മു​ണ്ട​ക്ക​യം: ദി​വ​സേ​ന നാ​നൂ​റോ​ളം സ​ർ​വീ​സു​ക​ൾ ഓ​പ്പ​റേ​റ്റ് ചെ​യ്യു​ന്ന മു​ണ്ട​ക്ക​യ​ത്ത് കെ​എ​സ്ആ​ർ​ടി​സി ഡി​പ്പോ വേ​ണ​മെ​ന്ന് ആ​വ​ശ്യം വീ​ണ്ടും ശ​ക്ത​മാ​കു​ന്നു. മേ​ഖ​ല​യി​ൽ കെ​എ​സ്ആ​ർ​ടി​സി ഡി​പ്പോ​യെ​ന്ന ആ​വ​ശ്യ​ത്തി​ന് പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്.

നി​ര​ന്ത​ര​മാ​യ ആ​വ​ശ്യ​ത്തി​നൊ​ടു​വി​ൽ കെ​എ​സ്ആ​ർ​ടി​സി ഡി​പ്പോ അ​നു​വ​ദി​ക്കു​ക​യും അ​തി​നാ​യി മു​ണ്ട​ക്ക​യം പു​ത്ത​ൻ​ച​ന്ത​യി​ലെ പ​ഞ്ചാ​യ​ത്തു​വ​ക സ്ഥ​ലം വി​ട്ടു​ന​ൽ​കു​ക​യും ചെ​യ്തു. അ​ന്ന​ത്തെ എം​എ​ൽ​എ​യാ​യി​രു​ന്ന പി.​സി. ജോ​ർ​ജി​ന്‍റെ ആ​സ്തി വി​ക​സ​ന​ഫ​ണ്ടി​ൽ​നി​ന്നും 69 ല​ക്ഷം രൂ​പ വി​നി​യോ​ഗി​ച്ച് പു​ത്ത​ൻ​ച​ന്ത​യി​ലെ സ്ഥ​ല​ത്ത് കെ​ട്ടി​ട​വും അ​നു​ബ​ന്ധ സൗ​ക​ര്യ​ങ്ങ​ളും ഒ​രു​ക്കി. കെ​എ​സ്ആ​ർ​ടി​സി ഡി​പ്പോ​യു​ടെ ഉ​ദ്ഘാ​ട​ന​വും ന​ട​ന്നെ​ങ്കി​ലും പി​ന്നീ​ട് പ്ര​വ​ർ​ത്ത​നം ആ​രം​ഭി​ച്ചി​ല്ല. ഡി​പ്പോ നി​ർ​മി​ച്ച സ്ഥ​ല​ത്തേ​ക്ക് ബ​സു​ക​ൾ ക​യ​റി​യി​റ​ങ്ങു​ന്ന​തി​നു​ള്ള ബു​ദ്ധി​മു​ട്ടും ജീ​വ​ന​ക്കാ​രു​ടെ അ​ഭാ​വ​വു​മാ​യി​രു​ന്നു ഡി​പ്പോ പ്ര​വ​ർ​ത്ത​ന​മാ​രം​ഭി​ക്കാ​ൻ ത​ട​സ​മാ​യി ഉ​യ​ർ​ന്നു​വ​ന്ന പ്ര​ധാ​ന കാ​ര​ണം.

ഡി​പ്പോ പ്ര​വ​ർ​ത്ത​നം ആ​രം​ഭി​ക്കാ​തെ നാ​ളു​ക​ൾ പി​ന്നി​ട്ട​തോ​ടെ പ​ഞ്ചാ​യ​ത്ത് വി​ട്ടു​ന​ൽ​കി​യ സ്ഥ​ലം വീ​ണ്ടും പ​ഞ്ചാ​യ​ത്ത്‌ തി​രി​ച്ചെ​ടു​ത്തു. ഇ​പ്പോ​ൾ നി​ല​വി​ൽ ഇ​വി​ടെ മി​നി സി​വി​ൽ സ്റ്റേ​ഷ​ൻ നി​ർ​മി​ക്കു​മെ​ന്നാ​ണ് വാ​ഗ്ദാ​നം. മു​ണ്ട​ക്ക​യം പ്രൈ​വ​റ്റ് ബ​സ് സ്റ്റാ​ൻ​ഡി​നോ​ട് ചേ​ർ​ന്ന് മു​ന്പ് കെ​എ​സ്ആ​ർ​ടി​സി സ്റ്റേ​ഷ​ൻ മാ​സ്റ്റ​ർ ഓ​ഫീ​സ് പ്ര​വ​ർ​ത്തി​ച്ചി​രു​ന്നെ​ങ്കി​ലും ശോ​ച​നീ​യാ​വ​സ്ഥ​യി​ലാ​യ കെ​ട്ടി​ടം പൊ​ളി​ച്ചു നീ​ക്കി​യ​തോ​ടെ ഇ​തി​ന്‍റെ പ്ര​വ​ർ​ത്ത​നം നി​ല​ച്ചു. പി​ന്നീ​ട് നാ​ളു​ക​ൾ​ക്ക് ശേ​ഷം മ​റ്റൊ​രു കെ​ട്ടി​ട​ത്തി​ൽ സ്റ്റേ​ഷ​ൻ മാ​സ്റ്റ​ർ ഓ​ഫീ​സ് പ്ര​വ​ർ​ത്ത​നം ആ​രം​ഭി​ച്ചു.

തി​രു​വ​ന​ന്ത​പു​രം, കൊ​ല്ലം, ഇ​ടു​ക്കി ജി​ല്ല​യു​ടെ പ്ര​ധാ​ന മേ​ഖ​ല​ക​ൾ, എ​റ​ണാ​കു​ളം, കോ​ട്ട​യം, ആ​ല​പ്പു​ഴ തു​ട​ങ്ങി മ​ധ്യ​കേ​ര​ള​ത്തി​ന്‍റെ ഒ​ട്ടു​മി​ക്ക ഇ​ട​ങ്ങ​ളി​ലേ​ക്കും കൂ​ടാ​തെ വ​യ​നാ​ട്, കാ​സ​ർ​ഗോ​ഡ് അ​ട​ക്കം ദീ​ർ​ഘ​ദൂ​ര സ​ർ​വീ​സു​ക​ളും ഇ​വി​ടെ​നി​ന്ന് ഓ​പ്പ​റേ​റ്റ് ചെ​യ്യു​ന്നു​ണ്ട്. ഇ​ത്ത​രം സ​ർ​വീ​സു​ക​ൾ സു​ഗ​മ​മാ​യി ന​ട​ത്തു​ന്ന​തി​ന് മു​ണ്ട​ക്ക​യം കേ​ന്ദ്രീ​ക​രി​ച്ച് ഡി​പ്പോ വേ​ണ​മെ​ന്ന ആ​വ​ശ്യ​മാ​ണ് ശ​ക്ത​മാ​യി​രി​ക്കു​ന്ന​ത്.

ആ​വ​ശ്യ​ത്തി​ന് സ്ഥ​ല​സൗ​ക​ര്യ​മു​ള്ള മു​ണ്ട​ക്ക​യം പ്രൈ​വ​റ്റ് ബ​സ് സ്റ്റാ​ൻ​ഡി​നോ​ട് ചേ​ർ​ന്നു​ത​ന്നെ കെ​എ​സ്ആ​ർ​ടി​സി ഡിപ്പോ​യും ക്ര​മീ​ക​രി​ച്ചാ​ൽ അ​ത് യാ​ത്ര​ക്കാ​ർ​ക്കും ഉ​പ​കാ​ര​പ്ര​ദ​മാ​കും.