ADVERTISEMENT

ADVERTISEMENT

കിഴക്കൻ മലയോര മേഖലയിലെ പള്ളികളിൽ കാൽകഴുകൽ ശുശ്രൂഷയും പെസഹ അപ്പം മുറിക്കൽ ശുശ്രൂഷകളും നടന്നു

കുളത്തൂപ്പുഴ : കിഴക്കൻ മലയോര മേഖലയിലെ സെന്‍റ് പോൾ സിഎസ്ഐ പള്ളി, ശാലേം മാർത്തോമാ പള്ളി, സെന്‍റ് ജോർജ് ഓർത്തഡോക്സ് പള്ളി, സെന്‍റ് മാർക്ക് സിഎസ്ഐ പള്ളി, റോമൻ കത്തോലിക് പള്ളി, ആര്യങ്കാവ് സെന്‍റ്മേരീസ് മലങ്കര കത്തോലിക്കാ പള്ളി ,

ഇടപ്പാളയം സെന്‍റ് ജോർജ് പള്ളി എന്നിവി ടങ്ങളിൽ ക്രിസ്തു ദേവന്‍റെ കുരിശ് ആരോഹണത്തിന്‍റെ മുന്നോടിയായി കാൽകഴുകൽ ശുശ്രൂഷയും പെസഹ അപ്പം മുറിക്കൽ ശുശ്രൂഷകളും നടന്നു. ശുശ്രൂഷകൾക്ക് അതാത് പള്ളികളിലെ വികാരിമാർ നേതൃത്വം നൽകി.

ADVERTISEMENT

എന്‍റെ കേരളം പ്രദര്‍ശന വിപണന മേള സമാപിച്ചു

കൊല്ലം: സമഗ്ര മേഖലയിലും വികസന പ്രവർത്തനങ്ങളുടെ തുടർച്ചയാണ് സർക്കാർ നടപ്പാക്കുന്നതെന്ന് മന്ത്രി ജെ. ചിഞ്ചുറാണി. സംസ്ഥാന സര്‍ക്കാരി െ ന്‍റ നാലാം വാര്‍ഷികത്തി െ ന്‍റ ഭാഗമായുള്ള എ െന്‍റകേരളം പ്രദര്‍ശന വിപണന മേളയുടെ സമാപന സമ്മേളനം ആശ്രാമം മൈതാനത്ത് ഉദ്ഘാടനം ചെയ്യുകയായിരുന്നു മന്ത്രി. ജനങ്ങളുമായി ചർച്ച നടത്തിയാണ് നാടി െ ന്‍റ പുരോഗതി ഉറപ്പാക്കുന്നതെന്ന് അധ്യക്ഷനായ മന്ത്രി കെ. എന്‍. ബാലഗോപാല്‍ പറഞ്ഞു. മുഖ്യമന്ത്രി ജനാഭിപ്രായം തേടാൻ 22ന് എത്തുന്നത് വാർഷികത്തി െ ന്‍റ സുപ്രധാന പരിപാടിയാണ്. നാല് വർഷം തികയുന്ന ദിനത്തിലാണ് എ െ ന്‍റ കേരളത്തി െ ന്‍റയും സമാപനം. ഇക്കാലത്തിനിടയിൽ വിമർശകരേയും അതിശയിപ്പിക്കുന്ന വികസനം നടത്താനായി. എല്ലാ മേഖലകളിലും സാമ്പത്തിക വെട്ടി കുറയ്ക്കൽ ഉണ്ടായിട്ടും നാടി െ ന്‍റ വളർച്ചയ്ക്ക് തളർച്ച ഉണ്ടായില്ല. കൊല്ലത്തെ കോടതി സമുച്ചയം ഇക്കൊല്ലം പൂർത്തിയാക്കാനാണ് ഉദ്ദേശിക്കുന്നത്. കേരളത്തെ ആദ്യമായി രണ്ടു ട്രില്യൺ ബജറ്റിൽ എത്തിക്കാൻ കഴിഞ്ഞതായും തനതു വരുമാനം ഇരട്ടിയായി വർധിപ്പിക്കാൻ സാധിച്ചുവെന്നും മന്ത്രി കൂട്ടിച്ചേർത്തു. മികച്ച തീം സ്റ്റോളുകൾ, വിപണന സ്റ്റോളുകൾ, എന്നിവയ്ക്കുള്ള സമ്മാനങ്ങളും റീൽസ് മത്സര വിജയി ആതിര .ബി. അശോകിനും ശുചിത്വമിഷൻ നടത്തിയ ക്വിസ് മത്സരത്തിലെ മെഗാ വിജയി രാഹുൽ മോഹനും അവാർഡ് നൽകി. ജില്ലാ വ്യവസായ വകുപ്പിനും ഉപഹാരം നൽകി.മേയർ ഹണി ബെഞ്ചമിൻ, ജില്ലാ പഞ്ചായത്ത് പ്രസിഡന്‍റ് ഡോ. പി. കെ. ഗോപന്‍, ജില്ലാ കളക്ടര്‍ എൻ. ദേവിദാസ്, സബ് കളക്‌ടര്‍ നിഷാന്ത് സിഹാര, എഡിഎം ജി. നിർമൽകുമാർ, സിറ്റി പോലീസ് കമ്മിഷണർ കിരൺ നാരായണൻ, പിആര്‍ഡി ഡെപ്യൂട്ടി ഡയറക്ടര്‍ കെ.എസ്. ശൈലേന്ദ്രൻ, ജില്ലാ ഇന്‍ഫര്‍മേഷന്‍ ഓഫീസര്‍ എൽ. ഹേമന്ത് കുമാർ തുടങ്ങിയവര്‍ പങ്കെടുത്തു.

ഡെങ്കിപ്പനി: ഏരൂരില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി

അഞ്ചല്‍ : ഡെങ്കിപ്പനി സ്ഥിരീകരിച്ചതോടെ ഏരൂര്‍ പഞ്ചായത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി. ഇതിന്‍റെ ഭാഗമായി വിവിധ വകുപ്പുകളുടെ സംയുക്ത യോഗം പഞ്ചായത്ത് കോണ്‍ഫറന്‍സ് ഹാളില്‍ നടന്നു. പഞ്ചായത്ത്, ആരോഗ്യം, ഓയില്‍പാം, ആര്‍പിഎല്‍, കുടുംബശ്രീ, തൊഴിലുറപ്പ് തുടങ്ങിയവരെയെല്ലാം പങ്കെടുപ്പിച്ചുകൊണ്ടായിരുന്നു യോഗം ചേര്‍ന്നത്. പഞ്ചായത്ത് പ്രസിഡന്‍റ് ജി.അജിത്ത് ഉദ്ഘാടനം ചെയ്തു. പതിനൊന്നോളം പേര്‍ക്ക് ഡെങ്കിപ്പനി സ്ഥിരീകരിച്ചതായും കൂട്ടായ പരിശ്രമത്തിലൂടെ മാത്രമേ പ്രതിരോധ പ്രവര്‍ത്തനങ്ങള്‍ നടത്താൻ കഴിയൂ എന്നും അജിത്ത് പറഞ്ഞു. മുന്‍ പഞ്ചായത്ത് പ്രസിഡന്‍റ് ടി. അജയന്‍ അധ്യക്ഷത വഹിച്ചു. സ്ഥിരം സമിതി അധ്യക്ഷന്‍ ഡോണ്‍ വി. രാജ്, സെക്രട്ടറി എല്‍.വിനയന്‍ മെഡിക്കല്‍ ഓഫീസര്‍ ശ്രീഹരി തുടങ്ങിയവര്‍ പ്രസംഗിച്ചു. പഞ്ചായത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കുന്നതിനായി പതിനായിരം രൂപാവീതം വാര്‍ഡുകള്‍ക്ക് അനുവദിച്ചിട്ടുണ്ട്. ഒപ്പം ബോധവത്കരണം, മുന്നറിയിപ്പുകള്‍, ഉറവിട നശീകരണം, ഡ്രൈഡേ ഉള്‍പ്പെടെയുള്ള പ്രതിരോധ പ്രവര്‍ത്തനങ്ങള്‍ക്കും തുടക്കമായി.

നാടന്‍ തോക്ക് പിടികൂടിയ സംഭവം; ഒരാള്‍കൂടി പിടിയില്‍

അഞ്ചല്‍ : ഏരൂര്‍ മണലി ഭാഗത്ത് നിന്നും നാടന്‍ തോക്ക് കണ്ടെത്തിയ സംഭവത്തില്‍ ഒരാൾ കൂടി അറസ്റ്റിലായി. ആയിരനെല്ലൂര്‍ രഞ്ചു വിലാസത്തില്‍ സനില്‍ (43) ആണ് പിടിയിലായത്. ആദ്യം പിടിയിലായ സജുവിനെ ചോദ്യം ചെയ്തപ്പോള്‍ ലഭിച്ച വിവരത്തിന്‍റെ അടിസ്ഥാനത്തിലാണ് സനിലിനെ പോലീസ് അറസ്റ്റ് ചെയ്തത്. ഇയാളുടെ വീട്ടില്‍ നടത്തിയ പരിശോധനയില്‍ തോക്കില്‍ ഉപയോഗിക്കാനുള്ള തിര നിർമിക്കായി സൂക്ഷിച്ചിരുന്ന ഈയം ഉള്‍പ്പെടെയുള്ള വെടികോപ്പുകള്‍ പോലീസ് കണ്ടെത്തിയിട്ടുണ്ട്. പിടിയിലായ സനിലി െ ന്‍റ ഭാര്യ ഉള്‍പ്പടെയുള്ളവര്‍ ഇയാള്‍ തോക്ക് ഉപയോഗിച്ചിരുന്നതായി പോലീസിന് മൊഴി നല്‍കിയിട്ടുണ്ട്. തോക്ക് വന്യ മൃഗവേട്ടയ്ക്കായി ഉപയോഗിച്ചിരുന്നെന്നും പ്രദേശം കേന്ദ്രീകരിച്ചു പ്രത്യേക സംഘം തന്നെ ഇതിനായി പ്രവര്‍ത്തിച്ചു വരുന്നതായും ഏരൂര്‍ എസ്എച്ച് ഒ പുഷ്പകുമാര്‍ പറഞ്ഞു. കേസില്‍ കൂടുതൽ പേർ പിടിയിലാകുമെന്ന സൂചനയും പോലീസ് നല്‍കി. തുടരന്വേഷണത്തിന്‍റെ ഭാഗമായി ആദ്യം പിടിയിലായ സജുവിനെ പോലീസ് കസ്റ്റഡിയില്‍ വാങ്ങാനുള്ള നീക്കത്തിലാണ് പോലീസ്. അറസ്റ്റ് രേഖപ്പെടുത്തിയ പ്രതിയെ വൈദ്യ പരിശോധന പൂര്‍ത്തിയാക്കി കോടതിയില്‍ ഹാജരാക്കി റിമാൻഡ് ചെയ്തു.

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച 20കാരന്‍ അറസ്റ്റില്‍

അഞ്ചല്‍ : പ്രായപൂര്‍ത്തിയാകാത്ത പെണ്‍കുട്ടിയെ പലതവണ പീഡിപ്പിച്ച കേസില്‍ 20 കാരനെ അഞ്ചല്‍ പോലീസ് അറസ്റ്റ് ചെയ്തു. ഇടമുളയ്ക്കല്‍ ആനപ്പുഴക്കല്‍ സ്വദേശി അക്ഷയ് ആണ് അഞ്ചല്‍ പോലീസിന്‍റെ പിടിയിലായത്. സോഷ്യല്‍ മീഡിയ വഴി പരിചയപ്പെട്ട പെണ്‍കുട്ടിയുമായി അടുപ്പത്തിലായ അക്ഷയ് പരിചയം മുതലെടുത്ത് പെണ്‍കുട്ടിയെ പീഡിപ്പിക്കുകയായിരുന്നു. ആരുമില്ലാത്ത സമയത്ത് പെണ്‍കുട്ടിയുടെ വീട്ടിൽ ഉൾപ്പെടെ എത്തി പലതവണ പീഡിപ്പിച്ചതായി പോലീസ് കണ്ടെത്തി. പെണ്‍കുട്ടിയുടെ സ്വഭാവ രീതിയില്‍ സംശയം തോന്നിയ മാതാപിതാക്കള്‍ പരാതി നല്‍കുകയായിരുന്നു. അന്വേഷണം ആരംഭിച്ച അഞ്ചല്‍ പോലീസ് അതിജീവിതയുടെ വിശദമായ മൊഴി രേഖപ്പെടുത്തി. പിന്നീട് വൈദ്യ പരിശോധന പൂര്‍ത്തിയാക്കിയ ശേഷം പ്രതിയെ കസ്റ്റഡിയില്‍ എടുക്കുകയായിരുന്നു. പ്രതിയെ കോടതിയില്‍ ഹാജരാക്കി റിമാൻഡ് ചെയ്തു. എസ്എച്ച്ഒ ഹരീഷ്, എസ് ഐ പ്രജീഷ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.

നാലുകുട്ടികള്‍ ഒരു സ്‌കൂട്ടറില്‍; ചെന്നു പെട്ടത് മന്ത്രി ഗണേഷി െ ന്‍റ മുന്നിൽ

കൊല്ലം:പ്രായപൂര്‍ത്തിയാകാത്ത നാല് കുട്ടികള്‍ ഇരുചക്രവാഹനം ഓടിച്ച് ചെന്നുപെട്ടത് മന്ത്രി കെ.ബി. ഗണേഷ് കുമാറി ന്‍റെ മുന്നില്‍. പത്തനാപുരത്ത് കുടുംബശ്രീയുടെ വാര്‍ഷിക ആഘോഷം ഉദ്ഘാടനം ചെയ്യാനായെത്തിയതായിരുന്നു മന്ത്രി. പരിപാടിയുടെ ഭാഗമായുള്ള ഘോഷയാത്ര കഴിഞ്ഞ് സ്റ്റേജിലേക്ക് കയറുന്നതിനിടെയാണ് കുട്ടി സംഘത്തി െ ന്‍റ സ്‌കൂട്ടര്‍ യാത്ര മന്ത്രിയുടെ ശ്രദ്ധയില്‍പ്പെട്ടത്. മന്ത്രിയെ കണ്ടപ്പോൾ വാഹനം നിര്‍ത്തി രക്ഷപ്പെടാനുള്ള ശ്രമത്തിലായിരുന്നു കുട്ടികള്‍. ഉടന്‍ സമീപത്ത് ഉണ്ടായിരുന്ന പോലീസ് ഉദ്യോഗസ്ഥരോട് മന്ത്രി വിവരം തേടി. പിന്നീട് സിഐയെ വിളിച്ച് ഉടമയെ കണ്ടെത്തി. തുടർന്നാണ് ആര്‍ടി ഓഫീസില്‍ പറഞ്ഞ് ഉടമസ്ഥ െന്‍റ ലൈസന്‍സ് റദ്ദാക്കാന്‍ മന്ത്രി നിര്‍ദേശം നല്‍കിയത്. ‘കൊച്ചുകുട്ടികളാണ്. അവരുടെ കൈയില്‍ വണ്ടി കൊടുത്തേക്കുന്നു. 18 വയസു പോലും ആയിട്ടില്ല കുട്ടികള്‍ക്ക്. നാല് പേരാ ഒരു ബൈക്കില്‍. വീണ് മരിച്ചാല്‍ നമ്മള്‍ തന്നെ കാണണം. ഹെല്‍മറ്റുമില്ല, ലൈസന്‍സുമില്ല. ഉടമസ്ഥന്‍ വരുമ്പോള്‍ ആര്‍ടി ഓഫിസിന് കൈമാറണം. അതാ നിയമമെന്നും മന്ത്രി ഉദ്യോഗസ്ഥരോട് പറഞ്ഞു’. ഇതി െ ന്‍റ വീഡിയോ സാമൂഹമാധ്യമങ്ങളില്‍ പ്രചരിക്കുന്നുണ്ട്.

ഭാര്യയെ കൊലപ്പെടുത്തിയ കേസ്: രണ്ടാം ഭർത്താവിന് ജീവപര്യന്തം

കൊല്ലം: ഭാര്യയെ കൊലപ്പെടുത്തിയ കേസിൽ രണ്ടാം ഭർത്താവിന് ജീവപര്യന്തം കഠിന തടവും ഒരു ലക്ഷം രൂപ പിഴയും ശിക്ഷ. തൊട്ടിയൂർ പുലിയൂർവഞ്ചി തെക്ക് മുണ്ടപ്പള്ളിൽ വീട്ടിൽ രവീന്ദ്രനെ(67) യാണ് ജില്ലാ അഡീഷണൽ സെഷൻസ് ജഡ്ജി പി. എൻ. വിനോദ് ശിക്ഷിച്ചത്. തൊടിയൂർ അടയ്ക്കാമരത്തിൽ വീട്ടിൽ ശ്യാമള ( പൂങ്കൊടി - 42) ആണ് കൊല്ലപ്പെട്ടത്. ശ്യാമളയുടെ ആദ്യ വിഹാത്തിലെ മകൾ ഗോപികയെയും അവരുടെ നാല് വയസുള്ള മകളെയും കുത്തിക്കൊലപ്പെടുത്താൻ ശ്രമിച്ചതിന് അഞ്ച് വർഷം വീതം കഠിന തടവ് അനുഭവിക്കാനും കോടതി വിധിച്ചിട്ടുണ്ട്. 2023 ജൂലൈ ആറിന് സന്ധ്യയ്ക്കാണ് സംഭവം നടന്നത്. ഗോപിക നാടൻ പാട്ട് സംഘത്തിലെ അംഗമായിരുന്നു. റിഹേഴ്സലിന് ട്രൂപ്പ് അംഗങ്ങൾ വരുന്നതിനെ ചൊല്ലി പ്രതിയും ശ്യാമളയും ഗോപികയുമായി വഴക്ക് പതിവായിരുന്നു. സംഭവ ദിവസം ഇയാൾ ഗോപികയെ കത്തിയെടുത്ത് കുത്താൻ ഓടിച്ചു. മകളെ രക്ഷിക്കാൻ ശ്രമിക്കുന്നതിനിടെ ശ്യാമളയ്ക്ക് കഴുത്തിനും നെഞ്ചത്തും കുത്തേറ്റു. ഗോപികയും മകൾക്കും പരിക്കേൽക്കുകയും ചെയ്തു. ശ്യാമളയെ പോലീസ് കരുനാഗപ്പള്ളി താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചു. പ്രതിയെ സംഭവ സ്ഥലത്ത് നിന്നുതന്നെ പോലീസ് പിടികൂടി. കേസിൽ ഗോപികയുടെയും മകളുടെയും മൊഴിയാണ് നിർണായകമായത്. ശ്യാമളയുടെ അനന്തരാവകാശികൾക്ക് നഷ്‌ടപരിഹാരം നൽകി പുനരധിവസിപ്പിക്കുന്നതിന് നടപടികൾ സ്വീകരിക്കാൻ ജില്ലാ ലീഗൽ സർവീസ് അതോറിറ്റിയോട് കോടതി നിർദേശിച്ചിട്ടുണ്ട്. പ്രോസിക്യൂഷനുവേണ്ടി പബ്ലിക് പ്രോസിക്യൂട്ടർ സിസിൻ .ജി.മുണ്ടയ്ക്കൽ ഹാജരായി.

