തിരുവല്ല: പന്നായി - തേവേരി റോഡിന്‍റെ ശോച്യാവസ്ഥയ്ക്കെതിരേ കേരള കോൺഗ്രസ് നേതൃത്വത്തിൽ ധർണ നടത്തി. റോഡ് നവീകരണത്തിനായി കോടികളുടെ പ്രഖ്യാപനങ്ങൾ ഉണ്ടായെങ്കിലും ഇതേവരെ ഒന്നും നടപ്പാക്കാത്തതിനൽ പ്രതിഷേധിച്ചായിരുന്നു ധർണം. 2018-ലെ മഹാപ്രളയത്തിൽ പമ്പാനദിയിൽ മണ്ണും ചെളിയും മാലിന്യങ്ങളും വന്നടിഞ്ഞ് നദിയുടെ ആഴം കുറഞ്ഞതോടെ തുടരെത്തുടരെയുള്ള വെള്ളപ്പൊക്ക ഭീഷണി ഈ പ്രദേശത്തുകാർ നേരിടുകയാണ്. അതുകൂടിയാവുമ്പോൾ ഈ റോഡിലൂടെയുള്ള ഗതാഗതം തീർത്തും ദുരിത പൂർണമാണ്. മണ്ണും ചെളിയും മാലിന്യങ്ങളും നീക്കം ചെയ്യുമെന്ന് പ്രഖ്യാപനം ഉണ്ടായെങ്കിലും അതുമെങ്ങുമെത്തിയിട്ടില്ല. കേരള കോൺഗ്രസ് കടപ്ര മണ്ഡലം കമ്മിറ്റിയുടെ ആഭിമുഖ്യത്തിൽ തേവരി മടേലിപ്പടിയിൽനിന്ന് പന്നായി സൈക്കിൾ മുക്കിലേക്ക് പ്രതിഷേധ പദയാത്ര നടത്തി.
പാർട്ടി വൈസ് ചെയർമാൻ ജോസഫ് എം. പുതുശരി പദയാത്ര ഉദ്ഘാടനം ചെയ്തു. തിരുവല്ല നിയോജക മണ്ഡലം പ്രസിഡന്‍റ് രാജു പുളിമ്പള്ളി അധ്യക്ഷത വഹിച്ചു. സക്കറിയ കരുവേലിൽ, വർഗീസ് മാമ്മൻ, സാം ഈപ്പൻ, കുഞ്ഞുകോശി പോൾ, ബ്ലസൻ മാലിയിൽ, ഷിബു പുതുക്കേരിൽ, എബി വർഗീസ്, ജിബിൻ സഖറിയ തെറ്റിക്കാട്ട്, വി. ആർ. രാജേഷ്, ടോണി കുര്യൻ, സൂസമ്മ പൗലോസ്, ബിന്ദു ജെ. വൈക്കത്തുശേരി, ഷാന്‍റി ഏബ്രഹാം, ഷാനു മാത്യു, ബാബു വലിയകുറ്റിക്കാട്ടിൽ, റെജി മത്തായി, ജോസ് വി. ഡാനിയേൽ, ടോം ജോസഫ് ഇളമത, ഐപ്പ് ചക്കിട്ട തുടങ്ങിയവർ പ്രസംഗിച്ചു.