ആറന്മുള: വികസന സമിതിയുടെ നേതൃത്വത്തില് രാഷ്ട്രപിതാവായ മഹാത്മാഗാന്ധിയുടെ ആറന്മുള സന്ദര്ശനത്തിന്റെ അനുസ്മരണവും പുഷ്പാര്ച്ചനയും നടത്തി.
വികസന സമിതി പ്രസിഡന്റ് പി.ആര്. രാധാകൃഷ്ണന് അധ്യക്ഷത വഹിച്ചു. തോട്ടപ്പുഴശേരി ഗ്രാമപഞ്ചായത്ത് പ്രസിഡന്റ് സി.എസ്. ബിനോയ് ഉദ്ഘാടനം ചെയ്തു. മാലേത്ത് സരളാദേവി എക്സ് എംഎല്എ, ആറന്മുള ഗ്രാമപഞ്ചായത്ത് വൈസ് പ്രസിഡന്റ് എന്.എസ്. കുമാര്, പഞ്ചായത്തംഗം പ്രസാദ് വേരുങ്കല്, സിഡിഎസ് ചെയര്പേഴ്സണ് സോമവല്ലി ദിവാകരന്, കേരള കോണ്ഗ്രസ് ആറന്മുള മണ്ഡലം പ്രസിഡന്റ് തോമസ് ജോര്ജ്, ശ്രീരംഗനാഥന്, പി.പി. ചന്ദ്രശേഖരന്നായര്, ഹരിത കേരളമിഷന് കോര്ഡിനേറ്റര് ജയകുമാര്, വികസന സമിതി സെക്രട്ടറി അശോകന് മാവുനില്ക്കുന്നതില്, ട്രഷറാര് സന്തോഷ് കുമാര് പുളിയേലില് എന്നിവര് പ്രസംഗിച്ചു.
1937 ജനുവരി മാസം 20നാണ് ഗാന്ധിജി ആറന്മുളയിലുമെത്തിയത്. തോട്ടപ്പുഴശേരി മണല്പ്പുറത്തായിരുന്നു പ്രസംഗവേദി. ഗാന്ധിജിയുടെ ആറന്മുള സന്ദര്ശനത്തിന്റെ സ്മരണയ്ക്ക് ആറന്മുള പിഡബ്ല്യുഡി റസ്റ്റ് ഹൗസ് കോമ്പൗണ്ടില് ഉചിതമായ സ്ഥലത്ത് ഒരു പ്രതിമ സ്ഥാപിക്കണമെന്നാവശ്യപ്പെട്ട് ആറന്മുള വികസന സമിതി പൊതുമരാമത്ത്, ആരോഗ്യമന്ത്രിമാര്, ആറന്മുള ഗ്രാമപഞ്ചായത്ത്, പിഡബ്ല്യുഡി എക്സിക്യൂട്ടീവ് എന്ജിനിയര് എന്നിവര്ക്ക് നിവേദനം നല്കിയിരുന്നു. ഇതുമായി ബന്ധപ്പെട്ട നടപടികള് ഊര്ജിതമാക്കണമെന്ന് യോഗം അഭ്യര്ഥിച്ചു.
ചിത്രരചനാ മത്സര വിജയികളെ പ്രഖ്യാപിച്ചു
പത്തനംതിട്ട: ഗാന്ധി ജയന്തി ആഘോഷങ്ങളുടെ ഭാഗമായികേരള സ്റ്റേറ്റ് ടീച്ചേഴ്സ് സെന്റര് ജില്ലാ കമ്മിറ്റിയുടെ ആഭിമുഖ്യത്തില് സ്കൂള് വിദ്യാര്ഥികള്ക്കായി നടത്തിയ ചിത്രരചനാ മത്സര വിജയികളെ പ്രഖ്യാപിച്ചു. വി. ലക്ഷ്മിപ്രിയ (നേതാജി എച്ച്എസ്എസ്, പ്രമാടം), ആര്ദ്ര വേണുഗോപാല് (എംജിഎം എച്ച്എസ്എസ്, തിരുവല്ല), എ.ഐ. നിയ (ബേക്കര് മെമ്മോറിയല് എച്ച്എസ്എസ്, കോട്ടയം) എന്നിവര് യഥാക്രമം ഒന്നും രണ്ടും മൂന്നും സ്ഥാനങ്ങള് കരസ്ഥമാക്കി. വിജയികള്ക്കുള്ള സമ്മാനങ്ങള് എട്ടിന് തിരുവല്ലയില് വിതരണം ചെയ്യുമെന്ന് ജനറല് കണ്വീനര് റോയ് വര്ഗീസ് ഇലവുങ്കല് അറിയിച്ചു. ഫോണ്: 9495104828.