ചങ്ങനാശേരി: കേരളത്തിന്റെ നവോത്ഥാന മുന്നേറ്റങ്ങളില് കമ്മ്യൂണിസ്റ്റ് പാര്ട്ടിക്കു യാതൊരു പങ്കുമില്ലെന്നും നവോത്ഥാന മുന്നേറ്റങ്ങള്ക്കു നേതൃത്വം നല്കിയത് കോണ്ഗ്രസാണെന്നും കെപിസിസി രാഷ്ട്രീയകാര്യ സമിതിയംഗം കെ.സി. ജോസഫ്. കോണ്ഗ്രസിന്റെ നേതൃത്വത്തില് നടന്ന വൈക്കം സത്യഗ്രഹം ഉള്പ്പെടെയുള്ള സമരപോരാട്ടങ്ങളാണ് രാജ്യത്ത് ജാതിവിവേചനങ്ങള് അവസാനിപ്പിച്ചതെന്നും അദ്ദേഹം കൂട്ടിച്ചേര്ത്തു.
വൈക്കം സത്യഗ്രഹ ശതാബ്ദിയാഘോഷത്തോടനുബന്ധിച്ച് കെപിസിസിയുടെ നേതൃത്വത്തില് അരുവിപ്പുറത്തുനിന്നും കെപിസിസി വര്ക്കിംഗ് പ്രസിഡന്റ് കൊടിക്കുന്നില് സുരേഷ് നയിക്കുന്ന സമുദായ ആചാര്യന് മന്നത്ത് പത്മനാഭന്, ശ്രീനാരായണ ഗുരു, മഹാത്മ അയ്യൻകാളി എന്നിവരുടെ ഛായാചിത്രങ്ങൾ വഹിച്ചുകൊണ്ടുള്ള കേരള നവോത്ഥാന സ്മൃതി യാത്രയ്ക്കു ചങ്ങനാശേരിയില് നല്കിയ സ്വീകരണം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഡിസിസി ജനറല് സെക്രട്ടറി പി.എച്ച്. നാസര് അധ്യക്ഷത വഹിച്ചു. ഈസ്റ്റ് ബ്ലോക്ക് പ്രസിഡന്റ് ആന്റണി കുന്നുംപുറം, കെപിസിസി സെക്രട്ടറി പി.എസ്. രഘുറാം, പി.പി. തോമസ്, വി.ജെ. ലാലി, മാത്തുകുട്ടി പ്ലാത്താനം, പി.എച്ച്. ഷാജഹാന്, തോമസ് അക്കര, പി.എം. ഷഫീക്, പി.എസ്.പി. റഹിം, കോണ്ഗ്രസ് മണ്ഡലം പ്രസിഡന്റുമാരായ ബാബു കുരീത്ര, മോട്ടി മുല്ലശേരില്, ബിനു സോമന്, സിയാദ് അബ്ദുൾ റഹ്മാന്, യൂത്ത് കോണ്ഗ്രസ് ബ്ലോക്ക് പ്രസിഡന്റ് ഡെന്നിസ് ജോസഫ്, ബാബു കുട്ടന്ചിറ എന്നിവര് പ്രസംഗിച്ചു.