ചങ്ങനാശേരി: മാമ്മൂട് വരാക്കുന്നിലെ മണ്ണെടുപ്പിനും മണ്ണുമാഫിയയുടെ ഗുണ്ടാവിളയാട്ടത്തിനുമെതിരേ യുഡിഎഫ് പ്രതിഷേധം ഇരമ്പി. മണ്ണെടുപ്പ് നടക്കുന്ന പ്രദേശത്ത് ചേര്ന്ന യോഗം സമരം കേരള കോണ്ഗ്രസ് ഉന്നതാധികാര സമിതിയഗം വി.ജെ. ലാലി ഉദ്ഘാടനം ചെയ്തു.
മാമ്മൂട് തകിടി, വരാക്കുന്ന് പ്രദേശത്തെ കീറിമുറിക്കുന്ന അനധികൃത മണ്ണെടുപ്പ് അനുവദിക്കില്ലെന്നും മണ്ണെടുപ്പ് മാഫിയ ഗുണ്ടാസംഘങ്ങള് നാട്ടുകാരെ ഭീഷണിപ്പെടുത്തുന്നത് അവസാനിപ്പിക്കണമെന്നും വി.ജെ. ലാലി ആവശ്യപ്പെട്ടു.
മണ്ണുമാഫിയാ സംഘങ്ങളെ സഹായിക്കുന്ന നിലപാടുകളുമായി തൃക്കൊടിത്താനം പേലീസ് മുന്നോട്ടു പോയാല് പോലീസ് സ്റ്റേഷന് മാര്ച്ച് അടക്കമുള്ള സമരമാര്ഗങ്ങള് സംഘടിപ്പിക്കേണ്ടിവരുമെന്നും വി.ജെ. ലാലി കൂട്ടിച്ചേര്ത്തു.
യുഡിഎഫ് മണ്ഡലം കമ്മിറ്റിയുടെ നേതൃത്വത്തില് സംഘടിപ്പിച്ച യോഗത്തില് മണ്ഡലം ചെയര്മാന് ബാബു കുരീത്ര അധ്യക്ഷത വഹിച്ചു. പി.എച്ച്. നാസര്, ആന്റണി കുന്നുംപുറം, കെ.എ. ജോസഫ്, സോബിച്ചന് കണ്ണമ്പള്ളി, ബേബിച്ചന് ഓലിക്കര, പി.എം. മോഹനന് പിള്ള, ബാബു കുട്ടന്ചിറ, സണ്ണി ഏത്തക്കാട്, ജോര്ജ്കുട്ടി കൊഴുപ്പക്കളം, ജസ്റ്റിന് പാറുകണ്ണില്, ആന്സി ജോസഫ്, സിനി വര്ഗീസ്,
സെലീനാമ്മ തോമസ്, ജയശ്രീ പ്രഹ്ളാദന്, നിധീഷ് കൊച്ചേരി, ജോസ് ജെ. കൊല്ലംപറമ്പില്, കെ.സി. ആന്റണി, ജനകീയ സമിതി കണ്വീനര് എം.ഡി. ജോബ് മുര്യന്കാവുങ്കല്, ജയിംസ്കുട്ടി പുളിക്കശേരി, ബിനു ആഞ്ഞിലിമൂട്ടില്, ഷാജി ജോര്ജ് തുണ്ടിപ്പറമ്പില് തുടങ്ങിയവര് പ്രസംഗിച്ചു.