"പി.എന്. പണിക്കര്ക്ക് അര്ഹമായ ആദരം നല്കാന് സര്ക്കാര് തയാറാകണം'
1430657
Friday, June 21, 2024 7:01 AM IST
ചങ്ങനാശേരി: ഗ്രന്ഥശാലാ പ്രസ്ഥാനത്തിന്റെ ഉപജ്ഞാതാവായ പി.എന്. പണിക്കര്ക്ക് തലസ്ഥാന നഗരിയില് ഉചിതമായ സ്മാരകമന്ദിരം നിര്മിക്കണമെന്ന് വായനാദിനത്തില് നീലംപേരൂരിലെ ജന്മഗൃഹത്തില് ചേര്ന്ന അനുസ്മരണ സമ്മേളനം സര്ക്കാരിനോടാവശ്യപ്പെട്ടു.
മാടപ്പള്ളി ബ്ലോക്ക് പഞ്ചായത്ത് മുന് പ്രസിഡന്റ് വി.ജെ. ലാലി ഉദ്ഘാടനം ചെയ്തു. ഗ്രന്ഥശാലാ സംഘത്തിലും സര്ക്കാര് സമീപനങ്ങളിലും പി.എന്. പണിക്കര്ക്ക് അര്ഹമായ ആദരം ലഭിക്കുന്നില്ലെന്നു യോഗം അഭിപ്രായപ്പെട്ടു.
ഗ്രന്ഥ വേദി, നീലംപേരൂര് പി.എന്. പണിക്കര് ലൈബ്രറി, വെരൂര് പബ്ലിക് ലൈബ്രറി എന്നിവയുടെ ആഭിമുഖ്യത്തിലാണ് ചടങ്ങ് സംഘടിപ്പിച്ചത്. ഗ്രന്ഥ വേദി പ്രസിഡന്റ് ജസ്റ്റിന് ബ്രൂസ് അധ്യക്ഷത വഹിച്ചു. തോംസണ് മുക്കാട്ടുകുന്നേല്, ലിനു ജോബ്, കെ.ജെ. ജോസഫ്, പി.പി. മോഹനന്, ഷിബു എഴേപുഞ്ചയില്,
അഭിഷേക് ബിജു, എം. വിശ്വനാഥ് പിള്ള, സോണിച്ചന് പുളിക്കുന്ന്, മാത്യു തേവലക്കര, മൈത്രി ഗോപികൃഷ്ണന്, സിറിയക് കടന്തോട്, ആന്റണി കൈനിക്കര, ബിജോയ് എണ്ണക്കാച്ചിറ, സാബു പൂവന്തറ, വത്സല കുമാരി, ശ്രീകുമാര് എന്നിവര് പ്രസംഗിച്ചു.