നൂ​റോ ​ളം വീ​ടു​ക​ളി​ൽ വെ​ള്ളം ക​യ​റി; നിരവധി വീടുകൾ തകർന്നു
Monday, May 27, 2024 11:54 PM IST
കൊ​ട്ടി​യം:​ തൃ​ക്കോ​വി​ൽ​വ​ട്ടം പ​ഞ്ചാ​യ​ത്തി​ൽ​പെ​ട്ട​ മൈ​ലാ​പ്പൂ​ർ വാ​ർ​ഡി​ലെ പു​തു​ച്ചി​റ​യി​ൽ നി​ര​വ​ധി വീ​ടു​ക​ളി​ൽ വെ​ള്ളം ക​യ​റി.​ വെ​ള്ളം ക​യ​റി​യ വീ​ടു​ക​ളി​ൽ നി​ന്നും പ​ല​രും ഒ​ഴി​ഞ്ഞു പോ​വു​ക​യും ചി​ല​ർ വീ​ടു​ക​ളി​ൽ കു​ടു​ങ്ങു​ക​യും ചെ​യ്തു.​ പെ​രും​കു​ളം ഏ​ലാ​യു​ടെ ക​ര​യി​ലു​ള്ള വീ​ടു​ക​ളി​ലാ​ണ് വെ​ള്ളം ക​യ​റി​യ​ത്. പ​ല വീ​ടു​ക​ളി​ലും വീ​ട്ടു​പ​ക​ര​ണ​ങ്ങ​ൾ ന​ശി​ക്കു​ക​യും വാ​ഹ​ന​ങ്ങ​ൾ പു​റ​ത്തേ​ക്കി​റ​ക്കാ​ൻ പ​റ്റാ​ത്ത​അ​വ​സ്ഥ​യി​ലു​മാ​ണ്.​ ഒ​ട്ടു​മി​ക്ക ഇ​ട​ങ്ങ​ളി​ലും വീ​ടു​ക​ളി​ലേ​ക്കു​ള്ള വ​ഴി മു​ഴു​വ​ൻ വെ​ള്ളം നി​റ​ഞ്ഞു കി​ട​ക്കു​ക​യാ​ണ്.

നൂ​റോ​ളം വീ​ടു​ക​ളി​ലാ​ണ് ഇ​വി​ടെ വെ​ള്ളം ക​യ​റി​യി​ട്ടു​ള്ള​ത്. പ​ല​രും ബ​ന്ധു​വീ​ടു​ക​ളി​ലാ​ണ് അ​ഭ​യം തേ​ടി​യ​ത്.​ പു​തു​ച്ചി​റ പെ​രു​ങ്കു​ളം ശി​വ​ക്ഷേ​ത്ര​ത്തി​ന് അ​ടു​ത്ത് രാ​ജ്സ​ദ​ന​ത്തി​ൽ​രാ​ജു​വി​ന്‍റെ വീ​ട്ടി​ൽ മു​ഴു​വ​നാ​യും വെ​ള്ളം ക​യ​റി. വീ​ട്ടു സാ​ധ​ന​ങ്ങ​ൾ​എ​ല്ലാം വെ​ള്ള​ത്തി​ൽ​മു​ങ്ങി​ക്കി​ട​ക്കു​ക​യാ​ണ്.​ ആ​റി​ന്‍റെ പു​ന​ർ​നി​ർ​മാ​ണ​വും ബൈ​പ്പാ​സ് റോ​ഡി​ലെ പാ​ല​ങ്ങ​ളു​ടെ നി​ർ​മാ​ണ​വും ആ​ണ് ഇ​വി​ടെ വെ​ള്ളം ക​യ​റാ​ൻ കാ​ര​ണ​മാ​ക്കി​യ​ത്.​

