മാവേലിക്കര: ഓർത്തഡോക്സ് ക്രൈസ്തവ യുവജനപ്രസ്ഥാനം 84-ാം രാജ്യാന്തര സമ്മേളനം 3, 4, 5 തീയതികളിൽ മാവേലിക്കര പൗലോസ് മാർ പക്കോമിയോസ് നഗർ പുന്നമൂട് ജീവാരാം സെന്ററിൽ നടക്കും. നാളെ 5.30 ന് പ്രസ്ഥാനം പ്രസിഡന്റ് ഡോ. ഗീവർഗീസ് മാർ യൂലിയോസ് മെത്രാപ്പോലീത്തയുടെ അധ്യക്ഷതയിൽ കൂടുന്ന ഉദ്ഘാടന സമ്മേളനം സിനിമാതാരം സുരേഷ് ഗോപി ഉദ്ഘാടനം ചെയ്യും.
ഒസിവൈഎം ലഹരിവിരുദ്ധ ബോധവത്കരണം സംസ്ഥാനക്യാമ്പ് ഉദ്ഘാടനവും അദ്ദേഹം നിർവഹിക്കും. അലക്സിയോസ് മാർ യൗസേബിയോസ് മെത്രാപ്പോലീത്ത മുഖ്യപ്രഭാഷണം നിർവഹിക്കും. വിവിധ ദിവസങ്ങളിൽ ഡോ. യൂഹാനോൻ മാർ ക്രിസോസ്റ്റമോസ്, ഡോ. ഗീവർഗീസ് മാർ ബർണബാസ്, ഡോ. എൽസി.ഉമ്മൻ, ഐപ്പ് വള്ളക്കാടൻ, രാജ് കലേശ്, പി.എം.എ. ഗഫൂർ, വെരി.റവ. ഡോ. കെ. എൽ. മാത്യു വൈദ്യൻ കോർഎപ്പിസ്കോപ്പ്, എബ്രഹാം മാർ ഫാനോസ് മെത്രാപ്പോലീത്ത, ഫാ. ഡോ. ജോൺ തോമസ് കരിങ്ങാട്ടിൽ, ഫാ. ഡോ. തോമസ് വർഗീസ് അമയിൽ, റോണി വർഗീസ്, ബിജു ഉമ്മൻ, മെന്റലിസ്റ്റ് അനന്ദു, ഫാ. വർഗീസ് പി. ഇടിച്ചാണ്ടി, ഫാ. ബഞ്ചമിൻ ഒ.ഐ.സി. എന്നിവർ ക്ലാസുകൾക്കു നേതൃത്വം നൽകും.
മാനവീയം ലഹരിവിരുദ്ധ ബോധവത്കരണ റാലി സംഘടിപ്പിക്കും. കൃഷി മന്ത്രി പി.പ്രസാദ് ഉദ്ഘാടനം ചെയ്യും. അഞ്ചാം തീയതി പ്രസ്ഥാനം പ്രസിഡന്റ് ഡോ. ഗീവർഗീസ് മാർ യൂലിയോസ് പുന്നമൂട് മാർ ഗ്രീഗോറിയോസ് ദേവാലയത്തിൽ വിശുദ്ധ കുർബാന അർപ്പിക്കും. 11.30 ന് സമാപനസമ്മേളനം ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്കബാവാ ഉദ്ഘാടനം ചെയ്യും. പ്രസിഡന്റ് ഡോ. ഗീവർഗീസ് മാർ യൂലിയോസ് അധ്യക്ഷത വഹിക്കും.
ചലച്ചിത്ര സംവിധായകൻ മധു ഇറവങ്കര മുഖ്യപ്രഭാഷണം നിർവഹിക്കും. യുവജനപ്രസ്ഥാനം ജോബ് സെൽ ആരംഭിക്കുന്ന പിഎസ്സി ഓൺലൈൻ കോച്ചിംഗ് ഉദ്ഘാടനം ഉമ്മൻ ചാണ്ടി എംഎൽഎ നിർവഹിക്കും. അലക്സിയോസ് മാർ യൗസേബിയോസ് സമാപന സന്ദേശം നൽകും. സമ്മേളനത്തിന് മുന്നോടിയായി മാവേലിക്കര ഭദ്രാസന യുവജനപ്രസ്ഥാനത്തിന്റെ നേതൃത്വത്തിൽ വിവിധ പരിപാടികൾ നടന്നു.