കളക്്‌ടറേറ്റിന് വീണ്ടും ബോംബ് ഭീഷണി

കൊല്ലം: കളക്‌ടറേറ്റിലേക്ക് വീണ്ടും വ്യാജ ബോംബ് ഭീഷണിയെത്തി. ഇന്നലെ രാവിലെ ജില്ലാ കളക്‌ടര്‍ എന്‍. ദേവിദാസി ന്‍റെ ഔദ്യോഗിക ഇ മെയിൽ വിലാസത്തിലാണ് ഭീഷണി സന്ദേശമെത്തിയത്. കളക്‌ടറേറ്റ് കെട്ടിടത്തില്‍ ബോംബ് വച്ചിട്ടിട്ടുണ്ടെന്നും നിശ്ചിത സമയത്തിനുള്ളില്‍ ഇത് പൊട്ടുമെന്നുമായിരുന്നു സന്ദേശത്തില്‍ പറഞ്ഞിരുന്നത്. ഉടന്‍ കളക്‌ടറുടെ ഓഫീസ് വിവരം പൊലിസിന് കൈമാറി. തുടർന്ന് പൊലീസും ബോംബ് സ്‌ക്വാഡും കളക്്‌ടറേറ്റിലെത്തി വിശദമായ പരിശോധന നടത്തിയെങ്കിലും ഒന്നും കണ്ടെത്താനായില്ല. ഭീഷണി സന്ദേശമെത്തിയ മെയിലി െ ന്‍റ ഉറവിടം അന്വേഷിക്കുകയാണ് പോലീസ്. കഴിഞ്ഞ ഒരുമാസത്തിനിടെ രണ്ടാമത്തെ ഭീഷണിയാണ് ഇന്നലെ ലഭിച്ചത്. ഏപ്രില്‍ 24നും മാര്‍ച്ച് 18നുമായിരുന്നു നേരത്തെ വ്യാജ ബോംബ് ഭീഷണി സന്ദേശമെത്തിയത്. ഈ വര്‍ഷം ഇതുവരെ മൂന്നു തവണയാണ് കളക്ടറേറ്റില്‍ ബോംബ് വച്ചിട്ടുണ്ടെന്ന സന്ദേശം ജില്ലാ കളക്‌ടറുടെ ഒദ്യോഗിക മെയിലില്‍ എത്തുന്നത്. നിരന്തരം ഉണ്ടാകുന്ന ഇത്തരം ബോംബ് ഭീഷണികള്‍ കളക്‌ടറേറ്റി െ ന്‍റ പ്രവര്‍ത്തനത്തെയും പ്രതികൂലമായി ബാധിക്കുന്നുണ്ട്. 2016- ലെ കളക്‌ടറേറ്റ് സ്‌ഫോടനത്തിന് ശേഷം ഇത്തരത്തില്‍ ലഭിക്കുന്ന ഭീഷണി സന്ദേശത്തെ പോലീസ് അതീവ ഗൗരവമായി തന്നെയാണ് കാണുന്നത്. അതേസമയം, അടിക്കടി സംസ്ഥാനത്തെ വിവിധ കളക്്‌ടറേറ്റുകളിലേക്കും സര്‍ക്കാര്‍ ഓഫിസുകളിലേക്കും വരുന്ന ബോംബ് ഭീഷണി സന്ദേശങ്ങളുടെ ഉറവിടം കണ്ടെത്തുന്നതില്‍ അന്വേഷണ ഉദ്യോഗസ്ഥർ പരാജയപ്പെടുന്നതാണ് ഇത് തുടര്‍ക്കഥയാകുന്നതിന് പിന്നിലെന്ന് ആക്ഷേപം ഉയർന്നിട്ടുണ്ട്.

ചാത്തന്നൂരിൽ ബസ് മണ്ണില്‌ പുതഞ്ഞു; ഗതാഗതം മുടങ്ങി

ചാത്തന്നൂർ: നിർമാണം നടക്കുന്ന ദേശീയപാതയിൽ ചാത്തന്നൂർ തിരുമുക്കിന് സമീപം കെഎസ്ആർടിസി ബസ് മണ്ണിൽ പുതഞ്ഞു. ഇന്നലെ രാവിലെ എട്ടരയോടെ കൊല്ലത്തുനിന്നും തിരുവനന്തപുരത്തേയ്ക്ക് പോവുകയായിരുന്ന ഫാസ്റ്റ് പാസഞ്ചർ ബസാണ് അപകടത്തിൽപ്പെട്ടത്. ബസ് നിറയെ യാത്രക്കാരുണ്ടായിരുന്നു. ബസി െ ന്‍റ പിൻ വശത്തെ വീലുകളാണ് മണ്ണിൽ താഴ്ന്നു പോയത്. യാത്രക്കാരെ ഉടൻ തന്നെ ബസിൽ നിന്നിറക്കി.റോഡ് നിർമാണത്തിനായി നിരത്തിയ മണ്ണ് ഉറപ്പിക്കാത്തതും രാത്രിമുഴുവൻ പെയ്ത മഴയുമാണ് മണ്ണ് ചെളിയായി അപകടത്തിന് കാരണമായത്. ബസ് മറിയാതിരുന്നതിനാൽ വൻ ദുരന്തം ഒഴിവായി. ഈ ഭാഗത്ത് വാഹനങ്ങൾ മണ്ണിൽ പുതയുന്നത് പതിവായിരിക്കുകയാണ്. ബസ് മണ്ണിൽ പുതഞ്ഞതിനാൽ രാവിലെ എട്ടര മുതൽ തിരുവനന്തപുരം ഭാഗത്തേയ്ക്കുള്ള ഗതാഗതം തടസപ്പെട്ടു. വാഹനങ്ങൾ മറ്റ് വഴികളിലൂടെ തിരിച്ചുവിട്ടു. ഒന്നര മണിക്കൂറിന് ശേഷമാണ് മണ്ണിൽ പുതഞ്ഞ ബസ് മാറ്റി ദേശീയപാതയിലൂടെയുള്ള ഗതാഗതം പുനസ്ഥാപിച്ചത്.

പറ്റോലി തോട് നവീകരണം; നൂറുകണക്കിന് കുടുംബങ്ങൾക്ക് ആശ്വാസമാകും

കരുനാഗപ്പള്ളി : നിയോജക മണ്ഡലത്തിലെ ഓച്ചിറ മുതൽ കന്നേറ്റി കായലിൽ അവസാനിക്കുന്ന പറ്റോലി തോട് നവീകരണ പ്രവർത്തനങ്ങൾ സി.ആർ.മഹേഷ് എംഎൽഎയും മറ്റു ജനപ്രതിനിധികളും നേരിട്ടെത്തി വിലയിരുത്തി. കേന്ദ്ര സർക്കാർ വിഹിതമായി നബാർഡ്, ഗ്രാമീണ അടിസ്ഥാന സൗകര്യ വികസനഫണ്ടിൽ നിന്ന് അനുവദിച്ച 536.75ലക്ഷം രൂപയും സംസ്ഥാന സർക്കാർ വിഹിതമായി അനുവദിച്ച 28.25 ലക്ഷം രൂപയുമുൾപ്പെടെ 5.65കോടി രൂപയുടെ പ്രവർത്തിയാണ് പുരോഗമിക്കുന്നത്. തോടി െ ന്‍റ ഇരുവശങ്ങളിലും ചുറ്റുമുള്ള പ്രദേശത്ത് താമസിക്കുന്നവരുമായ 100 കണക്കിന് ജനങ്ങളുടെ നാലു പതിറ്റാണ്ടിലേറെയുള്ള ആവശ്യമാണ് ഇപ്പോൾ നടപ്പാക്കപ്പെടുന്നതെന്ന് സി. ആർ. മഹേഷ് എംഎൽഎ പറഞ്ഞു. ഏകദേശം നാല് കിലോമീറ്റർ നീളത്തിൽ ജലസേചന തോടി െ ന്‍റ ആഴം കൂട്ടിയും സംരക്ഷണഭിത്തി ഇല്ലാത്ത പ്രദേശങ്ങളിൽ സംരക്ഷണഭിത്തി നിർമിക്കുന്നതുമാണ് പദ്ധതി. കാർഷിക ഉപയോഗത്തിനായി ജലസേചന സൗകര്യം ഉറപ്പാക്കുന്നതിനും പറ്റോലി തോടി െ ന്‍റ സമീപ പ്രദേശങ്ങളിൽ താമസിക്കുന്ന നൂറു കണക്കിന് കുടുംബങ്ങളെ വെള്ളക്കെട്ടിൽ നിന്ന് സംരക്ഷിക്കുന്നതിനുമാണ് പദ്ധതി നടപ്പാക്കുന്നത്. ആവശ്യമായ എസ്റ്റിമേറ്റ്, മറ്റ് രേഖകൾ എന്നിവ കൃത്യമായി സമർപ്പിച്ചതി െ ന്‍റ അടിസ്ഥാനത്തിൽ നബാർഡ് പദ്ധതിക്കു അനുമതി നൽകുകയായിരുന്നു. നാല് വില്ലേജുകളിലായി പറ്റോലി തോടി െ ന്‍റ സംരക്ഷണ ഭിത്തി ഇല്ലാത്ത വശങ്ങളിൽ സംരക്ഷണ ഭിത്തി നിർമിക്കുന്നതിനും, വെള്ളമൊഴുക്ക് സുഗമമാക്കുന്നതിനും കാർഷിക മേഖലയിൽ വെള്ളം എത്തിക്കുന്നതിനും പദ്ധതി നടപ്പാക്കുന്നതിലൂടെ സാധ്യമാകുമെന്ന് സി.ആർ. മഹേഷ് എംഎൽഎ അറിയിച്ചു. തോടി െ ന്‍റ സമീപത്തും ചുറ്റുമുള്ള പ്രദേശങ്ങളിലും താമസിക്കുന്ന നൂറ് കണക്കിന് കുടുംബങ്ങളുടെ ചിരകാലാഭിലാഷമാണ് സഫലമാകുന്നത്. നബാർഡ് പദ്ധതിയിൽ ഉൾപ്പെടുത്തി കഴിഞ്ഞ വർഷം തോട് നവീകരണത്തിനും കൊടുങ്ങല്ലൂർ നിയോജകമണ്ഡലത്തിലെ മറ്റൊരു പ്രവർത്തിക്കും മാത്രമാണ് അനുമതി ലഭിച്ചിരുന്നത്. തോടി െ ന്‍റ വശങ്ങൾ അളന്ന് തിട്ടപ്പെടുത്തുന്നതിനായി ഡിജിറ്റൽ സർവേ വിഭാഗം ഉദ്യോഗസ്ഥരുടെ നേതൃത്വത്തിൽ സർവ്വേ നടത്തി അതിർത്തി നിർണയിച്ചിരുന്നു. ജലസേചന വകുപ്പ് തിരുവനന്തപുരം സൂപ്രണ്ടിങ് എൻജിനീയർക്കാണ് നിർമാണ ചുമതല. രണ്ട് വർഷമാണ് നിർമാണ കാലാവധി. സി. ആർ. മഹേഷ് എംഎൽഎയ്ക്ക് ഒപ്പം കരുനാഗപ്പള്ളി നഗരസഭ ചെയർമാൻ പടിപ്പുര ലത്തിഫ്, വിദ്യാഭ്യാസ സ്ഥിരം സമിതി അധ്യക്ഷൻ റെജി ഫോട്ടോ പാർക്ക്, കൗൺസിലർ സുമി മോൾ, കുലശേഖരപുരം പഞ്ചായത്ത് പ്രസിഡന്‍റ് മിനിമോൾ നിസാം, തൊടിയൂർ പഞ്ചായത്ത് പ്രസിഡന്‍റ് ബിന്ദു വിജയകുമാർ, വൈസ് പ്രസിഡന്‍റ് തൊടിയൂർ വിജയൻ ബ്ലോക്ക് പഞ്ചായത്ത് അംഗം റാഷിദ് .എ. വാഹിദ്, പഞ്ചായത്ത്‌ അംഗങ്ങളായ യൂസഫ് കുഞ്ഞ്, നജീബ് മണ്ണേൽ, മുകേഷ്, സലീന ജമാൽ, കോൺട്രാക്‌ടർ എ. വാഹിദ്, സജീവ് മാമ്പറ, അസി.എൻജിനിയർ ലക്ഷ്മി തുടങ്ങിയവരു ണ്ടാ യിരുന്നു.

മഞ്ഞപ്പിത്തം ബാധിച്ച് സഹോദരിമാർ മരിച്ച സംഭവം : മാതാപിതാക്കളുടെ രക്തസാമ്പിളുകൾ ശേഖരിച്ചു

കൊട്ടിയം: മഞ്ഞപ്പിത്തം ബാധിച്ച് സഹോദരിമാരായ രണ്ട് പെൺകുട്ടികൾ മരണമടയുകയും സഹോദരൻ ആശുപത്രിയിൽ കഴിയുകയും ചെയ്യുന്ന തൃക്കോവിൽവട്ടം പഞ്ചായത്തിലെ ചേരിക്കോണത്ത് ആരോഗ്യവകുപ്പ് പ്രതിരോധ പ്രവർത്തനങ്ങൾ ഊർജിതമാക്കി. കുട്ടികൾ മരണമടയാൻ കാരണം ആരോഗ്യവകുപ്പി െ ന്‍റ അനാസ്ഥയാണെന്ന് പരക്കെ ആരോപണം ഉയർന്നതോടെയാണ് ആരോഗ്യ വകുപ്പ് അധികൃതർ ഊർജിത പ്രതിരോധ നടപടികളുമായി രംഗത്തെത്തിയിട്ടുള്ളത്. ഇതി െ ന്‍റ ഭാഗമായി ആരോഗ്യവകുപ്പി െ ന്‍റ നേതൃത്വത്തിൽ ചേരിക്കോണത്തെ മഹാത്മ ലൈബ്രറിയിൽ വിദഗ്ധ ഡോക്്‌ടർമാരുടെയും ആരോഗ്യവകുപ്പ് ജീവനക്കാരുടെയും നേതൃത്വത്തിൽ മെഡിക്കൽ ക്യാമ്പ് നടത്തി. മുന്നൂറോളം പേർ ക്യാമ്പിൽ പങ്കെടുത്തു. ക്യാമ്പിൽ പങ്കെടുത്തവരിൽ സംശയം തോന്നിയവരുടെയും പനിബാധിതരുടെയും രക്തസാമ്പിളുകൾ ആരോഗ്യവകുപ്പ് ശേഖരിച്ചു. മഞ്ഞപ്പിത്തം ബാധിച്ച് മരിച്ച ചേരിക്കോണം ചിറയിൽ വീട്ടിൽ മീനാക്ഷിയുടെയും നീതുവി െ ന്‍റയും മാതാപിതാക്കളായ മുരളീധര െ ന്‍റയും ശ്രീജയുടെയും മുരളീധര െ ന്‍റ മാതാവി െ ന്‍റയും രക്തസാമ്പിളുകൾ ആരോഗ്യവകുപ്പ് ശേഖരിച്ചു. ഇത് പരിശോധനയ്ക്കായി അയച്ചിട്ടുണ്ട്. രോഗബാധ സംശയിക്കുന്ന ഏതാനും പേരുടെ സാമ്പിളുകളും പരിശോധനയ്ക്കായി കൊടുത്തിട്ടുണ്ട്. ചേരിക്കോണം വാർഡിലെ മുഴുവൻ കിണറുകളിലും ക്ലോറിനേഷൻ നടത്തും. കൂടുതൽ ആരോഗ്യ വകുപ്പ് ജീവനക്കാരുടെ സേവനം ഇവിടെ ലഭ്യമാക്കും. പാലത്തറ, ഇരവിപുരം, കൊറ്റങ്കര, മയ്യനാട്, ഇളമ്പള്ളൂർ എന്നിവിടങ്ങളിലുള്ള പ്രാഥമിക ആരോഗ്യ കേന്ദ്രങ്ങളിൽ നിന്നും ഉദ്യോഗസ്ഥരെ ഇവിടെ എത്തിച്ച് രോഗപ്രതിരോധ പ്രവർത്തനങ്ങൾ ഊർജിതമാക്കാനാണ് ആരോഗ്യവകുപ്പ് തീരുമാനിച്ചിട്ടുള്ളത്. തിരുവനന്തപുരത്തെ സ്വകാര്യ ആശുപത്രിയിൽ മഞ്ഞപ്പിത്തം ബാധിച്ച് ചികിത്സയിൽ കഴിയുന്ന മരിച്ച പെൺകുട്ടികളുടെ സഹോദരൻ അമ്പാടിയുടെ ആരോഗ്യനില മെച്ചപ്പെട്ടിട്ടുണ്ട്. തൃക്കോവിൽവട്ടം പഞ്ചായത്തിലെ മുഴുവൻ വാർഡുകളിലും ആരോഗ്യ വകുപ്പി െ ന്‍റ നേതൃത്വത്തിൽ രോഗ പ്രതിരോധ പ്രവർത്തനങ്ങൾ നടത്തുമെന്ന് പഞ്ചായത്ത് പ്രസിഡന്‍റ് സിന്ധുവും ആരോഗ്യ സ്റ്റാൻഡിംഗ് കമ്മറ്റി ചെയർമാൻ സതീഷ് കുമാറും അറിയിച്ചു.

കനത്ത മഴ : ചവറ പാലത്തിനു സമീപം മണ്ണ് ഇടിഞ്ഞ ു

ചവറ : ശക്തമായ മഴയെ തുടർന്ന് ദേശീയപാതയിൽ ചവറ പാലത്തിന് സമീപം മണ്ണിടിഞ്ഞ് താഴ്ന്നത് പരിഭ്രാന്തിക്കിടയാക്കി. ഇതേ തുടർന്ന് ദേശീയപാതയിൽ മണിക്കൂറുകളോളം ഗതാഗതം തടസപ്പെട്ടു. ദേശീയപാതയിലെ പ്രധാന പാലമായ ചവറ പാലത്തിന് തെക്ക് കിഴക്ക് വശത്തെ മണ്ണാണ് ഇടിഞ്ഞു താഴ്ന്നത്. മണ്ണ് ഇടിഞ്ഞതോടുകൂടി റോഡരികിൽ താൽക്കാലികമായി നിർമിച്ച കോണ്‍ക്രീറ്റിന്‍റെ ഒരു ഭാഗവും ഇടിഞ്ഞു താഴ്ന്നു. കഴിഞ്ഞദിവസം പെയ്ത മഴയിൽ കിഴക്ക് ഭാഗത്തെ മണ്ണ് ഒലിച്ചു പോയതിനാല്‍ പാലത്തിനോട് ചേർന്നുള്ള റോഡിനും കേട ുപാടുകൾ സംഭവിച്ചു. ദേശീയപാത നവീകരണവുമായി ബന്ധപ്പെട്ട് ചവറ പാലത്തിന് സമാന്തരമായി കിഴക്ക് ഭാഗത്ത് പുതിയ പാലത്തി െ ന്‍റ നിർമാണത്തിന് സ്പാന്‍ നിര്‍മിക്കുന്നതിനായി ചവറ പാലത്തിന് സമീപത്തെ മണ്ണ് എടുത്ത് മാറ്റിയതാണ് മണ്ണിടിച്ചിൽ ഉണ്ടാവാൻ കാരണമായത്. പാലം കയറുന്നതിനു തൊട്ടുമുമ്പ് റോഡിന് കിഴക്കുവശത്ത് ഇരുമ്പ് തൂണുകൾ വെച്ച് കോൺക്രീറ്റ് ചെയ്തിരുന്നുവെങ്കിലും മണ്ണ് ഒലിച്ചു പോയത് മൂലം കോൺക്രീറ്റ് ഉൾപ്പടെ ഇടിയുകയായിരുന്നു. വാഹനങ്ങള്‍ താഴേക്ക് പതിക്കാതിരിക്കാനായി വശങ്ങളില്‍ വെച്ചിരുന്ന കൈവരിയുള്‍പ്പെടെ തകർന്നിട്ടുണ്ട്. ഇന്നലെ രാവിലെ തന്നെ സംഭവം ശ്രദ്ധയില്‍പ്പെട്ടതിനെ തുടര്‍ന്ന് ദേശീയപാത നിര്‍മാണത്തിലേര്‍പ്പെട്ടിരുന്ന തൊഴിലാളികള്‍ ഉടന്‍ തന്നെ ബന്ധപ്പെട്ട അധികൃതരെ വിവരം അറിയിച്ചു. ഉദ്യോഗസ്ഥർ എത്തി സ്ഥിതി ഗതികള്‍ വിലയിരുത്തി. തുടര്‍ന്ന് മണ്ണ് അടര്‍ന്ന് മാറിയ സ്ഥലത്ത് വലിയ കോണ്‍ക്രീറ്റ് എടുത്തുവെച്ച് ഗതാഗതം നിയന്ത്രിക്കുകയായിരുന്നു. ഒരു ഭാഗത്ത് കൂടി മാത്രം ദേശീയപാതയിലൂടെ വാഹനം കടത്തി വിടുകയും ചെയ്തു. ഇതു കാരണം കൊല്ലത്തേക്കും കരുനാഗപ്പള്ളിയിലേക്കും പോകേണ്ട വാഹനങ്ങള്‍ ഗതാഗതക്കുരുക്കില്‍പ്പെട്ടു. കാരണം അറിയാതെ മുന്നേ പോകുന്ന വാഹനങ്ങളെ മറികടന്നെത്തുന്ന മറ്റ് വാഹനങ്ങൾ മൂലം എതിരെ വരുന്ന വാഹനങ്ങൾക്ക് മുന്നോട്ടു പോകാൻ കഴിയാത്ത അവസ്ഥയുണ്ടായി. തുടർന്നാണ് ഗതാഗതകുരുക്ക് രൂക്ഷമായത്.പോലീസ് എത്തി ഏറെ പണിപ്പെട്ടാണ് ഗതാഗതക്കുരുക്ക് അഴിച്ചത്. ഇതിനിടയില്‍ ചവറ പാലം തകര്‍ന്നുവെന്ന് അഭ്യൂഹങ്ങള്‍ പടര്‍ന്നത് പരിഭ്രാന്തി പരത്തി. സമാന്തര പാലം നിര്‍മിക്കുന്നതിനായി ചവറ പാലത്തി െ ന്‍റ വശങ്ങളിലെ മണ്ണ് എടുത്ത് മാറ്റിയതാണ് പാലം അപകടാവസ്ഥിലാകാന്‍ കാരണം. ശക്തമായി മഴ തുടർന്നാൽ വീണ്ടും പാലത്തിന് സമീപത്തെ മണ്ണ് ഒലിച്ച് പോവുകയും പാലത്തിലൂടെയുള്ള ഗതാഗതത്തെ ബാധിക്കുകയും ചെയ്യുമെന്ന് നാട്ടുകാരും യാത്രക്കാരും പറയുന്നു. ദേശീയപാത അഥോറിറ്റി അധികൃതർ ഇടപെട്ട് പാലത്തിനും റോഡിനും സുരക്ഷിതത്വം ഉണ്ടാക്കണമെന്നാവശ്യമാണ് ശക്തമായിരിക്കുന്നത്.

