പ്ര​ള​യ​ത്തെ തോ​ൽ​പ്പി​ച്ച ബി​നു ര​ക്ഷ​ക​നാ​യി: അ​നി​ൽ സ്വാ​മി​ക്ക് ഇ​തു പു​ന​ർ​ജ​ന്മം
Wednesday, November 29, 2023 12:39 AM IST
ക​ണ​മ​ല: പ​മ്പ​യാ​റി​ലെ ചു​ഴി​യി​ൽ മു​ങ്ങി​ത്താ​ഴ്ന്ന് ശ്വാ​സം കി​ട്ടാ​തെ മ​ര​ണ​ത്തി​ന്‍റെ വ​ക്കി​ലെ​ത്തി​യ ബംഗളൂരു ഹോ​സൂ​ർ സ്വ​ദേ​ശി അ​നി​ലി (48) ന് ​ഇ​ത് പു​ന​ർ​ജ​ന്മം. അ​നി​ലി​ന് ഒ​പ്പം മ​ക​ൻ ഗൗ​ത​മും അ​പ​ക​ട​ത്തി​ൽ​പ്പെ​ടു​മാ​യി​രു​ന്നു.

ഇ​രു​വ​രെ​യും ഒ​രേ പോ​ലെ ര​ക്ഷി​ച്ച​ത് പ​മ്പാ​വാ​ലി പാ​ല​മൂ​ട്ടി​ൽ ബി​നു. സ​ഹാ​യി​ക്കാ​ൻ ലൈ​ഫ് ഗാ​ർ​ഡ് അ​മ​ൽ ജോ​സ​ഫു​മു​ണ്ടാ​യി​രു​ന്നു. ഇ​ന്ന​ലെ പ​മ്പാ​വാ​ലി ആ​റാ​ട്ടു​ക​യം ക​ട​വി​ലാ​ണ് സം​ഭ​വം. ബംഗളൂരു സ്വ​ദേ​ശി​ക​ളാ​യ ശ്രീ​നാ​ഥ്, അ​നി​ൽ, മ​ക​ൻ ഗൗ​തം ഉ​ൾ​പ്പെടെയു​ള്ള സം​ഘം ശ​ബ​രി​മ​ല ദ​ർ​ശ​നം ക​ഴി​ഞ്ഞു മ​ട​ങ്ങു​ന്ന​തി​നി​ടെ ആ​റാ​ട്ടു​ക​യം ക​ട​വി​ൽ കു​ളി​ക്കാ​നി​റ​ങ്ങി​യ​താ​യി​രു​ന്നു.

ചു​ഴി ഉ​ള്ള ഭാ​ഗ​ത്ത് ഇ​റ​ങ്ങ​രു​തെ​ന്ന് ഇ​വ​രോ​ട് ലൈ​ഫ് ഗാ​ർ​ഡു​മാ​രാ​യ ബി​നു​വും അ​മ​ലും പ​റ​ഞ്ഞി​രു​ന്നു. നീ​ന്ത​ൽ അ​റി​യാ​മെ​ന്നും ശ്ര​ദ്ധി​ച്ചോ​ളാ​മെ​ന്നും പ​റ​ഞ്ഞ ഇ​വ​ർ കു​ളി​ച്ചു​കൊ​ണ്ടി​രി​ക്കെ അ​ബ​ദ്ധ​ത്തി​ൽ അ​നി​ൽ ചു​ഴി​യി​ൽ​പ്പെ​ട്ടു. അ​നി​ൽ മു​ങ്ങിത്താ​ഴ്ന്നു പോ​കു​ന്ന​ത് ക​ണ്ടു മ​റ്റു​ള്ള​വ​ർ നി​ല​വി​ളി​ച്ചു.

