=സിദ്ധാര്‍ഥന്‍റെ മരണം; കെഎസ്‌യു നൈറ്റ് മാര്‍ച്ച് നടത്തി
1396722
Friday, March 1, 2024 11:42 PM IST
കോട്ടയം: പൂക്കോട് വെറ്റിനറി സര്‍വകലാശാല വിദ്യാര്‍ഥി സിദ്ധാര്‍ഥന്‍റെ മരണത്തിൽ മുഴുവന്‍ പ്രതികളെയും അറസ്റ്റ് ചെയ്യുക, മരണം മൂടിവയ്ക്കാന്‍ ശ്രമിച്ച യൂണിവേഴ്‌സിറ്റി ഡീന്‍ അടക്കമുള്ള അധികൃതരെ പ്രോസിക്യൂട്ട് ചെയ്യുക, കോളജ് ഹോസ്റ്റലുകളിലെ ക്രിമിനല്‍ അധിനിവേശത്തെക്കുറിച്ച് സമഗ്രമായ ജുഡീഷല്‍ അന്വേഷണം നടത്തുക എന്നീ ആവശ്യങ്ങള്‍ ഉന്നയിച്ച് കെഎസ്‌യു ജില്ലാ കമ്മിറ്റി സംഘടിപ്പിച്ച നൈറ്റ് മാര്‍ച്ച് ഡിസിസി പ്രസിഡന്‍റ് നാട്ടകം സുരേഷ് ഉദ്ഘാടനം ചെയ്തു.
ജില്ലാ പ്രസിഡന്‍റ് കെ.എന്‍. നൈസാം അധ്യക്ഷത വഹിച്ചു. എം.പി. സന്തോഷ് കുമാര്‍, ജെയ്ജി പാലയ്ക്കലോടി, ജോബിന്‍ ജേക്കബ്, ഗൗരി ശങ്കര്‍, ജോര്‍ജ് പയസ്, ജിത്തു ജോസ് എബ്രഹാം, സെബാസ്റ്റ്യന്‍ ജോയ്, സിംജോ സക്കറിയ, ജെസ്റ്റസ് പുതുശേരി, യശ്വന്ത് സി. നായര്‍, വിഷ്ണുപ്രിയ തുടങ്ങിയവര്‍ പ്രസംഗിച്ചു.