കൊല്ലം: പുതുതായി റോളർ സ്‌കേറ്റിംഗ് പഠിക്കുന്നവർക്കായി കൊല്ലം റോളർ സ്‌കേറ്റിംഗ് ക്ലബ് നടത്തുന്ന അവധിക്കാല ജില്ലാതല സ്‌കേറ്റിംഗ് പരിശീലന ക്യാമ്പ്കൊല്ലത്ത് തുടങ്ങി. ചക്രങ്ങളുള്ള സ്‌കേറ്റിങ്ഷൂവുമായി നടന്നും തെന്നിയും നീങ്ങുന്ന സ്‌കേറ്റിംഗ് പരിശീലനത്തിൽ പെൺകുട്ടികളുൾപ്പെടെയുള്ള കുരുന്നു സ്‌കേറ്റിംഗ് താരങ്ങൾ പങ്കെടുക്കുന്നുണ്ട്.
ആൺകുട്ടികളിൽ മൂന്നര വയസുള്ള മെഹബൂബ് യൂസഫും പെൺകുട്ടികളിൽ അഞ്ചു വയസുള്ള ഇഹ ഹമയുമാണ് ക്യാമ്പിലെ ഏറ്റവും പ്രായം കുറഞ്ഞ സ്‌കേറ്റിംഗ് താരങ്ങൾ. ആദം അഫ്‌നാൻ, ഐദിൻ, അഭിനവ് അനിൽ, മുകുന്ദ് പി പണിക്കർ, ധന്വന്തുഎം.ശർമ,അദ്വൈക കൃഷ്ണൻ, മുഹമ്മദ് ഹാഫിസ് എന്നിവരും പ്രായംകുറഞ്ഞവരാണ്. വൈകീട്ട് ലാൽബഹാദൂർ ശാസ്ത്രി സ്റ്റേഡിയത്തിനോട് ചേർന്നുള്ള ഗ്രൗണ്ടിലും രാവിലെ റെയിൽവേ ഓവർബ്രിഡ്ജിനടുത്തുള്ള ബീച്ച് റോഡിലുമാണ് പരിശീലനം. മുൻ വർഷങ്ങളിൽ ജില്ല, സംസ്ഥാന, ദേശീയ മത്സരങ്ങളിൽ മെഡൽ നേടിയ റോളർ സ്‌കൂട്ടർ, റോളർ ഹോക്കി, സ്‌കേറ്റ് ബോഡിങ് എന്നിവയുടെ പരിശീലനവും ഇതോടൊപ്പമുണ്ട്.
ജില്ലാ, സംസ്ഥാന അസോസിയേഷൻ അംഗീകൃത പരിശീലകരാണ് ക്യാമ്പിന് നേതൃത്വം നൽകുന്നത്. ജില്ലാ സ്പോർട്സ് കൗൺസിൽ എക്സിക്യുട്ടീവ് കമ്മിറ്റി അംഗം കെ.രാധാകൃഷ്ണൻ ക്യാമ്പ് ഉദ്ഘാടനം ചെയ്തു. കഴിഞ്ഞ 36 വർഷമായി ക്യാമ്പ് നടക്കുന്നുണ്ടെന്ന്സെക്രട്ടറിയും റോളർ സ്‌കേറ്റിങ് ഫെഡറേഷൻ ഓഫ് ഇന്ത്യ അദർ ഗെയിംസ് ടെക്നിക്കൽ കമ്മിറ്റി വൈസ് ചെയർമാനുമായ പി.ആർ.ബാലഗോപാൽ പറഞ്ഞു.ചാത്തന്നൂർ, കരുനാഗപ്പള്ളി, കൊട്ടാരക്കര, ആയൂർ, പുനലൂർ എന്നിവിടങ്ങളിലെ പരിശീലനം 20-ന് ശേഷം തുടങ്ങും. താത്പര്യമുള്ളവർക്ക് ക്യാമ്പിലേക്ക് ഇനിയും പ്രവേശനം നൽകുമെന്നു സംഘാടകർ അറിയിച്ചു. ഫോൺ: 9447230830. ങ്ങി.