പന​യ​ത്ത് 100 പേ​രെ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി
Tuesday, May 28, 2024 11:38 PM IST
കു​ണ്ട​റ: ക​ഴി​ഞ്ഞ​ദി​വ​സം തോ​രാ​തെ പെ​യ്ത മ​ഴ പ​ന​യ​ത്ത് ദു​രി​തം വി​ത​ച്ചു. പ​ന​യം പ​ഞ്ചാ​യ​ത്തി​ന്‍റെ വി​വി​ധ വാ​ർ​ഡു​ക​ളി​ൽ നി​ന്നും 100 പേ​രെ പ​ണ​യി​ൽ ഗ​വ​.ഹൈ​സ്കൂ​ളി​ൽ പ്ര​വ​ർ​ത്തി​ക്കു​ന്ന ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി.

ചോ​നം​ചി​റ, ക​ണ്ട​ച്ചി​റ , ചി​റ്റ​യം പെ​രു​മ​ൺ, ചെ​മ്മ​ക്കാ​ട് പാ​മ്പാ​ലി​ൽ എ​ന്നീ വാ​ർ​ഡു​ക​ളി​ൽ നി​ന്നു​മാ​യി 29 വീ​ട്ടു​കാ​രെ​യാ​ണ് ക്യാ​മ്പി​ൽ എ​ത്തി​ച്ച​ത്. കൈ​ക്കു​ഞ്ഞ് മു​ത​ൽ വയോധികർ വ​രെ ക്യാ​മ്പി​ലു​ണ്ട്. ചെ​മ്മ​ക്കാ​ട് നി​ന്നും ഒ​ഴു​കിയെ​ത്തു​ന്ന വെ​ള്ളം റെ​യി​ൽ​വേ സ്റ്റേ​ഷ​ൻ, ചോ​നം​ചി​റ, താ​ന്നി​ക്ക​മു​ക്ക്, വാ​ർ​ഡു​ക​ളി​ലൂ​ടെ പാ​വൂ​ർ ഏ​ലാ​യി​ൽ എ​ത്തി​യാ​ണ് കൊ​ല്ലം കോ​ർ​പറേ​ഷ​ൻ പ​രി​ധി​യി​ലു​ള്ള ക​ണ്ട​ച്ചി​റ കാ​യ​ലി​ൽ എ​ത്തു​ന്ന​ത്.


കൊ​ല്ലം തേ​നി ദേ​ശീ​യ​പാ​ത​യു​ടെ വ​ശ​ങ്ങ​ളി​ലെ ക​ല​ങ്കു​ക​ൾ സ്വ​കാ​ര്യ വ്യ​ക്തി​ക​ൾ അ​ട​ച്ച​താ​ണ് റോ​ഡി​ന് മു​ക​ളി​ലൂ​ടെ വെ​ള്ളം ഒ​ഴു​കാ​ൻ കാ​ര​ണം. പ​ന​യം വി​ല്ലേ​ജി​ൽ നി​ന്നും പ​ഞ്ചാ​യ​ത്ത് ഓ​ഫീ​സി​ൽ നി​ന്നും ഇ​വ​ർ​ക്ക് നോ​ട്ടീ​സ് ന​ൽ​കി​യെ​ങ്കി​ലും ക​ലു​ങ്ക് തു​റ​ക്കാ​ൻ സാ​ധി​ച്ചി​ട്ടി​ല്ല.സി​പി​ഐ പ​ന​യം ലോ​ക്ക​ൽ ക​മ്മി​റ്റി സെ​ക്ര​ട്ട​റി കെ.ആ​ർ ജ​യ​കു​മാ​ർ, മ​ണ്ഡ​ലം ക​മ്മി​റ്റി അം​ഗ​വും വാ​ർ​ഡ് മെ​മ്പ​റു​മാ​യ ആ​ർ. അ​ശോ​ക് കു​മാ​ർ, ചിറ്റു​മ​ല ബ്ലോ​ക്ക് പ​ഞ്ചാ​യ​ത്ത് അം​ഗം ഓ ​ഷീ​ലാ​കു​മാ​രി, ചോ​നം​ചി​റ ബ്രാ​ഞ്ച് സെ​ക്ര​ട്ട​റി പി. ​ത​മ്പാ​ൻ, മ​ഹേ​ശ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ പ്ര​ദേ​ശ​വാ​സി​ക​ളു​ടെ സ​ഹാ​യ​ത്തോ​ടെ​യാ​ണ് ജ​ന​ങ്ങ​ളെ ദു​രി​താ​ശ്വാ​സ ക്യാ​മ്പി​ൽ എ​ത്തി​ച്ച​ത്.

Copyright @ 2022 , Rashtra Deepika Ltd.