വി​ദ്യാ​ർ​ഥി​ക​ളെ വ​ര​വേ​ൽ​ക്കാ​ൻ അ​ടി​പൊ​ളി​യാ​ക്കി സ്കു​ളു​ക​ൾ
Monday, May 29, 2023 9:29 PM IST
തൊ​ടു​പു​ഴ: വി​ദ്യാ​ല​യ​ങ്ങ​ൾ തു​റ​ക്കാ​ൻ ര​ണ്ടു​നാ​ൾ മാ​ത്രം ശേ​ഷി​ക്കെ പു​തി​യ അ​ധ്യ​യ​ന വ​ർ​ഷാ​രം​ഭ​ത്തി​നു​ള്ള ഒ​രു​ക്ക​ങ്ങ​ൾ ജി​ല്ല​യി​ൽ അ​വ​സാ​ന ഘ​ട്ട​ത്തി​ലേ​ക്ക്. സ്കൂ​ൾ ശു​ചീ​ക​ര​ണം, സ്കൂ​ൾ വാ​ഹ​ന​ങ്ങ​ൾ സ​ജ്ജീ​ക​രി​ക്ക​ൽ, പ്ര​വേ​ശ​നോ​ത്സ​വ​വു​മാ​യി ബ​ന്ധ​പ്പെ​ട്ട ഒ​രു​ക്ക​ങ്ങ​ൾ എ​ന്നി​വ​യാ​ണ് ത​കൃ​തി​യാ​യി ന​ട​ക്കു​ന്ന​ത്. പു​തു​താ​യി സ്കൂ​ളു​ക​ളി​ലെ​ത്തു​ന്ന ന​വാ​ഗ​ത​രെ വ​ര​വേ​ൽ​ക്കാ​ൻ സ്കൂ​ളു​ക​ൾ ക​മ​നീ​യ​മാ​ക്കു​ന്ന​തി​നു​ള്ള ഒ​രു​ക്ക​ങ്ങ​ൾ പി​ടി​എ​യു​ടെ​യും സ്കൂ​ൾ അ​ധി​കൃ​ത​രു​ടെ​യും നേ​തൃ​ത്വ​ത്തി​ൽ ന​ട​ന്നു​വ​രി​ക​യാ​ണ്. അ​ധ്യാ​പ​ക​ർ​ക്കു​ള്ള ബോ​ധ​വ​ത്ക​ര​ണ ക്ലാ​സു​ക​ളും പ​രി​ശീ​ല​ന​ങ്ങ​ളും ഇ​തി​നോ​ട​കം പൂ​ർ​ത്തി​യാ​യി.

പ​ണി​ക്ക​ൻ കു​ടി ഗ​വ. എ​ച്ച്എ​സ്എ​സി​ലാ​ണ് ഇ​ത്ത​വ​ണ​ത്തെ ജി​ല്ലാ​ത​ല പ്ര​വേ​ശ​നോ​ത്സ​വം ന​ട​ക്കു​ന്ന​ത്. മ​ന്ത്രി റോ​ഷി അ​ഗ​സ്റ്റി​ൻ പ്ര​വേ​ശ​നോ​ത്സ​വം ഉ​ദ്ഘാ​ട​നം ചെ​യ്യും. പ്ര​വേ​ശ​നോ​ത്സ​വം വ​ർ​ണാ​ഭ​മാ​ക്കാ​നു​ള്ള ഒ​രു​ക്ക​ങ്ങ​ൾ പു​രോ​ഗ​മി​ക്കു​ക​യാ​ണെ​ന്ന് ജി​ല്ലാ വി​ദ്യാ​ഭ്യാ​സ ഉ​പ ഡ​യ​റ​ക്ട​ർ ആ​ർ. ബി​ന്ദു പ​റ​ഞ്ഞു. സ്കൂ​ളു​ക​ളു​ടെ സു​ര​ക്ഷ​യു​മാ​യി ബ​ന്ധ​പ്പെ​ട്ടു​ള്ള കാ​ര്യ​ങ്ങ​ൾ ഡി​ഇ​ഒ, എ​ഇ​ഒ​മാ​രു​ടെ നേ​തൃ​ത്വ​ത്തി​ലു​ള്ള സം​ഘം പ​രി​ശോ​ധി​ച്ചു​വ​രി​ക​യാ​ണ്. സ്കൂ​ൾ പ​രി​സ​ര​ത്തെ കാ​ടും പ​ട​ലും വെ​ട്ടി​മാ​റ്റി വൃ​ത്തി​യാ​ക്കി.

