കാ​യം​കു​ളം ന​ഗ​ര​സ​ഭ​യി​ലെ ഭ​ക്ഷ്യവി​ഷ​ബാ​ധ:​ മ​ത്സ്യവില്പ​ന സ്ഥാ​പ​ന​ങ്ങ​ളി​ൽ പ​രി​ശോ​ധ​ന നടത്തി
Friday, March 24, 2023 10:48 PM IST
കാ​യം​കു​ളം: ന​ഗ​ര​സ​ഭ​യി​ലെ ഭ​ക്ഷ്യവി​ഷ​ബാ​ധയുടെ പശ്ചാത്തല ത്തിൽ ഫു​ഡ് സേ​ഫ്റ്റി ഉ​ദ്യോ​ഗ​സ്ഥ​ർ പ​രി​ശോ​ധ​ന ന​ട​ത്തി. ക​ഴി​ഞ്ഞ ദി​വ​സം കാ​യം​കു​ളം ന​ഗ​ര​സ​ഭ​യി​ലെ ബ​ജ​റ്റ് ച​ർ​ച്ച​യോ​ട​നു​ബ​ന്ധി​ച്ച് വി​ത​ര​ണം ചെ​യ്ത ഉ​ച്ച ഭ​ക്ഷ​ണ​ത്തി​ൽനി​ന്നു ഭ​ക്ഷ്യ വി​ഷ​ബാ​ധ ഉ​ണ്ടാ​യ​തി​നെത്തു​ട​ർ​ന്നാ​ണ് ന​ഗ​ര​ത്തി​ന്‍റെ വി​വി​ധ കേ ​ന്ദ്ര​ങ്ങ​ളി​ൽ പ്ര​വ​ർ​ത്തി​ക്കു​ന്ന മ​ത്സ്യക്ക​ച്ച​വ​ട സ്ഥാ​പ​ന​ങ്ങ​ളി​ൽ ഫു​ഡ് സേ​ഫ്റ്റി ഉ​ദ്യേ​ഗ​സ്ഥ​ർ പ​രി​ശോ​ധ​ന ന​ട​ത്തിയത്.
കെ.​പി. റോ​ഡി​ന് സ​മീ​പം, പു​തി​യി​ടം തു​ട​ങ്ങി​യ സ്ഥ​ല​ങ്ങ​ളി​ലാ​ണ് സാ​മ്പി​ളു​ക​ൾ ശേ​ഖ​രി​ച്ച് പ​രി​ശോ​ധ​ന​യ്ക്ക് അ​യ​ച്ച​ത്. മി​ക്ക മ​ത്സ്യക്ക​ച്ച​വ​ട സ്ഥാ​പ​ന​ങ്ങ​ളും ലൈ​സ​ൻ​സ് ഇ​ല്ലാ​തെയാ​ണ് പ്ര​വ​ർ​ത്തി​ക്കു​ന്ന​തെ​ന്ന് ക​ണ്ടെ​ത്തി. പ​ല സ്ഥാ​പ​ന​ങ്ങ​ൾ​ക്കും ഉ​ദ്യോ​ഗ​സ്ഥ​ർ നോ​ട്ടീ​സ് ന​ൽ​കി. ആ​രോ​ഗ്യ സു​ര​ക്ഷാകാ​ർ​ഡ് ഇ​ല്ലാ​ത്ത അ​ന്യ സം​സ്ഥാ​ന തൊ​ഴി​ലാ​ളി​ക​ളെ വ​ച്ചാ​ണ് പ​ല​രും വ്യാ​പാ​രം ന​ട​ത്തു​ന്ന​ത്.
കാ​യം​കു​ളം ഫു​ഡ് സേ​ഫ്റ്റി ഓ​ഫീ​സ​ർ സൗ​മ്യ, മാ​വേ​ലി​ക്ക​ര ഫു​ഡ് സേ​ഫ്റ്റി ഓ​ഫീസ​ർ ശ്രീ​ല​ക്ഷ്മി എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന. സം​ഭ​വം ഉ​ണ്ടാ​യി 48 മ​ണി​ക്കു​ർ ക​ഴി​ഞ്ഞി​ട്ടും കാ​യം​കു​ളം ന​ഗ​ര​സ​ഭ ആ​രോ​ഗ്യ വി​ഭാ​ഗ​ത്തിന്‍റെ ഭാ​ഗ​ത്തുനി​ന്നു അ​ന​ധി​കൃ​ത​മാ​യി പ്ര​വ​ർ​ത്തി​ക്കു​ന്ന മ​ത്സ്യ വ്യാ​പാ​ര സ്ഥാ​പ​ന​ങ്ങളിൽ പ​രി​ശോ​ധ​ന ന​ട​ന്നി​ട്ടി​ല്ല.
താ​ലൂ​ക്ക് ആ​ശു​പ​ത്രി​ക്ക് പു​റ​മെ ന​ഗ​ത്തി​ലെ വി​വി​ധ സ്വ​കാ​ര്യ ആ​ശു​പ​ത്രി​യി​ലും നി​ര​വ​ധി ആ​ളു​ക​ൾ ചി​കി​ത്സ തേ​ടി​യി​രു​ന്നു. മാ​ധ്യ​മ പ്ര​വ​ർ​ത്ത​ക​ർ, ന​ഗ​ര​സ​ഭാ ജീ​വ​ന​ക്കാ​ർ, കൗ​ൺ​സി​ല​ർ​മാ​ർ എ​ന്നി​വ​ർ​ക്ക് ഭ​ക്ഷ്യവി​ഷ​ബാ​ധ ഏ​റ്റി​രു​ന്നു.​ ഭ​ക്ഷ​ണ​ത്തി​ന് ഒ​പ്പം വി​ള​മ്പി​യ മ​ത്സ്യം ക​ഴി​ച്ച​വ​ർ​ക്കാ​ണ് ഭ​ക്ഷ്യവി​ഷ​ബാ​ധ ഉ​ണ്ടാ​യ​ത്.

Copyright @ 2022 , Rashtra Deepika Ltd.