സൗമ്യയുടെ കണ്ണുകൾ ഇനിയും ജീവിക്കും
1300099
Sunday, June 4, 2023 11:04 PM IST
തൊടുപുഴ: അകാലത്തിൽ മരിച്ച സൗമ്യയുടെ കണ്ണുകൾ ഇനിയും ജീവിക്കും. കഴിഞ്ഞ ദിവസം നിര്യാതയായ പൈങ്കുളം നാറാണത്ത് ജോബിയുടെ ഭാര്യ സൗമ്യ(40)യുടെ കണ്ണുകൾ ദാനം ചെയ്തു. സൗമ്യ നേരത്തേതന്നെ ജോബിയുടെ അടുത്ത് തന്റെ കണ്ണുകൾ ദാനംചെയ്യണമെന്ന ആഗ്രഹം അറിയിച്ചിരുന്നു.
സൗമ്യയുടെ മരണം അപ്രതീക്ഷിതമായിരുന്നെങ്കിലും ഭാര്യയുടെ ആഗ്രഹം ജോബി സാധിക്കുകയായിരുന്നു. തൊടുപുഴ സ്നേഹദീപം ചാരിറ്റബിൾ ട്രസ്റ്റ് ഡയറക്ടർ മാത്യു കണ്ടിരിക്കലിനെ വിവരം അറിയിക്കുകയും തുടർന്ന് കാരിത്താസ് ആശുപത്രിയിലെ നേത്രബാങ്കിൽ നിന്നുള്ളവർ നടപടികൾ പൂർത്തിയാക്കുകയുമായിരുന്നു. സൗമ്യയുടെ സംസ്കാരം നാളെ രാവിലെ 10ന് മൈലക്കൊന്പ് സെന്റ് തോമസ് പള്ളിയിൽ നടക്കും.