റവ.ഡോ. ചാക്കോ പുത്തന്പുരയ്ക്കലിന് യാത്രയയപ്പ് നല്കി
1430861
Saturday, June 22, 2024 6:48 AM IST
കോട്ടയം: മുന് റെക്ടര് റവ. ഡോ. ചാക്കോ പുത്തന്പുരയ്ക്കലിനു കാര്മല്ഗിരി സെന്റ് ജോസഫ് പൊന്തിഫിക്കല് സെമിനാരി യാത്രയയയപ്പു നല്കി. ഇരുപത്തേഴു വര്ഷം ആത്മീയ പിതാവ്, ആനിമേറ്റര്, അധ്യാപകന്, ഇന്സ്റ്റിറ്റ്യൂട്ട് പ്രസിഡന്റ് , പ്രൊക്കുറേറ്റര്, ലൈബ്രേറിയന്,
റെക്ടര് എന്നീ നിലകളില് കാര്മല്ഗിരിയില് സ്തുത്യര്ഹമായ വൈദികപരിശീലനതപസ്യ പൂര്ത്തിയാക്കിയതിനു ശേഷമാണ് വിജയപുരം രൂപതാംഗവുമായ റവ.ഡോ. ചാക്കോ പുത്തന് പുരയ്ക്കല് തെള്ളകം ഇടവക വികാരിയായിട്ടാണ് നിയമിതനായിരിക്കുന്നത്.
നൂറോളം പുസ്തകങ്ങളുടെ രചയിതാവായ അദ്ദേഹം മലയാളത്തില് ആദ്യമായി പുതിയ നിയമത്തിന്റെ ബൈബിള് പദകോശവും ഇന്റര്ലിനെയാര് ബൈബിളും സൂചികാബൈബിളും തയാറാക്കിയ ബൈബിള് പണ്ഡിതനാണ്. കാര്മല്ഗിരി റിസര്ച്ച് ഇന്സ്റ്റിറ്റ്യൂട്ട്, കാര്മല്ഗിരി മ്യൂസിയം, ആര്ച്ചുബിഷപ്പ് ദാനിയേല് അച്ചാരുപറമ്പില് സ്മാരക ലൈബ്രറി എന്നിവ അദ്ദേഹത്തിന്റെ മാനസസന്തതികളാണ്.