സ്കൂ​ളി​നു സ​മീ​പത്തെ വൈദ്യുത പോസ്റ്റ് അ​പ​ക​ട​ക്കെ​ണി​യാ​യി
Sunday, May 28, 2023 10:48 PM IST
ചെ​റു​തോ​ണി: സ്കൂ​ൾ തു​റ​ക്കാ​ൻ ദി​വ​സ​ങ്ങ​ൾ മാ​ത്രം ശേ​ഷി​ക്കേ വാ​ഴ​ത്തോ​പ്പി​ലെ നൂ​റു​ക​ണ​ക്കി​നു ര​ക്ഷി​താ​ക്ക​ളു​ടെ മ​ന​സി​ൽ ആ​ശ​ങ്ക​യു​ടെ ക​രി​നി​ഴ​ൽ വീ​ഴ്ത്തു​ക​യാ​ണ് ഒ​രു വൈ​ദ്യു​തി പോ​സ്റ്റ്‌. ക​ത്തീ​ഡ്ര​ൽ പ​ള്ളി റോ​ഡി​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​നു സ​മീ​പം ബേ​ക്ക​റി​യോ​ടു ചേ​ർ​ന്നു​ള്ള ത്രീ​ഫേ​സ് കോ​ൺ​ക്രീ​റ്റ് പോ​സ്റ്റാ​ണ് ഭീ​ഷ​ണി ഉ​യ​ർ​ത്തു​ന്ന​ത്.
മൂ​ന്നു വ​ർ​ഷം മു​ൻ​പ് റോ​ഡി​നു വീ​തി കൂ​ട്ടി ടാ​ർ ചെ​യ്ത​തോ​ടെ പോ​സ്റ്റ്‌ റോ​ഡി​നു ന​ടു​വി​ലാ​യി. ഹ​യ​ർ സെ​ക്ക​ൻ​ഡ​റി സ്കൂ​ൾ, ഹൈ​സ്കൂ​ൾ, യു​പി സ്കൂ​ൾ, എ​ൽ​പി സ്കൂ​ൾ, അ​ങ്ക​ണ​വാ​ടി തു​ട​ങ്ങി​യ സ്ഥാ​പ​ന​ങ്ങ​ളി​ലെ 1500ൽ​പ​രം വി​ദ്യാ​ർ​ഥി​ക​ൾ ക​ട​ന്നു​പോ​കു​ന്ന പാ​ത​യാ​ണി​ത്. പ​ഞ്ചാ​യ​ത്ത് ഓ​ഫീ​സ്, കൃ​ഷി ഓ​ഫീ​സ് എ​ന്നി​വി​ട​ങ്ങ​ളി​ലേ​ക്കും എ​ത്തു​ന്ന​വ​ർ ആ​ശ്ര​യി​ക്കു​ന്ന റോ​ഡും ഇ​താ​ണ്.
വൈ​ദ്യു​ത പോ​സ്റ്റ് മൂ​ലം സ്കൂ​ൾ​സ​മ​യ​ത്ത് ഗ​താ​ഗ​ത കു​രു​ക്ക് രൂ​ക്ഷ​മാ​ണ്. കാ​ൽ​ന​ട​യാ​യി പോ​കു​ന്ന കു​ട്ടി​ക​ൾ വാ​ഹ​ന​ങ്ങ​ൾ ക​ട​ന്നു​വ​രു​മ്പോ​ൾ വ​ശ​ങ്ങ​ളി​ലേ​ക്ക് മാ​റാ​നാ​കാ​തെ വി​ഷ​മി​ക്കു​ക​യാ​ണ്. നി​ര​വ‌​ധി കു​ടും​ബ​ങ്ങ​ൾ താ​മ​സി​ക്കു​ന്ന അ​പ്പാ​ർ​ട്ടു​മെ​ന്‍റും ഇ​തി​നു സ​മീ​പ​മു​ണ്ട്. ഇ​വി​ടെ​നി​ന്നു​ള്ള വാ​ഹ​ന​ങ്ങ​ൾ​കൂ​ടി എ​ത്തു​ന്ന​തോ​ടെ തി​ര​ക്ക് പ​തി​ന്മ​ട​ങ്ങ് വ​ർ​ധി​ക്കും. പ​ല ര​ക്ഷി​താ​ക്ക​ളും ഇ​വി​ടെ കാ​ത്തു​നി​ന്നാ​ണ് കു​ട്ടി​ക​ളെ ക​ട​ത്തി​വി​ടു​ന്ന​ത്.
സ്കൂ​ൾ സ​മ​യ​ങ്ങ​ളി​ൽ തി​ര​ക്കി​നി​ട​യി​ലൂ​ടെ ബൈ​ക്ക് റേ​സ് ന​ട​ത്തു​ന്ന​വ​രു​ടെ ശ​ല്യ​വും ഇ​തു​വ​ഴി​യു​ണ്ട്. ഇ​തി​നെ​തി​രേ നാ​ട്ടു​കാ​ർ ക​ഴി​ഞ്ഞ വ​ർ​ഷം പോ​ലീ​സി​ൽ പ​രാ​തി ന​ൽ​കി​യി​രു​ന്നു.
കാ​ല​വ​ർ​ഷം ക​ന​ക്കു​ന്ന ക​ർ​ക്കി​ട​ക​ത്തി​ൽ കു​ട്ടി​ക​ളെ എ​ങ്ങ​നെ സ്കൂ​ളി​ൽ അ​യ​യ്ക്കു​മെ​ന്ന ആ​ശ​ങ്ക​യി​ലാ​ണ് മാ​താ​പി​താ​ക്ക​ൾ. പ​ഞ്ചാ​യ​ത്തും കെ​എ​സ് ഇ​ബി അ​ധി​കൃ​ത​രും ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.