സ്കൂ​ൾ കെ​ട്ടി​ട​ങ്ങ​ളു​ടെ​യും ക്ലാ​സ്മു​റി​ക​ൾ, ശു​ചി​മു​റി തു​ട​ങ്ങി​യ​വ​യു​ടെ​യും അ​റ്റ​കു​റ്റ​പ്പ​ണി​ക​ൾ അ​വ​സാ​ന​ഘ​ട്ട​ത്തി​ലാ​ണ്. ക്ലാ​സ്മു​റി​ക​ളു​ടെ പെ​യി​ന്‍റിം​ഗ്, ഉ​പ​ക​ര​ണ​ങ്ങ​ളു​ടെ കേ​ടു​പാ​ടു​ക​ൾ തീ​ർ​ക്ക​ൽ എ​ന്നി​വ​യും ന​ട​ന്നു​വ​രു​ന്നു. സ്കൂ​ളു​ക​ൾ തു​റ​ക്കു​ന്ന​തി​നു മു​ന്നോ​ടി​യാ​യി ഇ​ന്നും നാ​ളെ​യും സ​ന്പൂ​ർ​ണ ശു​ചീ​ക​ര​ണം ന​ട​ക്കും. സ്കൂ​ളും പ​രി​സ​ര​വും, ക്ലാ​സ്മു​റി​ക​ൾ, ശു​ചി​മു​റി, കു​ട്ടി​ക​ൾ പെ​രു​മാ​റു​ന്ന മ​റ്റു സ്ഥ​ല​ങ്ങ​ൾ തു​ട​ങ്ങി​യ​വ വൃ​ത്തി​യാ​ക്കു​ക​യും മ​ഴ​ക്കാ​ല​പൂ​ർ​വ ശു​ചീ​ക​ര​ണ​പ്ര​വ​ർ​ത്ത​ന​ങ്ങ​ൾ ന​ട​ത്തു​ക​യും ചെ​യ്യും.

കു​ടി​വെ​ള്ള ടാ​ങ്ക്, കി​ണ​റു​ക​ൾ, മ​റ്റു ജ​ല​സ്രോ​ത​സു​ക​ൾ എ​ന്നി​വ ശു​ചീ​ക​രി​ക്കു​ക​യും അ​ണു​വി​മു​ക്ത​മാ​ക്കു​ക​യും ചെ​യ്യും. കു​ടി​വെ​ള്ള സാ​ന്പി​ൾ ല​ബോ​റ​ട്ട​റി പ​രി​ശോ​ധ​ന​യ്ക്ക് വി​ധേ​യ​മാ​ക്ക​ണ​മെ​ന്നും നി​ർ​ദേ​ശി​ച്ചി​ട്ടു​ണ്ട്. പ​ല സ്കൂ​ളു​ക​ളി​ലും ജ​ല​ലാ​ബു​ക​ളും പ്ര​വ​ർ​ത്തി​ക്കു​ന്നു​ണ്ട്. ത​ദ്ദേ​ശ സ്ഥാ​പ​ന​ങ്ങ​ളു​ടെ​കൂ​ടി പി​ന്തു​ണ​യോ​ടെ​യാ​ണ് പ്ര​വ​ർ​ത്ത​ന​ങ്ങ​ൾ ന​ട​ന്നു​വ​രു​ന്ന​ത്.

വി​ദ്യാ​ഭ്യാ​സ ജി​ല്ല, ഉ​പ​ജി​ല്ലാ ത​ല​ങ്ങ​ളി​ൽ യോ​ഗ​ങ്ങ​ൾ ചേ​ർ​ന്ന് പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തി​യാ​ണ് ന​ട​പ​ടി​ക​ൾ മു​ന്നോ​ട്ടു പോ​കു​ന്ന​ത്.

Copyright @ 2022 , Rashtra Deepika Ltd.