പോ​ളിം​ഗ് ബൂ​ത്തു​ക​ളി​ലെ ഒ​രു​ക്ക​വും സു​ര​ക്ഷ​യും വി​ല​യി​രു​ത്തി ക​ള​ക്ട​ര്‍
Friday, April 12, 2024 6:59 AM IST
വൈ​ക്കം: ലോ​ക്സ​ഭാ തെ​ര​ഞ്ഞെ​ടു​പ്പി​നു സ​ജ്ജ​മാ​കു​ന്ന ജി​ല്ല​യി​ലെ പോ​ളിം​ഗ് ബൂ​ത്തു​ക​ളി​ലെ ഒ​രു​ക്ക​ങ്ങ​ളും സു​ര​ക്ഷ​യും വി​ല​യി​രു​ത്തി ജി​ല്ലാ തെ​ര​ഞ്ഞെ​ടു​പ്പ് ഓ​ഫീ​സ​റാ​യ ജി​ല്ലാ ക​ള​ക്ട​ര്‍ വി. ​വി​ഗ്‌​നേ​ശ്വ​രി​യും ജി​ല്ലാ പോ​ലീ​സ് ചീ​ഫ് കെ. ​കാ​ര്‍ത്തി​ക്കും. വൈ​ക്കം നി​യ​മ​സ​ഭാ നി​യോ​ജ​ക​മ​ണ്ഡ​ല​ത്തി​ലെ അ​ഞ്ചു പോ​ളിം​ഗ് ബൂ​ത്തു​ക​ളാ​ണ് ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ല്‍ തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​ര്‍ വി​ല​യി​രു​ത്തി​യ​ത്.

വൈ​ക്കം മ​ണ്ഡ​ല​ത്തി​ല്‍ ക്രി​ട്ടി​ക്ക​ല്‍ ബൂ​ത്താ​യി രേ​ഖ​പ്പെ​ടു​ത്തി​യി​ട്ടു​ള്ള ചെ​മ്പ് വി​ജ​യോ​ദ​യം യു​പി സ്‌​കൂ​ള്‍, സെ​ന്‍സി​റ്റീ​വ് ബൂ​ത്താ​യി ക​ണ​ക്കാ​ക്കി​യി​ട്ടു​ള്ള ചെ​മ്മ​ന​ത്തു​ക​ര യു​പി സ്‌​കൂ​ള്‍, മു​ണ്ടാ​ര്‍ തു​രു​ത്തി​ലെ ഏ​ക​ബൂ​ത്താ​യ 48-ാം ന​മ്പ​ര്‍ അ​ങ്ക​ണ​വാ​ടി, കു​ട​വെ​ച്ചൂ​ര്‍ സെ​ന്‍റ് മൈ​ക്കി​ള്‍സ് എ​ച്ച്എ​സ്എ​സ്, ക​ല്ല​റ ശാ​ര​ദ​വി​ലാ​സി​നി യു​പി സ്‌​കൂ​ള്‍ എ​ന്നീ ബൂ​ത്തു​ക​ളാ​ണ് സം​ഘം സ​ന്ദ​ര്‍ശി​ച്ച​ത്.

പോ​ളിം​ഗ് ബൂ​ത്തു​ക​ളി​ലെ സു​ര​ക്ഷ​യും ശു​ചി​മു​റി സൗ​ക​ര്യ​ങ്ങ​ളും ഭി​ന്ന​ശേ​ഷി​ക്കാ​ര്‍ക്കാ​യു​ള്ള റാ​മ്പ് അ​ട​ക്ക​മു​ള്ള സൗ​ക​ര്യ​ങ്ങ​ളും ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ല്‍ വി​ല​യി​രു​ത്തി. ക​ടു​ത്തു​രു​ത്തി ബ്ലോ​ക്ക് പ​രി​ധി​യി​ലു​ള്ള ക​ല്ല​റ പ​ഞ്ചാ​യ​ത്തി​ലെ മു​ണ്ടാ​ര്‍ തു​രു​ത്തി​ല്‍ പോ​ളിം​ഗ് സാ​മ​ഗ്രി​ക​ളും ഉ​ദ്യോ​ഗ​സ്ഥ​രെ​യും എ​ത്തി​ക്കു​ന്ന​തി​ന് വ​ള്ള​ങ്ങ​ള്‍ ഉ​റ​പ്പാ​ക്ക​ണ​മെ​ന്നു ജി​ല്ലാ ക​ള​ക്ട​ര്‍ നി​ര്‍ദേ​ശം ന​ല്‍കി.


മു​ണ്ടാ​റി​ലെ 48-ാം ന​മ്പ​ര്‍ അ​ങ്ക​ണ​വാ​ടി​യാ​ണ് 137-ാം ന​മ്പ​ര്‍ ബൂ​ത്താ​യി പ്ര​വ​ര്‍ത്തി​ക്കു​ന്ന​ത്. 968 വോ​ട്ട​ര്‍മാ​രാ​ണ് ഇ​വി​ടെ​യു​ള്ള​ത്. അ​സി​സ്റ്റ​ന്‍റ് റി​ട്ടേ​ണിം​ഗ് ഓ​ഫീ​സ​റാ​യ പ്രി​ന്‍സി​പ്പ​ല്‍ കൃ​ഷി ഓ​ഫീ​സ​ര്‍ സൂ​സ​മ്മ ജോ​ര്‍ജ്, വൈ​ക്കം ത​ഹ​സീ​ല്‍ദാ​ര്‍ കെ.​ആ​ര്‍. മ​നോ​ജ് എ​ന്നി​വ​ര്‍ ഒ​പ്പ​മു​ണ്ടാ​യി​രു​ന്നു.

പോ​ളിം​ഗ് ബൂ​ത്ത് മാ​റ്റി

ക​ടു​ത്തു​രു​ത്തി: ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ ക​ടു​ത്തു​രു​ത്തി നി​യ​മ​സ​ഭാ​മ​ണ്ഡ​ല​ത്തി​ലെ 25-ാം ന​മ്പ​ര്‍ പോ​ളിം​ഗ് ബൂ​ത്താ​യ കു​ടും​ബ​ക്ഷേ​മ കേ​ന്ദ്രം പ്ര​കൃ​തി​ക്ഷോ​ഭ​ത്തി​ല്‍ മ​രം വീ​ണു ത​ക​ര്‍ന്ന​തി​നെ​ത്തു​ട​ര്‍ന്ന് പോ​ളിം​ഗ് ബൂ​ത്ത് വാ​ഴേ​മേ​പ്പു​റം അ​ങ്ക​ണ​വാ​ടി​യി​ലേ​ക്കു മാ​റ്റി​യി​രി​ക്കു​ന്ന​താ​യി തെ​ര​ഞ്ഞെ​ടു​പ്പു ക​മ്മീ​ഷ​ന്‍ അ​റി​യി​ച്ചു.

Copyright @ 2022 , Rashtra Deepika Ltd.