ബേ​ഡു​മെ​ട്ടി​ലെ മാ​ലി​ന്യപ്ലാ​ന്‍റിലെ മാ​ലി​ന്യനി​ര്‍​മാ​ര്‍​ജ​ന​ത്തി​ൽ ക്ര​മ​ക്കേ​ടെ​ന്ന്
Wednesday, May 31, 2023 3:42 AM IST
നെ​ടു​ങ്ക​ണ്ടം: ഗ്രാ​മീ​ണ റോ​ഡു​ക​ള്‍ ഗ​താ​ഗ​ത​യോ​ഗ്യ​മാ​ക്കാ​ന്‍ പോ​ലും ത​യാ​റാ​കാ​ത്ത നെ​ടു​ങ്ക​ണ്ടം ഗ്രാ​മ​പ​ഞ്ചാ​യ​ത്തി​ലെ എ​ല്‍​ഡിഎ​ഫ് ഭ​ര​ണ​സ​മി​തി മാ​ലി​ന്യ​ത്തി​ലും കൈ​യിട്ടു​വാ​രി കോ​ടി​ക​ള്‍ മു​ക്കു​ന്ന​താ​യി കോ​ണ്‍​ഗ്ര​സ് നെ​ടു​ങ്ക​ണ്ടം മ​ണ്ഡ​ലം ക​മ്മ​ിറ്റി ആ​രോ​പി​ച്ചു.

യുഡിഎ​ഫ് ഭ​ര​ണ​കാ​ല​ത്ത് മി​ക​ച്ച രീ​തി​യി​ല്‍ പ്ര​വ​ര്‍​ത്തി​ക്കു​ക​യും പ​ഞ്ചാ​യ​ത്തി​ന് വ​രു​മാ​നം ഉ​ണ്ടാ​ക്കി ന​ല്‍​കു​ക​യും ചെ​യ്തി​രു​ന്ന ബേ​ഡു​മെ​ട്ടി​ലെ മാ​ലി​ന്യ പ്ലാ​ന്‍റി​ലെ പ്ര​വ​ര്‍​ത്ത​ന​ങ്ങ​ള്‍ അ​വ​താ​ള​ത്തി​ലാ​ക്കി. ഇ​വി​ട​ത്തെ മാ​ലി​ന്യ​ങ്ങ​ള്‍ ഗ്രീ​ന്‍ കേ​ര​ള ക​മ്പ​നി​ക്ക് ഒ​രു കോ​ടി 40 ല​ക്ഷം രൂ​പ അ​ങ്ങോ​ട്ട് ന​ല്‍​കി നി​ര്‍​മാ​ര്‍​ജ​നം ചെ​യ്ത​തി​ല്‍ വ​ന്‍ ക്ര​മ​ക്കേ​ടാ​ണ് ന​ട​ന്നി​രി​ക്കു​ന്ന​ത്. ഈ ​ഇ​ട​പാ​ട് സം​ബ​ന്ധി​ച്ച് വി​ജി​ല​ന്‍​സ് അ​ന്വേ​ഷി​ക്ക​ണ​മെ​ന്ന് നേ​താ​ക്ക​ള്‍ ആ​വ​ശ്യ​പ്പെ​ട്ടു.

