കടപ്ര: സംസ്ഥാന സര്ക്കാരിന്റെ 100 ദിന കര്മപദ്ധതിയുടെ ഭാഗമായ ലോക ജലദിനത്തോടനുബന്ധിച്ച് അമൃത് സരോവര് പദ്ധതിയില് ഉള്പ്പെടുത്തി മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില് പുനരുദ്ധാരണം നടത്തിയ കടപ്ര ഗ്രാമപഞ്ചായത്തിലെ തിരുവര്മംഗലം ക്ഷേത്രക്കുളത്തിന്റെ ഉദ്ഘാടനം പുളിക്കീഴ് ബ്ലോക്ക് പഞ്ചായത്ത് പ്രസിഡന്റ് ചന്ദ്രലേഖ നിര്വഹിച്ചു.
കടപ്ര പഞ്ചായത്ത് പ്രസിഡന്റ് നിഷ അശോകന് അധ്യക്ഷത വഹിച്ച ചടങ്ങില് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി അസിസ്റ്റന്റ് എന്ജിനിയര് സിജോ എം. വര്ഗീസ് പദ്ധതി വിശദീകരണം നടത്തി.
ജില്ലാ പഞ്ചായത്തംഗം മായ അനില്കുമാര്, വികസന സ്റ്റാൻഡിംഗ് കമ്മിറ്റി ചെയര്മാന് റോബിന് പരുമല, ഗ്രാമപഞ്ചായത്തംഗങ്ങളായ സോജിത്, സൂസമ്മ പൗലോസ്, പഞ്ചായത്ത് അസിസ്റ്റന്റ് സെക്രട്ടറി ബിന്ദു, പുളിക്കീഴ് ബ്ലോക്ക് പഞ്ചായത്ത് ജോയിന്റ് ബിഡിഒ കെ. വിനീത, പഞ്ചായത്ത് എംജിഎന്ആര്ഇജിഎസ് ഓവര്സിയര് ഹര്ഷ ചന്ദ്രന്, ബ്ലോക്ക് എഇ സൂര്യ, അക്കൗണ്ടന്റ് ഭവ്യ, വിഇഒ പ്രിന്സി, ദീപ, തൊഴിലുറപ്പു തൊഴിലാളികള് തുടങ്ങിയര് പ്രസംഗിച്ചു.
ചെമ്പരകം പൊതുകുളം പുനരുദ്ധരിച്ചു
കോഴഞ്ചേരി: സംസ്ഥാന സര്ക്കാരിന്റെ 100 ദിനകര്മപദ്ധതിയുടെ ഭാഗമായി മഹാത്മാ ഗാന്ധി ദേശീയഗ്രാമീണ തൊഴിലുറപ്പു പദ്ധതിയില് ഉള്പ്പെടുത്തി പുനരുദ്ധരിച്ച തോട്ടപ്പുഴശേരി ഗ്രാമപഞ്ചായത്തിലെ എട്ടാം വാര്ഡിലെ ചെമ്പരകം പൊതുകുളം ഗ്രാമപഞ്ചായത്ത് പ്രസിഡന്റ് സി.എസ്. ബിനോയി ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് ഷെറിന് റോയ് അധ്യക്ഷത വഹിച്ചു. വാര്ഡ് മെംബര് രശ്മി ആര്. നായര്, ക്ഷേമ കാര്യസ്റ്റാൻഡിംഗ് കമ്മിറ്റി ചെയര്പേഴ്സണ് സിസിലി തോമസ്, വാര്ഡ് മെംബര്മാരായ ലത ചന്ദ്രന്, റെന്സിന് കെ. രാജന്, പഞ്ചായത്ത് അസിസ്റ്റന്റ് സെക്രട്ടറി കെ.എ. അപര്ണ, എംജിഎന്ആര്ഇജിഎസ് അക്കൗണ്ടന്റ് ജി. ഗ്രീഷ്മ, തൊഴിലുറപ്പു തൊഴിലാളികള്, മേറ്റുമാര് തുടങ്ങിയവര് പങ്കെടുത്തു.