പത്തനംതിട്ട: പെൻഷൻകാരോടുള്ള സംസ്ഥാന സർക്കാരിന്റെ ദ്രോഹ നടപടികളിൽ പ്രതിഷേധിച്ച് കേരളാ സ്റ്റേറ്റ് സർവീസ് പെൻഷനേഴ്സ് അസോസിയേഷൻ പത്തനംതിട്ട ജില്ലയിലെ വിവിധ ട്രഷറികൾക്ക് മുന്പിൽ പഞ്ചദിന സത്യഗ്രഹ സമരം ആരംഭിച്ചു. പത്തനംതിട്ടയിൽ ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പിൽ ജില്ലാതല ഉദ്ഘാടനം നിർവഹിച്ചു.
പെൻഷൻ പരിഷ്ക്കരണ കുടിശിക, നാല് ഗഡു ക്ഷാമാശ്വാസം എന്നിവ അനുവദിക്കുക, മെഡിസെപ്പിലെ അപാകതകൾ പരിഹരിക്കുക തുടങ്ങി വിവിധ ആവശ്യങ്ങൾ ഉന്നയിച്ച്, പഞ്ചദിന സത്യഗ്രഹം ആരംഭിച്ചത്. കെഎസ്എസ്പിഎ പത്തനംതിട്ട നിയോജക മണ്ഡലം പ്രസിഡന്റ് എം.പി. മോഹനന്റെ അധ്യക്ഷതയിൽ നടന്ന യോഗത്തിൽ അസോസിയേഷൻ ജില്ലാ പ്രസിഡന്റ് ചെറിയാൻ ചെന്നീർക്കര, കെ.ജി. റെജി, പി.എ. മീരാപിള്ള, ഏബ്രഹാം വി. ചാക്കോ, ഏബ്രഹാം മാത്യു, എം.കെ. പുരുഷോത്തമൻ, പ്രഫ. ബാബു വർഗീസ്, ജോൺ തോമസ് മാന്പ്ര, അബ്ദുൾ കലാം ആസാദ്, റ്റി.ജി. ജോയിക്കുട്ടി, പി. ജോൺ തുടങ്ങിയവർ പ്രസംഗിച്ചു.
കോന്നിയിൽ
കോന്നി: കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ കോന്നി നിയോജക മണ്ഡലം കമ്മിറ്റിയുടെ നേതൃത്വത്തിൽ പഞ്ചദിന സത്യഗ്രഹം കോന്നിയിൽ ആരംഭിച്ചു.
മിനി സിവിൽ സ്റ്റേഷന്റെ മുമ്പിൽ നടത്തുന്ന പഞ്ചദിന സത്യഗ്രഹത്തിന്റെ ഉദ്ഘാടനം വനിതാ ഫോറം സംസ്ഥാന സെക്രട്ടറി എലിസബേത്ത് അബു നിർവഹിച്ചു. നിയോജക മണ്ഡലം പ്രസിഡന്റ് എ. അസീസ് കുട്ടിയുടെ അധ്യക്ഷതയിൽ ജില്ലാ ജനറൽ സെക്രട്ടറി വിൽസൺ തുണ്ടിയത്ത് മുഖ്യപ്രഭാഷണം നടത്തി.
കോൺഗ്രസ് കോന്നി ബ്ലോക്ക് പ്രസിഡന്റ് എസ്. സന്തോഷ് കുമാർ, ജില്ലാ വൈസ് പ്രസിഡന്റ് ലീലാ രാജൻ, കെ.പി. തോമസ്, എം.എ. രാജൻ, രാജൻ പടിയറ, കെ ഇ. വർഗീസ്, ആർ. കൈലാസ്, രഘുനാഥപിള്ള, പി.എം. കുഞ്ഞുമോൻ, ടി.ആർ. തങ്കച്ചൻ, അബ്ദുൾ സലാം, മാത്യു ഏബ്രഹാം, എം.എം. ജോസഫ്, ജോസ് വർഗീസ് എന്നിവർ പ്രസംഗിച്ചു.
തിരുവല്ലയിൽ
തിരുവല്ല: തിരുവല്ല സബ്ട്രഷറിക്കു മുന്പിൽ സർവീസ് പെൻഷനേഴ്സ് അസോസിയേഷന്റെ അവകാശ സംരക്ഷണ സത്യാഗ്രഹം ഒന്നാം ദിനം ഡിസിസി ജനറൽ സെക്രട്ടറി സതീഷ് ചാത്തങ്കേരി ഉദ്ഘാടനം ചെയ്തു.
നിയോജക മണ്ഡലം പ്രസിഡന്റ് പി.എം. മാത്യു അധ്യക്ഷത വഹിച്ചു. സംസ്ഥാന സെക്രട്ടേറിയറ്റംഗം ബിജിലി ജോസഫ് മുഖ്യപ്രഭാഷണം നടത്തി. ജോസഫ് വർഗീസ്, സി.വി. വറുഗീസ്, കെ.എ. ശാന്തകുമാരി, പി. വിജയൻ, കെ. ചന്ദ്രൻ, ജോൺ ചെറിയാൻ, മാത്യു ചെറിയാൻ, സെക്രട്ടറി കെ.വി. തോമസ് എന്നിവർ പ്രസംഗിച്ചു.