ത്രി​വേ​ണിസം​ഗ​മ​ത്തി​ലെ കു​ത്തൊ​ഴു​ക്കി​ൽ മു​ങ്ങി​ത്താണ മൂ​ന്നു വി​ദ്യാ​ർ​ഥി​ക​ളെ ര​ക്ഷി​ച്ച​ത് സാ​ഹ​സി​ക​മാ​യി
Wednesday, May 31, 2023 3:48 AM IST
മൂ​ല​മ​റ്റം: ര​ണ്ടുപേ​രു​ടെ ജീ​വ​ൻ പൊ​ലി​ഞ്ഞ ത്രി​വേ​ണി സം​ഗ​മ​ത്തി​നു സ​മീ​പം ആ​ദ്യം കു​ളി​ക്കാ​നി​റ​ങ്ങി​യ മൂ​ന്നു വി​ദ്യാ​ർ​ഥി​ക​ളെ അ​തിസാ​ഹ​സി​ക​മാ​യി ര​ക്ഷ​പ്പെ​ടു​ത്തി​യ​ത് എ​കെ​ജി കോ​ള​നി​യി​ലെ പൂ​വ​ത്തി​നാ​ൽ ഷാ​ജി ജോ​സ​ഫും പവ്വത്ത് അ​നൂ​പ് ആ​ന്‍റ​ണി​യും ചേ​ർ​ന്ന്. എ​കെ​ജി കോ​ള​നി​യി​ൽ സ​ന്തോ​ഷ് ഭ​വ​നി​ൽ അ​ഭി​ഷേ​ക് (ഒ​ൻ​പ​ത്), സ​ജി ഭ​വ​നി​ൽ സ​ച്ചി​ൻ (11), സ​ഞ്ചു (15) എ​ന്നി​വ​രെ​യാ​ണ് ഇ​വ​ർ ഇ​രു​വ​രും ചേ​ർ​ന്ന് ആ​ഴ​ക്ക​യ​ത്തി​ൽനി​ന്നു ര​ക്ഷ​പ്പെ​ടു​ത്തി​യ​ത്. മ​രി​ച്ച സ​ന്തോ​ഷി​ന്‍റെ മ​ക​നാ​ണ് അ​ഭി​ഷേ​ക്.

അ​പ​ക​ട​ത്തി​ൽ മ​രി​ച്ച എ​റ​ണാ​കു​ളം ഐ​ടി മാ​ർ​ക്ക​റ്റിം​ഗ് ജീ​വ​ന​ക്കാ​ര​നാ​യ കെ.​എ​സ്.​ബി​ജു​വി​ന്‍റെ മ​ക്ക​ളാ​ണ് സ​ച്ചി​നും സ​ഞ്ചു​വും. പ​വ​ർഹൗ​സി​ൽനി​ന്നു വൈ​ദ്യു​തി ഉ​ത്പാ​ദ​ന​ത്തി​നു ശേ​ഷം പു​റ​ന്ത​ള്ളു​ന്ന ക​നാ​ലി​ലെ വെ​ള്ള​വും വ​ലി​യാ​റും നാ​ച്ചാ​റുംകൂ​ടി ചേ​രു​ന്ന ത്രി​വേ​ണി സം​ഗ​മ​ത്തി​നു സ​മീ​പ​മാ​ണ് കു​ട്ടി​ക​ൾ ഇ​ന്ന​ലെ രാ​വി​ലെ 11.30ഓ​ടെ കു​ളി​ക്കാ​നി​റ​ങ്ങി​യത്. ഇ​വ​ർ പു​ഴ​യി​ലെ ഒ​ഴു​ക്കി​ൽ​പ്പെ​ട്ട് മു​ങ്ങി​ത്താ​ഴു​ക​യാ​യി​രു​ന്നു. ഇ​തു ക​ണ്ട് മ​ക്ക​ളെ ര​ക്ഷി​ക്കാ​ൻ സ​ന്തോ​ഷും ബി​ജു​വും പു​ഴ​യി​ലേ​ക്ക് എ​ടു​ത്തുചാ​ടി. കു​ട്ടി​ക​ളു​ടെ നി​ല​വി​ളി കേ​ട്ട് സം​ഭ​വ സ്ഥ​ല​ത്തേ​ക്ക് ഓ​ടി​യെ​ത്തി​യ ഷാ​ജി​യും അ​നൂ​പും ചേ​ർ​ന്ന് ഇ​വ​രെ ക​ര​യ്ക്കു ക​യ​റ്റി.

അ​പ​ക​ട​ക്കെ​ണി​യാ​യി ചു​ഴി

മ​ക്ക​ളെ ര​ക്ഷി​ക്കാ​നു​ള്ള ശ്ര​മ​ത്തി​ൽ പു​ഴ​യി​ലേ​ക്കു ചാ​ടി​യ സ​ന്തോ​ഷും ബി​ജു​വും ചു​ഴി​യി​ൽ​പ്പെ​ടു​ക​യാ​യി​രു​ന്നു. ര​ക്ഷ​പ്പെ​ട്ട കു​ട്ടി​ക​ളാ​ണ് സ​ന്തോ​ഷും ബി​ജു​വും പു​ഴ​യി​ൽ അ​ക​പ്പെ​ട്ട കാ​ര്യം പ​റ​യു​ന്ന​ത്. ഇ​തോ​ടെ മു​ങ്ങി​ത്താ​ഴ്ന്ന ഇ​രു​വ​രെ​യും ഷാ​ജി​യും അ​നൂ​പും വെ​ള്ള​ത്തി​ൽനി​ന്ന് പൊ​ക്കി​യെ​ടു​ത്തു. അ​യ​ൽ​വാ​സി​യാ​യ റി​ട്ട.​ എ​സ്ഐ ജോ​യി പു​തു​പ്പ​റ​ന്പി​ലും ജോ​സ് ഇ​ട​ക്ക​ര​യും ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കാ​ളി​ക​ളാ​യി.