ചൂ​ര​ങ്ങ​ൾ ആ​റ് വൃ​ത്തി​യാ​ക്കു​ന്ന​തി​നാ​യി​ ഹി​റ്റാ​ച്ചി​യും ജ​ങ്കാ​റും കൊ​ണ്ടു​പോ​കു​ന്ന​തി​ന് വേ​ണ്ടി വ​ശ​ങ്ങ​ളി​ൽ വ​ലി​യ രീ​തി​യി​ൽ വ​ഴി ഉ​ണ്ടാ​ക്കി ആ​റ്റു​തീ​രം വെ​ട്ടി പൊ​ളി​ച്ച​ത് ഇ​വി​ടെ വെ​ള്ളം ക​യ​റാ​ൻ ഇ​ട​യാ​ക്കി​യ​തി​ന്‍റെ ഒ​രു കാ​ര​ണം ആണ്. പ​ല വീ​ടു​ക​ളി​ലും വെ​ള്ള​ത്തോ​ടൊ​പ്പം ഇ​ഴ​ജ​ന്തു​ക്ക​ളും കു​ള​യ​ട്ട​യും ക​യ​റി​യി​ട്ടു​ണ്ട്. ​ര​ക്തം കു​ടി​ക്കു​ന്ന രീ​തി​യി​ലു​ള്ള കു​ള​യ​ട്ട​ വീ​ട്ടു​കാ​ർ​ക്ക് ഭീ​ഷ​ണി​യാ​യി​ട്ടു​ണ്ട്.​ അ​ട്ട​ക​ൾ കാ​ലി​ൽ ക​ടി​ച്ചാ​ൽ എ​ടു​ത്തു മാ​റ്റാ​നും ക​ഴി​യി​ല്ല.​ ഗ്രാ​മ​പ​ഞ്ചാ​യ​ത്ത് അം​ഗം ഷാ​ജ​ഹാ​ന്‍റെ നേ​തൃ​ത്വ​ത്തി​ൽ ദു​രി​താ​ശ്വാ​സ ക്യാ​മ്പ് ആ​രം​ഭി​ക്കാ​നു​ള്ള ശ്ര​മ​ങ്ങ​ൾ ന​ട​ന്നു​വ​രി​ക​യാ​ണ്. ഇ​ത്ര​യ​ധി​കം വീ​ടു​ക​ളി​ൽ വെ​ള്ളം ക​യ​റി​യി​ട്ടും റ​വ​ന്യൂ അ​ധി​കൃ​ത​ർ ഇ​വി​ടേ​ക്ക് തി​രി​ഞ്ഞു​നോ​ക്കി​യില്ലെന്ന് ആ​ക്ഷേ​പ​വും ഉ​യ​രു​ന്നു​ണ്ട്. ബൈ​പാ​സി​ൽ പാ​ലം നി​ർ​മി​ക്കു​ന്ന സ്ഥ​ല​ങ്ങ​ളി​ൽ സു​ഗ​മ​മാ​യി​ വെ​ള്ളം ഒ​ഴു​കി പോ​കാ​ൻ ഉ​ള്ള സം​വി​ധാ​നം ഉ​ണ്ടാ​ക്കു​വാ​ൻ അ​ധി​കൃ​ത​രു​ടെ ഭാ​ഗ​ത്തു​നി​ന്നും അ​ടി​യ​ന്ത​ര ന​ട​പ​ടി ഉ​ണ്ടാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

വീട് ഇ​ടി​ഞ്ഞു വീ​ണു

ചാ​ത്ത​ന്നൂ​ര്‍: ശ​ക്ത​മാ​യ മ​ഴ​യി​ല്‍ വീ​ട് ഇ​ടി​ഞ്ഞു​വീ​ണു. ചി​റ​ക്ക​ര പ​ഞ്ചാ​യ​ത്തി​ലെ അ​ഞ്ചാം വാ​ർ​ഡി​ൽ ത​ട്ടാ​രു​കോ​ണം ​ച​രു​വി​ള പു​ത്ത​ൻ വീ​ട്ടി​ൽ ക​മ​ല​മ്മ അ​മ്മ​യു​ടെ വീ​ടാ​ണ് ഇ​ടി​ഞ്ഞു വീ​ണ​ത്. വീ​ടി​ന്‍റെ പ​കു​തി കോ​ൺ​ക്രീ​റ്റും ബാ​ക്കി ഓ​ടു​മാ​ണ്.

