ജല്ജീവന് പൈപ്പ് സ്ഥാപിക്കല് റോഡ് നന്നാക്കാത്തതിനെതിരേ സമരസന്ദേശ യാത്ര നടത്തി
1430658
Friday, June 21, 2024 7:01 AM IST
കുറിച്ചി: കുറിച്ചി പഞ്ചായത്ത് പതിനാറാം വാര്ഡിൽ ജല്ജീവന് പൈപ്പിനുവേണ്ടി കുഴിച്ചഭാഗം കോണ്ക്രീറ്റു ചെയ്യാത്തതുമൂലം കാല്നടപ്പും വാഹനയാത്രയും തടസപ്പെടുന്ന നടപടിക്കെതിരേ സമരസമിതി സന്ദേശയാത്ര നടത്തി.
കാഞ്ഞിരത്തുംമൂട് -കലാവടക്കന് മുക്ക് റോഡില് സംഘടിപ്പിച്ച സമരം സമരസമിതി നിയോജകമണ്ഡലം ചെയര്മാന് വി.ജെ.ലാലി ഉദ്ഘാടനം ചെയ്തു. സമരസമിതി പഞ്ചായത്ത് ചെയര്മാന് ആര്. രാജഗോപാല്, കണ്വീനര് ജയിംസ് കലാവടക്കന്, സി.ഡി. വത്സപ്പന്, ജിക്കു കുര്യാക്കോസ്, ജയിംസ് വട്ടപ്പറമ്പില് എന്നിവര് പ്രസംഗിച്ചു.
പതിനെട്ടാം വാര്ഡിലെ കാരിക്കോട്ടുവാല-ചെറുവേലിപ്പടി റോഡില് നടത്തിയ സമരസന്ദേശയാത്ര നാരായണശര്മ ഉദ്ഘാടനം ചെയ്തു. വി.ജെ. ലാലി, ആര്. രാജഗോപാല്, ജയിംസ് കലാവടക്കന്, ജിക്കു കുര്യാക്കോസ്, എല്സി രാജു, ബിന്ദു രമേശ്, സി.ഡി. വത്സപ്പന് എന്നിവര് പ്രസംഗിച്ചു.