വൈ​ക്കം മ​ഹാ​ദേ​വ ക്ഷേ​ത്ര​ത്തി​ൽ നി​റ​യും പു​ത്ത​രി​യും ഭ​ക്തി​നി​ർ​ഭ​ര​മാ​യി
Tuesday, August 13, 2024 7:03 AM IST
വൈ​ക്കം: ആ​ചാ​ര പെ​രു​മ​യോ​ടെ വൈ​ക്കം മ​ഹാ​ദേ​വ ക്ഷേ​ത്ര​ത്തി​ൽ​ന​ട​ന്ന നി​റ​യും പു​ത്ത​രി​യും ഭ​ക്തി​സാ​ന്ദ്ര​മാ​യി. മേ​ൽ​ശാ​ന്തി​മാ​രാ​യ ടി.​ഡി. നാ​രാ​യ​ണ​ൻ ന​മ്പൂ​തി​രി, ടി.​എ​സ്. നാ​രാ​യ​ണ​ൻ ന​മ്പൂ​തി​രി, ശ്രീ​ധ​ര​ൻ ന​മ്പൂ​തി​രി, അ​നൂ​പ് ന​മ്പൂ​തി​രി, ജി​ഷ്ണു ദാ​മോ​ധ​ര​ൻ എ​ന്നി​വ​രു​ടെ കാ​ർ​മി​ക​ത്വ​ത്തി​ൽ ന​ട​ന്ന വി​ശേ​ഷാ​ൽ പൂ​ജ​ക​ൾ​ക്കു​ശേ​ഷം നി​റ​പു​ത്ത​രിയും വൈ​ക്ക​ത്ത​പ്പ​നും ഉ​പ​ദേ​വ​ത​മാ​ർ​ക്കും സ​മ​ർ​പ്പി​ച്ചു. പൂ​ജി​ച്ച ക​തി​ർ ഭ​ക്ത​ർ​ക്ക് പ്ര​സാ​ദ​മാ​യി ന​ൽ​കി.

പു​ന്നെ​ല്ലു​കൊ​ണ്ടു​ള്ള നി​വേ​ദ്യ​വും പ്രാ​ത​ലും ന​ട​ത്തി. ഐ​ശ്വ​ര്യ​ത്തി​നും കാ​ർ​ഷി​ക സ​മൃ​ദ്ധി​യു​ടെ പ്ര​തീ​ക​വു​മാ​യാ​ണ് നി​റ​പു​ത്ത​രി ആ​ഘോ​ഷി​ക്കു​ന്ന​ത്. നി​റ​പു​ത്ത​രി​ക്ക് ആ​വ​ശ്യ​മാ​യ ക​തി​ർ​ക്ക​റ്റ​ക​ൾ ത​മി​ഴ്നാ​ട്ടി​ൽ​നി​ന്നാ​ണ് കൊ​ണ്ടു​വ​ന്ന​ത്. ഇ​ല്ലി, നെ​ല്ലി, ആ​ലി​ല, പ്ലാ​വി​ല, മാ​വി​ല തു​ട​ങ്ങി​യ ഇ​ല​ക​ൾ​ക്കൊ​പ്പ​മൊ​രു​ക്കി​യ 15,000 ക​തി​ർ​ക​റ്റ​ക​ളാ​ണ് ഭ​ക്ത​ർ​ക്ക് ന​ൽ​കി​യ​ത്. അ​ഡ്മി​നി​സ്ട്രേ​റ്റി​വ് ഓ​ഫീ​സ​ർ വി. ​ഈ​ശ്വ​ര​ൻ ന​മ്പൂ​തി​രി​യു​ടെ നേ​തൃ​ത്വ​ത്തി​ൽ ടി​വി പു​രം ശ്രീ​രാ​മ ക്ഷേ​ത്ര​ത്തി​ലെ ഭ​ക്ത​രാ​ണ് നി​റ​യും പു​ത്ത​രി​യും ഒ​രു​ക്കി​യ​ത്.


ഒ​രു​ക്കി​യ ക​തി​ർ​ക​റ്റ​ക​ൾ വ്യാ​ഘ​പാ​ദ ത​റ​യി​ലെ​ത്തി​ച്ചു. വി​ശേ​ഷാ​ൽ പൂ​ജ​ക​ൾ ന​ട​ത്തി​യ​ശേ​ഷം ക​തി​ർ​ക​റ്റ​ക​ൾ വെ​ള്ളി ഉ​രു​ളി​യി​ലാ​ക്കി മേ​ൽ​ശാ​ന്തി ശി​ര​സി​ലേ​റ്റി വ​ല്ലം നി​റ മ​ന്ത്ര​ങ്ങ​ൾ ഉ​രു​വി​ട്ട് ഇ​ട​തു കൈ​യി​ലു​ള്ള മ​ണി​കി​ലു​ക്കി വാ​ദ്യ​മേ​ള​ങ്ങ​ളു​ടെ അ​ക​മ്പ​ടി​യോ​ടെ ക്ഷേ​ത്ര​ത്തി​ന് ഒ​രു പ്ര​ദ​ക്ഷി​ണം ന​ട​ത്തി മ​ണ്ഡ​പ​ത്തി​ൽ പ്ര​വേ​ശി​ച്ച് ച​ട​ങ്ങു​ക​ൾ പൂ​ർ​ത്തി​യാ​ക്കി.

വ​ട​ക്കേ​ന​ട കൃ​ഷ്ണ​ൻ കോ​വി​ലി​ൽ മേ​ൽ​ശാ​ന്തി സു​രേ​ഷ് ആ​ർ. പോ​റ്റി, കൂ​ട്ടു​മ്മേ​ൽ ദേ​വീ ക്ഷേ​ത്ര​ത്തി​ൽ മേ​ൽ​ശാ​ന്തി ഇ​ണ്ടം​തു​രു​ത്തി മ​ന ഹ​രി​ഹ​ര​ൻ ന​മ്പൂ​തി​രി, ഉ​ദ​യ​നാ​പു​രം സു​ബ്ര​ഹ്‌​മ​ണ്യ ക്ഷേ​ത്ര​ത്തി​ൽ മേ​ൽ​ശാ​ന്തി ഉ​മേ​ഷ് ന​മ്പൂ​തി​രി, മൂ​ത്തേ​ട​ത്ത് കാ​വ് ഭ​ഗ​വ​തി ക്ഷേ​ത്ര​ത്തി​ൽ ഊ​രാ​ഴ്മ ഇ​ണ്ടം​തു​രു​ത്തി മ​ന നീ​ല​ക​ണ്ഠ​ൻ ന​മ്പൂ​തി​രി, മേ​ൽ​ശാ​ന്തി ശ്രീ​കു​മാ​ര​ൻ പോ​റ്റി എ​ന്നി​വ​ർ കാ​ർ​മി​ക​ത്വം വ​ഹി​ച്ചു.