ഫി​സി​യോ​തെ​റാ​പ്പി​സ്റ്റ് കൂ​ടി​യാ​യ മ​ക​ൻ ഗൗ​തം ഈ ​സ​മ​യം അ​ച്ഛ​നെ ര​ക്ഷി​ക്കാ​ൻ ചു​ഴി​യു​ടെ അ​ടു​ത്തേ​ക്ക് പോ​കാ​നു​ള്ള ശ്ര​മ​ത്തി​ലാ​യി​രു​ന്നു. അ​പ്പോ​ഴേ​ക്കും പാ​ഞ്ഞെ​ത്തി​യ ബി​നു ന​ദി​യി​ലേ​ക്ക് എ​ടു​ത്തു ചാ​ടി നീ​ന്തി​ച്ചെ​ന്ന് അ​നി​ലി​നെ വ​ലി​ച്ചെ​ടു​ത്തു.

അ​വി​ടേ​ക്ക്‌ വ​ര​രു​തെ​ന്ന് ഉ​റ​ക്കെ വി​ളി​ച്ചു പ​റ​ഞ്ഞ് ഗൗ​ത​മി​നെ ബി​നു വി​ല​ക്കു​ക​യും ചെ​യ്തു. ക​ര​യി​ലെ​ത്തി​ച്ച ശേ​ഷം അ​നി​ലി​ന് ബി​നു​വും അ​മ​ലും ചേ​ർ​ന്ന് പ്ര​ഥ​മ ശു​ശ്രു​ഷ ന​ൽ​കി. ക​ഴി​ഞ്ഞ 2018 ലെ ​മ​ഹാ പ്ര​ള​യ​ത്തി​ൽ ക​ര​ക​ൾ ക​വ​ർ​ന്ന് പ​മ്പ​യാ​ർ ഒ​ഴു​കു​മ്പോ​ൾ അ​തി​ന് മേ​ലേ ക​യ​റി​ൽ തൂ​ങ്ങി നീ​ന്തി ശ​ബ​രി​മ​ല​യി​ൽ നി​റ​പു​ത്ത​രി എ​ത്തി​ച്ച​യാ​ളാ​ണ് ബി​നു.

അ​ന്ന് ശ​ബ​രി​മ​ല ഉ​ത്സ​വം മു​ട​ങ്ങാ​തി​രി​ക്കാ​ൻ നി​റ​പു​ത്ത​രി എ​ത്തി​ച്ച ബി​നു​വി​ന് പി​ന്നീ​ട് ദേ​വ​സ്വം ബോ​ർ​ഡ് താ​ൽ​ക്കാ​ലി​ക ജോ​ലി ന​ൽ​കി​യി​രു​ന്നു. ഒ​പ്പം ജോ​യ് ആ​ലു​ക്കാ​സ് ഗ്രൂ​പ്പ്‌ വീ​ട് നി​ർ​മി​ച്ചു ന​ൽ​കി​യി​രു​ന്നു. ഇ​പ്പോ​ൾ ശ​ബ​രി​മ​ല സീ​സ​ണി​ൽ എ​രു​മേ​ലി പ​ഞ്ചാ​യ​ത്തി​ന്‍റെ ലൈ​ഫ് ഗാ​ർ​ഡ് ആ​യി ജോ​ലി ചെ​യ്യു​ക​യാ​ണ്.

ലൈ​ഫ് ഗാ​ർ​ഡ് ആ​യ അ​മ​ൽ ജോ​സ​ഫ് പ​ഞ്ചാ​യ​ത്ത്‌ പ്ര​സി​ഡ​ന്‍റ് സു​ബി സ​ണ്ണി​യു​ടെ മ​ക​നാ​ണ്. ഒ​രു മി​ന്നാ​യം പോ​ലെ പാ​ഞ്ഞെ​ത്തി ത​ന്നെ ര​ക്ഷി​ച്ച ബി​നു​വി​നെ നെ​ഞ്ചോ​ട് ചേ​ർ​ത്ത് നി​ർ​ത്തി ക​ര​ഞ്ഞു​കൊ​ണ്ടാ​ണ് അ​മ​ലി​നും ന​ന്ദി പ​റ​ഞ്ഞ് അ​നി​ൽ നാ​ട്ടി​ലേ​ക്ക് മ​ട​ങ്ങി​യ​ത്.