മേ​ൽ​ക്കൂ​ര കോ​ൺ​ക്രീ​റ്റ് ആ​യി​ട്ടു​ള്ള​ത് പൂ​ർ​ണമാ​യും ഓ​ടി​ട്ട ഭാ​ഗ​ത്തെ ഒ​രു മുറിയുടെ മേ​ൽ​ക്കൂ​ര ഭാ​ഗി​ക​മാ​യും ത​ക​ർ​ന്നി​ട്ടു​ണ്ട്. ക​ഴി​ഞ്ഞ ദി​വ​സം രാ​വി​ലെ 10 ഓടെ ആ​യി​രു​ന്നു സം​ഭ​വം. 85 വ​യ​സു​ള്ള ക​മ​ല​മ്മ അ​മ്മ എ​പ്പോ​ഴും ഇ​രി​ക്കാ​റു​ള്ള മുറിയാ​ണ് ഇ​ടി​ഞ്ഞു വീ​ണ​ത്. ക​മ​ല​മ്മ അ​മ്മ മ​ക​ന്‍റെ വീ​ട്ടി​ലും മ​റ്റ് കു​ടും​ബാം​ഗ​ങ്ങ​ൾ ജോ​ലി​ക്കും പോ​യി​രു​ന്ന​ത് കൊ​ണ്ട് വ​ൻ അ​പ​ക​ടം ഒ​ഴി​വാ​യി. പ​ഞ്ചാ​യ​ത്ത് മെ​മ്പ​റു​ടെ നേ​തൃ​ത്വ​തി​ൽ ക​മ​ല​മ്മ അ​മ്മ​യെ മ​ക​ന്‍റെ വീ​ട്ടി​ലേ​ക്കും ഉ​ഷ, മോ​ഹ​ന​ൻ, മോ​നി​ഷ എ​ന്നി​വ​രെ ചി​റ​ക്ക​ര പ​ഞ്ചാ​യ​ത്തി​ലെ പ​ക​ൽ വീ​ട്ടി​ലേ​ക്കു മാ​റ്റി പാ​ർ​പ്പി​ച്ചു.

കൊ ട്ടാരക്കരയിലും
വീ​ടു​ക​ൾ ത​ക​ർ​ന്നു

കൊ​ട്ടാ​ര​ക്ക​ര: ക​ഴി​ഞ്ഞ ദി​വ​സ​മു​ണ്ടാ​യ കാ​റ്റി​ലും മ​ഴ​യി​ലും താ​ലൂ​ക്കി​ന്‍റെ വി​വി​ധ ഭാ​ഗ​ങ്ങ​ളി​ൽ വീ​ടു​ക​ൾ ത​ക​ർ​ന്നു. മൈ​ലം ഇ​ഞ്ച​ക്കാ​ട്ട് കു​ഴി​വി​ള വീ​ട്ടി​ൽ സു​മ​തി​യു​ടെ വീ​ട് ഭാ​ഗി​ക​മാ​യും തൊ​ഴു​ത്ത് പൂ​ർ​ണമാ​യും ന​ശി​ച്ചു. സ്ഥ​ല​ത്ത് റ​വ​ന്യു ഉ​ദ്യോ​ഗ​സ്ഥ​ർ പ​രി​ശോ​ധ​ന ന​ട​ത്തി.​ ഏ​ക​ദേ​ശം 80,000 രൂ​പ​യു​ടെ ന​ഷ്ട​മാ​ണ് ക​ണ​ക്കാ​ക്കി​യി​ട്ടു​ള്ള​ത്. നി​ല​മേ​ൽ നെ​ട്ട​യം സു​പ്ര​ഭാ മ​ന്ദി​ര​ത്തി​ൽ സു​പ്രയു​ടെ വീ​ടും ഭാ​ഗി​ക​മാ​യി ത​ക​ർ​ന്നു. 25000 രൂ​പ​യു​ടെ ന​ഷ്ടം സം​ഭ​വി​ച്ച​താ​യാ​ണ് ക​ണ​ക്കാ​ക്കു​ന്ന​ത്. നെ​ടു​വ​ത്തൂ​ർ പി​ണ​റ്റി​ൻ മൂ​ട് ചാ​ത്തൂ​ർ ഗോ​പാ​ല​ന്‍റെ വീ​ടും ത​ക​ർ​ന്നി​ട്ടു​ണ്ട്. മേ​ൽ​ക്കൂ​ര പൂ​ർ​ണമാ​യി നി​ലം​പൊ​ത്തി. പ​രി​ശോ​ധ​ന ന​ട​ത്തി​യ റ​വ​ന്യു സം​ഘം 50,000 രൂ​പ​യു​ടെ ന​ഷ്ട​മാ​ണ് ക​ണ​ക്കാ​ക്കി​യി​ട്ടു​ള്ള​ത്. വീ​ട് ന​ശി​ച്ച​വ​ർ​ക്കും വി​ള​നാ​ശം സം​ഭ​വി​ച്ച​വ​ർ​ക്കും അ​ടി​യ​ന്തി​ര ധ​ന​സ​ഹാ​യം ന​ൽ​ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.