എഴുകോണിൽ റെയിൽവേ മേൽപ്പാലം : സാധ്യത പരിശോധിക്കും: കൊടിക്കുന്നിൽ സുരേഷ് എംപി

കൊല്ലം: ദേശീയപാതയിൽ നിന്ന് എഴുകോൺ ഇഎസ്ഐ ആശുപത്രിയിലേക്ക് വേഗത്തിൽ എത്തുന്നതിന് പുതിയ റെയിൽവേ മേൽപ്പാലത്തി െ ന്‍റ സാധ്യത പരിശോധിക്കുമെന്ന് കൊടിക്കുന്നിൽ സുരേഷ് എംപി. ദിനംപ്രതി ആയിരക്കണക്കിന് ആളുകളാണ് ചികിത്സ തേടി ആശുപത്രിയിൽ എത്തുന്നത്. എന്നാൽ ആശുപത്രിയിലേക്ക് നേരിട്ട് വഴിയില്ലാത്തത് മൂലം ഇടുങ്ങിയ പാതയിൽ കൂടി അധിക ദൂരം സഞ്ചരിച്ചാണ് ആശുപത്രിയിലേക്ക് എത്തേണ്ടത്. എഴുകോൺ ഇഎസ്ഐ ആശുപത്രി അടുത്ത ഘട്ടത്തിലേക്ക് വികസിപ്പിക്കുന്നതിന് വീതിയേറിയ റോഡ് കണക്‌ടിവിറ്റി അനിവാര്യമാണ്. ഇത്തരം ഒരു സാഹചര്യത്തിലാണ് പുതുതായി മേൽപ്പാലം എന്ന ആവശ്യം റെയിൽവേയ്ക്ക് മുന്നിൽ എംപി മുന്നോട്ടു വെക്കുന്നത്. മേൽപ്പാലത്തിന് അനുയോജ്യമായ വിവിധ സ്ഥലങ്ങൾ സന്ദർശിച്ച എംപി പുതുതായി മേൽപ്പാലം നിർമിക്കുന്നതിന് ആവശ്യമായ എസ്റ്റിമേറ്റ് തയാറാക്കാൻ റെയിൽവേ ഉദ്യോഗസ്ഥർക്ക് നിർദേശം നൽകി. റെയിൽവേയുടെ പക്കൽ നിന്നും പുതിയ മേൽ പാലത്തിന് പണം ലഭ്യമാകാത്തതിനാൽ ഇഎസ്ഐ കോർപറേഷനെ ഈ ആവശ്യം ഉന്നയിച്ച് സമീപിക്കുമെന്ന് എംപി പറഞ്ഞു. 20 കോടിയോളം രൂപയാണ് പുതിയ മേൽപ്പാലത്തിന് ചെലവ് കണക്കാക്കുന്നത്. അനുയോജ്യമായ സ്ഥലം നേരിൽ കാണുന്നതിന് കൊടിക്കുന്നിൽ സുരേഷ് എംപിയോടൊപ്പം ദക്ഷിണ റെയിൽവേ മധുര ഡിവിഷൻ എഡിആർഎം നാഗേശ്വർ റാവുവി െ ന്‍റ നേതൃത്വത്തിലുള്ള റെയിൽവേ ഉദ്യോഗസ്ഥരും എഴുകോൺ പഞ്ചായത്ത് പ്രസിഡന്‍റ് അഡ്വ.ബിജു എബ്രഹാം, രതീഷ് കിളിത്തട്ടിൽ, സവിൻ സത്യൻ, ഷഹർബാൻ, കനകദാസ്, ആതിര ജോൺസൺ, മഞ്ജീ രാജ്, ബിജു ഫിലിപ്പ്, അദ്വാനി തുടങ്ങിയവരും ഉണ്ടായിരുന്നു.

പ്രതിഷേധ മാർച്ച് നടത്തി

കൊട്ടിയം: മഞ്ഞപ്പിത്ത രോഗം ബാധിച്ച് തൃക്കോവിൽവട്ടം പഞ്ചായത്തിലെ ചേരി കോണത്ത് രണ്ട് സഹോദരിമാർ മരിക്കാൻ ഇടയായത് ആരോഗ്യവകുപ്പി െ ന്‍റ അനാസ്ഥ കൊണ്ടാണെന്ന് ആരോപിച്ച് യൂത്ത് കോൺഗ്രസ് തൃക്കോവിൽവട്ടം ഫാമിലി ഹെൽത്ത് സെന്‍ററിലേക്ക് പ്രതിഷേധ മാർച്ച് നടത്തി. മരിച്ച കുട്ടികളുടെ വീടിന് സമീപത്തു നിന്നും ആരംഭിച്ച മാർച്ച് എഫ് എച്ച് സിക്ക് മുന്നിൽ പോലീസ് തടഞ്ഞു. വൻ പോലീസ് സന്നാഹം മാർച്ചിനെ നേരിടാനായി ഫാമിലി ഹെൽത്ത് സെന്‍ററിനു മുന്നിൽ നിലയുറപ്പിച്ചിരുന്നു. എന്നാൽ പോലീസിനെ തള്ളി മാറ്റി യൂത്ത് കോൺഗ്രസ് പ്രവർത്തകർ ആശുപത്രിക്കുള്ളിൽ പ്രവേശിച്ചു. ഓഫീസിന് മുന്നിൽ മുദ്രാവാക്യം വിളികളോടെ യൂത്ത് കോൺഗ്രസ് പ്രവർത്തകർ നിലയുറപ്പിച്ചു. തുടർന്ന് ആശുപത്രിക്ക് മുന്നിൽ നടന്ന പ്രതിഷേധ യോഗം ഡിസിസി ജനറൽ സെക്രട്ടറിയും മുഖത്തല ബ്ലോക്ക് പഞ്ചായത്ത് അംഗവുമായ ഫൈസൽ കുളപ്പാടം ഉദ്ഘാടനം ചെയ്തു. യൂത്ത് കോൺഗ്രസ് കുണ്ടറ നിയോജകമണ്ഡലം വൈസ് പ്രസിഡന്‍റ് ഷാൻ മുട്ടയ്ക്കാവ് അധ്യക്ഷത വഹിച്ചു. എ. എൽ. നിസാമുദ്ദീൻ, കൗശിക്ക് എം. ദാസ്, ജയൻ തട്ടാർകോണം, ചേരികോണം സുധീർ, ജേക്കബ് നല്ലില, അതുൽ പള്ളിമൺ, തൗഫീഖ് വേപ്പിൻ മുക്ക്, അജിത്ത് ലാൽ, പ്രവീൺ രാജ്, സൈദലി പഴയറ്റിൻ കുഴി, ഐശ്വര്യ, ഷാജി കണ്ണനല്ലൂർ, അജ്മൽ കണ്ണനല്ലൂർ, ഷഹാർ വടക്കേ മുക്ക്, തുടങ്ങിയവർ മാർച്ചിന് നേതൃത്വം നൽകി.

ഇപിഎഫ്ഒ നടത്തുന്നത് നിയമലംഘനം: എൻ.കെ.പ്രേമചന്ദ്രൻ എംപി

കൊല്ലം: പ്രോറേറ്റാ പ്രകാരം ഹയർ പെൻഷൻ നിശ്ചയിക്കുന്നത് എംപ്ലോയീസ് പ്രോവിഡന്‍റ് ഫണ്ട് ആക്‌ടിന്‍റെ‍റ നഗ്നമായ ലംഘനമാണെന്ന് എൻ.കെ.പ്രേമചന്ദ്രൻ എംപി. എക്സിക്യൂട്ടീവ് അധികാരം ഉപയോഗിച്ച് നിയമ നിർമാണം നടത്തി അർഹതപ്പെട്ട പെൻഷൻ നിഷേധിക്കുന്ന നടപടിയാണ് അധികാരികളുടെ ഭാഗത്ത് നിന്നുണ്ടാകുന്നതെന്നും അദ്ദേഹം പറഞ്ഞു. കേരള ന്യൂസ് പേപ്പർ എംപ്ലോയീസ് ഫെഡറേഷൻ ജില്ലാസമ്മേളനം കൊല്ലം പ്രസ് ക്ലബിൽ ഉദ്ഘാടനം ചെയ്ത് പ്രസംഗിക്കുകയായിരുന്നു എംപി. കെഎൻഇഎഫ് ജില്ലാ പ്രസിഡന്‍റ് പി. എ. മഹേഷ് അധ്യക്ഷത വഹിച്ചു. സംസ്ഥാന പ്രസിഡന്‍റ് വി. എസ്. ജോൺസൺ, ജനറൽ സെക്രട്ടറി ജയ്സൺ മാത്യു, സംസ്ഥാന വൈസ് പ്രസിഡന്‍റ് മല്ലിക ദേവി, ഐഎൻടിയുസി സംസ്ഥാന വൈസ് പ്രസിഡന്‍റ് വടക്കേവിള ശശി, ബിഎംഎസ് സംസ്ഥാന കമ്മിറ്റി അംഗം പരിമണം ശശി, പ്രസ് ക്ലബ് പ്രസിഡന്‍റ് ഡി. ജയകൃഷ്ണൻ, ജില്ലാ സെക്രട്ടറി എസ്. വിജയൻ, ജോയിന്‍റ് സെക്രട്ടറി എസ്. ശ്രീഷ് കുമാർ എന്നിവർ പ്രസംഗിച്ചു.

ഡ്രൈ ഡേയിൽ മദ്യവില്പന; പ്രതിയെ വെറുതെ വിട്ടു

കൊല്ലം: ഡ്രൈ ഡേയിൽ വിദേശമദ്യ വില്പന നടത്തി എന്നാരോപിച്ച് എക്സൈസ് ചാർജ് ചെയ്ത കേസിലെ പ്രതിയെ കോടതി വെറുതെ വിട്ടു. പനയം പെരുമൺ സുരേഷ് ഭവനത്തിൽ സുരേഷ് കുമാറിനെയാണ് കൊല്ലം അഡീഷണൽ അസിസ്റ്റന്‍റ് സെഷൻസ് കോടതി ജഡ്ജി ജി. അമൃത വെറുതെ വിട്ടത്. 2019 ഡിസംബർ ഒന്നിന് രാവിലെ 11.45 ന് പെരുമൺ ബസ് സ്റ്റാന്‍റ് ജംഗ്ഷന് സമീപം ഇന്ത്യൻ നിർമിത വിദേശമദ്യം സ്കൂട്ടറിൽ വില്പന നടത്തവേ ഇയാളെ അറസ്റ്റ് ചെയ്തു എന്നായിരുന്നു കേസ്. കൊല്ലം എക്സൈസ് സർക്കിൾ ഇൻസ്പെക്ടർ ഐ. നൗഷാദ് രജിസ്റ്റർ ചെയ്ത കേസിൽ കൂടുതൽ അന്വേഷണം നടത്തി കുറ്റപത്രം സമർപ്പിച്ചത് കൊല്ലം എക്സൈസ് ഇൻസ്പെക്‌ടർ എ. കൃഷ്ണകുമാറാണ്. പ്രതിക്ക് വേണ്ടി അഡ്വ.പെരുമൺ എസ്.രാജു കോടതിയിൽ ഹാജരായി.

എയ്ഡഡ് സ്കൂൾ മേഖലയിലെ പ്രശ്നം പരിഹരിക്കാൻ സർക്കാർ ഇടപെടണമെന്ന്

കൊല്ലം: ഭിന്നശേഷിക്കാർക്കായി ഒഴിവുകൾ മാറ്റി ഇട്ടിരിക്കുന്ന സ്കൂളുകളിലെ മറ്റെല്ലാ നിയമനങ്ങളും ക്രമപ്രകാരം എങ്കിൽ നിയമനം അംഗീകരിച്ചു ശമ്പളം കൊടുക്കണമെന്ന സുപ്രീംകോടതി വിധി എല്ലാ എയ്ഡഡ് സ്കൂളുകൾക്കും ബാധകമാക്കി സർക്കാർ ഉത്തരവ് ഇറക്കണമെന്ന് എയ്ഡഡ് സ്കൂൾ മാനേജേഴ്സ് അസോസിയേഷൻ കൊല്ലം ജില്ലാ കമ്മിറ്റി ആവശ്യപ്പെട്ടു. സുപ്രീംകോടതി വിധി എൻഎസ്എസിന് ലഭിച്ചതാണെങ്കിലും എല്ലാവർക്കും ബാധകമാക്കിക്കൊണ്ട് ഹൈക്കോടതി ഉത്തരവിട്ടതിനാൽ പൊതു ഉത്തരവ് ഇറക്കുന്നതിൽ നിയമ തടസമില്ലെന്നും യോഗം അഭിപ്രായപ്പെട്ടു. അധ്യാപക നിയമനങ്ങൾ അംഗീകരിക്കുവാൻ സുപ്രീംകോടതി വിധിയുടെ അടിസ്ഥാനത്തിൽ ഉത്തരവ് ഇറക്കിയാൽ പതിനാറായിരത്തോളം അധ്യാപകർക്ക് നിയമന അംഗീകാരവും ശമ്പളവും ലഭിക്കും. ഇത് വഴി എയ്ഡഡ് മേഖലയിൽ ഇപ്പോഴുള്ള പ്രതിസന്ധി പരിഹരിക്കാനാകും. ഭിന്നശേഷി നിയമനത്തി െ ന്‍റ മാനദണ്ഡങ്ങളുമായി ബന്ധപ്പെട്ട് ഇപ്പോൾ ഹൈക്കോടതി സിംഗിൾ ബെഞ്ചിൽ ഉണ്ടായിട്ടുള്ള വിധിക്കെതിരേ ഡിവിഷൻ ബെഞ്ചിൽ അപ്പീൽ നൽകുവാനും യോഗം തീരുമാനിച്ചു. എൽപി, യുപി സ്കൂളുകളെ വിദ്യാഭ്യാസ അവകാശ നിയമത്തി െ ന്‍റ അടിസ്ഥാനത്തിൽ ഭിന്നശേഷി സംവരണത്തിൽ നിന്നും ഒഴിവാക്കണമെന്നും യോഗം ആവശ്യപ്പെട്ടു. ഡോക്ടറേറ്റ് ലഭിച്ച സംഘടനയുടെ ജില്ലാ രക്ഷാധികാരി മഠത്തിൽ ഉണ്ണികൃഷ്ണപിള്ളക്ക് ജില്ലാ കമ്മിറ്റിയുടെ ആദരവ് നൽകി. എയ്ഡഡ് സ്കൂൾ മാനേജേഴ്സ് അസോസിയേഷൻ കൊല്ലം ജില്ലാ കമ്മിറ്റി സംഘടിപ്പിച്ച മാനേജേഴ്സ് മീറ്റ് 2025 അസോസിയേഷ െന്‍റ സംസ്ഥാന ജനറൽ സെക്രട്ടറി ഡോ. കൊല്ലം മണി ഉദ്ഘാടനം ചെയ്തു. ജില്ലാ പ്രസിഡന്‍റ് കല്ലട ഗിരീഷി െ ന്‍റ അധ്യക്ഷതയിൽ കൂടിയ യോഗത്തിൽ ജില്ലാ ജനറൽ സെക്രട്ടറി വി. വി. ഉല്ലാസ് രാജ്, സംസ്ഥാന കമ്മിറ്റി അംഗങ്ങളായ അബ്‌ദുൾ ഷെരീഫ്, എം. ഉണ്ണികൃഷ്ണപിള്ള, മുരളീകൃഷ്ണൻ, ശിഹാബുദ്ദീൻ, സിറിൽ .കെ. മാത്യു, റെക്സ് വെളിയം, ജില്ലാ ഭാരവാഹികളായ കെ. എസ്. രശ്മി, മഠത്തിൽ ലക്ഷ്മി, അഡ്വ. സുധീഷ്, ഹാഷിം, ഗോപകുമാർ, പരമേശ്വരൻ പിള്ള തുടങ്ങിയവർ പ്രസംഗിച്ചു.

കുളത്തൂപ്പുഴയിൽ ഉപയോഗശൂന്യമായ മത്സ്യം പാതയോരത്ത് വലിച്ചെറിയുന്നു

കുളത്തൂപ്പുഴ : വില്‍പനയ്ക്കെത്തിച്ച മീന്‍ ഉപയോഗയോഗ്യമല്ലാതായി മാറിയാൽ ജനവാസ മേഖലയിലേക്കും പാതയോരത്തുമൊക്കെ വലിച്ചെറിയുന്നത് കുളത്തൂപ്പുഴയിൽ പതിവായി. ആളൊഴിഞ്ഞ പ്രദേശത്ത് ഉപേക്ഷിക്കുന്ന ഉപയോഗ ശൂന്യമായ മത്സ്യങ്ങൾ നാട്ടുകാര്‍ക്കാണ് തലവേദനയാവുന്നത്. കഴിഞ്ഞ ദിവസം നെടുവന്നൂര്‍ക്കടവ് പൂമ്പാറ റോഡില്‍ കാവിനു സമീപത്തായി പാതയോരത്ത് കേടായ മത്സ്യം ഉപേക്ഷിച്ച നിലയിൽ നാട്ടുകാർ കണ്ടെത്തി. രണ്ടോ മൂന്നോ ദിവസത്തിലധികം പഴക്കമുള്ള മത്സ്യത്തില്‍ നിന്നും ദുര്‍ഗന്ധം വ്യാപകമായതോടെ നാട്ടുകാരിടപെട്ട് ആരോഗ്യ വകുപ്പിന് പരാതി നല്‍കിയ ശേഷം ചീഞ്ഞ മത്സ്യം മറവു ചെയ്യുകയായിരുന്നു. പ്രദേശത്ത് മുമ്പും ഇത്തരത്തില്‍ ചീഞ്ഞ മത്സ്യം പാതയോരത്തും പുഴക്കരയിലും ഉപേക്ഷിച്ചിട്ടുള്ളതായി നാട്ടുകാര്‍ പറഞ്ഞു. ഒപ്പം ആഹാരാവശിഷ്‌ടങ്ങളും മറ്റു മാലിന്യങ്ങളും ഈ പ്രദേശത്തെ പാതയോരത്തും വനാതിർത്തിയിലും ഉപേക്ഷിക്കുന്ന സംഭവങ്ങളും പതിവാണ്. ഇക്കാര്യത്തിന് പരിഹാരം ഉണ്ടാക്കുന്നതിനായി പ്രദേശത്ത് നിരീക്ഷണ കാമറ സ്ഥാപിക്കണമെന്ന ആവശ്യം ശക്തമായിരിക്കുകയാണ്.

വ്യാപാര സമുച്ചയം ഉദ്ഘാടനം ഇന്ന്

കൊട്ടാരക്കര : നിർമാണം പൂർത്തിയാക്കിയ നെടുമൺകാവ് വ്യാപാര സമുച്ചയവും ആധുനിക മത്സ്യ മാർക്കറ്റും ഇന്ന് നാടിന് സമർപ്പിക്കും. ഉച്ചയ്ക്ക് ശേഷം നാലിന് മന്ത്രി സജി ചെറിയാൻ വ്യാപാര സമുച്ചയവും മത്സ്യ മാർക്കറ്റും ഉദ്ഘാടനം ചെയ്യും. കെ.എൻ.ബാലഗോപാൽ അധ്യക്ഷനാകും. മന്ത്രി ജെ. ചിഞ്ചുറാണി പങ്കെടുക്കും. ഉദ്ഘാടനത്തിന് മുന്നോടിയായി സാംസ്‌കാരിക ഘോഷയാത്ര നടക്കും. വൈകുന്നേരം 6.30ന് തൃശൂർ അഞ്ജന രവീന്ദ്രൻ നയിക്കുന്ന ഫോക്സ് റോക്സി െ ന്‍റ നാടൻ പാട്ടുകൾ അരങ്ങേറും. സംസ്ഥാന സർക്കാരി െ ന്‍റ 5.2 കോടി രൂപ ചെലവിലാണ് വ്യാപാര സമുച്ചയവും ആധുനിക മത്സ്യ മാർക്കറ്റും നിർമിച്ചത്. രണ്ട് ബ്ലോക്കുകളായി 12304.675 ചതുരശ്ര അടി വിസ്തീർണമുള്ള കെട്ടിടങ്ങളാണ് നിർമിച്ചത്. ഒന്നാം ബ്ലോക്കിൽ 160 ചതുരശ്ര അടി വിസ്തീർണമുള്ള ഏഴും 120 അടിയുടെ മൂന്നും 140 അടിയുടെ ഒരു കട മുറിയുമാണ് ഉള്ളത്. 355, 680 ചതുരശ്ര അടി വീതം വിസ്തീർണമുള്ള നാല് ഓഫീസ് മുറികളും 250 പേർക്ക് ഇരിക്കാവുന്ന കോൺഫറൻസ് ഹാളും ഒരുക്കിയിട്ടുണ്ട്.രണ്ടാം ബ്ലോക്കിൽ മത്സ്യ മാർക്കറ്റ്, മത്സ്യവും മറ്റ് ഉത്പന്നങ്ങളും സൂക്ഷിക്കാൻ സെല്ലാർ സംവിധാനം, മത്സ്യം കേടുകൂടാതെ സൂക്ഷിക്കാനുള്ള ചില്ലറൂം, മൂല്യ വർധിത ഉത്പന്നങ്ങളും മറ്റും ഒരുക്കുന്നതിനായി പ്രിപ്പറേഷൻ റൂം, ഗോഡൗൺ, കടമുറികൾ എന്നിവയും നിർമിച്ചിട്ടുണ്ട്. ഡ്രെയിനേജ്, ശുചിമുറികൾ, ചുറ്റുമതിൽ, ഗേറ്റ്, വൈദ്യുതീകരണം, ബയോഗ്യാസ് പ്ലാന്‍റ്, മഴവെള്ളസംഭരണി, സീവേജ് ട്രീറ്റ്‌മെന്‍റ് പ്ലാന്‍റ് , പാർക്കിംഗിനുള്ള ക്രമീകരണങ്ങൾ, വാട്ടർ ടാങ്കുകൾ തുടങ്ങിയ സൗകര്യങ്ങളും ഒരുക്കിയിട്ടുണ്ട്. തീരദേശ വികസനവകുപ്പിനായിരുന്നു പദ്ധതിയുടെ നിർമാണ ചുമതല.

കാലവര്‍ഷ മുന്‍കരുതല്‍ ശുചീകരണം ഊര്‍ജിതമാക്കും: കളക്‌ടർ എന്‍.ദേവിദാസ്

എല്ലാ വകുപ്പുകളും 25നകം മുന്നൊരുക്ക പ്രവര്‍ത്തനങ്ങള്‍ പൂര്‍ത്തിയാക്കണം കൊല്ലം: കാലവർഷം എത്തുകയാണ്. കാലവര്‍ഷ മുന്‍കരുതല്‍ സ്വീകരിക്കുന്നതി െ ന്‍റ ഭാഗമായി ശുചീകരണപ്രവര്‍ത്തനവും ആരോഗ്യജാഗ്രത - പകര്‍ച്ചവ്യാധി പ്രതിരോധ പ്രവര്‍ത്തനങ്ങളും ഊര്‍ജിതമാക്കാൻ തീരുമാനിച്ചിരിക്കുകയാണ് ജില്ലാ ഭരണകൂടം. കളക്‌ടറുടെ ചേമ്പറില്‍ ചേര്‍ന്ന യോഗത്തില്‍ ജില്ലാ ദുരന്തനിവാരണ അഥോറിറ്റി ചെയര്‍മാന്‍ കൂടിയായ ജില്ലാ കളക്‌ടർ എന്‍.ദേവിദാസ് ജാഗ്രതാപ്രവര്‍ത്തനങ്ങള്‍ക്കായി ബന്ധപ്പെട്ട വകുപ്പുകള്‍ക്ക് ചുമതലകള്‍ നിശ്ചയിച്ചു നല്‍കി. മേയ് അവസാനത്തോടെ കാലവര്‍ഷം എത്തുമെന്നാണ് പ്രവചനം. എല്ലാ വകുപ്പുകളും 25നകം മുന്നൊരുക്ക പ്രവര്‍ത്തനങ്ങള്‍ പൂര്‍ത്തിയാക്കാനാണ് നിർദേശിച്ചിരിക്കുന്നത്. ദേശീയപാതയുടെ നിര്‍മാണപ്രവൃത്തി തുടരുന്ന ഇടങ്ങളില്‍ വെള്ളക്കെട്ടിനുള്ള സാഹചര്യം ഒഴിവാക്കണം. കൊട്ടിയം, ചാത്തന്നൂര്‍, കല്ലുവാതുക്കല്‍ ഭാഗത്ത് ഓട - ഡ്രെയിനേജ് നിര്‍മിക്കണം. മാലിന്യങ്ങള്‍ അടിഞ്ഞുകൂടാന്‍ ഇടവരരുത് ജലമൊഴുക്ക് തടസമില്ലാതെയാക്കണം. മാലിന്യങ്ങള്‍ അടിഞ്ഞുകൂടാന്‍ ഇടവരരുത്.സര്‍വീസ് റോഡുകളിലൂടെ ഗതാഗതം അനുവദിക്കുമ്പോള്‍ ചാത്തന്നൂര്‍, അയത്തില്‍, കാവനാട്, മേവറം, ചവറ, കരുനാഗപ്പള്ളി തുടങ്ങിയ ഇടങ്ങളില്‍ അധിക ട്രാഫിക് വാർഡന്മാരെ നിയോഗിക്കാന്‍ ദേശീയപാത അധികൃതര്‍ക്ക് നിര്‍ദേശം നല്‍കി. മഴശക്തമായാല്‍ കൂടുതല്‍ സ്ഥലങ്ങളില്‍ വഴിതിരിച്ചുവിട്ടുള്ള ക്രമീകരണം ഉറപ്പാക്കി സുരക്ഷിതമാക്കണം. മുന്നറിയിപ്പ് ലൈറ്റുകള്‍, സുരക്ഷാ ബോര്‍ഡുകള്‍, റിഫ്‌ളക്ടറുകള്‍ എന്നിവ നിര്‍ബന്ധമായും സ്ഥാപിക്കണം. റോഡ് നിര്‍മാണത്തി െ ന്‍റ ഭാഗമായ എല്ലാകുഴികളും നികത്താനും കാല്‍നടയാത്രക്കാരുടെ സുരക്ഷിതത്തം ഉറപ്പാക്കണമെന്നും കളക്‌ടർ നിര്‍ദേശിച്ചിട്ടുണ്ട്. ദുരന്തസാധ്യതാ പ്രദേശങ്ങളില്‍ ദുരിതാശ്വാസ ക്യാമ്പുകള്‍ നടത്തുന്ന കെട്ടിടങ്ങളില്‍ മുന്‍കൂര്‍ പരിശോധന നടത്തി ശുചിമുറികള്‍, വൈദ്യുതി, ലൈറ്റ്, ഫാന്‍, അടുക്കള മുതലായ അടിസ്ഥാന സൗകര്യങ്ങള്‍ ഉറപ്പാക്കാനും, മഴശക്തമാകുന്നതിനു മുൻപ് ഓടകള്‍, കൈത്തോടുകള്‍, കള്‍വര്‍ട്ടുകള്‍, ചെറിയ കനാലുകള്‍, പുഴകള്‍ക്ക് മുകളിലായി ചെറുപാലങ്ങള്‍ കടന്നുപോകുന്ന ഇടങ്ങള്‍ എന്നിവയിലെ തടസങ്ങള്‍ നീക്കാനും നിർദേശിച്ചിട്ടുണ്ട്. അപകടാവസ്ഥയിലുള്ള മരങ്ങള്‍, മരച്ചില്ലകള്‍ മുറിച്ചുമാറ്റാനും ഹോര്‍ഡിങ്ങുകള്‍, പോസ്റ്റുകള്‍ തുടങ്ങിയവ സുരക്ഷിതമാക്കാനും നിര്‍ദേശിച്ചു. പൊതുഇടങ്ങളില്‍ മാലിന്യം കെട്ടികിടക്കുന്നില്ലെന്ന് തദ്ദേശ സ്വയംഭരണ വകുപ്പ് ഉറപ്പാക്കണം. കൊതുക് നിര്‍മാര്‍ജനം വ്യാപകമായി നടത്തണം. ഓടകള്‍, നീര്‍ചാലുകള്‍, പൊതുജലാശയങ്ങള്‍ മുതലായവ വൃത്തിയാക്കി വെള്ളത്തി െ ന്‍റ ഒഴുക്ക് സുഗമമാക്കണം. കൊല്ലം കോര്‍പറേഷന്‍ പരിധിയില്‍ സ്ഥിരമായി വെള്ളക്കെട്ട് ഉണ്ടാകുന്ന മേഖലകള്‍ പ്രത്യേക പരിശോധന നടത്തണം. ജില്ലാ- താലൂക്ക്തല എമര്‍ജന്‍സി ഓപ്പറേഷന്‍ കേന്ദ്രങ്ങള്‍ 24 മണിക്കൂറും പ്രവര്‍ത്തന സജ്ജമായിരിക്കും. പ്രധാനകവലകളിലും സ്‌കൂള്‍ പരിസരങ്ങളിലും ഗതാഗതനിയന്ത്രണത്തിനായി കൂടുതല്‍ പോലീസിനെ നിയോഗിക്കും. പ്രാണി-ജന്തു-വായുജന്യരോഗങ്ങളുടെ വ്യാപനം തടയുന്നതിന് മുന്‍കരുതലുകള്‍ സ്വീകരിക്കാനും പകര്‍ച്ചവ്യാധികളുടെ സ്ഥിതിഗതികള്‍ വിലയിരുത്താനും ആരോഗ്യ വകുപ്പിനെ ചുമതലപ്പെടുത്തി. വെള്ളക്കെട്ട് രൂപപ്പെടുന്നില്ലെന്ന് ഉറപ്പാക്കണം എല്ലാ പൊഴികളും ആവശ്യമായ അളവില്‍ തുറന്ന് അധിക ജലം പുറത്തേക്ക് ഒഴുക്കാന്‍ നിര്‍ദേശിച്ചു. ചെളി, പോളകള്‍ നീക്കംചെയ്യുന്ന പ്രവൃത്തി ഉടന്‍ പൂര്‍ത്തിയാക്കി വെള്ളക്കെട്ട് രൂപപ്പെടുന്നില്ലെന്ന് ഉറപ്പാക്കണം. സ്‌കൂള്‍ തുറക്കുന്നതിന് മുന്നോടിയായി കെട്ടിടങ്ങളിലെയും പരിസരത്തെയും സുരക്ഷ പരിശോധിച്ച് ഉറപ്പാക്കാന്‍ വിദ്യാഭ്യാസ വകുപ്പിന് കളക്ടർ നിര്‍ദേശം നല്‍കി. ബോട്ടുകളിലും ചപ്പാത്തുകള്‍, നീര്‍ച്ചാലുകള്‍ എന്നിവ കടന്ന് സ്‌കൂളില്‍ എത്തുന്ന വിദ്യാര്‍ഥികളുടെ കാര്യത്തില്‍ പ്രത്യേകശ്രദ്ധ പുലര്‍ത്താന്‍ പ്രധാനാധ്യാപകര്‍ക്ക് നിര്‍ദ്ദേശം നല്‍കുന്നുണ്ട്. സ്‌കൂള്‍ പരിസരത്ത് ഇഴജന്തുകളുടെ സാന്നിധ്യം ഇല്ലെന്ന് ഉറപ്പാക്കുന്നതിനായി പരിസരം ശുചീകരിക്കണം. കിണറുകള്‍, ടാങ്ക്, അടുക്കള, ശുചിമുറികള്‍ തുടങ്ങിയവയും ശുചീകരിക്കണം. തൊഴിലാളി ക്യാമ്പുകളില്‍ പകര്‍ച്ചവ്യാധികള്‍ പടരുന്നത് ഒഴിവാക്കാന്‍ നടപടി സ്വീകരിക്കും. വിനോദസഞ്ചാര കേന്ദ്രങ്ങളില്‍ അപകടസാധ്യത മുന്നറിയിപ്പുകള്‍ പ്രദര്‍ശിപ്പിക്കും. ബോട്ട്‌യാത്ര, വനമേഖലയിലെ വെള്ളച്ചാട്ടം എന്നിവയ്ക്ക് സുരക്ഷ ഉറപ്പുവരുത്തി മാത്രം പ്രവേശനം അനുവദിക്കും. അനുമതിയില്ലാതെ ട്രക്കിംഗ്, ഹൈക്കിക്കിംഗ് നടത്തരുത്. പട്ടികവര്‍ഗ ഉന്നതികളില്‍ താമസിക്കുന്ന ജനങ്ങളുടെ വിവരശേഖരണം നടത്താനും സുരക്ഷ ഉറപ്പാക്കാനും ബന്ധപ്പെട്ട വകുപ്പുകള്‍ക്ക് കളക്ടർ നിര്‍ദേശം നല്‍കി. എഡിഎം ജി. നിര്‍മല്‍കുമാര്‍, സബ് കളക്‌ടര്‍ നിഷാന്ത് സിഹാര, ജില്ലാതല ഉദ്യോഗസ്ഥര്‍ തുടങ്ങിയവര്‍ യോഗത്തിൽ പങ്കെടുത്തു.

ചടയമംഗലത്ത് വീട്ടുമുറ്റത്ത് നിന്ന ചന്ദനമരം മുറിച്ചു കടത്തി

അഞ്ചൽ : ചടയമംഗലത്ത് വീട്ടുമുറ്റത്ത് നിന്ന ചന്ദന മരം മുറിച്ചു കടത്തി. തേവന്നൂർ പറമ്പിൽ തറവീട്ടിൽ മാധവക്കുറുപ്പി െ ന്‍റ വീടിനു മുന്നിൽ നിന്ന 30 വർഷത്തിലധികം പഴക്കമുള്ള ചന്ദനമരമാണ് തിങ്കളാഴ്ച പുലർച്ചയോടെ മുറിച്ചു കടത്തിയത്. ഇന്നലെ പുലർച്ചെ രണ്ടരയോടെ ശബദം കേട്ട് വീട്ടുകാർ ഓടിയെത്തിയപ്പോഴേക്കും ചന്ദനവുമായി മോഷ്ടാക്കൾ കടന്നിരുന്നു. 12 അടിയോളം നീളത്തിലുള്ള കാതൽ ഭാഗം കടത്തിയ മോഷ്ടാക്കൾ ബാക്കി ഭാഗം വീട്ടുമുറ്റത്ത് തന്നെ ഉപേക്ഷിച്ചു. വീട്ടുടമ വിവരം ചടയമംഗലം പോലീസിൽ അറിയിച്ചു. പോലീസ് സ്ഥലത്തെത്തി പ്രാഥമിക പരിശോധന നടത്തി. പരാതിയിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. മുറിച്ചു കടത്തിയത് ചന്ദന മരമായതിനാൽ തന്നെ വനം വകുപ്പും അന്വേഷണം നടത്തിയേക്കും. വീടും പരിസരവും കൃത്യമായി നിരീക്ഷിച്ചു മനസിലാക്കിയ ശേഷമാണ് മോഷണം നടത്തിയിരിക്കുന്നത്. പ്രദേശത്തുള്ളവരോ പ്രദേശത്തെ കുറിച്ച് നന്നായി അറിയുന്നവരോ ആകാം കവർച്ചയ്ക്ക് പിന്നിലെന്നാണ് സംശയിക്കുന്നത്. പ്രദേശത്തുള്ള സിസിടിവി ദൃശ്യങ്ങൾ പോലീസ് പരിശോധിച്ചു വരികയാണ്. പ്രതികളെ കണ്ടെത്താൻ കഴിയുമെന്ന പ്രതീക്ഷയിലാണ് പോലീസ്.

ചോഴിയക്കോട്ടെ മീന്‍കുളം മണ്ണിട്ട് മൂടാന്‍ ഉത്തരവ്

കുളത്തൂപ്പുഴ: പരിസര വാസികള്‍ക്ക് ഭീഷണിയായി മാറിയ മീന്‍കുളം അടിയന്തിരമായി മണ്ണിട്ട് മൂടാന്‍ പഞ്ചായത്തിെന്‍റെ ഉത്തരവ്. ചോഴിയക്കോട് സ്വദേശിനി‍ പ്രസന്നകുമാരിയുടെ പരാതിയെ തുടര്‍ന്നാണ് നടപടി. ഇവരുടെ വീടിനോട് ചേര്‍ന്ന് സുരക്ഷിതമായ അകലം പാലിക്കാതെ അയല്‍വാസിക്ക് മീന്‍കുളം നിർമിക്കാൻ പഞ്ചായത്ത് അനുമതി നല്‍കിയത് ഏറെ വിവാദങ്ങള്‍ക്കിടയാക്കിയിരുന്നു. കുളം നിര്‍മിച്ച് മീന്‍ വളര്‍ത്തുന്നതിനുളള ധനസഹായം കൈപ്പറ്റിയ ഉടമ പിന്നീട് മീന്‍കുളം സംരക്ഷിക്കാതെ വന്നതോടെ കുളത്തിൽ മീനുകള്‍ ചത്തുപൊങ്ങി ദുര്‍ഗന്ധം വമിക്കുകയും കൊതുകുകൾ പെറ്റുപെരുകു കയും ചെ യ്തെന്നാണ് അയൽക്കാരിയുടെ പരാതി. എറെ വിവാദങ്ങള്‍ക്കും തര്‍ക്കങ്ങള്‍ക്കും പൊലീസ് കേസിനും ഇടയാക്കിയ സംഭവത്തില്‍ മനുഷ്യാവകാശ കമ്മീഷനടക്കം ഇടപെടുകയുണ്ടായി. ഏറെക്കാലമായി മാലിന്യം നിറഞ്ഞു ദുർഗന്ധം വമിക്കുന്ന മീൻ കുളത്തിന്‍റെ സമീപം താമസിക്കുന്ന പരാതിക്കാരി മുഖ്യമന്ത്രിയുടെ പരാതി പരിഹാരസെല്ലില്‍ പരാതി നൽകിയതോടെയാണ് ഇപ്പോഴത്തെ നടപടി. സംഭവത്തില്‍ ഉടനടി നടപടി സ്വീകരിക്കുവാന്‍ മനുഷ്യവകാശ കമ്മീഷൻ അംഗം വി. കെ. ബീനാകുമാരി അന്നത്തെ പഞ്ചായത്ത്‌ സെക്രട്ടറിക്ക് കർശന നിർദേശം നൽകിയിരുന്നെങ്കിലും പഞ്ചായത്ത് ഒരു നടപടിയും സ്വീകരിച്ചിരുന്നില്ല. മനുഷ്യാവകാശ കമ്മീഷന്‍ ഉത്തരവുകൾ അടക്കമുള്ള നടപടികള്‍ അധികൃതര്‍ മനഃപൂർവം വൈകിപ്പിക്കുന്നതായി കാട്ടി വീട്ടമ്മ മുഖ്യമന്ത്രിയുടെ പരാതി പരിഹാര സെല്ലിനെ സമീപിക്കുകയായിരുന്നു. ഒടുവിൽ കുളം മൂടാന്‍ പഞ്ചായത്ത് അടിയന്തിര ഉത്തവ് ഇടുകയായിരുന്നു.

