പാ​ത​ക​ൾ കീ​ഴ​ട​ക്കി ഭാ​ര​വാ​ഹ​ന​ങ്ങ​ൾ, അ​പ​ക​ട​മൊ​ഴി​യാ​തെ നി​ര​ത്തു​ക​ൾ
Thursday, June 20, 2024 7:06 AM IST
ക​റു​ക​ച്ചാ​ൽ: പാ​ത​ക​ൾ കീ​ഴ​ട​ക്കി ഭാ​ര​വാ​ഹ​ന​ങ്ങ​ൾ, അ​പ​ക​ട​മൊ​ഴി​യാ​തെ നി​ര​ത്തു​ക​ൾ. യാ​തൊ​രു​വി​ധ സു​ര​ക്ഷാ മാ​ന​ദ​ണ്ഡ​ങ്ങ​ളും പാ​ലി​ക്കാ​തെ ടി​പ്പ​ർ, ക്രെ​യി​ൻ തു​ട​ങ്ങി​യ ഭാ​ര​വാ​ഹ​ന​ങ്ങ​ൾ മേ​ഖ​ല​യി​ലെ നി​ര​ത്തു​ക​ളി​ലൂ​ടെ പാ​യു​ന്ന​ത് പ​തി​വാ​ണ്. ഇ​തു​മൂ​ലം അ​പ​ക​ട​ങ്ങ​ൾ സാ​ധാ​ര​ണ​യാ​യി​ട്ടും ഭാ​ര​വാ​ഹ​ന​ങ്ങ​ളു​ടെ അ​മി​ത​വേ​ഗ​ത, അ​ശ്ര​ദ്ധ​മാ​യ ഡ്രൈ​വിം​ഗ് എ​ന്നി​വ നി​യ​ന്ത്രി​ക്കാ​ൻ അ​ധി​കൃ​ത​ർ താ​ത്പ​ര്യം കാ​ണി​ക്കു​ന്നി​ല്ലെ​ന്ന് ആ​രോ​പ​ണം.

ക​ഴി​ഞ്ഞ​ദി​വ​സം രാ​ത്രി​യി​ൽ അ​മ്മ​യും മ​ക​ളും സ​ഞ്ച​രി​ച്ച സ്കൂ​ട്ട​റി​ൽ ക​റു​ക​ച്ചാ​ൽ എ​ൻ​എ​സ്എ​സ് ജം​ഗ്ഷ​നു സ​മീ​പം വ​ച്ച് ക്രെ​യി​ൻ ത​ട്ടി മ​ക​ൾ മ​രി​ച്ച​ത് നാ​ട്ടു​കാ​രെ ഞെ​ട്ടി​ച്ച സം​ഭ​വ​മാ​യി. കൂ​ത്ര​പ്പ​ള്ളി ത​ട്ടാ​ര​ടി​യി​ൽ ജോ​ർ​ജി​ന്‍റെ മ​ക​ൾ നോ​യ​ലി (23) നാ​ണ് അ​പ​ക​ട​ത്തി​ൽ ത​ത്സ​മ​യം ജീ​വ​ൻ പൊ​ലി​ഞ്ഞ​ത്. അ​മ്മ ജോ​ളി​ക്ക് പ​രി​ക്കേ​ൽ​ക്കു​ക​യും ചെ​യ്തു.

രാ​ത്രിസ​മ​യ​ങ്ങ​ളി​ൽ ക്രെ​യി​ൻ, ടി​പ്പ​ർ എ​ന്നി​വ ആ​വ​ശ്യ​മാ​യ ലൈ​റ്റു​ക​ൾ പ്ര​കാ​ശി​പ്പി​ക്കാ​തെ​യാ​ണ് പ​ല​പ്പോ​ഴും സ​ഞ്ചാ​രി​ക്കു​ന്ന​ത്. ഇ​തു​മൂ​ലം മ​റ്റു വാ​ഹ​ന​ങ്ങ​ളി​ലെ ഡ്രൈ​വ​​ർമാർ​ക്ക് ഈ ​വാ​ഹ​ന​ങ്ങ​ളെ തി​രി​ച്ച​റി​യാ​ൻ സാ​ധി​ക്കാ​തെ വ​രു​ന്ന​താ​യി പ​റ​യ​പ്പെ​ടു​ന്നു.

സ​മ​യ​ക്ര​മ​ങ്ങ​ൾ പാ​ലി​ക്കാ​തെ ടി​പ്പ​റു​ക​ൾ പാ​യു​ന്ന​ത് ക​റു​ക​ച്ചാ​ൽ, നെ​ടും​കു​ന്നം മേ​ഖ​ല​ക​ളി​ൽ പ​തി​വാ​ണ്. സ്കൂ​ൾ സ​മ​യ​ങ്ങ​ളി​ൽ ടി​പ്പ​റു​ക​ൾ​ക്ക് നി​രോ​ധ​ന​മു​ണ്ടെ​ങ്കി​ലും ഇ​വ ക​ട​ലാ​സി​ൽ മാ​ത്ര​മാ​ണെ​ന്നു നാ​ട്ടു​കാ​ർ പ​റ​യു​ന്നു. അ​നു​വ​ദ​നീ​യ​മാ​യ​തി​ലും ഉ​യ​ര​ത്തി​ൽ മ​ണ്ണ്, ക​രി​ങ്ക​ല്ല് തു​ട​ങ്ങി​യ​വ നി​റ​ച്ച് ടി​പ്പ​റു​ക​ൾ സ​ഞ്ച​രി​ക്കു​ന്ന​ത് പ​തി​വ് കാ​ഴ്ച​യാ​ണ്.

ഇ​ത്ത​രം ടി​പ്പ​റു​ക​ളി​ൽ​നി​ന്ന് ക​രി​ങ്ക​ല്ലു​ക​ൾ റോ​ഡി​ൽ തെ​റി​ച്ചു​വീ​ണ് കാ​ൽ​ന​ട​ യാ​ത്രി​ക​ർ​ക്കും ബൈ​ക്ക് യാ​ത്രി​ക​ർ​ക്കും അ​പ​ക​ട​ങ്ങ​ൾ​ക്കു കാ​ര​ണ​മാ​യി​ട്ടു​ണ്ട്. ക​റു​ക​ച്ചാ​ൽ സെ​ൻ​ട്ര​ൽ ജം​ഗ്ഷ​നി​ൽ ഇ​ത്ത​ര​ത്തി​ൽ ടി​പ്പ​ർ ലോ​റി​ക​ളി​ൽ​നി​ന്ന് ക​രി​ങ്ക​ല്ല്, മ​ണ്ണ്, എം-​സാ​ൻ​ഡ് തു​ട​ങ്ങി​യ​വ റോ​ഡി​ലേ​ക്ക് പ​തി​ക്കു​ന്ന​ത് സാ​ധാ​ര​ണ​യാ​ണ്.

നി​യ​മ​ലം​ഘി​ച്ചു പാ​യു​ന്ന ഭാ​ര​വാ​ഹ​ന​ങ്ങ​ൾ​ക്കെ​തി​രേ ന​ട​പ​ടി സ്വീ​ക​രി​ക്കാ​ൻ അ​ധി​കൃ​ത​ർ വി​മു​ഖ​ത കാ​ട്ടു​ന്ന​താ​ണ് പ​ല​പ്പോ​ഴും അ​പ​ക​ട​ങ്ങ​ൾ​ക്ക് വ​ഴി​വ​യ്ക്കു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു.