റാ​ന്നി പെ​രു​മ്പു​ഴ സ്റ്റാ​ന്‍​ഡി​ല്‍ ഇ​നി ബ​സു​ക​ള്‍​ക്ക് ര​ജി​സ്റ്റ​ര്‍
Sunday, August 11, 2024 3:44 AM IST
റാ​ന്നി: പെ​രു​മ്പു​ഴ സ്റ്റാ​ന്‍​ഡി​ല്‍ ക​യ​റു​ന്ന ബ​സു​ക​ളു​ടെ വി​വ​രം രേ​ഖ​പ്പെ​ടു​ത്തു​വാ​ന്‍ ര​ജി​സ്റ്റ​ര്‍ സൂ​ക്ഷി​ക്കും. റാ​ന്നി​യി​ലെ​ത്തു​ന്ന​തും റാ​ന്നി വ​ഴി ക​ട​ന്നു​പോ​കു​ന്ന​തു​മാ​യ എ​ല്ലാ ബ​സു​ക​ളും പെ​രു​മ്പു​ഴ ബ​സ് സ്റ്റാ​ന്‍​ഡി​ല്‍ എ​ത്ത​ണ​മെ​ന്നാ​ണ് നി​ര്‍​ദേ​ശം. ഇ​തു പാ​ലി​ക്ക​പ്പെ​ടു​ന്നി​ല്ലെ​ന്നു ക​ണ്ട​തോ​ടെ​യാ​ണ് പു​തി​യ തീ​രു​മാ​നം.

റാ​ന്നി ടൗ​ണി​ലെ​യും കെ​എ​സ്ടി​പി​യു​മാ​യി ബ​ന്ധ​പ്പെ​ട്ട പ്ര​ശ്‌​ന​ങ്ങ​ളും ച​ര്‍​ച്ച​ചെ​യ്യാ​ന്‍ പ്ര​മോ​ദ് നാ​രാ​യ​ണ്‍ എം​എ​ല്‍​എ ബ​ന്ധ​പ്പെ​ട്ട വ​കു​പ്പു​ദ്യോ​ഗ​സ്ഥ​രു​ടെ​യും ജ​ന​പ്ര​തി​നി​ധി​ക​ളു​ടെ​യും യോ​ഗം ക​ഴി​ഞ്ഞ​ദി​വ​സം വി​ളി​ച്ചു ചേ​ര്‍​ത്തി​രു​ന്നു.

പെ​രു​മ്പു​ഴ സ്റ്റാ​ന്‍​ഡി​ല്‍ കെ​എ​സ്ആ​ര്‍​ടി​സി ഉ​ള്‍​പ്പെ​ടെ എ​ല്ലാ ബ​സു​ക​ളും ക​യ​റു​ന്ന​ത് ഉ​റ​പ്പാ​ക്ക​ണ​മെ​ന്ന് യോ​ഗ​ത്തി​ല്‍ ജ​ന​പ്ര​തി​നി​ധി​ക​ള്‍ ആ​വ​ശ്യ​പ്പെ​ട്ടു. പെ​രു​മ്പു​ഴ സ്റ്റാ​ന്‍​ഡി​ല്‍ ഓ​രോ ഭാ​ഗ​ത്തേ​ക്കും പോ​കു​ന്ന ബ​സു​ക​ള്‍ എ​വി​ടെ നി​ര്‍​ത്ത​ണ​മെ​ന്ന​ത് കെ​എ​സ്ആ​ര്‍​ടി​സി, സ്വ​കാ​ര്യ ബ​സ് ഉ​ട​മ​ക​ള്‍ എ​ന്നി​വ​രു​മാ​യി ആ​ലോ​ചി​ച്ച് തീ​രു​മാ​ന​ത്തി​ല്‍ എ​ത്ത​ണം.


റാ​ന്നി പെ​രു​മ്പു​ഴ ബ​സ് സ്റ്റാ​ന്‍​ഡി​ല്‍ ആ​ശു​പ​ത്രി റോ​ഡി​ലു​ള്ള അ​ന​ധി​കൃ​ത പാ​ര്‍​ക്കിം​ഗി​നെ​തി​രേ നി​രീ​ക്ഷ​ണം ഉ​ണ്ടാ​കും. ബ​സ് സ്റ്റാ​ന്‍​ഡി​ല്‍ ഇ​ത​ര വാ​ഹ​ന​ങ്ങ​ളു​ടെ പാ​ര്‍​ക്കിം​ഗ് ത​ട​യും. പെ​രു​മ്പു​ഴ സ്റ്റാ​ന്‍​ഡി​ലേ​ക്ക് ക​യ​റു​ന്ന ഭാ​ഗം കെ​എ​സ്ടി​പി ടാ​ര്‍ ചെ​യ്ത് ന​ല്‍​കും.

തോ​ട്ട​മ​ണ്‍​കാ​വ് അ​മ്പ​ല​ത്തി​ന് എ​തി​ര്‍​വ​ശ​ത്ത് കെ​എ​സ്ടി​പി റോ​ഡി​ന്‍റെ വ​ശ​ത്ത് കൈ​വ​രി സ്ഥാ​പി​ക്കും. അ​ന​ധി​കൃ​ത പാ​ര്‍​ക്കിം​ഗ് പൊ​തു​ജ​ന​ങ്ങ​ള്‍​ക്ക് ഫോ​ട്ടോ​യെ​ടു​ത്ത് മോ​ട്ടോ​ര്‍ വാ​ഹ​ന വ​കു​പ്പി​ന് അ​റി​യി​ക്കാ​വു​ന്ന​താ​ണെ​ന്നും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ര്‍ പ​റ​ഞ്ഞു.