റോ​ഡി​ലി​റ​ങ്ങി​യാ​ല്‍ തെ​രു​വുനാ​യ, തോ​ട്ടി​ലി​റ​ങ്ങി​യാ​ല്‍ നീ​ര്‍​നാ​യ
Thursday, February 2, 2023 10:34 PM IST
എ​ട​ത്വ: റോ​ഡി​ലി​റ​ങ്ങി​യാ​ല്‍ തെ​രു​വ് നാ​യ ക​ടി​ക്കും, തോ​ട്ടി​ലി​റ​ങ്ങി​യാ​ല്‍ നീ​ര്‍​നാ​യ​യും. പൊ​റു​തി​മു​ട്ടി​യി​രി​ക്കു​ക​യാ​ണ് ത​ല​വ​ടി​യി​ലെ ജ​ന​ങ്ങ​ള്‍. ത​ല​വ​ടി, കു​ന്തി​രി​ക്ക​ല്‍ പ്ര​ദേ​ശ​ങ്ങ​ളി​ലാ​ണ് ജ​ന​ങ്ങ​ൾ​ക്കു ഭീ​ഷ​ണി​യാ​യി തെ​രു​വു നാ​യ്ക്ക​ളും തോ​ടു​ക​ളി​ല്‍ നീ​ർ​നാ​യ്ക്ക​ളും പെ​രു​കി​യി​രി​ക്കു​ന്ന​ത്. ത​ല​വ​ടി, കു​ന്തി​രി​ക്ക​ല്‍ ഭാ​ഗ​ങ്ങ​ളി​ലാ​ണ് തെ​രു​വു നാ​യ്ക​ളു​ടെ ശ​ല്യം രൂ​ക്ഷ​മാ​യി​രി​ക്കു​ന്ന​ത്.

റോ​ഡു​ക​ളി​ലും പു​ര​യി​ട​ങ്ങ​ളി​ലും കൂ​ട്ടം​കൂ​ട്ട​മാ​യി ചു​റ്റി​യ​ടി​ക്കു​ന്ന തെ​രു​വു​നാ​യ്ക്ക​ളാ​ണ് പ്ര​ദേ​ശ​ത്തു ഭീ​ഷ​ണി ഉ​യ​ർ​ത്തു​ന്ന​ത്. ഇ​രു​പ​തി​ലേ​റെ നാ​യ്ക്ക​ളാ​ണ് പ്ര​ദേ​ശ​ത്തു ചു​റ്റി​ത്തി​രി​യു​ന്ന​ത്. കു​ട്ടി​ക​ൾ ത​നി​യെ സ​ഞ്ച​രി​ക്കാ​ൻ പോ​ലും ഭ​യ​ക്കു​ക​യാ​ണ്. കൂ​ട്ട​മാ​യി​യെ​ത്തു​ന്ന നാ​യ്ക്ക​ള്‍ ഇ​രു​ച​ക്ര വാ​ഹ​ന യാ​ത്രി​ക​ർ​ക്കും അ​പ​ക​ട​ഭീ​ഷ​ണി​യാ​ണ്.

നാ​യ താ​വ​ളം

സി​എം​എ​സ് ഹൈ​സ്‌​കൂ​ള്‍, സി​എ​സ്ഐ പ​ള്ളി, പു​തു​പ്പ​റ​മ്പ് ദേ​വീ​ക്ഷേ​ത്രം, അ​ങ്ക​ണ​വാ​ടി​ക​ള്‍ എ​ന്നീ സ്ഥ​ല​ങ്ങ​ളി​ലേ​ക്കു പോ​കു​ന്ന പ്ര​ധാ​ന റോ​ഡി​ല്‍ നാ​യ്ക്ക​ള്‍ കൂ​ട്ടം​കൂ​ട്ട​മാ​യി നി​ര​ന്നു കി​ട​ക്കു​ക​യാ​ണ്. പു​ല​ര്‍​ച്ചെ ക്ഷേ​ത്ര​ങ്ങ​ളി​ലും പ​ള്ളി​യി​ലും പോ​കു​ന്ന വി​ശ്വാ​സി​ക​ള്‍, പ്ര​ഭാ​ത സ​വാ​രി​ക്കാ​ർ, പ​ത്ര​വി​ത​ര​ണ​ക്കാ​ര്‍, സ്‌​കൂ​ള്‍ കു​ട്ടി​ക​ള്‍ എ​ന്നി​വ​ര്‍​ക്കാ​ണ് ഏ​റ്റ​വും ഭീ​ഷ​ണി​യു​ള്ള​ത്. പൊ​തു​ജ​നം വ​ല​ഞ്ഞി​ട്ടും പ​ഞ്ചാ​യ​ത്ത് വേ​ണ്ട ന​ട​പ​ടി സ്വീ​ക​രി​ച്ചി​ട്ടി​ല്ല. കൊ​ട്ടി​ഘോ​ഷി​ച്ചു തു​ട​ങ്ങി​യ നാ​യ്ക്ക​ളു​ടെ വ​ന്ധ്യം​ക​ര​ണം ശ​സ്ത്ര​ക്രി​യ​യും നി​ല​ച്ച​മ​ട്ടാ​ണ്.

