പും കെട്ടു കാഴ്ചകളും. തുടർന്ന് നാഗസ്വര കച്ചേരി, രാത്രി ഏഴിന് കൊടിയിറക്ക്. 9 .30ന് ഗാനമേളയോടെ മഹോത്സവം സമാപിക്കും .