കായംകുളം: കഠിനാധ്വാനത്തിലൂടെ ഉന്നതങ്ങളിലെത്താൻ വിദ്യാർഥികൾ പരിശ്രമിക്കണമെന്ന് മലങ്കര സുറിയാനി കത്തോലിക്ക സഭ പത്തനംതിട്ട രൂപത പ്രഥമ മെത്രാപ്പോലിത്ത ഡോ.യൂഹാനോൻ മാർ ക്രിസോസ്റ്റം.
കറ്റാനം പോപ്പ് പയസ് ഹയർ സെക്കൻഡറി സ്കൂൾ വാർഷികാഘോഷവും യാത്രയയപ്പ് സമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം.
കഴിവുകൾ നാടിനും സമൂഹത്തിനും പ്രയോജനകരമാകുന്ന രീതിയിൽ വിനിയോഗിക്കണമെന്നും മെത്രാപ്പോലീത്ത പറഞ്ഞു. പി.ടി.എ. പ്രസിഡന്‍റ് അഡ്വ.എൻ.എം.നസീർ അധ്യക്ഷത വഹിച്ചു. ചലച്ചിത്രപിന്നണി ഗായകൻ പ്രശാന്ത് പുതുക്കരിയും ഗായിക കുമാരി വൈഗാ ലക്ഷ്മിയും മുഖ്യ അതിഥികളായി.
ഭരണിക്കാവ് ബ്ലോക്ക് പഞ്ചായത്ത് വൈസ് പ്രസിഡന്‍റ് സിനു ഖാൻ, ജില്ലാ പഞ്ചായത്ത് അംഗം നികേഷ് തമ്പി, പ്രിൻസിപ്പൽ സുമ എസ്. മലഞ്ചരുവിൽ, ഹെഡ് മാസ്റ്റർ ബിജു ടി. വർഗീസ്, ജനറൽ കൺവീനർ സി.ടി. വർഗീസ്, ഫാ. ഉമ്മൻ പടിപ്പുരയ്ക്കൽ, എ. അലക്സ്, മാസ്റ്റർ ആർ. വിഷ്ണു രാജ്, വാർഡ് മെമ്പർ മാത്യു ഫിലിപ്പ്, സെലിൻ സ്കറിയ, ഫാ. സിൽവസ്റ്റർ തെക്കേടത്ത്, ഫാ. ഡയഗ്നീഷ്യസ്, റാണി സൂസൻ എന്നിവർ പ്രസംഗിച്ചു.
മെത്രാഭിഷേക രജത ജൂബിലി ആഘോഷിക്കുന്ന യൂഹാനോൻ മാർ ക്രിസോസ്റ്റത്തിനു സമ്മേളനത്തിൽ ഉപഹാരം നൽകി.
സർവീസിൽ നിന്നു വിരമിക്കുന്ന പ്രഥമ അധ്യാപകൻ ബിജു ടി. വർഗീസ്, അധ്യാപകരായ സാലി മോൾ, സുശീല സഖറിയ, ജീവനക്കാരൻ കെ.ജോസഫ് എന്നിവരെ ഉപഹാരം നൽകി അനുമോദിച്ചു. സമ്മാന വിതരണവും നടന്നു. തുടർന്ന് കൊല്ലം അസീസിയുടെ ജലം എന്ന നാടകം അരങ്ങേറി.