വൈക്കം: അധ്യയന വർഷത്തിന് തുടക്കംകുറിച്ച് സ്കൂളിൽ നടന്ന പ്രവേശനോത്സവം വർണാഭമായി. സ്കൂളും പരിസരവും അലങ്കരിച്ച് മേളപ്പെരുക്കത്തിൽ ഉത്സവഛായ പകർന്നായിരുന്നു പലയിടത്തും പ്രവേശനോത്സവം കൊണ്ടാടിയത്. വിദ്യാലയങ്ങളിൽ എത്തിയ നവാഗതരെ അധികൃതരും പിടിഎയും മധുരവും സമ്മാനങ്ങളും നൽകി വരവേറ്റു.
വൈക്കം അയ്യർകുളങ്ങര യുപി സ്കൂളിൽ നഗരസഭാതല പ്രവേശനോത്സവം നഗരസഭ ചെയർപേഴ്സൺ രാധികാ ശ്യാം ഉദ്ഘാടനം ചെയ്തു. പിടിഎ പ്രസിഡന്റ് അംബരീഷ് ജി. വാസു അധ്യക്ഷത വഹിച്ചു.
ലഹരി വിരുദ്ധ പ്രതിജ്ഞയോടെ ആരംഭിച്ച ചടങ്ങിൽ നഗരസഭ വൈസ് ചെയർമാൻ പി.ടി. സുഭാഷ്, നഗരസഭ സ്ഥിരം സമിതി അധ്യക്ഷ ലേഖ ശ്രീകുമാർ, നഗരസഭ കൗൺസിലർമാരായ എം.കെ. മഹേഷ്, ഏബ്രഹാം പഴയകടവൻ , ഗാനരചയിതാവ് അജീഷ് ദാസൻ, ഗായകരായ ജിജീഷ് കുമാർ, സൗമ്യ നിധേഷ്, ഹെഡ്മാസ്റ്റർ ഇൻ ചാർജ് സതീഷ് വി. രാജ് തുടങ്ങിയവർ പ്രസംഗിച്ചു.
വൈക്കം തെക്കേനട ഗവൺമെന്റ് ഹയർ സെക്കൻഡറി സ്കൂളിലെ പ്രവേശനോത്സവം നഗരസഭ ചെയർപേഴ്സൺ രാധിക ശ്യാം ഉദ്ഘാടനം ചെയ്തു. പിടിഎ പ്രസിഡന്റ് കെ.പി. ഹരി അധ്യക്ഷത വഹിച്ചു. നഗരസഭ സ്ഥിരം സമിതി അധ്യക്ഷ ലേഖ ശ്രീകുമാർ, പ്രിൻസിപ്പൽ എഫ്. ജോൺ, ഹെഡ്മിസ്ട്രസ് എം. ബിന്ദു, ജി. പ്രേംനാഥ്, പി.വി. മഞ്ജു, ടി. പ്രസാദ്, വി.വി. അഭിലാഷ്, വി.ടി. ബബിത തുടങ്ങിയവർ സംബന്ധിച്ചു. അയ്യർകുളങ്ങര യുപി സ്കൂളിലും തെക്കേനട ഗവൺമെന്റ് ഹയർ സെക്കൻഡറി സ്കൂളുകളിൽ ഇക്കുറി വിദ്യാർഥികളുടെ എണ്ണത്തിലും വർധനവുണ്ടായി.
വൈക്കം ബ്ലോക്ക് പഞ്ചായത്ത് തല പ്രവേശനോത്സവം വൈക്കം ഗേൾസ് ഹയർ സെക്കൻഡറി സ്കൂളിൽ സി.കെ. ആശ എംഎൽഎ ഉദ്ഘാടനം ചെയ്തു.
ഗവ. എസ്എന്‍വി
എല്‍പിഎസ്‌, മാഞ്ഞൂര്‍
കുറുപ്പന്തറ: മാഞ്ഞൂര്‍ ഗവണ്‍മെന്‍റ് എസ്എന്‍വി എല്‍പി സ്കൂളിലും അങ്കണവാടിയിലും പ്രവേശനോത്സവം നടന്നു. വാര്‍ഡ് മെംബര്‍ സുനു ജോര്‍ജ് അധ്യക്ഷതയിൽ മോന്‍സ് ജോസഫ് എംഎല്‍എ ഉദ്ഘാടനം നിര്‍വഹിച്ചു.