കൊല്ലം - പുനലൂർ റൂട്ടിൽ പകൽ ട്രെയിൻ സർവീസ് ഇല്ല; സഹികെട്ട് യാത്രക്കാർ

കൊല്ലം: കൊല്ലം - പുനലൂർ റൂട്ടിൽ പകൽ സമയത്ത് ട്രെയിൻ സർവീസ് ഇല്ലെന്ന പരാതി യാത്രക്കാർ പറയാൻ തുടങ്ങിയിട്ടു കാലമേറെയായി. കൊല്ലം-പുനലൂർ റെയിൽവേ പാതയിൽ പകൽ മണിക്കൂറോളം ആണ് ട്രെയിൻ സർവീസ് ഇല്ലാത്തത്. കൊല്ലം - പുനലൂർ റെയിൽ പാതയിൽ പുനലൂർ നിന്ന് കൊല്ലത്തേക്ക് പകൽ സമയത്ത് ഒൻപത് മണിക്കൂർ ഇടവേളയിൽ ട്രെയിൻ ലഭ്യമല്ലാത്ത സാഹചര്യത്തിൽ അത്ര തന്നെ സമയം പുനലൂർ റെയിൽവേ സ്റ്റേഷനിലെ രണ്ടാം പ്ലാറ്റ്ഫോമിൽ നിർത്തിയിട്ടിരിക്കുന്ന പുനലൂർ-മധുര എക്സ്പ്രസ് ട്രെയിനി െ ന്‍റ റേക്ക് ഉപയോഗപ്പെടുത്തി കൊല്ലത്തേക്കും തിരികെയും സർവീസ് നടത്തണമെന്നാണ് യാത്രക്കാർ ആവശ്യപ്പെടുന്നത്. വർഷങ്ങൾ നീണ്ട കാത്തിരിപ്പിനൊടുവിൽ ഗേജ് മാറ്റവും പിന്നീട് വൈദ്യുതീകരണവും പൂർത്തിയാക്കിയ കൊല്ലം-പുനലൂർ റെയിൽ പാതയിൽ പകൽ ട്രെയിൻ ലഭ്യമല്ലാത്തത് യാത്രക്കാരെ ചെറുതായൊന്നുമല്ല വലയ്ക്കുന്നത്. മെമു അടക്കം നാല് ട്രെയിനുകൾ യാത്ര അവസാനിപ്പിക്കുകയും ഒട്ടേറെ ദീർഘദൂര ട്രെയിനുകൾ കടന്നു പോവുകയും ചെയ്യുന്ന സ്റ്റേഷനാണ് പുനലൂർ. രാവിലെ എട്ടിന് ഉള്ള പുനലൂർ - കൊല്ലം മെമു സർവീസ് പോയി കഴിഞ്ഞാൽ പിന്നീട് കൊല്ലത്തേക്കുള്ള ട്രെയിൻ വൈകുന്നേരം 5.15 നുള്ള പുനലൂർ - മധുര എക്സ്പ്രസാണ്. ഈ നീണ്ട ഇടവേള യാത്രക്കാരെ വലിയ രീതിയിൽ ബാധിക്കുന്നു. മുമ്പ് ഈ പാതയിൽ ഉണ്ടായിരുന്ന രണ്ട് പാസഞ്ചർ സർവീസുകളാണ് ഇപ്പോൾ നഷ്‌ടമായിരിക്കുന്നത്. പകൽ11.20 ന് പുനലൂരിൽ നിന്നു കൊല്ലത്തേക്കും ഉച്ചയ്ക്കു ശേഷം ഉണ്ടായിരുന്ന ചെങ്കോട്ട - കൊല്ലം പാസഞ്ചർ ട്രെയിനും റദ്ദ് ചെയ്തിരിക്കുകയാണ്. ഇതുമൂലം യാത്രക്കാർ വലിയ രീതിയിലുള്ള ബുദ്ധിമുട്ടാണ് അനുഭവിക്കുന്നത്. പകൽ കൊല്ലം ഭാഗത്തേക്ക് യാത്രാ ട്രെയിൻ ലഭ്യമല്ലാത്ത സാഹചര്യം കണക്കിലെടുത്ത് നിലവിൽ പുനലൂർ സ്റ്റേഷനിൽ മണിക്കൂറുകൾ വെറുതെ കിടക്കുന്ന മധുര - പുനലൂർ എക്സ്പ്രസി െ ന്‍റ റേക്ക് ഉപയോഗിച്ച് പുനലൂരിൽ നിന്ന് കൊല്ലത്തേക്കും തിരികെയും ഒരു പാസഞ്ചർ സർവീസ് നടത്താവുന്നതാണ്. ഉച്ചയ്ക്ക് പുനലൂരിൽ നിന്നു കൊല്ലത്തേക്ക് പുറപ്പെട്ടാൽ ഒന്നര മണിക്കൂർ കൊണ്ട് കൊല്ലത്ത് എത്തിച്ചേരുവാനും അത്ര തന്നെ സമയം എടുത്ത് കൊല്ലത്തു നിന്ന് പുനലൂരിൽ തിരികെ എത്തിച്ചേരുവാനും കഴിയും. ഈ സർവീസ് നിലവിൽ വന്നു കഴിഞ്ഞാൽ യാത്രക്കാർ ഇപ്പോൾ അനുഭവിക്കുന്ന യാത്രാ ദുരിതത്തിന് വലിയൊരളവ് പരിഹാരം ഉണ്ടാക്കാം. ഒപ്പം കൊല്ലത്ത് നിന്ന് ചെങ്കോട്ട - തിരുനെൽവേലി ഭാഗത്തേക്ക് മെമു സർവീസ് ആരംഭിക്കാൻ ആവശ്യപ്പെട്ടുകൊണ്ടുള്ള നിവേദനവും നിരവധി തവണ യാത്രക്കാരുടെ സംഘടനകൾ ദക്ഷിണ റെയിൽവേക്ക് നൽകിയിരുന്നതാണ്. ഇക്കാര്യങ്ങളിൽ ഉടൻ തന്നെ തീരുമാനം ഉണ്ടാകണമെന്നാണ് കൊല്ലം- ചെങ്കോട്ട റെയിൽവേ പാസഞ്ചേഴ്സ് അസോസിയേഷൻ ആവശ്യപ്പെടുന്നത്.

ലീജിയൻ ഓഫ് മേരി അംഗങ്ങളുടെ സംഗമം നടത്തി

പുനലൂർ: ജൂബിലി വർഷത്തോടനുബന്ധിച്ച് പുനലൂർ രൂപതയിൽ വിവിധ ഇടവകകളിൽ പ്രവർത്തിക്കുന്ന ലീജിയൻ ഓഫ് മേരി അംഗങ്ങളുടെ സംഗമം പുനലൂർ രൂപതയിലെ ഞാറക്കാട് തിരുഹൃദയ പള്ളിയിൽ നടന്നു. ലീജിയൻ ഓഫ് മേരി സംഗമം പുനലൂർ രൂപതാ വികാരി ജനറാൾ മോൺ.സെബാസ്റ്റ്യൻ വാസ് ഉദ്ഘാടനം ചെയ്തു. തുടർന്ന് ഫാ. ആന്‍റണി പുളിക്കൽ ഒസിഡി ‘ആധുനിക കാലഘട്ടത്തിൽ മരിയ സൈന്യത്തി െ ന്‍റ പ്രസക്തി' എന്ന വിഷയത്തെക്കുറിച്ച് ക്ലാസെടുത്തു. പുനലൂർ രൂപത ലീജിയൻ ഓഫ് മേരി ഡയറക്ടർ ഫാ.സാബു ക്ലാസുകൾക്ക് നേതൃത്വം നൽകി. പുനലൂർ രൂപത വികാരി ജനറൽ മോൺ.സെബാസ്റ്റ്യൻവാസി െ ന്‍റ മുഖ്യകാർമികത്വത്തിൽ ബലിയർപ്പണം നടത്തി. കൊട്ടാരക്കര ഫൊറോന വികാരി ഫാ. ക്രിസ്റ്റി ജോസഫ് വചന സന്ദേശം നൽകി. ഇടവക വികാരി ഫാ.ജോബി സംഗമത്തിനുവേണ്ട ക്രമീകരണങ്ങൾ നടത്തി. കുർബാനയ്ക്ക് ശേഷം റാലിയോടും സ്നേഹവിരുന്നിനോടും കൂടി സംഗമം സമാപിച്ചു.

മതബോധന വാർഷികവും വിബിഎസ് വാർഷിക സമാപനവും

ചവറ : കോവിൽത്തോട്ടം സെന്‍റ് ആൻഡ്രൂസ് പള്ളിയിലെ സൺഡേ സ്കൂളിലെ മതബോധന വാർഷികവും വെക്കേഷൻ ബൈബിൾ സ്കൂൾ വാർഷിക സമാപനവും നടന്നു. കൊല്ലം രൂപതാ മതബോധന ഡയറക്‌ടർ ഫാ. ലിൻസൺ കെ. ആറാടൻ ഉദ്ഘാടനം ചെയ്തു. ഇടവക വികാരി ഫാ. ജോസഫ് ഡാനിയേൽ ചടങ്ങിൽ അധ്യക്ഷനായി. ലൂർദ് മാതാ കോൺവെന്‍റ് സുപ്പീരിയർ മദർ സീമ മേരി, ഇടവക കോർഡിനേറ്റർ വർഗീസ് എം. കൊച്ചുപറമ്പിൽ, മതബോധന പ്രിൻസിപ്പൽ സിസ്റ്റർ നിസറ്റാ മേരി, മതബോധന സെക്രട്ടറി ഫ്രാൻസിസ് ഫെർണാണ്ടസ്, മതബോധന ആക്ടിവിറ്റി കോ-ഓർഡിനേറ്റർ അജികുമാർ തുടങ്ങിയവർ പ്രസംഗിച്ചു. സമ്മാനദാനം ഇടവക വികാരി ഫാ.ജോസഫ് ഡാനിയേൽ നിർവഹിച്ചു. പരിപാടിയുടെ ഭാഗമായി വിശ്വാസ പരിശീലന പഠനം, ബൈബിൾ അധിഷ്ഠിത കലാപരിപാടികൾ, ലഹരി വിരുദ്ധ ക്ലാസുകളും പ്രതിജ്ഞയും കലാമത്സരങ്ങൾ എന്നിവയും നടത്തി. വിശ്വാസ പ്രഖ്യാപന റാലിയോടു കൂടി വാർഷിക ആഘോഷ പരിപാടികൾ സമാപിച്ചു.

സെന്‍റ് ജോർജ് ഓർത്തഡോക്സ്‌ ഇടവകയിൽ പെരുന്നാൾ ആഘോഷിച്ചു

തെന്മല : കൊട്ടാരക്കര - പുനലൂർ ഭദ്രാസനത്തി െ ന്‍റ അമ്പനാട്ടെ രണ്ടു കുടുംബങ്ങൾ മാത്രമുള്ള സെന്‍റ് ജോർജ് ഓർത്തഡോക്സ്‌ ഇടവകയിലെ പെരുന്നാളിന് ഇടുക്കി ഭദ്രാസന മെത്രാപ്പോലീത്ത സഖറിയ മാർ സേവേറിയോസ് മുഖ്യകാർമികത്വം വഹിച്ചു. വിശുദ്ധ കുർബാനക്ക് ശേഷം മെത്രാപ്പോലീത്ത പെരുന്നാൾ സന്ദേശം നൽകി. പ്രദക്ഷിണം, ആശീർവാദം, നേർച്ച വിളമ്പ് എന്നിവയോടെ പെരുന്നാൾ സമാപിച്ചു. പെരുന്നാളിൽ സംബന്ധിക്കാനായി കേരളത്തിന്‌ പുറത്ത് നിന്നും വിവിധ ജില്ലകളിൽ നിന്നുള്ള ഇടവകകളിൽ നിന്നുമായി വിശ്വാസികള്‌ വിശുദ്ധ കുർബാനയിലും റാസയിലും പങ്കെടുത്തു.

മഞ്ഞപ്പിത്ത ബാധയെ തുടര്‍ന്ന് സഹോദരിമാർ മരിച്ച സംഭവം: സമഗ്ര അന്വേഷണം വേണമെന്ന് എന്‍.കെ.പ്രേമചന്ദ്രന്‍ എംപി

കൊല്ലം: തൃക്കോവില്‍വട്ടം ഗ്രാമപഞ്ചായത്തില്‍ കണ്ണനല്ലൂരിനടുത്ത് ചേരീക്കോണം കോളനിയില്‍ പട്ടികജാതി വിഭാഗത്തില്‍പ്പെട്ട 17 ഉം 19 ഉം വയസ് പ്രായമുള്ള സഹോദരിമാർ മഞ്ഞപ്പിത്ത രോഗബാധയെ തുടര്‍ന്ന് അകാലത്തില്‍ മരണമടഞ്ഞ സംഭവത്തെക്കുറിച്ച് സമഗ്രമായ അന്വേഷണം നടത്തണമെന്നും കുടുംബത്തിന് അടിയന്തിരമായ സാമ്പത്തിക സഹായം നല്‍കണമെന്നും എന്‍.കെ. പ്രേമചന്ദ്രന്‍ എംപി. കുട്ടികള്‍ക്ക് ചികിത്സ നല്‍കുന്നതില്‍ ഗുരുതരമായ വീഴ്ചയും അനാസ്ഥയുമാണ് തിരുവനന്തപുരം മെഡിക്കല്‍ കോളജ് ആശുപത്രി അധികൃതരില്‍ നിന്നും ഉണ്ടായിട്ടുള്ളത്. ഏപ്രില്‍ 23 നാണ് കുടുംബത്തിലെ 10 വയസ് മാത്രം പ്രായമുള്ള ഏറ്റവും ഇളയ കുട്ടിയെ മഞ്ഞപ്പിത്ത രോഗബാധയെ തുടര്‍ന്ന് തിരുവനന്തപുരം എസ്എടി ആശുപത്രിയില്‍ പ്രവേശിപ്പിച്ചത്. അനുജത്തിക്ക് കൂട്ടിരിക്കുവാന്‍ പോയ 19 വയസുള്ള മീനാക്ഷിയും 17 വയസുള്ള നീതുവുമാണ് മഞ്ഞപ്പിത്ത രോഗബാധയെ തുടര്‍ന്ന് മരണപ്പെട്ടത്. ഗുരുതരമായ രോഗം മറ്റുള്ളവരിലേക്കും പടര്‍ന്ന് പിടിക്കുന്ന സാഹചര്യത്തില്‍ രോഗപ്രതിരോധത്തിനുള്ള യാതൊരു മുന്‍കരുതലും ആരോഗ്യ വകുപ്പ് കൈക്കൊള്ളുന്നില്ലെന്നു എംപി പറഞ്ഞു. ഗുരുതരമായ രോഗബാധയുള്ള കുട്ടികള്‍ക്ക് ശരിയായ ചികിത്സ നല്‍കിയില്ല. തീവ്രപരിചരണം ആവശ്യമുണ്ടായിരുന്ന കുട്ടികള്‍ക്ക് കിടക്കുവാന്‍ കിടക്ക പോലും മെഡിക്കല്‍ കോളജ് അധികൃതര്‍ നല്‍കിയില്ല എന്നത് അതീവ ഗൗരവമുള്ളതാണ്. തറയില്‍ കിടത്തി ചികിത്സിച്ച കുട്ടികള്‍ സ്വന്തം ചെലവില്‍ പുറത്തുപോയി പായ വാങ്ങി ആശുപത്രിയില്‍ കിടന്ന് ചികിത്സിക്കേണ്ട സാഹചര്യത്തെ സംബന്ധിച്ച് അന്വേഷണം അനിവാര്യമാണെന്ന് പ്രേമചദ്രൻ പറഞ്ഞു. തീവ്രപരിചരണ വിഭാഗത്തില്‍ കിടത്തി ശരിയായ ചികിത്സ നല്‍കിയിരുന്നുവെങ്കില്‍ രക്ഷിക്കാന്‍ കഴിയാവുന്ന രണ്ട് ജീവനുകളാണ് സര്‍ക്കാരിന്‍റെ അനാസ്ഥ മൂലം നഷ്‌ടപെട്ടതെന്ന മാതാപിതാക്കളുടെ സങ്കടം സര്‍ക്കാര്‍ കണക്കിലെടുക്കണം. തിരുവനന്തപുരം മെഡിക്കല്‍ കോളേജില്‍ ശരിയായ ചികിത്സ ലഭിക്കാത്തതിന്‍റെ പേരില്‍ ഇളയകുട്ടിയെ ഇപ്പോള്‍ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്. പട്ടികജാതിയില്‍പ്പെട്ട ദരിദ്രരായ കുടുംബത്തിലെ രണ്ട് കുട്ടികള്‍ മരണപ്പെടുകയും മൂന്നാമത്തെ കുട്ടി ചികിത്സ തുടരുകയും ചെയ്യുന്ന സാഹചര്യത്തില്‍ കുട്ടിയുടെ ചികിത്സയുടെ പൂർണ ചെലവ് സര്‍ക്കാര്‍ വഹിക്കണം. കുട്ടികള്‍ മരിക്കാനിടയാക്കിയ ചികിത്സാ പിഴവിനെ സംബന്ധിച്ച് സമഗ്രമായ അന്വേഷണം നടത്തണമെന്നും കുടുംബത്തിന് ധനസഹായം നല്‍കണമെന്നും ചേരീക്കോണം കോളനിയെ പകര്‍ച്ചവ്യാധിയില്‍ നിന്നും മോചിപ്പിക്കുവാന്‍ ആരോഗ്യവകുപ്പ് സത്വരനടപടി സ്വീകരിക്കണമെന്നും എന്‍.കെ. പ്രേമചന്ദ്രന്‍ എംപി ആവശ്യപ്പെട്ടു. എംപിയോടൊപ്പം ബ്ലോക്ക് കോണ്‍ഗ്രസ് പ്രസിഡന്‍റ് എ. എല്‍. എം.നിസാമുദീൻ, ഫൈസല്‍ കുളപ്പാടം, ആര്‍എസ്പി നേതാക്കളായ ഷമീര്‍ അലിയാര്‍ കുട്ടി, ഡിസിസി അംഗം ജയചന്ദ്രന്‍, കോണ്‍ഗ്രസ് മണ്ഡലം പ്രസിഡന്‍റ് സുധീര്‍ എന്നിവരും പ്രേമചന്ദ്രനൊപ്പം ഉണ്ടായിരുന്നു.

ദളിത് യുവതിയോട് ക്രൂരത; പോലീസുകാർക്കെതിരേ നടപടിയെടുക്കണം: അഡ്വ.ബിന്ദുകൃഷ്ണ

കൊല്ലം: മോഷണക്കുറ്റം ആരോപിച്ച് ദളിത് യുവതിയ്ക്ക് നേരെ പോലീസ് കാട്ടിയ ക്രൂരമായ സംഭവത്തിൽ യുവതിക്ക് നഷ്‌ടപരിഹാരം നൽകണമെന്ന് കെപിസിസി രാഷ്്‌ട്രീയകാര്യ സമിതിയംഗം അഡ്വ. ബിന്ദുകൃഷ്ണ ആവശ്യപ്പെട്ടു. യുവതിയെ ഭീഷണിപ്പെടുത്തുകയും അപമാനിക്കുകയും കുടിവെള്ളം പോലും നൽകാതെ മനുഷ്യത്വരഹിതമായി പെരുമാറുകയും ചെയ്തത് ഗുരുതരമായ കുറ്റമാണ്. അത്തരത്തിൽ പെരുമാറിയ മുഴുവൻ പോലീസുകാർക്കെതിരെയും നടപടിയെടുക്കണമെന്നും ദളിത് യുവതിയുടെ വീട് സന്ദർശിച്ചശേഷം ബിന്ദുകൃഷ്ണ ആവശ്യപ്പെട്ടു. മഹിളാ കോൺഗ്രസ് സംസ്ഥാന വൈസ് പ്രസിഡന്‍റ് ആർ.ലക്ഷ്മി, ജില്ലാ പ്രസിഡന്‍റ് ഗായത്രി.ബി. നായർ മറ്റ് നേതാക്കന്മാരായ അനിത, ഫാത്തിമ, ഷീല, സെയ്ദലി, മുജീബ് തുടങ്ങിയവർ ഒപ്പം ഉണ്ടായിരുന്നു.

വനിതാവേദി ഉദ്ഘാടനം

കൊട്ടാരക്കര : കേരള സ്റ്റേറ്റ് സർവീസ് പെൻഷനേഴ്സ് യൂണിയൻ വെട്ടിക്കവല ബ്ലോക്കി െ ന്‍റ വനിതാവേദി ഉദ്ഘാടനവും സെമിനാറും സംഘടി പ്പിച്ചു. അന്തസുള്ള ജീവിതം സ്ത്രീയുടെ അവകാശം എന്ന വിഷയത്തിൽ നടന്ന സെമിനാർ സാഹിത്യകാരിയും ഡെപ്യൂട്ടി ജില്ലാ പ്ലാനിങ് ഓഫീസറുമായ എം.ആർ. ജയഗീത ഉദ്ഘാടനം ചെയ്തു. അണ്ടൂർ പബ്ലിക് ലൈബ്രറി ഹാളിൽ വനിതാ വേദി ബ്ലോക്ക് കൺവീനർ ജി. ശ്യാമള കുമാരി അമ്മ അധ്യക്ഷയായി. വെട്ടിക്കവല ബ്ലോക്ക് പഞ്ചായത്ത് വികസന സ്ഥിരം സമിതി അധ്യക്ഷ ബെൻസി റെജി, പെൻഷനേഴ്സ് യൂണിയൻ ബ്ലോക്ക് സെക്രട്ടറി എം.രവിനാഥൻ പിള്ള, ജില്ലാ ജോയിന്‍റ് സെക്രട്ടറി കെ. സൂസമ്മ, ജില്ലാകമ്മിറ്റിയംഗങ്ങളായ ടി. സി. ജോർജ്, പി. കുട്ടപ്പൻപിള്ള, ബ്ലോക്ക് ട്രഷറർ ആർ. തുളസിധരൻപിള്ള, വൈസ് പ്രസിഡന്‍റ ുമാരായ ടി. ആർ. ക്ലമൻസിയ, ഡി.രാധാമണി, ജോയിന്‍റ് സെക്രട്ടറിമാരായ പി. ലളിതകുമാരി, ജി. ശശിധരൻപിള്ള, ടി.ആർ.മനോജ് കുമാർ, യൂണിറ്റ് പ്രസിഡന്‍റ് ആർ. ഭാസ്കരൻ, സെക്രട്ടറി എൽ. ഗീവർഗീസ്, വനിതാ വേദി കൺവീനർ കെ. സഹജമ്മ എന്നിവർ പ്രസംഗിച്ചു.

