തിരുനാളിനു കൊടിയേറി
1416216
Saturday, April 13, 2024 6:42 AM IST
ഏറ്റുമാനൂര്‍: സെന്‍റ് ജോസഫ് ക്‌നാനായ കത്തോലിക്കാ പള്ളിയില്‍ തിരുനാളിനു കൊടിയേറി. വികാരി ഫാ. ജോസ് കടവില്‍ചിറ കൊടിയേറ്റി. ഇന്നു രാവിലെ 6.45നു വിശുദ്ധ കുര്‍ബാന, സന്ദേശം ഫാ. ജോര്‍ജ് താന്നിച്ചുവട്ടില്‍. വൈകുന്നേരം 6.30ന് ആഘോഷമായ വേസ്പരയ്ക്കു ഫാ. ജെറിന്‍ നടുത്തുണ്ടത്തില്‍ ഒഎസ്‌ജെ കാര്‍മികത്വം വഹിക്കും. തുടര്‍ന്നു പ്രദക്ഷിണം: ഫാ. സ്റ്റാബിന്‍ നീര്‍പാറമലയില്‍, തിരുനാള്‍ സന്ദേശം: ഫാ. റെന്നി കട്ടേല്‍, പരിശുദ്ധ കുര്‍ബാനയുടെ ആശീര്‍വാദം: ഫാ. സാബു മാലിത്തുരുത്തേല്‍.
തിരുനാള്‍ ദിനമായ നാളെ രാവിലെ ആഘോഷമായ തിരുനാള്‍ റാസയ്ക്കു ഫാ. ജയിംസ് പൊങ്ങാനയില്‍ കാര്‍മികത്വം വഹിക്കും. ഫാ. ജോസഫ് പുതുപ്പറമ്പില്‍, ഫാ. ജെറിന്‍ നടുത്തുണ്ടത്തില്‍, ഫാ. തോംസണ്‍ കീരിപ്പേല്‍, ഫാ. ജെയ്‌സ് നീലനിരപ്പേല്‍ എന്നിവര്‍ സഹകാര്‍മികത്വം വഹിക്കും.
തിരുനാള്‍ സന്ദേശം: ഫാ. ബിനോ ചേരിയില്‍, പ്രദക്ഷിണം: ഫാ. സിറിയക് ഓട്ടപ്പള്ളില്‍, പരിശുദ്ധ കുര്‍ബാനയുടെ ആശീര്‍വാദം: ഫാ. സ്റ്റീഫന്‍ കണ്ടാരപ്പള്ളില്‍. തിരുനാള്‍ ദിവസങ്ങളില്‍ കുട്ടികളെ അടിമവയ്ക്കുന്നതിനും കഴുന്ന്, പുഷ്പവടി എന്നിവ എഴുന്നള്ളിക്കുന്നതിനും സൗകര്യമുണ്ടായിരിക്കുമെന്നു വികാരി ഫാ. ജോസ് കടവില്‍ചിറ അറിയിച്ചു.