ഡോ. ജോർജി ജോർജ് കുരുവിളയ്ക്ക് അംഗീകാരം
1431100
Sunday, June 23, 2024 6:56 AM IST
കോട്ടയം: ഇംഗ്ലണ്ടിലെ ഗവൺമെന്റ് അംഗീകൃത ഹോമിയോപ്പതി വിഭാഗമായ ദി ഫാക്കൽറ്റി ഓഫ് ഹോമിയോപ്പതിയുടെ ബിരുദാനന്തര ബിരുദമായ എംഎഫ് എച്ച്ഒഎം (MFHom-Londo n) മലയാളിയായ ഡോ. ജോർജി ജോർജ് കുരുവിളയ്ക്ക് ലഭിച്ചു.
കാൻസർ-പാലിയേറ്റിവ്, ന്യൂറോജി രോഗാവസ്ഥകളിലെ ഇൻട്രോഗറേറ്റീവ് ഹോമിയോപ്പതി ചികിത്സയിലെ പ്രാവീണ്യം കണക്കിലെടുത്താണ് അംഗീകാരം. ഇന്ത്യാ ഗവൺമെന്റിന്റെ അംഗീകാരമുള്ള അന്താരാഷ്ട്ര ഹോമിയോപ്പതി ബിരുദമാണിത്.
ചങ്ങനാശേരി രാജൂസ് ഹോമിയോപ്പതി സൂപ്പർസ്പെഷാലിറ്റി സെന്ററിലെ ഡോക്ടറായ ഇദ്ദേഹം ഹോമിയോപ്പതിയിലും ആധുനിക വൈദ്യശാസ്ത്രത്തിലും ബിരുദാനന്തര ബിരുദമുള്ള ചുരുക്കം ഡോക്ടർമാരിൽ ഒരാളാണ്. യുകെ ഹോമിയോപ്പതി വിഭാഗത്തിന്റെ ഇന്ത്യൻ ബ്രാൻഡ് അംബാസിഡർ എന്ന നിലയിൽ മെംബേഴ്സ് റെപ്രെസെന്റേറ്റീവായി ഇതോടൊപ്പം തെരഞ്ഞെടുക്കപ്പെട്ടിട്ടുണ്ട്.
എഡിൻബർഗിൽ നടക്കുന്ന ഫാക്കൽറ്റി ഓഫ് ഹോമിയോപ്പതിയുടെ 100-ാം വാർഷിക സമ്മേളനത്തിൽ ബഹുമതി സമ്മാനിക്കും.