കു​മ​ളി​യു​ടെ ശ​ബ്ദം നി​ല​ച്ചു
Tuesday, June 6, 2023 11:38 PM IST
കു​മ​ളി: രാ​ഷ്‌ട്രീയ, സാ​മൂ​ഹ്യ മ​ണ്ഡ​ല​ങ്ങ​ളി​ൽ കു​മ​ളി​യു​ടെ നി​റ​സാ​ന്ന്യ​ധ്യ​മാ​യി​രു​ന്ന, കോ​ണ്‍​ഗ്ര​സ് നേ​താ​ക്ക​ൾ​ക്കി​ട​യി​ൽ കു​മ​ളി ജോ​സ​ഫ് എ​ന്ന​റി​യ​പ്പെ​ട്ടി​രു​ന്ന പി.​എ. ജോ​സ​ഫ് (74) ഓ​ർ​മ​യാ​യി. കെഎ​സ്‌യുവി​ലൂ​ടെ രാ​ഷ്‌ട്രീയ രം​ഗ​ത്ത് എ​ത്തി​യ ജോ​സ​ഫ് ഇ​ടു​ക്കി ജി​ല്ല​യി​ൽ കോ​ണ്‍​ഗ്ര​സി​ന്‍റെ അ​നി​ഷേ​ധ്യ നേ​താ​വാ​യി വ​ള​ർ​ന്ന് ലീ​ഡ​ർ കെ. ​ക​രു​ണാ​ക​ര​ന്‍റെ ജി​ല്ല​യി​ലെ പ്ര​ധാ​ന അ​നു​യാ​യി​ക​ളി​ൽ ഒ​രാ​ളാ​യി​രു​ന്നു.
തൊ​ഴി​ലാ​ളി യൂ​ണി​യ​ൻ രം​ഗ​ത്ത് സ​ജീ​വ​മാ​യി​രു​ന്ന അ​ദ്ദേ​ഹം രാ​ഷ്‌ട്രീ​യ - സാ​മൂ​ഹ്യ രം​ഗ​ങ്ങ​ളി​ലും കു​മ​ളി​യു​ടെ നാ​മ​മാ​യി​രു​ന്നു. ഒ​റ്റ​പ്പാ​ലം എ​ൻ​എ​സ്എ​സ് കോ​ളി​ൽ പോ​സ്റ്റ്ഗ്രാ​ജു​വേ​ഷ​ൻ വി​ദ്യാ​ർ​ഥി​യാ​യി​രി​ക്കെ കോ​ള​ജ് യൂ​ണി​യ​ൻ ചെ​യ​ർ​മാ​നാ​യി കോ​ള​ജി​ൽ ആ​ദ്യ​മാ​യി കെഎസ്‌യു​വി​ന്‍റെ സാ​ന്ന​ിധ്യം അ​റി​യി​ച്ചാ​ണ് രാ​ഷ്്‌ട്രീയ​ത്തി​ലെ തു​ട​ക്കം.
വി​ദ്യാ​ഭ്യാ​സ​ത്തി​നു ശേ​ഷം കു​മ​ളി​യി​ൽ മ​ട​ങ്ങി​യെ​ത്തി​യ കു​മ​ളി ജോ​സ​ഫ് ഐ​എ​ൻ​ടി​യു​സി​യി​ൽ സ​ജീ​വ​മാ​യി. കോ​ണ്‍​ഗ്ര​സ് രാ​ഷ്‌ട്രീയ​ത്തി​ൽ ജി​ല്ല​യി​ലെ ആ​ദ്യ പേ​രു​കാ​രി​ൽ ഒ​രാ​ളാ​യി വ​ള​ർ​ന്ന ഇ​ദ്ദേ​ഹം കു​മ​ളി​യി​ലാ​രം​ഭി​ച്ച പ്രിയ കോ​ള​ജ് ഹൈ​റേ​ഞ്ചി​ന്‍റെ പ്ര​ധാ​ന സ​മാ​ന്ത​ര വി​ദ്യാ​ഭ്യാസ സ്ഥാ​പ​ന​മാ​യി​രു​ന്നു.

കു​മ​ളി​യു​ടെ ഉ​ത്സ​വ​മാ​യി​രു​ന്ന വ​ന്യജീ​വി വാ​രാ​ഘോ​ഷ​ത്തി​ന്‍റെ​ അ​മ​ര​ക്കാ​ര​നാ​യി​രു​ന്നു. ഡി​സി​സി പ്ര​സി​ഡ​ന്‍റ് , പീ​രു​മേ​ട് അ​സം​ബ്ലി മ​ണ്ഡ​ലം നി​യ​മ​സ​ഭാ സ്ഥാ​നാ​ർ​ഥി​ത്വം തു​ട​ങ്ങി​യ​വ പ​ല​ത​വ​ണ വ​ഴു​തി​പ്പോ​യ രാ​ഷ്‌ട്രീയ നേ​താ​വു​മാ​ണ്. എ​ന്നും ത​ന്‍റെ നി​ല​പാ​ടു​ക​ൾ ശ​രി​യാ​ണെ​ന്ന് ശ​ഠി​ച്ചി​രു​ന്ന ഇ​ദ്ദേ​ഹം വി​ട്ടു​വീ​ഴ്ച​യി​ല്ലാ​ത്ത നേ​താ​വുമാ​യി​രു​ന്നു.
കെ. ​ക​രു​ണാ​ക​ര​ന്‍റെ ഉ​ത്ത​മ അ​നു​യാ​യി ആയി വ​ള​ർ​ന്ന് ലീ​ഡ​റു​മാ​യി വ​ള​രെ അ​ടു​പ്പം സൂ​ക്ഷി​ച്ചി​രു​ന്ന ഇ​ദ്ദേ​ഹ​ത്തി​ന് തെ​ക്കേ ഇ​ന്ത്യ​യി​ൽ വ​ലി​യ സു​ഹൃ​ദ്ബ​ന്ധ​ങ്ങ​ളും തൊ​ഴി​ലാ​ളി സം​ഘ​ട​നാ രം​ഗ​ത്ത് വ​ലി​യ സ്വാ​ധീ​ന​വു​മു​ണ്ടാ​യി​രു​ന്നു.