മു​ന്‍ യു​ഡിഎ​ഫ് ഭ​ര​ണ​കാ​ല​ത്ത് ആ​റ് ജീ​വ​ന​ക്കാ​രെ വ​ച്ച് മി​ക​ച്ച രീ​തി​യി​ല്‍ മാ​ലി​ന്യ നി​ര്‍​മാ​ര്‍​ജ​നം ന​ട​ത്തു​ക​യും ഇ​തു​വ​ഴി മി​ക​ച്ച പ്ലാ​ന്‍റിനു​ള്ള അ​വാ​ര്‍​ഡ് ല​ഭി​ക്കു​ക​യും ചെ​യ്തി​രു​ന്നു. എ​ന്നാ​ല്‍, ഇ​പ്പോ​ള്‍ ഒ​മ്പ​ത് ജീ​വ​ന​ക്കാ​രു​ണ്ടെ​ങ്കി​ലും ദു​ര്‍​ഗ​ന്ധംമൂ​ലം പ്ലാ​ന്‍റിന്‍റെ പ​രി​സ​ര​ത്തു​പോ​ലും എ​ത്താ​ന്‍ പ​റ്റാ​ത്ത സ്ഥി​തി​യാ​ണ്. സിപിഎം വ​നി​താ നേ​താ​വാ​ണ് പ്ലാ​ന്‍റിലെ കാ​ര്യ​ങ്ങ​ള്‍ തീ​രു​മാ​നി​ക്കു​ന്ന​തെ​ന്നും നേ​താ​ക്ക​ള്‍ ആ​രോ​പി​ച്ചു.

ഗ്രീ​ന്‍ കേ​ര​ള ക​മ്പ​നി​ക്ക് ന​ല്‍​കി​യ​തുള്‍​പ്പ​ടെ ഏ​ക​ദേ​ശം ര​ണ്ടു​കോ​ടി രൂ​പ​യാ​ണ് പ​ഞ്ചാ​യ​ത്തി​ന് ന​ഷ്ട​മാ​യി​രി​ക്കു​ന്ന​ത്. നെ​ടു​ങ്ക​ണ്ടം ടൗ​ണി​ലെ ക​രു​ണാ ആ​ശു​പ​ത്രി റോ​ഡ്, മൈ​ന​ര്‍​സി​റ്റി റോ​ഡ് തു​ട​ങ്ങി​യ റോ​ഡു​ക​ളെ​ല്ലാം​ ത​ക​ര്‍​ന്ന നി​ല​യി​ലാ​ണ്. ഇ​ത് ന​ന്നാ​ക്കാ​ന്‍പോ​ലും ത​യാ​റാ​കാ​ത്ത ഭ​ര​ണ​സ​മി​തി അ​ഴി​മ​തി ന​ട​ത്തി പ​ണ​മു​ണ്ടാ​ക്കാ​നു​ള്ള തി​ര​ക്കി​ലാ​ണെ​ന്നും കോ​ണ്‍​ഗ്ര​സ് നേ​താ​ക്ക​ള്‍ പ​റ​ഞ്ഞു.

മാ​ലി​ന്യ പ്ലാ​ന്‍റിലെ അ​ഴി​മ​തി സം​ബ​ന്ധി​ച്ച് വി​ജി​ല​ന്‍​സ് അ​ന്വേ​ഷ​ണം ആ​വ​ശ്യ​പ്പെ​ട്ട് പ​ഞ്ചാ​യ​ത്ത് ഓ​ഫീ​സി​ലേ​ക്ക് ബ​ഹു​ജ​നമാ​ര്‍​ച്ച് ന​ട​ത്തു​മെ​ന്നും പ​ത്ര​സ​മ്മേ​ള​ന​ത്തി​ല്‍ പ​ങ്കെ​ടു​ത്ത കെ.​എ​ന്‍ ത​ങ്ക​പ്പ​ന്‍, ശ്യാ​മ​ളാ വി​ശ്വ​നാ​ഥ​ന്‍, കെ.​ആ​ര്‍ രാ​മ​ച​ന്ദ്ര​ന്‍, അ​നി​ല്‍ ക​ട്ടൂ​പ്പാ​റ, റെ​ജി ആ​ശാ​രി​ക​ണ്ടം, വി. ​ജോ​സ​ഫ്, കെ.​കെ സ​ലിം, ജൂ​ബി ആ​ന​ക്ക​ല്ല് എ​ന്നി​വ​ര്‍ അ​റി​യി​ച്ചു.

Copyright @ 2022 , Rashtra Deepika Ltd.