ഇലന്തൂര്: ഗാന്ധി സേവാഗ്രാമിന്റെ നേതൃത്വത്തില് ഗാന്ധിജയന്തിയോടനുബന്ധിച്ച് ഗാന്ധി സ്മൃതിപഥം പദയാത്ര ആറന്മുള ക്ഷേത്രത്തിന് മുന്നില് നിന്ന് ഇലന്തൂരിലേക്ക് നടത്തി. 1937 ജനുവരിയില് അയിത്തോച്ചാടനത്തിന്റെ ഭാഗമായി ആറന്മുള ക്ഷേത്ര സന്ദര്ശനം നടത്തിയ മഹാത്മാഗാന്ധി ഇലന്തൂരിലെ പൊതുയോഗത്തിലേക്കെത്താന് സഞ്ചരിച്ച വഴിയിലൂടെയാണ് പദയാത്ര കടന്നു പോയത്.
ആറന്മുളയില് ആന്റോ ആന്റണി എംപി പദയാത്ര ഉദ്ഘാടനം ചെയ്ത് ഗാന്ധിസേവാഗ്രാം ചെയര്മാന് അനീഷ് വരിക്കണ്ണാമലയ്ക്ക് പതാക കൈമാറി. പദയാത്ര പരമൂട്ടില്പടിയില് എത്തിയപ്പോള് ഗാന്ധിയന് വനജാക്ഷിയമ്മയെ ആദരിക്കുകയും ദക്ഷിണ നല്കുകയും ഖദര് വസ്ത്രങ്ങള് സമ്മാനിക്കുകയും ചെയ്തു.
ഇലന്തൂര് മാര്ക്കറ്റ് ജംഗ്ഷനില് പഞ്ചായത്ത് പ്രസിഡന്റ് മേഴ്സി മാത്യു, കെ.പി. മുകുന്ദന്, പി.എം. ജോണ്സന്, വിന്സന് ചിറക്കാല, ജയശ്രീ മനോജ്, ഷിജിന് കെ. മാത്യു തുടങ്ങിയവരുടെ നേതൃത്വത്തില് സ്വീകരിച്ചു. ഇലന്തൂര് ഗാന്ധിസ്മൃതി മണ്ഡപത്തില് പുഷ്പാര്ച്ചനയോടും പൊതുയോഗത്തോടും കൂടി പദയാത്ര സമാപിച്ചു.
സോണി എം. ജോസ്, ഷെബിന് വി. ഷെയ്ഖ്, ദര്ശന് ഡി. കുമാര്, വി.ആര്. സോജി, അജി കരിംകുറ്റി, സാലി മാത്യു, ജോണ്സന് ആഴക്കാട്ടില്, നേജോ മെഴുവേലില്, ജോമി പുന്നക്കാട്, അഫ്സല് വി. ഷെയ്ഖ്, സതീഷ് ബാബു, അലന് ജിയോ മൈക്കിള് തുടങ്ങിയവര് നേതൃത്വം നല്കി.