പാലാ സെന്റ് മേരീസ് സ്കൂളിൽ ക്ലൈമറ്റ് ആക്ഷൻ ഗ്രൂപ്പ് ഉദ്ഘാടനം
1430457
Thursday, June 20, 2024 10:03 PM IST
പാലാ: മീനച്ചിൽ നദീസംരക്ഷണസമിതി രൂപം കൊടുത്തിട്ടുള്ള പ്രവർത്തന സഖ്യമായ ക്ലൈമറ്റ് ആക്ഷൻ ഗ്രൂപ്പിന്റെ യൂണിറ്റ് പാലാ സെന്റ് മേരീസ് ഗേൾസ് ഹയർ സെക്കൻഡറി സ്കൂളിൽ പൂർവ വിദ്യാർഥിയും പൂന ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെറ്റീരിയോളജിയിലെ കാലാവസ്ഥ ശാസ്ത്രജ്ഞയുമായ ഡോ. വി.ബി. ആര്യ ഉദ്ഘാടനം ചെയ്തു.
മീനച്ചിൽ നദീസംരക്ഷണസമിതി പ്രസിഡന്റ് ഡോ. എസ്. രാമചന്ദ്രൻ അധ്യക്ഷത വഹിച്ചു. രവി പാലാ, പ്രിൻസിപ്പൽ സിസ്റ്റർ ജീസ മരിയ, ജെസ്ലിൻ പി. ജോസ്, വി.സി. സുനിൽകുമാർ, ആർ. വിഗ്നേഷ് എന്നിവർ നേതൃത്വം നൽകി.
പരിസ്ഥിതി-കാലാവസ്ഥാ വ്യതിയാന ഡയറക്ടറേറ്റിന്റെ പിന്തുണയോടെയായിരുന്നു പരിപാടി. സ്കൂൾ എൻഎസ്എസ് യൂണിറ്റാണ് ക്ലൈമറ്റ് ആക്ഷൻ ഗ്രൂപ്പ് പ്രവർത്തിപ്പിക്കുന്നത്.