പഞ്ചായത്ത് പ്രസിഡന്റ് കോമളവല്ലി രവീന്ദ്രന്‍, ജനപ്രതിനിധികളായ ലൂക്കോസ് മാക്കില്‍, ജെയ്‌നി തോമസ്, പ്രധാനാധ്യാപിക കെ.എസ്. മിനി, തങ്കപ്പന്‍ മള്ളിയൂര്‍, ജോസി മാത്യൂ, അലക്‌സാണ്ടര്‍ ജോസ്ഫ്, പി.ടി. സിന്ധു എന്നിവര്‍ പ്രസംഗിച്ചു.
സെന്‍റ് തോമസ്
ഹൈസ്കൂൾ, കല്ലറ
കല്ലറ: സെന്‍റ് തോമസ് ഹൈസ്‌കൂളില്‍ പ്രവേശനോത്സവം സംഘടിപ്പിച്ചു. മുഖ്യമന്ത്രി പിണറായി വിജയന്‍ സംസ്ഥാനതല സ്‌കൂള്‍ പ്രവേശനോത്സവവുമായി ബന്ധപ്പെട്ട് നല്‍കിയ ഓഡിയോ സന്ദേശം സ്‌കൂളില്‍ സംപ്രേഷണം ചെയ്തു. തുടര്‍ന്ന് പിടിഎ പ്രസിഡന്റ് ജോജി പി. ജോസഫിന്‍റെ അധ്യക്ഷതയില്‍ ചേര്‍ന്ന യോഗം സ്‌കൂള്‍ മാനേജര്‍ ഫാ. സ്റ്റീഫന്‍ കണ്ടാരപ്പള്ളി ഉദ്ഘാടനം ചെയ്തു.
പഞ്ചായത്ത് പ്രസിഡന്റ് ജോണി തോട്ടുങ്കല്‍, വാര്‍ഡ് മെംബര്‍ ജോയി കോട്ടായില്‍, ഹെഡ്മാസ്റ്റര്‍ റെജി തോമസ്, സ്റ്റാഫ് സെക്രട്ടറി ഫില്‍മോന്‍ തോമസ് എന്നിവര്‍ പ്രസംഗിച്ചു.
കുടവെച്ചൂർ സെന്‍റ്
മൈക്കിൾസ് ഹയർ
സെക്കൻഡറി സ്കൂൾ
വെച്ചൂർ: കുടവെച്ചൂർ സെന്‍റ് മൈക്കിൾസ് ഹയർ സെക്കൻഡറി സ്കൂളിൽ പ്രവേശനോത്സവം നടത്തി. പഞ്ചായത്ത് പ്രസിഡന്റ് കെ.ആർ. ഷൈലകുമാർ ഉദ്ഘാടനം ചെയ്തു. സ്കൂൾ മാനേജർ ഫാ. സെബാസ്റ്റ്യൻ മാണിക്കത്താൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ബിൻസി ജോസഫ്, പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ പി.കെ. മണിലാൽ, പിടിഎ പ്രസിഡന്റ് ബിജു മിത്രംപള്ളിൽ, പ്രിൻസിപ്പൽ സിസ്റ്റർ ടെറസിൻ, വൈസ് പ്രിൻസിപ്പൽ ഷൈജ എന്നിവർ പ്രസംഗിച്ചു. പുതിയതായി പ്രവേശനം നേടിയ കുട്ടികളിൽ നിന്നും ലക്കി സ്റ്റുഡന്‍റിനെ തെരഞ്ഞെടുത്തു. കുട്ടികൾക്ക് പഠനോപകരണങ്ങളും വിതരണം ചെയ്തു.
തലയോലപ്പറമ്പ്
സെന്‍റ് ജോർജ് ഇംഗ്ലീഷ്
മീഡിയം ഹൈസ്കൂൾ
തലയോലപ്പറമ്പ്: സെന്‍റ് ജോർജ് ഇംഗ്ലീഷ് മീഡിയം ഹൈസ്കൂളിൽ പ്രവേശനോത്സവം മാധ്യമ പ്രവർത്തകൻ സണ്ണി ചെറിയാൻ ഉദ്ഘാടനം ചെയ്തു. സ്കൂൾ മാനേജർ ഫാ. വർഗീസ് ചെരപ്പറമ്പിൽ അധ്യക്ഷത വഹിച്ചു.
സ്കൂൾ പ്രിൻസിപ്പൽ ഫാ. അനിൽ കിളിയേൽകുടി, ട്രസ്റ്റിമാരായ ഇമ്മാനുവേൽ അരയത്തേൽ, സെബാസ്റ്റ്യൻ വടക്കേ പാറശേരി, പി ടി എ പ്രസിഡന്റ് സന്തോഷ്‌ ശർമ, ബിനിതാ ബിനു, അഷ്‌നാ മോൾ എന്നിവർ പ്രസംഗിച്ചു. യോഗത്തിൽ എസ്എസ്എൽസി എ പ്ലസ് ജേതാക്കളെ അനുമോദിച്ചു.
അക്കരപ്പാടം സ്കൂൾ
ഉദയനാപുരം: അക്കരപ്പാടം ഗവൺമെന്റ് യുപി സ്കൂളിൽ പ്രവേശനോത്സവം ഗ്രാമോത്സവമായി. സ്കൂളിലെ പ്രവേശനോത്സവത്തിന് മോടി കൂട്ടാൻ കുതിരയേയും വിദ്യാലയ അങ്കണത്തിലെത്തിച്ചു. കുരുന്നുകൾ കൗതുകത്തോടെ കുതിരപ്പുറത്ത് സവാരി ചെയ്തു. പ്രവേശനോത്സവം പഞ്ചായത്ത് പ്രസിഡന്റ് പി.കെ. ആനന്ദവല്ലി ഉദ്ഘാടനം ചെയ്തു.
അണിയറ ബ്രദേഴ്സ് കുട്ടികൾക്ക് പഠനോപകരണങ്ങൾ വിതരണം ചെയ്തു. കളത്തിൽ ദിലീപും ബിസിഫ് ചെമ്മനാകരിയും നോട്ടുബുക്കുകൾ, സ്ലേറ്റ് എന്നിവ നല്കി. സിനിമാതാരം ഹാരിസ് മണ്ണച്ചേരി, ഹെഡ്മാസ്റ്റർ ഇ.ആർ. നടേശൻ, ടി. പ്രസാദ്, തുടങ്ങിയവർ പ്രസംഗിച്ചു.
ഗവ. എൽപി സ്കൂൾ, വെള്ളൂർ
വെള്ളൂർ: വെള്ളൂർ പഞ്ചായത്ത് സ്കൂൾ പ്രവേശനോത്സവം വെള്ളൂർ ഗവൺമെന്റ് എൽപി സ്കൂളിൽ നടന്നു. വെള്ളൂർ പഞ്ചായത്ത് പ്രസിഡന്റ് ആർ.നികിതകുമാർ പ്രവേശനോത്സവം ഉദ്ഘാടനം ചെയ്തു. പിടിഎ പ്രസിഡന്റ് ജോർജ് സ്കറിയ അധ്യക്ഷത വഹിച്ചു.
പഞ്ചായത്ത് സ്റ്റാൻഡിംഗ് കമ്മറ്റി ചെയർമാൻ ഒ. കെ ശ്യാംകുമാർ, എസ് എം സി ചെയർമാൻ ടി. ബി മോഹൻ, ബി ആർ സി കോർഡിനേറ്റർ ശ്രീജ,എം പി ടി എ പ്രസിഡന്റ് ശ്രീനു ശിവരാജ് , ഹെഡ്മിസ്ട്രസ് ബീന കുര്യൻ തുടങ്ങിയവർ പ്രസംഗിച്ചു.