ഇ​വ​ർ ക​യ​റി​ട്ടു കൊ​ടു​ത്താ​ണ് സ​ന്തോ​ഷി​നെ​യും ബി​ജു​വി​നെ​യും ക​ര​യി​ലേ​ക്കു വ​ലി​ച്ചുക​യ​റ്റി​യ​ത്. ക​ര​യി​ലെ​ത്തി​യ ഉ​ട​ൻ സി​പി​ആ​ർ ന​ൽ​കി​യ ശേ​ഷം മൂ​ല​മ​റ്റ​ത്തെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ഇ​രു​വ​രു​ടെ​യും ജീ​വ​ൻ ര​ക്ഷി​ക്കാ​നാ​യി​ല്ല.

മു​ന്ന​റി​യി​പ്പു ബോ​ർ​ഡി​ല്ല

കു​ടും​ബ​ത്തി​ന്‍റെ ആ​ശ്ര​യ​മാ​യി​രു​ന്ന ര​ണ്ടു ഗൃ​ഹ​നാ​ഥ​ന്മാ​രു​ടെ ജീ​വ​ൻ പൊ​ലി​യു​ക​യും മൂ​ന്നു വി​ദ്യാ​ർ​ഥി​ക​ൾ അ​പ​ക​ട​ത്തി​ൽ​പ്പെ​ടു​ക​യും ചെ​യ്ത ത്രി​വേ​ണി സം​ഗ​മ​ത്തി​ൽ പ്ര​തി​ദി​നം ജി​ല്ല​യി​ൽനി​ന്നും പു​റ​ത്തുനി​ന്നു​മാ​യി നി​ര​വ​ധിപ്പേ​രാ​ണ് ദൃ​ശ്യ​ഭം​ഗി ആ​സ്വ​ദി​ക്കാ​ൻ എ​ത്തു​ന്ന​ത്. പ്ര​ദേ​ശ​വാ​സി​ക​ളാ​യ ഒ​ട്ടേ​റെ പ്പേർ കു​ളി​ക്കാ​നും തു​ണി ക​ഴു​കാ​നു​മെ​ല്ലാം ആ​ശ്ര​യി​ക്കു​ന്ന​ത് ത്രി​വേ​ണി സം​ഗ​മ​ത്തി​ന് അ​ന്പ​തു മീ​റ്റ​ർ താ​ഴെ​യു​ള്ള കു​ളി​ക്ക​ട​വി​ലാ​ണ്.

ത്രി​വേ​ണി സം​ഗ​മ​ത്തി​നു സ​മീ​പം വ​ലി​യ ചു​ഴി​യാ​ണു​ള്ള​ത്. അ​ഞ്ചു ജ​ന​റേ​റ്റ​റു​ക​ളാ​ണ് സ​മീ​പ ദി​വ​സ​ങ്ങ​ളി​ൽ പ​ക​ൽ സ​മ​യ​ത്ത് പ്ര​വ​ർ​ത്തി​ച്ചി​രു​ന്ന​ത്. വൈ​കു​ന്നേ​രം പീ​ക്ക് ലോ​ഡ് സ​മ​യ​ത്ത് കൂ​ടു​ത​ൽ ജ​ന​റേ​റ്റ​റു​ക​ൾ പ്ര​വ​ർ​ത്തി​പ്പി​ക്കു​ക​യാ​ണ് പ​തി​വ്. നാ​ലോ അ​ഞ്ചോ ജ​ന​റേ​റ്റ​റു​ക​ൾ പ്ര​വ​ർ​ത്തി​ക്കു​ന്പോ​ൾ പു​ഴ​യി​ൽ കു​ത്തൊ​ഴു​ക്കാ​ണ് അ​നു​ഭ​വ​പ്പെ​ടു​ന്ന​ത്. ഈ ​സ​മ​യം ത്രി​വേ​ണി സം​ഗ​മ​ത്തി​ന്‍റെ മു​ക​ൾ ഭാ​ഗ​ത്ത് കു​ളി​ക്കാ​നി​റ​ങ്ങു​ന്ന​ത് ഏ​റെ അ​പ​ക​ട​ക​ര​മാ​ണ്. ഇ​വി​ടെ മു​ന്ന​റി​യി​പ്പു ബോ​ർ​ഡ് സ്ഥാ​പി​ക്കാ​ത്ത​താ​ണ് ആ​ളു​ക​ൾ ഇ​വി​ടെ കു​ളി​ക്കാ​നി​റ​ങ്ങു​ന്ന​തി​ന് കാ​ര​ണം. എ​ന്നാ​ൽ സ്ഥ​ല​പ​രി​ച​യ​മു​ള്ള​വ​ർ സം​ഗ​മ​ത്തി​നു താ​ഴെ പ്ര​ത്യേ​കം തീ​ർ​ത്തി​ട്ടു​ള്ള കു​ളി​ക്ക​ട​വു​ക​ളി​ലാ​ണ് കു​ളി​ക്കു​ന്ന​ത്.

Copyright @ 2022 , Rashtra Deepika Ltd.