യുവാവി െ ന്‍റ കൊലപാതകം; മുഖ്യപ്രതി അറസ്റ്റിൽ

കൊല്ലം: പത്തനാപുരം കറവൂർ ചണ്ണയ്ക്കാമണ്ണിൽ യുവാവിനെ കൊലപ്പെടുത്തി വനത്തിൽ തള്ളിയ സംഭവത്തിൽ ഒളിവിലായിരുന്ന മുഖ്യപ്രതിയെ പത്തനാപുരം പോലീസ് അറസ്റ്റ് ചെയ്തു. ഓലപ്പാറ സ്വദേശി അനിൽകുമാറാണ് പോലീസി െ ന്‍റ പിടിയിലായത്. പിറവന്തൂർ പഞ്ചായത്തിൽ തൊടിക്കണ്ടം ഓലപ്പാറ പുത്തൻവീട്ടിൽ രെജി എന്ന ഓമനക്കുട്ടനെയാണ് കൊലപ്പെടുത്തിയത്. കേസിലെ രണ്ടാംപ്രതി ഷാജഹാനെ പോലീസ് നേരത്തെ പിടികൂടിയിരുന്നു. ഒളിവിലായിരുന്ന അനിൽകുമാറിനായി പോലീസ് വ്യാപകമായ തിരച്ചിൽ നടത്തുന്നതിനിടെ പത്തനാപുരം കോടതിയിൽ ജാമ്യം എടുക്കുന്നതിനായി എത്തിയപ്പോഴാണ് ഇയാൾ പോലീസി െ ന്‍റ പിടിയിലാകുന്നത്. അനിൽകുമാറി െ ന്‍റ ഭാര്യയെ രജി അസഭ്യം പറഞ്ഞ് മർദിച്ചതി െ ന്‍റ ദേഷ്യമാണ് കൊലയ്ക്ക് കാരണമെന്നാണ് സൂചന. രാത്രി വാഴത്തോട്ടത്തിൽ കാവലിനായി പോയ രജിയെ പ്രതികൾ മർദിച്ച് കൊലപ്പെടുത്തി പെരുന്തോയിൽ തലപ്പാക്കെട്ട് ഭാഗത്ത് ഉപേക്ഷിക്കുകയായിരുന്നുവെന്ന് പത്തനാപുരം എസ്എച്ചഒ ആർ. ബിജു പറഞ്ഞു.

സൗജന്യ നേത്ര പരിശോധന ക്യാമ്പ് നടത്തി

കൊട്ടാരക്കര : അടൂർ സെൻട്രൽ ലയൺസ് ക്ലബി െ ന്‍റ നേതൃത്വത്തിൽ കലയപുരം ആശ്രയ സങ്കേതത്തിൽ സൗജന്യ നേത്രപരിശോധന ക്യാമ്പ് സംഘടിപ്പിച്ചു . ലയൺസ് ക്ലബ ് പ്രസിഡന്‍റ് പ്രവീൺകുമാർ ക്യാമ്പ് ഉദ്ഘാടനം ചെയ്തു. ലയൺസ് ക്ലബ് ട്രഷറർ രാധാകൃഷ്ണകുറുപ്പ്, ജില്ലാ ഡയറ്കടർ ബോർഡ് അംഗം എം.ആർ .കൃഷ്ണകമാർ ചാർട്ടർ സെക്രട്ടറി മനോജ് വിജയൻ , ലയൺസ് ക്ലബ് ഭാരവാഹികളായ കെ.ആർ.കൃഷ്ണകുമാർ, അജീഷ്, സിന്ധു അജീഷ്, ഗൗതം പി.നായർ,ഭാർഗവി കൃഷ്ണൻ, ആശ്രയ സി ഇഒ ജുബിൻ സാം, ജനറൽ സൂപ്രണ്ട് വർഗീസ് പി.മാത്യു തുടങ്ങിയവർ പ്രസംഗിച്ചു. അടൂർ പ്രിസൈസ് കണ്ണാശുപത്രി ഓഫ്താൽമോളജിസ്റ്റ് ഡോ. സോണിയ റേച്ചൽ തോമസി െ ന്‍റ നേതൃത്വത്തിലാണ് ക്യാമ്പ് നടന്നത് . സൗജന്യമായി കണ്ണടകളും മരുന്നുകളും വിതരണം ചെയ്യുകയും ശസ്ത്രക്രിയ ആവശ്യമായവർക്ക് ലയൺസ് ക്ലബ് അടൂർ സെൻട്രൽ യൂണിറ്റി െ ന്‍റ നേതൃത്വത്തിൽ സൗജന്യമായി നടത്തുന്നതിനും തീരുമാനിച്ചു.

എസ്പിസി സംസ്ഥാന സഹവാസ ക്യാമ്പ്; കൊല്ലത്തെ കേഡറ്റുകൾക്ക് ഒന്നാം സ്ഥാനം

കൊല്ലം : സ്റ്റുഡന്‍റ് പോലീസ് കേഡറ്റ് സംസ്ഥാന സഹവാസ ക്യാമ്പിൽ കൊല്ലം സിറ്റി ജില്ലയിലെ എസ്പിസി കേഡറ്റുകൾ പാസിംഗ് ഔട്ട് പരേഡിൽ ഒന്നാം സ്ഥാനം കരസ്ഥമാക്കി. 20 പോലീസ് ജില്ലകളിൽ നിന്നുള്ള ആയിരത്തോളം കേഡറ്റുകൾ പങ്കെടുത്ത ക്യാമ്പിലെ വിവിധ വിഭാഗങ്ങളിൽ കൊല്ലം സിറ്റി രണ്ടാം സ്ഥാനവും കരസ്ഥമാക്കി. പാസിംഗ് ഔട്ട് പരേഡിൽ ഗവർണർ രാജേന്ദ്ര വിശ്വനാഥ് ആർലക്കറിൽ നിന്ന് ജില്ലയിലെ പ്ലാട്ടൂൺ കമാൻഡർ എസ്.ആർ.നീരജ ട്രോഫികൾ ഏറ്റുവാങ്ങി. ജില്ലാ പോലീസ് മേധാവി കിരൺ നാരായണൻ, എസ്പിസി പദ്ധതി ജില്ലാ നോഡൽ ഓഫീസർ അഡീഷണൽ പോലീസ് സൂപ്രണ്ട് എൻ.ജീജി,വിദ്യാഭ്യാസ ഡെപ്യൂട്ടി ഡയറക്‌ടർ കെ.ഐ. ലാൽ എന്നിവരുടെ നിർദേശാനുസരണമുള്ള ചിട്ടയായ പരിശീലനത്തിലൂടെയുമാണ് ടീം കൊല്ലം സിറ്റി നേട്ടം കൈവരിച്ചത്. ജില്ലാ അസി.നോഡൽ ഓഫീസർ ബി.രാജേഷ് കോർഡിനേറ്റർ എസ്.ഷഹീർ, എഎസ്ഐ മാരായ പ്രഭ, സുജിൻ, അധ്യാപകരായ വിസ്വാൺ, സുമമോസസ് എന്നിവരാണ് കുട്ടികളെ പരിശീലിപ്പിച്ചത്. വിജയികളെ എഡിജിപി പി.വിജയൻ എസ്പിസി സംസ്ഥാന നോഡൽ ഓഫീസർ ഡിഐജി അജിതാ ബീഗം എന്നിവർ അഭിനന്ദിച്ചു. കേഡറ്റുകൾക്ക് ജില്ലാ പോലീസ് മേധാവി കിരൺ നാരായണൻ മധുര വിതരണം നൽകി. ജില്ലയിലെ ഡ്രിൽ ഇൻസ്ട്രക‌്‌ടർമാർ, പോലീസ് ഓഫീസർമാരായ അധ്യാപകർ, എസ്പിസി പിടിഎ എന്നിവരുടെ മികച്ച കൂട്ടായ്മയും പിന്തുണയുമാണ് നേട്ടത്തിനിടയാക്കിയത്. 24 പെൺകുട്ടികളും 10 ആൺകുട്ടികളുമാണ് കൊല്ലം സിറ്റിയിലെ 34 വിദ്യാലയങ്ങളിൽ നിന്നായി ക്യാമ്പിൽ പങ്കെടുത്തത്.

മഞ്ഞപ്പിത്തം ബാധിച്ച് മരണം; ചേരിക്കോണത്ത് പ്രതിരോധ പ്രവർത്തനം ഊർജിതമാക്കി

കൊട്ടിയം : മഞ്ഞപ്പിത്തം ബാധിച്ച് രണ്ട് സഹോദരിമാർ മരിച്ച തൃക്കോവിൽവട്ടം പഞ്ചായത്തിലെ ചേരിക്കോണം പ്രദേശത്ത് രോഗ പ്രതിരോധ പ്രവർത്തനങ്ങൾ ഊർജിതമാക്കി. തൃക്കോവിൽവട്ടം പഞ്ചായത്തും പ്രാഥമികാരോഗ്യ കേന്ദ്രവും ചേർന്നാണ് രോഗപ്രതിരോധ പ്രവർത്തനങ്ങൾക്ക് നേതൃത്വം നൽകുന്നത്. ചേരിക്കോണം പ്രദേശത്ത് ശുചീകരണവും ക്ലോറിനേഷനും ബോധവത്ക്കരണ പരിപാടികളും ആണ് പ്രധാനമായും നടത്തുന്നത്. പ്രദേശത്ത് പത്ത് പേർ രോഗബാധിതരായി ചികിത്സയിലാണ്. നിരവധിപേർ നിരീക്ഷണത്തിലുമാണ്. ചേരിക്കോണത്ത് തലച്ചിറ നഗർ ചിറയിൽ വീട്ടിൽ മുരളിയുടെയും ശ്രീജയുടെയും മകൾ മീനാക്ഷി (19) വെള്ളിയാഴ്ചയും സഹോദരി കണ്ണനല്ലൂർ എം കെ എൽ എം ഹയർ സെക്കൻഡറി സ്കൂൾ പ്ലസ്ടു വിദ്യാർഥിനി നീതു (17) ഞായറാഴ്ചയുമാണ് മരിച്ചത്. കഴിഞ്ഞ രണ്ടാഴ്ചയ്ക്ക് മുമ്പ് മീനാക്ഷിയുടെ സഹോദരൻ അമ്പാടിയ്ക്ക് ആണ് ആദ്യം അസുഖം സ്ഥിരീകരിക്കുന്നത്. തുടർന്ന് കൊല്ലം ആശ്രമം ഇഎസ് ഐ ആശുപത്രിയിൽ പ്രവേശിപ്പിക്കുകയും അസുഖം മൂർച്ഛിച്ചതിനെ തുടർന്ന് തിരുവനന്തപുരം എസ്എടി ആശുപത്രിയിലേക്ക് മാറ്റുകയായിരുന്നു. അമ്പാടിക്ക് കൂട്ടിനായി നിന്നതാണ് മരിച്ച സഹോദരിമാരായ മീനാക്ഷിയും നീതുവും. ഇവരുടെ സഹോദരൻ അമ്പാടി ഇപ്പോൾ തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലാണ്. ആദ്യം മരിച്ച മീനാക്ഷിയുടെ മൃതദേഹം തിരുവനന്തപുരം മെഡിക്കൽ കോളജ് ആശുപത്രിയിൽ പോസ്റ്റ്മാർട്ടം നടത്തിയിരുന്നു. റിപ്പോർട്ട് വരും മുൻപാണ് അനിയത്തി നീതുവും മരിച്ചത്. നീതുവി െ ന്‍റ മൃതശരീരം പോസ്റ്റ് മാർട്ടം നടപടികളില്ലാതെ ബന്ധുക്കൾക്ക് വിട്ടു നൽക്കുകയായിരുന്നു. മൂന്ന് സെന്‍റ് സ്ഥലത്തെ വീട്ടുമുറ്റത്ത് മീനാക്ഷിയുടെ സംസ്കാരം നടത്തിയതിനോട് ചേർന്ന് നീതുവി െ ന്‍റ സംസ്കാരവും നടത്തി. തൃക്കോവിൽവട്ടം പഞ്ചായത്ത് പ്രദേശത്ത് മഞ്ഞപ്പിത്തം രോഗബാധ വ്യാപകമാണ്. പത്തു പേർ ഇപ്പോൾ ചികിത്സയിലാണ്. നിരവധി പേർ നിരീക്ഷണത്തിലുമാണ്. ഇന്ന് രോഗപരിശോധന ക്യാമ്പും ബോധവത്ക്കരണവും ചേരിക്കോണത്ത് നടത്തും. രോഗ പരിശോധന ക്യാമ്പിൽ എത്താത്തവരെ വീട്ടിലെത്തി പരിശോധിക്കാനാണ് പദ്ധതി. തൃക്കോവിൽ വട്ടത്ത് ആരോഗ്യ അടിയന്തിരാവസ്ഥപ്രഖ്യാപിക്കണമെന്ന് പി.സി. വിഷണുനാഥ് എം എൽഎ ആവശ്യപ്പെട്ടു. എൻ.കെ. പ്രേമചന്ദ്രൻ എംപി മരണമടഞ്ഞ സഹോദരിമാരുടെ വീട്ടിലെത്തി ബന്ധുക്കളുടെ ദുഃഖത്തിൽ പങ്കുചേർന്നു.

തിരുവനന്തപുരം ഭാഗത്തേക്കുള്ള ബസുകൾക്ക് ചിന്നക്കടയിൽ സ്റ്റോപ്പ് അനുവദിക്കണമെന്ന്

കൊല്ലം : കൊല്ലത്ത് നിന്ന് തിരുവനന്തപുരം ഭാഗത്തേക്ക് പോകുന്ന കെഎസ്ആർടിസി ബസുകൾക്ക് നിലവിൽ ചിന്നക്കടയിൽ സ്റ്റോപ്പില്ല. യാത്രക്കാർ കൊല്ലം ബസ് സ്റ്റാൻഡിൽ നിന്നോ അല്ലെങ്കിൽ റെയിൽവേ സ്റ്റേഷനു മുന്നിൽ നിന്നോ കയറിയേണ്ടിവരുന്ന അവസ്ഥയാണ് ഇപ്പോൾ നിലനിൽക്കുന്നത്.ചിന്നക്കട പോലെ കൊല്ലത്തിന്‍റെ പ്രധാന ഭാഗമായ ഒരു ബസ് സ്റ്റോപ്പിൽ ബസ് കിട്ടാതെ വരികയും അതിന്‍റെ പേരിൽ യാത്രക്കാർ നിരന്തരമായി ദുരിതം അനുഭവിക്കുകയും ചെയ്യുകയാണ്. ഈ വിഷയത്തെക്കുറിച്ച് ബന്ധപ്പെട്ട അധികാരികൾക്ക് പലതവണ പരാതികൾ നൽകിയെങ്കിലും ഇതുവരെ പരിഗണിച്ചിട്ടില്ല. അതുകൊണ്ട് ശക്തമായ പ്രക്ഷോഭ നടപടികളിലേക്ക് പോകുവാൻ രാഷ്‌ട്രീയ സഹപാഠി തീരുമാനിച്ചിട്ടുണ്ട്. എത്രയും പെട്ടെന്ന് തിരുവനന്തപുരം ഭാഗത്തേക്ക് യാത്ര ചെയ്യുന്ന യാത്രക്കാരുടെ ദുരിതം അവസാനിപ്പിക്കുവാൻ ചിന്നക്കട ഭാഗത്ത് ഒരു ബസ് സ്റ്റോപ്പ് അനുവദിക്കണമെന്ന് രാഷ്‌ട്രീയ സഹപാഠി ജില്ലാ പ്രസിഡന്‍റ് സജീവ് പരിശവിളയും ജില്ലാ സെക്രട്ടറി അഡ്വ.സി.ആർ.അജയകുമാറും ആവശ്യ പ്പെട്ടു.

വനിതാവേദി സ്വയം പ്രതിരോധ പരിശീലനം നൽകി

കൊട്ടാരക്കര: മുത്താരംകുന്ന് വായനശാലയിൽ വനിതാവേദിയുടെ ആഭിമുഖ്യത്തിൽ വനിതകൾക്ക് സ്വയം പ്രതിരോധ പരിശീലനം നൽകി. കൊല്ലം റൂറൽ ഡിസ്ട്രിക്റ്റ് ക്രൈം ബ്രാഞ്ച് എഎസ് ഐ ശ്രീജയുടെയും സീനിയർ സിവിൽ പോലീസ് ഓഫീസർ ഹസ്നയുടെയും നേതൃത്വത്തിലാണ് പരിശീലനം നൽകിയത്. സൈബർ ക്ലാസുകൾ കൊട്ടാരക്കര സൈബർ സെൽ സിവിൽ പോലീസ് ഓഫീസർ മഹേഷ്‌ മോഹ െ ന്‍റ നേതൃത്വത്തിൽ നടന്നു. വനിതാവേദി തെരഞ്ഞെടുപ്പിൽ പ്രസിഡന്‍റായി രമ്യയെയും, വൈസ് പ്രസിഡന്‍റായി സൂര്യയെയും സെക്രട്ടറിയായി ബിജിയെയും ജോയിൻ സെക്രട്ടറിയായി അജിതയെയും തെരഞ്ഞെടുത്തു.

വന്ധ്യത ബോധവത്കരണവും സംഗീത സായാഹ്നവും സംഘടിപ്പിച്ചു

കൊല്ലം: എവിഎം ഫൗണ്ടേഷൻ മ്യൂസിക് ക്ലബും നിയോവിറ്റ ഇൻഫർട്ടിലിറ്റി സെന്‍ററും സംയുക്തമായി മദേഴ്സ് ഡേയോടനുബന്ധിച്ച് കൊല്ലം ലയൺസ് ഹാളിൽ വന്ധ്യത ബോധവത്കരണവും സംഗീത സായാഹ്നവും സംഘടിപ്പിച്ചു. ഉച്ചയ്ക്ക് രണ്ടു മുതൽ ജില്ലയിലെ ഗായകരുടെ നേതൃത്വത്തിൽ കരോക്കെ ഗാനമേളയോടെ ആരംഭിച്ച പരിപാടിയെ തുടർന്ന് വന്ധ്യതാ ബോധവത്കരണ സെമിനാർ നടന്നു. എസ്എസ് എൽസി പരീക്ഷയിൽ ഉന്നത വിജയം നേടിയ കുട്ടികളെ ചടങ്ങിൽ ആദരിച്ചു.എവിഎം ഫൗണ്ടേഷൻ കേരള അഡ്മിൻ ഷിബു റാവുത്തർ അധ്യക്ഷത വഹിച്ചു. ചടങ്ങിൽ കൊല്ലം കോർപറേഷൻ മേയർ ഹണി ബെഞ്ചമിൻ ഭദ്ര ദീപം കൊളുത്തി ഉദ്‌ഘാടനം നിർവഹിച്ചു.പരിപാടിയിൽ മജിഷ്യൻ നസ്രത്ത് കൊല്ലത്തി െ െ ന്‍റ ഇന്ദ്ര ജലപ്രകടനവും, കേരള യൂണിവേഴ്സിറ്റി കലോത്സവത്തിൽ തുടർച്ചയായി ഏഴു തവണ കലാ പ്രതിഭ പട്ടം നേടിയ ജോസഫ് വിത്സ െ ന്‍റ മിമിക്രി അവതരണവും നടന്നു. ഗായകൻ അനിൽ ദേവ്, രാജേഷ്, കണ്ണൻ, നവമി, ശ്രീകാന്ത്, ബിന്ദു, ഓൾഡ് ഈസ്‌ ഗോൾഡ് ഗായകൻ താജുദീൻ കൊല്ലം, ഷംഷാദ് പള്ളിമുക്ക് എന്നിവർ പരിപാടികളിൽ പങ്കെടുത്തു.