ക​ട​യു​ടെ​യും വീ​ടി​ന്‍റേയും
ഭി​ത്തി ഇ​ടി​ഞ്ഞു​വീ​ണു

ച​വ​റ : ശ​ക്ത​മാ​യ മ​ഴ​യെ തു​ട​ർ​ന്ന് വീ​ടി​ന്‍റേ​യും ക​ട​യു​ടെ​യും ഭി​ത്തി ഇ​ടി​ഞ്ഞു​വീ​ണു. ച​വ​റ തെ​ക്കും​ഭാ​ഗം ലൂ​ർ​ദ് പു​രം തൊ​ടി​യി​ൽ കി​ഴ​ക്ക​തി​ൽ വീ​ട്ടി​ല്‍ ക്ലീ​റ്റ​സി​ന്‍റെ വീ​ടി​ന്‍റെ ഭി​ത്തി​യാ​ണ് ഇ​ടി​ഞ്ഞ് വീ​ണ​ത്. മ​ഴ​യി​ല്‍ ഭി​ത്തി​യു​ടെ ഒ​രു വ​ശം ഇ​ടി​ഞ്ഞ് വീ​ഴു​ക​യാ​യി​രു​ന്നു.​ ഈ സ​മ​യം ക്ലീ​റ്റ​സും ഭാ​ര്യ​യും ര​ണ്ട് മ​ക്ക​ളും വീ​ട്ടി​നു​ള്ളി​ല്‍ ഉ​ണ്ടാ​യി​രു​ന്നു.

വ​ലി​യ ശ​ബ്ദം കേ​ട്ട് ഇ​വ​ര്‍ പു​റ​ത്ത് വ​ന്ന് നോ​ക്കു​മ്പോ​ള്‍ ഭി​ത്തി​യു​ടെ ഒ​രു വ​ശം ഇ​ടി​ഞ്ഞ് വീ​ണ് കി​ട​ക്കു​ന്ന​താ​ണ് ക​ണ്ട​ത്. പ​കു​തി ഷീ​റ്റും ഓ​ടു മേ​ഞ്ഞ​തു​മാ​യി​രു​ന്നു വീ​ട്.​ സം​ഭ​വം അ​റി​ഞ്ഞ് ച​വ​റ ഗ്രാ​മ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് പ്ര​ഭാ​ക​ര​ന്‍​പി​ള്ള, വി​ല്ലേ​ജ് ഓ​ഫീ​സ​ര്‍ എ​ന്നി​വ​ര്‍ സ്ഥ​ല​ത്തെ​ത്തി​യി​രു​ന്നു. ഭി​ത്തി പു​റ​ത്തേ​ക്ക് വീ​ണ​തി​നാ​ല്‍ വ​ലി​യ അ​പ​ക​ടം ഒ​ഴി​വാ​യി.

തെ​ക്കും​ഭാ​ഗം മാ​ലി​ഭാ​ഗം മ​ഠ​ത്തി​ൽ വ​ട​ക്ക​തി​ൽ രാ​ജ​ൻ ആ​ചാ​രി​യു​ടെ ഉ​ട​മ​സ്ഥ​ത​യി​ലു​ള്ള ക​ട​യു​ടെ ഭി​ത്തി​യു​ടെ പ​കു​തി ഭാ​ഗ​ം ഇ​ടി​ഞ്ഞ് വീ​ണു. വീ​ടി​ന്‍റെ മു​ൻ​വ​ശ​ത്തു​ള്ള ക​ട​യു​ടെ പ​കു​തി​ഭാ​ഗം ഇ​ടി​ഞ്ഞ് വീ​ഴു​ക​യാ​യി​രു​ന്നു. ഈ ​സ​മ​യം ക​ട​യി​ൽ ആ​രും ഉ​ണ്ടാ​യി​രു​ന്നി​ല്ല. ഭി​ത്തി ഇ​ടി​ഞ്ഞ് വീ​ണ​തി​നെ തു​ട​ർ​ന്ന് സ​മീ​പ​ത്തെ വീ​ടി​ന്‍റെ വാ​ട്ട​ർ ടാ​ങ്കും ത​ക​ർ​ന്നു.