അ​തി​നി​ടെ, ശ​രി​യാ​യ രീ​തി​യി​ൽ ശ​സ്ത്ര​ക്രി​യ ന​ട​ത്താ​ത്ത​തി​നാ​ൽ വ​ന്ധ്യം​ക​രി​ച്ച നാ​യ്ക്ക​ളും തെ​രു​വോ​ര​ങ്ങ​ളി​ല്‍ പെ​റ്റു പെ​രു​കു​ക​യാ​ണെ​ന്നും പ​രാ​തി​യു​ണ്ട്. വ​ലി​ച്ചെ​റി​യു​ന്ന അ​റ​വു മാ​ലി​ന്യ​ങ്ങ​ള്‍ ഭ​ക്ഷി​ച്ചു ക​ഴി​യു​ന്ന നാ​യ്ക്ക​ള്‍ ഭ​ക്ഷ​ണം തേ​ടി വീ​ടു​ക​ളി​ലേ​ക്കും എ​ത്തി​ത്തു​ട​ങ്ങി.
രാ​ത്രി​കാ​ല​ങ്ങ​ളി​ല്‍ വീ​ടു​ക​ളു​ടെ സി​റ്റൗ​ട്ട്, കാ​ര്‍​പോ​ര്‍​ച്ച് എ​ന്നി​വി​ട​ങ്ങി​ളി​ല്‍ നാ​യ്ക്ക​ള്‍ കൂ​ട്ട​മാ​യി ത​ന്പ​ടി​ക്കു​ന്ന​താ​യും നാ​ട്ടു​കാ​ർ പ​റ​യു​ന്നു.

ക​ര​യി​ലും ക​യ​റും

ക​ര​യി​ൽ തെ​രു​വു നാ​യ​ക​ള്‍ ഭീ​ഷ​ണി സൃ​ഷ്ടി​ക്കു​മ്പോ​ള്‍ തോ​ടു​ക​ളി​ല്‍ നീ​ര്‍​നാ​യ​യു​ടെ ശ​ല്യ​മാ​ണ് രൂ​ക്ഷ​മാ​യി​രി​ക്കു​ന്ന​ത്. തോ​ടു​ക​ളി​ല്‍ അ​ല​ക്കാ​നും കു​ളി​ക്കാ​നും മീ​ന്‍​പി​ടി​ക്കാ​നും ഇ​റ​ങ്ങു​ന്ന​വ​രെ​യാ​ണ് നീ​ര്‍​നാ​യ ഉ​പ​ദ്ര​വി​ക്കു​ന്ന​ത്.

നി​ര​വ​ധി ആ​ളു​ക​ള്‍​ക്കു ക​ടി​യേ​റ്റി​ട്ടു​ണ്ട്. നീ​ര്‍​നാ​യ​യു​ടെ ഉ​പ​ദ്ര​വം കൂ​ടി​യ​തോ​ടെ തോ​ടു​ക​ളി​ൽ ഇ​റ​ങ്ങാ​ൻ ത​ന്നെ ആ​ളു​ക​ൾ മ​ടി​ക്കു​ക​യാ​ണ്. രാ​ത്രി​യി​ല്‍ ക​ര​യ്ക്കു ക​യ​റു​ന്ന നീ​ര്‍​നാ​യ കോ​ഴി, താ​റാ​വ് എ​ന്നി​വ​യെ കൊ​ന്നു തി​ന്നു​ന്ന​താ​യും നാ​ട്ടു​കാ​ർ പ​റ​യു​ന്നു. തെ​രു​വു നാ​യ്ക്ക​ളു​ടെ​യും നീ​ര്‍​നാ​യ്ക്ക​ളു​ടെ​യും ശ​ല്യം പ​രി​ഹ​രി​ക്കാ​ന്‍ പ​ഞ്ചാ​യ​ത്ത് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.

Copyright @ 2022 , Rashtra Deepika Ltd.