അതിര്‍ത്തിതിരിഞ്ഞ കുരിശടി: പെരുന്ന പള്ളിയിലെ വിശ്വാസികള്‍ ആഹ്ലാദനിറവില്‍
1423934
Tuesday, May 21, 2024 6:24 AM IST
ചങ്ങനാശേരി: പെരുന്ന സെന്‍റ് ആന്‍റണീസ് പള്ളി അതിര്‍ത്തി തിരിഞ്ഞ കുരിശുപള്ളിയായി ഉയര്‍ത്തിയപ്പോള്‍ വിശ്വാസികള്‍ക്ക് ആഹ്ലാദം.
അതിരൂപതാ ദിനാഘോഷത്തില്‍ ആര്‍ച്ച്ബിഷപ് മാര്‍ ജോസഫ് പെരുന്തോട്ടമാണ് പ്രഖ്യാപനം നടത്തിയത്. നഗരസഭയിലെ എന്‍എസ്എസ് വാര്‍ഡില്‍ സ്ഥിതി ചെയ്യുന്ന ദേവാലയം 1981ല്‍ കര്‍ദിനാള്‍ മാര്‍ ആന്‍റണി പടിയറയാണ് കൂദാശ ചെയ്തത്.
അതിന് മുമ്പ് കാലങ്ങളോളം സെന്‍റ് ആന്‍റണീസ് ലീഗ്, വിന്‍സന്‍റ് ഡി പോള്‍ സൊസൈറ്റികളുടെ പ്രവര്‍ത്തനം നടന്നിരുന്നു. 120 കുടുംബങ്ങളുടെ ആത്മീയ പ്രവര്‍ത്തനങ്ങളുടെ കേന്ദ്രമായ ദേവാലയത്തിന്‍റെ കുരിശടി രണ്ടുവര്‍ഷം മുമ്പ് കവിയൂര്‍ ബൈപാസ് റോഡില്‍ സ്ഥാപിച്ചിരുന്നു.
പ്രഥമ വികാരിയായി ഫാ. ജോസഫ് വേളങ്ങാട്ടുശേരിയെ നിയമിച്ചു.