എസ്എൻഡിപി യോഗം ആദിച്ചനല്ലൂർ ശാഖാ വാർഷികം

ചാത്തന്നൂർ :എസ്എൻഡിപി യോഗം ആദിച്ചനല്ലൂർ ശാഖയുടെ വാർഷികവും പ്രതിഭാ സംഗമവും 25ന് രാവിലെ 10ന് ശാഖാമന്ദിരത്തിൽ വച്ച് നടക്കും. വാർഷികാഘോഷത്തോടനുബന്ധിച്ച് ലഹരി വിരുദ്ധ ബോധവത്കരണ ക്ലാസും സൗജന്യ പഠനോപകരണ വിതരണവും ഉണ്ടായിരിക്കും. യൂണിയൻ പ്രസിഡന്‍റ് ബി.ബി. ഗോപകുമാർ ഉദ്ഘാടനം ചെയ്യും. ശാഖാവൈസ് പ്രസിഡന്‍റ് പി.എൻ.മുരളീധരൻ അധ്യക്ഷത വഹിക്കും. ‌ ചാത്തന്നൂർ റേഞ്ച് എക്‌സൈസ് അസി.ഇൻസ്‌പെക്ടർ എസ്.അനിൽകുമാർ ലഹരി വിരുദ്ധ ക്ലാസെടുക്കും. ജി. സുഗതൻ, ട്രസ്റ്റ്‌ ബോർഡ്‌ മെമ്പർ വി.പ്രശാന്ത്, വനിതാ സംഘം യൂണിയൻ സെക്രട്ടറി ബീനാ പ്രശാന്ത്, മൗഷ്മി സുനിൽ, എൻ. രാധാകൃഷ്ണൻ, എസ്. മധുസൂദനൻ, ശാഖാസെക്രട്ടറി കെ. ശ്രീകുമാർ, യൂണിയൻ പ്രധിനിധി എ. അരുൺകുമാർ എന്നിവർ പ്രസംഗിക്കും. അവാർഡിനും പഠനോപകരണങ്ങൾക്കും അർഹരായ കുട്ടികൾ 21ന് മുമ്പ് സെക്രട്ടറിക്ക് അപേക്ഷ നൽകണം.

വനിതാ കോൺഗ്രസ് - എം നിയോജക മണ്ഡലം കൺവൻഷൻ

കൊല്ലം: കേരളാ വനിതാ കോൺഗ്രസ് - എം കുന്നത്തുർ നിയോജക മണ്ഡലം കൺവൻഷൻ ജില്ലാ പ്രസിഡന്‍റ് ആനി ടോം കുളത്തുപ്പുഴ ഉദ്ഘാടനം ചെയ്തു. കേരളാ കോൺഗ്രസ് നിയോജക മണ്ഡലം പ്രസിഡന്‍റ് ഇഞ്ചക്കാട് രാജൻ അധ്യക്ഷതവഹിച്ചു. സംസ്ഥാന ജനറൽ സെക്രട്ടറി എ. ജി. അനിത, ജില്ലാ ജനറൽ സെക്രട്ടറി അഡ്വ. ലിജി കുട്ടപ്പൻ തുടങ്ങിയവർ പ്രസംഗിച്ചു. ഭാരവാഹികളായി പ്രീത രജനീഷ് - പ്രസിഡന്‍റ്, റ്റി.എസ്. സൗമ്യ, സി. സിന്ധു.- വൈസ് പ്രസിഡന്‍റ ുമാർ,കെ.ശാന്തിനി, വി. ശോഭ, കെ.സി. ലീല- ജനറൽ സെക്രട്ടറിമാർ, പി. ആതിര - ട്രഷറർ, സംസ്ഥാന കമ്മിറ്റി അംഗമായി സി. ഉഷയെയും തെരഞ്ഞെടുത്തു.

മൾട്ടി ഡിസിപ്ലിനറി ട്രെയിനിംഗ് ഇൻസ്റ്റിറ്റ്യൂട്ട് നിർമാണം ഒക്‌ടോബറിൽ പൂർത്തിയാകും

കൊല്ലം: കൊല്ലത്ത് അനുവദിച്ച മൾട്ടി ഡിസിപ്ലിനറി റെയിൽവേ ട്രെയിനിംഗ് ഇൻസ്റ്റിറ്റ്യൂട്ടിന്‍റെ നിർമാണം ഒക്‌ടോബറിൽ പൂർത്തിയാകും. കേരളത്തിൽ തിരുവനന്തപുരം റെയിൽവേ ഡിവിഷന്‍റെ കീഴിൽ അനുവദിച്ച ആദ്യത്തെ മൾട്ടി ഡിസിപ്ലിനറി റെയിൽവേ ട്രെയിനിംഗ് ഇൻസ്റ്റിറ്റ്യൂട്ടാണ് കൊല്ലത്ത് റെയിൽവേ ഭൂമിയിൽ ഉപാസന ആശുപത്രിയ്ക്ക് എതിർവശം ഉയരുന്നത്. നിലവിൽ ദക്ഷിണ റെയിൽവേ സോണിൽ മൾട്ടി ഡിസിപ്ലിനറി റെയിൽവേ ട്രെയിനിംഗ് ഇൻസ്റ്റിറ്റ്യൂട്ട് തമിഴ്‌നാട്ടിലെ തിരുച്ചിറപ്പള്ളിയിൽ മാത്രമാണുള്ളത്. നാല് കോടി രൂപയുടെ കെട്ടിടമാണ് ഇപ്പോൾ നിർമാണം നടക്കുന്നത്. പദ്ധതിയുടെ അടങ്കൽ തുക ആറ് കോടി 47 ലക്ഷം രൂപ ആണ്. ആകെ 16,500 ചതുരശ്രയടി വിസ്തീർണമുള്ള കെട്ടിടമാണ് നിർമിക്കുന്നത്. 2022 ഓഗസ്റ്റിൽ പ്രഖ്യാപിച്ച പദ്ധതിയാണിത്. ദക്ഷിണ റെയിൽവേയുടെ ഡിവിഷണൽ പെർമെനന്‍റ് വേ ട്രെയിനിംഗ് സെന്‍റർ, ഡിവിഷണൽ ട്രാഫിക് ട്രെയിനിംഗ് സെന്‍റർ, ഡിവിഷണൽ മെക്കാനിക്കൽ ട്രെയിനിംഗ് സെന്‍റർ എന്നിവയുടെ പ്രവർത്തനത്തിനാണ് മൾട്ടി ഡിസിപ്ലനറി ട്രെയിനിംഗ് ഇൻസ്റ്റിറ്റ്യൂട്ട് സ്ഥാപിക്കുന്നത്. ഇൻസ്റ്റിറ്റ്യൂട്ട് കൊല്ലത്ത് പൂർത്തിയാകുമ്പോൾ കേരളത്തിലെ റെയിൽവേ ഉദ്യോഗസ്ഥരുടെ മിക്ക റെയിൽവേ ട്രെയിനിംഗും കൊല്ലം കേന്ദ്രീകരിച്ച് നടത്താനാവും. മാത്രമല്ല കൊല്ലം റെയിൽവേ സ്റ്റേഷന്‍റെ നവീകരണ പ്രവർത്തനം കൂടി പൂർത്തിയാകുമ്പോൾ ഇൻസ്റ്റിട്യൂട്ടിന്‍റെ പ്രാധാന്യവും വർധിക്കും.

കുടുംബമിത്ര സഹായനിധി കൈമാറി

ചാത്തന്നൂർ : ഭാരതീയ വ്യാപാരി വ്യവസായി സംഘി െ ന്‍റ കുടുംബ മിത്ര സഹായ നിധി കൈമാറി. പദ്ധതിയിൽ അംഗമായിരുന്ന വ്യാപാരി ജി.എ.ദീപുവി െ ന്‍റ കുടുംബത്തിനാണ് മരണാനന്തര സഹായനിധി നൽകിയത്. വ്യാപാരി വ്യവസായി സംഘ് സംസ്ഥാന വൈസ് പ്രസിഡന്‍റ് ചാല മണി ഉദ്ഘാടനം ചെയ്തു, ,ജില്ലാ പ്രസിഡന്‍റ് ബി. സജൻലാൽ അധ്യക്ഷത വഹിച്ചു. ചടങ്ങിൽ കുടുംബമിത്ര ബെനോവലെന്‍റ് സൊസൈറ്റി ട്രഷറർ കെ.കെ. മുരളി, ജില്ലാ വൈസ് പ്രസിഡന്‍റ് പ്രദീപ് കുരീപ്പുഴ, താലൂക്ക് പ്രസിഡന്‍റ് സിജു മനോഹരൻ, ജനറൽ സെക്രട്ടറി രാജേഷ്, ട്രഷറർ കോയിപ്പാട് സജീവ് എന്നിവർ പ്രസംഗിച്ചു.

ലഹരിക്കെതിരേ ഫുട്ബോൾ ടൂർണമെന്‍റ്

കൊട്ടിയം: ആദിച്ചനല്ലൂർ പഞ്ചായത്ത്‌ 16-ാം വാർഡ് കുടുംബശ്രീ എഡിഎസ് കമ്മിറ്റി ലഹരി ക്കെ തിരേ സംഘടിപ്പിക്കുന്ന ഫുട് ബോൾ ടുർണമെന്‍റ് കൊല്ലം ജില്ലാ പഞ്ചായത്ത് വൈസ് പ്രസിഡന്‍റ് ശ്രീജ ഹരീഷ് ഉദ്ഘാടനം ചെയ്തു. ദേവി കുടുംബശ്രീ പ്രസിഡന്‍റ് ചിത്ര മോഹൻദാസ് അധ്യക്ഷത വഹിച്ചു. മുൻ ക്ഷേമ കാര്യ സ്റ്റാൻൻഡിംഗ് കമ്മിറ്റി ചെയർമാൻ പ്ലാക്കാട് ടിങ്കു, ടൂർണമെന്‍റ് കോർഡിനേറ്റർ എസ്.വിനോദ് കുമാർ, കൊട്ടിയം ട്രാൻസിറ്റ് ഹോം എസ്ഐ സുജിത് ജി.നായർ, ഷിബു മനോഹർ, സേതുലക്ഷ്മി, ജാനി സുരേഷ്, നിഷ മനോജ്‌, ആശാവർക്കർ ഗിരിജ എന്നിവർ പ്രസംഗിച്ചു.

പൊന്നാംചുണ്ട് പാലം യാഥാർഥ്യമാകുന്നു

പാലം നിർമാണത്തിന് 10കോടി രൂപയാണ് ചെലവ് വിതുര: പൊന്നാംചുണ്ട് പാലം ഒടുവിൽ യാഥാർഥ്യമാകുന്നു. അരുവിക്കര, വാമനപുരം മണ്ഡലങ്ങളിലൂടെ കടന്നു പോകുന്ന മലയോര ഹൈവേയിൽ വാമനപുരം ആറിനു കുറുകെയുള്ള പാലം നിർമാണത്തിന് 10കോടി രൂപയാണ് ചെലവ്. കഴിഞ്ഞ ദിവസം ചേർന്ന മന്ത്രിസഭായോഗം ദർഘാസ് അംഗീകരിച്ചതായി ജി. സ്റ്റീഫൻ എംഎൽഎ അറിയിച്ചു. പാലം എന്നാണ് അറിയപ്പെടുന്നതെങ്കിലും കൈവരി പോലുമില്ലാത്ത ചപ്പാത്താണ് ഇവിടെയുള്ളത്. ഇതിലൂടെയാണ് കെഎസ്‌ആർടിസി ബസുകൾ ഉൾപ്പടെ സർവീസ് നടത്തിയിരുന്നത്. മഴക്കാലമായാൽ വെള്ളം കയറി ചപ്പാത്ത് മുങ്ങുന്നത് പതിവാണ്. ആറേഴ്‌ കിലോമീറ്റർ ചുറ്റി നന്ദിയോട്‌-പാലോട്‌ വഴി പോകുക എന്നത്‌ മാത്രമാണ് പിന്നെയുള്ള ഏകവഴി. ഇതോടെ സുരക്ഷിതമായ ഒരു പാലം എന്നത്‌ പ്രധാന ആവശ്യമായി. വിതുര, തൊളിക്കോട്‌, ആര്യനാട്‌ പഞ്ചായത്തുകളിൽ നിന്നുള്ള നൂറുകണക്കിനു കുട്ടികളാണ് പെരിങ്ങമ്മല ഇക്ബാൽ കോളജിലേക്കും സ്കൂളിലേക്കും പോകുന്നത്. രോഗികളും വയോജനങ്ങളും അടക്കം ഏറെ ബുദ്ധിമുട്ടിയിരുന്നു. ഇവരുടെയെല്ലാം വർഷങ്ങളായുള്ള ആവശ്യത്തിനാണ് ഒടുവിൽ പരിഹാരം ആകുന്നത്.

നെയ്യാറ്റിൻകരയിലെ ഗ്രാമീണ റോഡുകളില്‍ വെള്ളക്കെട്ട്; ജനം ദുരിതത്തിൽ

നെയ്യാറ്റിന്‍കര: ഗ്രാമീണ റോഡുകളില്‍ മഴക്കാലത്തെ വെള്ളക്കെട്ട് യാത്രക്കാര്‍ക്ക് തലവേദനയായി തുടരുന്നു. അടിയന്തര നടപടി സ്വീകരിക്കണമെന്ന ആവശ്യം ശക്തം. നഗരസഭയുടെ തൊഴുക്കല്‍- ചെന്പരത്തിവിള റോഡില്‍ വര്‍ക്കിംഗ് വിമന്‍സ് ഹോസ്റ്റലിനു സമീപത്തായി റോഡിലെ വെള്ളക്കെട്ട് മഴക്കാലത്തെ പതിവുകാഴ്ചയാണ്. റോഡിന്‍റെ തുടക്കത്തിലും മറ്റും തറയോടുകള്‍ പാകിയിട്ടുണ്ട്. ചിലയിടങ്ങള്‍ ടാര്‍ ചെയ്തിരിക്കുന്നു. എന്നാല്‍ വെള്ളക്കെട്ടുള്ള ഭാഗം അധികൃതരുടെ കനിവിനായി കാത്തു കിടക്കുകയാണ്. നഗരസഭയുടെ ആലുംമൂട് ജംഗ്ഷനില്‍ നിന്നും കെഎസ്ആര്‍ടിസി ബസ് സ്റ്റാന്‍ഡിനു പിറകുവശത്തു എത്തിച്ചേരുന്ന കോണ്‍വെന്‍റ് റോഡിലും മഴക്കാലത്ത് സ്ഥിതി ദയനീയം. ഈ റോഡില്‍ രണ്ടു കോന്പൗണ്ടുകളിലായി സെന്‍റ് തേരേസാസ് സ്കൂള്‍, എല്‍പി സ്കൂള്‍, സെന്‍റ് ആവില സ്കൂള്‍ എന്നിവയും ശ്രീവിദ്യാധിരാജ വിദ്യാമന്ദിറും സ്ഥിതി ചെയ്യുന്നു. നൂറുകണക്കിനു വിദ്യാര്‍ഥികളാണ് ഈ വിദ്യാലയങ്ങളിലേയ്ക്ക് കോണ്‍വെന്‍റ് റോഡിലൂടെ വന്നുപോകുന്നത്. മുന്പ് ടാര്‍ ചെയ്തിരുന്ന റോഡ് പിന്നീട് തറയോടുകള്‍ പാകിയെങ്കിലും ശാസ്ത്രീയമായല്ലെന്ന ആക്ഷേപം ആദ്യമേ ഉയരുകയുമുണ്ടായി. ക്രമേണ റോഡിന്‍റെ മധ്യഭാഗം പലയിടത്തും താഴേക്കമര്‍ന്ന നിലയിലായതോടെ മഴക്കാലത്ത് വെള്ളക്കെട്ടും സ്ഥിരമായതായി യാത്രക്കാര്‍ ചൂണ്ടിക്കാട്ടി. മഴക്കാലത്തും മഴയില്ലാത്തപ്പോഴും ഈ റോഡിലൂടെ കടന്നുപോകുന്ന ഇരുചക്രവാഹനങ്ങള്‍ക്ക് യാത്ര സാഹസികമാണ്. ഗ്രാമീണ റോഡുകളില്‍ പലയിടത്തും അങ്ങിങ്ങു പൊട്ടിപ്പൊളിഞ്ഞും ടാറിളകിയുമുള്ള അവസ്ഥ നേരത്തെ വ്യാപകമായിരുന്നു. യാത്രക്കാരുടെ നിരന്തര പരാതികള്‍ കാരണം ചില പാതകളില്‍ അറ്റകുറ്റപ്പണി നടന്നെങ്കിലും അധികൃതരുടെ ശ്രദ്ധ തീര്‍ച്ചയായും എത്തേണ്ടയിടങ്ങള്‍ കുറവല്ല.

ക്ഷീരമേഖലയില്‍ കാലാനുസൃതമായ മാറ്റങ്ങള്‍ നടപ്പാക്കും: മന്ത്രി ജെ.ചിഞ്ചുറാണി

കൊല്ലം: പാൽ ഉത്പാദനത്തില്‍ കേരളം സ്വയംപര്യാപ്തത കൈവരിക്കുന്നതിന്റെ ഭാഗമായാണ് ക്ഷീരമേഖലയിലും വാതില്‍പടിക്കലേക്കുള്ള സേവനങ്ങള്‍ എത്തിക്കുന്ന പദ്ധതി നടപ്പിലാക്കിയതെന്ന് മന്ത്രി ജെ. ചിഞ്ചുറാണി. മൃഗസംരക്ഷണ- ക്ഷീരവികസന വകുപ്പുകള്‍ ആശ്രാമത്ത് സംയുക്തമായി സംഘടിപ്പിച്ച 'പാല്‍ ഉല്‍പാദനത്തിന് നൂതന സാങ്കേതികവിദ്യകള്‍ സെമിനാര്‍ ഉദ്ഘാടനം ചെയ്യുകയായിരുന്നു മന്ത്രി. കാലിസംരക്ഷണവുമായി ബന്ധപ്പെട്ട അറിയിപ്പുകളും സേവനങ്ങളും ഓണ്‍ലൈനിലൂടെ ലഭ്യമാക്കുന്നരീതി കൂടുതല്‍ വികസിപ്പിക്കുമെന്നും കാലാനുസൃതമായ മാറ്റങ്ങള്‍ മേഖലയില്‍ അനിവാര്യമാണെന്നും മന്ത്രി പറഞ്ഞു. മൃഗക്ഷേമ ബോര്‍ഡ് അംഗം ആര്‍. വേണുഗോപാല്‍ ക്ലാസെടുത്തു. എല്‍എംടിസി കൊട്ടിയം അസി.ഡയറക്ടര്‍ ഡോ. കെ. ജി. പ്രദീപ്, ജില്ലാ മൃഗസംരക്ഷണ ഓഫീസര്‍ ഡോ. എ.എല്‍. അജിത്, ക്ഷീരവികസന വകുപ്പ് ഡപ്യൂട്ടി ഡയറക്ടര്‍ എസ്. മഹേഷ് നാരായണന്‍, മൃഗസംരക്ഷണ വകുപ്പ് ഡപ്യൂട്ടി ഡയറക്ടര്‍ ഡോ. ഷീബ .പി. ബേബി, ജില്ലാ വെറ്റിനറി കേന്ദ്രം ചീഫ് വെറ്റിനറി ഓഫീസര്‍ ഡോ.എസ്. പ്രമോദ്, ക്ഷീരവികസന വകുപ്പ് അസി.ഡയറക്‌ടര്‍ എ. അനീഷ തുടങ്ങിയവര്‍ പങ്കെടുത്തു.

