ചങ്ങനാശേരി: ജനങ്ങള് തള്ളിക്കളഞ്ഞ കെ-റെയില് സില്വര് ലൈന് പദ്ധതി നിരുപാധികം പിന്വലിച്ച് ഉത്തരവിറക്കണമെന്ന് കൊടിക്കുന്നില് സുരേഷ് എംപി. മാടപ്പള്ളിയിലെ സില്വര്ലൈന് വിരുദ്ധ സ്ഥിരം സമരപ്പന്തലില് 225-ാം ദിവസം സമരസമിതി ജില്ലാ ചെയര്മാന് ബാബു കുട്ടന്ചിറ നടത്തിയ ഏകദിന ഉപവാസ സമരം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിന്റെ ഖജനാവ് കൊള്ളയടിച്ച് ഈ പദ്ധതി നടപ്പിലാക്കാന് ശ്രമിച്ചാല് ശ്രീലങ്കയുടെ അവസ്ഥ കേരളത്തിനുണ്ടാകുമെന്നും അദ്ദേഹം പറഞ്ഞു.
പരിസ്ഥിതി പ്രവര്ത്തകന് സി.ആര്. നീലകണ്ഠന് മുഖ്യപ്രസംഗം നടത്തി. സമിതി ജില്ലാ രക്ഷാധികാരി മിനി കെ. ഫിലിപ്പ് അധ്യക്ഷത വഹിച്ചു.
ജോസഫ് എം. പുതുശേരി, ബി. രാധാകൃഷ്ണമേനോന്, വി.ജെ. ലാലി, കുഞ്ഞുകോശി പോള്, എം.പി. ജോസഫ്, എസ്. രാജീവന്, പി.എച്ച്. നാസര്, സംസ്ഥാന രക്ഷാധികാരി കെ. ശൈവ പ്രസാദ്, വൈസ് ചെയര്മാന് ചാക്കോച്ചന് മണലേല്, ഫാ. അലക്സ് അങ്ങാടിയില്, സൈനാ തോമസ്, സിനി വര്ഗീസ്, ജസ്റ്റിന് ബ്രൂസ്, പി.എച്ച്. ഷാജഹാന്, ശരണ്യാരാജ്, രതീഷ് ചെങ്കിലത്ത്, മുരുകേഷ് നടയ്ക്കല്, ബിജു പുല്ലുകാട്, ഇ.പി. രാഘവന്പിള്ള, സിബിച്ചന് പ്ലാമൂട്ടില്, എ.ജി. സനല്കുമാർ തുടങ്ങിയവർ പ്രസംഗിച്ചു.