നിരവധി കേസുകളിലെ പ്രതി ബണ്ടിചോര്‍ സുജിത്ത് പിടിയില്‍

അഞ്ചല്‍ : വയോധികയെ മര്‍ദിക്കുകയും വീട്ടുപകരണങ്ങള്‍ തീയിട്ടും അടിച്ചു പൊട്ടിച്ചും നശിപ്പിച്ച കേസില്‍ ഒളിവിലായിരുന്ന പ്രതി പിടിയിലായി. അഞ്ചല്‍ ഇടയം പൊന്നമ്മ പുത്തന്‍ വീട്ടില്‍ ബണ്ടിചോര്‍ എന്നറിയപ്പെടുന്ന സുജിത്താണ് പിടിയിലായത്. കഴിഞ്ഞ മാസം 13നായിരുന്നു സംഭവം. ഇടയത്തുള്ള വീട്ടില്‍ അതിക്രമിച്ചു കയറിയ സുജിത്ത് അവിടെയുണ്ടായിരുന്ന വയോധികയെ ക്രൂരമായി മര്‍ദിച്ചു. വയോധികയുടെ ബഹളം കേട്ടു ഓടിയെത്തിയ ചെറുമകനെ കണ്ടു സുജിത്ത് പോവുകയും പിന്നീട് രാത്രിയോടെ വീണ്ടും എത്തി കതക് പൊളിച്ച് അകത്ത് കടന്ന് വയോധികയുടെ റേഷൻ കാർഡ് ആധാർ ഉൾപ്പെടെയുള്ള രേഖകളും വസ്ത്രങ്ങളും വീടിനുമുന്നിലിട്ടു തീയിടുകയായിരുന്നു. വീട്ടിലെ ജനാലകളും അടിച്ചു നശിപ്പിച്ചു. ഇതോടെ വയോധിക അഞ്ചല്‍ പോലീസില്‍ പരാതി നല്‍കി. പരാതി നല്‍കിയെന്ന് മനസിലാക്കിയതോടെ ഒളിവില്‍ പോയ സുജിത്തിനെ കഴിഞ്ഞ ദിവസം അഞ്ചല്‍ എസ്ഐ പ്രജീഷ് കുമാറിന്‍റെ നേതൃത്വത്തില്‍ പിടികൂടുകയായിരുന്നു. അറസ്റ്റ് രേഖപ്പെടുത്തിയ പ്രതിയെ വൈദ്യ പരിശോധനയ്ക്ക് ശേഷം കോടതിയില്‍ ഹാജരാക്കി റിമാൻഡ് ചെയ്തു. പിടിയിലായ സുജിത്ത് വധശ്രമം ഉള്‍പ്പെടെ നിരവധി ക്രിമിനല്‍ കേസുകളില്‍ പ്രതിയാണ്.

കേന്ദ്ര അവഗണനയ്ക്കെതിരേ ജനതാദള്‍-എസ് വാഹനജാഥ

നെയ്യാറ്റിൻകര: ബജറ്റിലും മറ്റു കാര്യങ്ങളിലും കേന്ദ്ര ഗവണ്‍മെന്‍റ് കേരളത്തെ പൂർണമായി അവഗണിക്കുന്നുവെന്ന് ആരോപിച്ച് ജനതാദൾ -എസ് നെയ്യാറ്റിൻകര നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ പ്രചാരണ വാഹന ജാഥ സംഘടിപ്പിച്ചു. ഉദിയൻകുളങ്ങര ജംഗ്ഷനിൽനിന്നും ആരംഭിച്ച ജാഥ ജനതാദൾ -എസ് ജില്ല ജനറൽ സെക്രട്ടറി പി. ശാരങ്ധരൻനായർ ഉദ്ഘാടനം ചെയ്തു. ജാഥാ ക്യാപ്റ്റൻ കൊടങ്ങാവിള വിജയകുമാർ നേതൃത്വം നൽകി. എൻ. ബെൻസർ, കൂട്ടപ്പന രാജേഷ്, തച്ചൻകുടി ഷാജി, തങ്കരാജ്, ജെ.കെ. സൂരജ്, മാവിളക്കടവ് ബാബുരാജ്, എസ്. നെൽസൺ, പ്രദീപ് കുമാർ, ഗോപാലകൃഷ്ണൻനായർ എന്നിവര്‍ പങ്കെടുത്തു. നെയ്യാറ്റിൻകര മണ്ഡലത്തിലെ എല്ലാ ഗ്രാമപ്രദേശങ്ങളിലും സഞ്ചരിച്ച ജാഥ നെയ്യാറ്റിൻകരയിൽ സമാപിച്ചു.

തൊഴില്‍ പദ്ധതിയുടെ പേരില്‍ ലക്ഷങ്ങള്‍ തട്ടിയതായി പരാതി

കൊട്ടിയം: പ്രധാനമന്ത്രി തൊഴില്‍ പ്രോത്സാഹന പദ്ധതി വായ്പയുടെ പേരില്‍ ലക്ഷങ്ങളുടെ തട്ടിപ്പ് നടത്തിയെന്ന് പരാതി. ഈടില്ലാതെ ഒരാള്‍ക്ക് 10 ലക്ഷം രൂപവരെ വായ്പ ലഭ്യമാക്കിത്തരുമെന്ന് വാഗ്ദാനം നല്‍കി ലക്ഷങ്ങള്‍ തട്ടിയെടുത്തതായി ആരോപിച്ച്‌ ചാത്തന്നൂർ സ്വദേശികളായ പ്രസന്നകുമാരി, എസ്. രാജേഷ് എന്നിവരാണ് പരാതി നൽകിയിരിക്കുന്നത്. ചാത്തന്നൂർ പോലീസിനും ഉയർന്ന പോലീസ് ഉദ്യോഗസ്ഥർക്കും പരാതി നല്‍കിയെങ്കിലും തുടർനടപടി ഉണ്ടായില്ലെന്നാണ് പരാതിക്കാർ ആരോപിക്കുന്നത്. ഗള്‍ഫില്‍ പ്രവാസജീവിതം കഴിഞ്ഞെത്തിയതാണ് പ്രസന്നകുമാരി. ഗ്രൂപ്പ് സ്വഭാവത്തില്‍ എത്തിയാല്‍ മാത്രമേ വായ്പ അനുവദിക്കുകയുള്ളൂ എന്നു പറഞ്ഞ് മക്കളും അവരുടെ സുഹൃത്തുക്കളെയുമെല്ലാം പദ്ധതിയുടെ ഭാഗമാക്കി. ഒരാഴ്ചയ്ക്കുള്ളില്‍ വായ്പ ലഭിക്കുമെന്നു പറഞ്ഞാണ് തട്ടിപ്പ് അരങ്ങേറിയത്. തഴുത്തല സ്വദേശികളായ വനിതകളാണ് തട്ടിപ്പ് നടത്തിയതെന്നാണ് പരാതിയില്‍ ആരോപിക്കുന്നത്. ലോണ്‍ പാസായെന്നും അതെടുക്കണമെങ്കില്‍ ഓരോരുത്തരും 23,000 രൂപ അടയ്ക്കണമെന്നും പറഞ്ഞു. ആ പണം നല്‍കിയപ്പോള്‍ കൂടുതല്‍ തുക ആവശ്യപ്പെട്ട് പല സ്ഥലങ്ങളിലും കൂട്ടി കൊണ്ടപോയി. കൊല്ലം കളക്‌ടറേറ്റിലും വക്കീല്‍ ഓഫിസുകളിലും ഉള്‍പ്പെടെ കൊണ്ടുപോയെന്നും പരാതിയില്‍ പറയുന്നു. സർക്കാർ രേഖകള്‍ എന്നു തോന്നിപ്പിക്കുന്ന വിധത്തില്‍ വ്യാജ രേഖകള്‍ ഉള്‍പ്പെടെയുള്ളവ ചമച്ചായിരുന്നു തട്ടിപ്പെന്ന് പ്രസന്നകുമാരി പറഞ്ഞു. വായ്പ വാഗ്ദാനം ചെയ്ത തട്ടിപ്പുകാർക്ക് ഏകദേശം 10 ലക്ഷം രൂപ നല്‍കി. സർക്കാർ പ്രതിനിധികള്‍ പരിശോധനക്കെത്തുമെന്നു പറഞ്ഞു ജോലിക്ക് പോലും പോകാൻ കഴിഞ്ഞില്ലെന്നും പരാതിയിൽ പറയുന്നുണ്ട്.

ജില്ലാക്ലബ് ഫുട്ബോൾ ചാന്പ്യൻഷിപ്പ് : എ ഡിവിഷനിൽ സേസാ സ്പോർട്സ് ജേതാക്കൾ

കൊല്ലം: കൊല്ലം ജില്ലാ ഫുട്ബോൾ അസോസിയേഷ െ ന്‍റ നേത്യത്വത്തിൽ കൊല്ലം ഫാത്തിമ മാതാ കോളജ് ഗ്രൗണ്ടിൽ നടന്നുവന്ന ജില്ലാ ക്ലബ് ഫുട്ബോൾ ചാമ്പ്യൻഷിപ്പിൽ എ ഡിവിഷനിൽ അഞ്ച് കളിയിൽ നിന്ന് 11 പോയിന്‍റുകൾ നേടി സേസാ സ്പോർട്സ് ക്ലബ് ജേതാക്കളായി.10 പോയിന്‍റ ുമായി സ്ക്കോർലൈൻ ലയൻസ് രണ്ടാം സ്ഥാനവും സ്വന്തമാക്കി. രോഹിണി ഫുട്ബോൾ ക്ലബിലെ അർജുൻരാജ് ടുർണമെന്‍റിലെ മികച്ച തരമായി തെരഞ്ഞെടുക്കപ്പെട്ടു.ജേതാക്കൾക്ക് ജില്ലാ ഫുട്ബോൾ അസോസിയേഷൻ പരിശീലകനായിരുന്ന അന്തരിച്ച പ്രവീൺ കടവൂരി െ ന്‍റ സ്മരണയ്ക്കായി ഏർപ്പെടുത്തിയ ട്രോഫിയും ക്യാഷ് അവാർഡും സേസാ ക്ലബിനു ലഭിച്ചു. പ്രമുഖ ഫുട്ബോൾ താരമായിരുന്ന രാജേന്ദ്രൻ പിള്ളയുടെ ഓർമയ്ക്കായി എർപ്പെടുത്തിയ ട്രോഫിയും ക്യാഷ് അവാർഡും സ്കോർ ലൈൻ ലയൻസിനു ലഭിച്ചു. ജില്ലാ ഫുട്ബോൾ അസോസിയേഷൻ പ്രസിഡന്‍റ് പന്മന മഞ്ജേഷി െ ന്‍റ അധ്യക്ഷതയിൽ കൂടിയ സമ്മാനദാന ചടങ്ങ് ജില്ലാ എക്സൈസ് ഡപ്യൂട്ടി കമ്മീഷണർ എം.നൗഷാദ് ഉദ്ഘാടനം ചെയ്തു. ദ്വാരക മോഹൻ,ഗംഗാധരൻ,എൻ.കെ.മുരളീധരൻ, എ.ഹിജാസ്, ഡോ. മനീഷ് റഷീദ്, കുരുവിള ജോസഫ് സനോഫർ എന്നിവർ പങ്കെടുത്തു.

വനിതാ ചലച്ചിത്രമേള; സംഘാടകസമിതി ഓഫീസ് തുറന്നു

കൊല്ലം: കേരള സംസ്ഥാന ചലച്ചിത്ര അക്കാദമി 23 മുതല്‍ 25 വരെ കൊട്ടാരക്കരയില്‍ നടത്തുന്ന ആറാമത് അന്താരാഷ്‌ട്ര വനിതാ ചലച്ചിത്രമേളയുടെ സംഘാടക സമിതി ഓഫീസ് പ്രവര്‍ത്തനം തുടങ്ങി. ചന്തമുക്ക് മുന്‍സിപ്പല്‍ സ്‌ക്വയറില്‍ ആരംഭിച്ച സംഘാടക സമിതി ഓഫീസ് മന്ത്രി കെ.എന്‍.ബാലഗോപാല്‍ ഉദ് ഘാടനം ചെയ്തു. വന്‍നഗരങ്ങളില്‍ മാത്രം നടന്നു വരുന്ന ചലച്ചിത്രമേളയ്ക്കാണ് കൊട്ടാരക്കര വേദിയാകുന്നതെന്ന് മന്ത്രി കെ. എന്‍. ബാലഗോപാല്‍ അഭിപ്രായപ്പെട്ടു. ലോകത്തെ പ്രധാന ചലച്ചിത്രമേളകളില്‍ ശ്രദ്ധേയമായ ചലച്ചിത്രങ്ങളാണ് മേളയില്‍ പ്രദര്‍ശിപ്പിക്കുന്നത്. വനിതാ സംവിധായകരുടെ 25 സിനിമകള്‍ പ്രദര്‍ശിപ്പിക്കുന്ന മേള കൊട്ടാരക്കര ആവേശത്തോടെ ഏറ്റെടുക്കുമെന്ന് മന്ത്രി പറഞ്ഞു.ഫെസ്റ്റിവല്‍ ബ്രോഷര്‍ മന്ത്രിയിൽ നിന്നും നിർമാതാവ് അഡ്വ.കെ. അനില്‍കുമാര്‍ അമ്പലക്കര ഏറ്റുവാങ്ങി. കൊട്ടാരക്കര മുന്‍സിപ്പല്‍ ചെയര്‍മാന്‍ അഡ്വ. കെ. ഉണ്ണികൃഷ്ണമേനോന്‍ അധ്യക്ഷനായി. ചലച്ചിത്ര അക്കാദമി ചെയര്‍മാന്‍ പ്രേംകുമാര്‍, കൗണ്‍സിലര്‍ അനിത ഗോപകുമാര്‍, കില പ്രതിനിധികളായ ശ്രീജ, ലാലി, മുന്‍ കൊട്ടാരക്കര മുന്‍സിപ്പല്‍ ചെയര്‍മാന്‍ എസ്.ആര്‍.രമേശ്, കാപെക്സ് ഡയറക്‌ടര്‍ സി. മുകേഷ്, താലൂക്ക് ലൈബ്രറി കൗണ്‍സില്‍ സെക്രട്ടറി അഡ്വ. പി. കെ. ജോണ്‍സണ്‍, കില ഡയറക്ടര്‍ വി. സുദേശന്‍, സംഘാടക സമിതി കണ്‍വീനര്‍ സി. അജോയ് തുടങ്ങിയവര്‍ പങ്കെടുത്തു. കൊട്ടാരക്കര മിനര്‍വ തിയറ്ററി െ ന്‍റ രണ്ടു സ്‌ക്രീനുകളിലായി നടക്കുന്ന മേളയില്‍ വനിതാ സംവിധായകരുടെ ഫീച്ചര്‍ സിനിമകളും ഡോക്യുമെന്‍ററികളും ഉള്‍പ്പെടെ 25 ചിത്രങ്ങള്‍ പ്രദര്‍ശിപ്പിക്കും. ലോകസിനിമ, ഇന്ത്യന്‍ സിനിമ, മലയാളം സിനിമ എന്നീ വിഭാഗങ്ങളിലായാണ് പ്രദര്‍ശനം. 29ാമത് ഐ എഫ് എഫ് കെയിലെ പ്രേക്ഷകപ്രീതി നേടിയ വനിതാ സംവിധായകരുടെ ചിത്രങ്ങള്‍ ഇതില്‍ ഉള്‍പ്പെടുന്നു. മേളയുടെ ഭാഗമായി ഓപ്പണ്‍ ഫോറം, കലാ സാംസ്‌കാരിക പരിപാടികള്‍ എന്നിവ ഉണ്ടായിരിക്കും.1000 പേര്‍ക്ക് മാത്രമാണ് മേളയില്‍ പ്രവേശനം അനുവദിക്കുക. https: //registration.iffk.in/ എന്ന വെബ്സൈറ്റ് മുഖേന രജിസ്ട്രേഷന്‍ നടത്താം. ജി എസ് ടി ഉള്‍പ്പെടെ പൊതുവിഭാഗത്തിന് 472 രൂപയും വിദ്യാര്‍ഥികള്‍ക്ക് 236 രൂപയുമാണ് ഡെലിഗേറ്റ് ഫീ. ഓഫ് ലൈനായി രജിസ്റ്റര്‍ ചെയ്യാനുള്ള സൗകര്യം സംഘാടക സമിതി ഓഫീസില്‍ ഏര്‍പ്പെടുത്തിയിട്ടുണ്ട്.

ആറാമത് രാജ്യാന്തര വനിതാ ചലച്ചിത്രമേള 23 മുതൽ : ‘ഓള്‍ വി ഇമാജിന്‍ ആസ് ലൈറ്റ്' ഉദ്ഘാടന ചിത്രം

കൊല്ലം: കേരള സംസ്ഥാന ചലച്ചിത്ര അക്കാദമി 23 മുതല്‍ 25 വരെ കൊട്ടാരക്കരയില്‍ സംഘടിപ്പിക്കുന്ന ആറാമത് രാജ്യാന്തര വനിതാ ചലച്ചിത്രമേളയുടെ ഉദ്ഘാടന ചിത്രമായി പായല്‍ കപാഡിയ സംവിധാനം ചെയ്ത ‘ഓള്‍ വി ഇമാജിന്‍ ആസ് ലൈറ്റ്' എന്ന പ്രഭയായ് നിനച്ചെതെല്ലാം പ്രദര്‍ശിപ്പിക്കും. 2024ലെ കാന്‍ ചലച്ചിത്രമേളയില്‍ ഗ്രാന്‍റ് പ്രി പുരസ്‌കാരം നേടിയ ഈ ചിത്രം പ്രധാനമായും മലയാളത്തിലാണ് ഒരുക്കിയിരിക്കുന്നത്. മുംബൈയില്‍ ജോലി ചെയ്യുന്ന രണ്ട് മലയാളി നഴ്സുമാരുടെ വൈകാരിക പ്രശ്നങ്ങള്‍ അവതരിപ്പിക്കുന്ന ഈ സിനിമയില്‍ കനി കുസൃതി, ദിവ്യപ്രഭ, ഹൃദു ഹാറൂണ്‍, അസീസ് നെടുമങ്ങാട് എന്നീ മലയാളി താരങ്ങള്‍ വേഷമിടുന്നു. 23 ന് വൈകുന്നേരം അഞ്ചു മണിക്ക് നടക്കുന്ന ഉദ്ഘാടനച്ചടങ്ങിനുശേഷം മിനര്‍വ തിയറ്ററില്‍ ചിത്രം പ്രദര്‍ശിപ്പിക്കും. കഴിഞ്ഞ ഡിസംബറില്‍ നടന്ന 29-ാമത് ഐഎഫ്എഫ്കെയില്‍ സ്പിരിറ്റ് ഓഫ് സിനിമ അവാര്‍ഡ് പായല്‍ കപാഡിയയ്ക്ക് സമ്മാനിക്കുന്നതി െ െ ന്‍റ ഭാഗമായി ഈ ചിത്രം പ്രദര്‍ശിപ്പിച്ചിരുന്നു. മുപ്പത് വര്‍ഷങ്ങള്‍ക്കു മുമ്പ്, 1994ലെ 'സ്വം' എന്ന ചിത്രത്തിനുശേഷം കാന്‍ ചലച്ചിത്രമേളയുടെ മല്‍സര വിഭാഗത്തില്‍ ഇടം നേടിയ ഇന്ത്യന്‍ സിനിമയാണ് 'ഓള്‍ വി ഇമാജിന്‍ ആസ് ലൈറ്റ്. ഷിക്കാഗോ, സാന്‍ സെബാസ്റ്റ്യന്‍ ചലച്ചിത്രമേളകളിലും ഈ സിനിമ പുരസ്‌കാരങ്ങള്‍ നേടിയിട്ടുണ്ട്.

ഫാസ്റ്റ് പാസഞ്ചർ ബസുകൾ സര്‍വീസ് ആരംഭിച്ചു

കൊട്ടാരക്കര : കൊട്ടാരക്കരയിൽ നിന്നും പുതിയ മൂന്ന് ഫാസ്റ്റ് പാസഞ്ചർ ബസുകൾ സര്‍വീസ് ആരംഭിച്ചു. മന്ത്രി കെ.എന്‍.ബാലഗോപാലി െ ന്‍റ നിര്‍ദേശ പ്രകാരമാണ് കൊട്ടാരക്കര കെഎസ്ആര്‍ടിസി ഡിപ്പോയില്‍ നിന്നും മൂന്ന് പുതിയ ഫാസ്റ്റ് പാസഞ്ചര്‍ ബസ് സര്‍വീസുകള്‍ ആരംഭിച്ചത്. രാവിലെ 4.30ന് കൊട്ടാരക്കര ഡിപ്പോയില്‍ നിന്ന് ആരംഭിച്ച് അടൂര്‍ - കോട്ടയം - ഏറ്റുമാനൂര്‍ - പാലവഴി 8.45ന് തൊടുപുഴയിലെത്തും വിധവും പുത്തൂര്‍ ചക്കുവള്ളി ചാരുംമൂട് - കറ്റാനം - മാന്നാര്‍ -പരുമല - തിരുവല്ല - വഴി 9.20 ന് കോട്ടയത്ത് എത്തും വിധവും പുത്തൂര്‍, ഭരണിക്കാവ് - കരുനാഗപ്പള്ളി - കായംകുളം - ഹരിപ്പാട് - ആലപ്പുഴ - ചേര്‍ത്തല വഴി 9.30 ന് എറണാകുളത്ത് എത്തും വിധവുമാണ് പുതിയ സര്‍വീസുകള്‍ ക്രമീകരിച്ചിരിക്കുന്നത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]